اين انتم طلاب بيام 2018

[koukou sweet]

سلام للجميع نتمنى تكونو كامل ملاح المهم اليوم فتحت هذا الموضوع باش حنا ممتحني شهاذة بيام 2018 نكونو في القمة و نتحصلو على معدلات جيدة حنا رح نبداو خطوة بخطوة مانستعجلوش الامر الكثير نصحوني نستمتع بالعطلة و نقلهم شكرا على هذه النصيحة بصح وش ندير انا بصلتي محروقة راني حابة نكون فخر لعائلتنا لي متمنيتني نجيب اعلى المعدلات و لارضاء الطرفين انتظرت منتصف العطلة للبدء بالدراسة هاكا رح نكون انا استمتعت بنصف العطلة و استغليت نصفها الاخر هههه علابالي بلي انا مريضة ههه نرجعوا لموضوعنا انا في هذا الموضوع راح نحط جل وقتي و نقلكم الجدول لي رح نتبعو و المراجع الي راح نخدم بيها و رح نجاوب على اسئلتكم و نتوما تان راح تعاونوني لاني اول مرة رح نخوض هذا التحدي ايه اصحاب بيام 2017 نتمنا تعونونا علابالي مش رح تبخلو علينا وان شاء الله كل معلومة تحطوها تكون في ميزان حسناتكم
ملاحظة اللي يعرف يفتحلنا twiddla يدير فينا خير حتا يكون مكان اجتماعنا و ان شاء الله رح نحدو وقت نكونو كامل معا بعض
والسلام عليكم و رحمة الله

[المتـــواضــعة]

السلام عليكم ورحمة الله وبركته اختي
لم يتبقى سوى شهر واحد على الدخول المدرسي يعني تقدري تبداي تديري مراجعة في ال رياضيات لدرةس العام الماضي مثال نظرية طالس و فيثاغورس و ترجعي لدروس الثانية متوسط في خواص متوازي الاضلاع والرباعيات وغيرها
وتشوفي المقرر في جميع المواد
متضغطيش على روحك كان بديتي تضغطي تفشلي في نصف العام
انا بديت نحظر في اول يوم من الدخول المدرسي والوقت كاافي بما فيه الكفاية
وننصحك توجدي المراجع من الان او نهايات شهر اوت باش كي تبداي تلقاي كلش واجد ان شاء الله

[*آية*]

سلام جميل

اضافة الى نصائح المتواضعة
انصحك بتعلم الفرنسية او على الاقل اخذ افكار عما ستدرسونه l'environemment , الافات الاجتماعية ,,,, الخ

موفقة

[المتـــواضــعة]

المراجع التي استعنت بها
الرياضيات
الكتاب المدرسي _ كتاب الميسر _ كتاب المتميز -فيه مواضيع من المقاطعات الفرنسية - حليت جميع مواضيع الي فيه
_كتاب المراجعة النهائية في الرياضيات _ وكتاب 200 تمرين في الرياضيات

الفيزياء استعنت بالكتاب المدرسي _ شريت كتاب فيه جميع حلول تمارين الكتاب المدرسي باش كي نحل نطلع على الحل _ و نحل مواضيع مختلفة

العلوم
استعنت بالكتاب المدرسي _ وكتاب المراجعة النهائية للعلوم _ وحليت مواضيع مختلفة

العربية
شريت كتاب فيه شرح للدروس وتمارين واختبارات _ ومواضيع مختلفة
الفرنسية
استعنت بالملخصات وحفظت الوضعيات وحل مواضيع مختلفة
الانجليزية
استعنت بكتاب المراحعة النهائية للانجليزية و شريت كتاب فيه اختبارات لكل الفصول وحليت ماضيع مختلفة
الاسلامية
الكتاب المدرسي
التاريخ والجغرافيا والمدنية
استعنت بالكراس مي مننصحكش بهذا في البيام جاونا حوايج من الكتاب يعني ننصحك تراجعي من الكراس والكتاب
وحفظت اسماء الشخصيات والتواريخ لفيتهم في الموقع الاول للدراسة في الجزائر

[kader001]

شكرا ........................

[koukou sweet]

المراجع التي استعنت بها
الرياضيات
الكتاب المدرسي _ كتاب الميسر _ كتاب المتميز -فيه مواضيع من المقاطعات الفرنسية - حليت جميع مواضيع الي فيه
_كتاب المراجعة النهائية في الرياضيات _ وكتاب 200 تمرين في الرياضيات

الفيزياء استعنت بالكتاب المدرسي _ شريت كتاب فيه جميع حلول تمارين الكتاب المدرسي باش كي نحل نطلع على الحل _ و نحل مواضيع مختلفة

العلوم
استعنت بالكتاب المدرسي _ وكتاب المراجعة النهائية للعلوم _ وحليت مواضيع مختلفة

العربية
شريت كتاب فيه شرح للدروس وتمارين واختبارات _ ومواضيع مختلفة
الفرنسية
استعنت بالملخصات وحفظت الوضعيات وحل مواضيع مختلفة
الانجليزية
استعنت بكتاب المراحعة النهائية للانجليزية و شريت كتاب فيه اختبارات لكل الفصول وحليت ماضيع مختلفة
الاسلامية
الكتاب المدرسي
التاريخ والجغرافيا والمدنية
استعنت بالكراس مي مننصحكش بهذا في البيام جاونا حوايج من الكتاب يعني ننصحك تراجعي من الكراس والكتاب
وحفظت اسماء الشخصيات والتواريخ لفيتهم في الموقع الاول للدراسة في الجزائر



اعطيني اسماوات الكتب ولا اسم الكاتب تاعهم بليز

[koukou sweet]

ايه يا اصدقاء كيما قلتلكم رح نحط الجدول تاعي انا جدولي كان على النحو التالي
يوم الاحد : اكيد مش رح نوض بكري باش ما نعياش و نكره من البداية الوغ نبدا على 2 بالفرنسية انا في الفرنسية وش راح ندير اكيد مش رح نقرا الدروس اذا رح نحاول نقوي مكتسباتي و هذا انو نشد الكتاب تع الفرنسية نشوف الموضوع اللي دور حولو الوضعية و نحاول نبحث عليه مثلا L'environnement نقرا عليه وضعيات و نشرحها ونحاول نحفظها
يوم الاثنين :كالعادة على 2 و هذه المرة نفس الشي بالنسبة للانجليزية انا كل نهار احد و اثنين رح نحطلكم وضعيات تع الانجليزية و الفرنسية و المصطلحات الهامة فيها
يوم الثلثاء ; رح يكون مراجعة ليوم الاحد والاثنين باش ما ننساوش
يوم الاربعاء ; رياضيات لحد الان راني مقرة انو نراجع دروس العام لي فات و نبازي عليهم
يوم الخميس ; رح يكون يوم للفيزياء علما انا ابي استاذ فيزياء يعني كل خميس رح يكون درس مع تمرينات اذا حبيتو نشارككم بالدروس لي يعطيهالي اكتبو تعليق
يوم الجمعة :هو يوم عبادة انا بالنسبة ليا رح نغتنموا في قراءة القران
يوم السبت ; راحة
الجدول جبكم ؟؟ و اذا عندكم اي انتقاد او اي اضافة فكلي اذان صاغية

[المتـــواضــعة]

الكتب راني ذكرت اسمائهم وكاين كتب ذكرتم تلقايهم في الموقع الاول للدراسة في الجزائر

[meryouma1]

ايه يا اصدقاء كيما قلتلكم رح نحط الجدول تاعي انا جدولي كان على النحو التالي
يوم الاحد : اكيد مش رح نوض بكري باش ما نعياش و نكره من البداية الوغ نبدا على 2 بالفرنسية انا في الفرنسية وش راح ندير اكيد مش رح نقرا الدروس اذا رح نحاول نقوي مكتسباتي و هذا انو نشد الكتاب تع الفرنسية نشوف الموضوع اللي دور حولو الوضعية و نحاول نبحث عليه مثلا L'environnement نقرا عليه وضعيات و نشرحها ونحاول نحفظها
يوم الاثنين :كالعادة على 2 و هذه المرة نفس الشي بالنسبة للانجليزية انا كل نهار احد و اثنين رح نحطلكم وضعيات تع الانجليزية و الفرنسية و المصطلحات الهامة فيها
يوم الثلثاء ; رح يكون مراجعة ليوم الاحد والاثنين باش ما ننساوش
يوم الاربعاء ; رياضيات لحد الان راني مقرة انو نراجع دروس العام لي فات و نبازي عليهم
يوم الخميس ; رح يكون يوم للفيزياء علما انا ابي استاذ فيزياء يعني كل خميس رح يكون درس مع تمرينات اذا حبيتو نشارككم بالدروس لي يعطيهالي اكتبو تعليق
يوم الجمعة :هو يوم عبادة انا بالنسبة ليا رح نغتنموا في قراءة القران
يوم السبت ; راحة
الجدول جبكم ؟؟ و اذا عندكم اي انتقاد او اي اضافة فكلي اذان صاغية

واش درتي اليوم انا قمت بالبحث عن تعبيرات الفرنسية واطلعت على الدروس الاولى:mh31:

[اكرام براءة]

السلام عليكم و رحمة الله

بالنسبة للسبورة لقد فتحت واحدة لكم

هنـــــــــا (https://www.twiddla.com/p4e4b1)

وفقكم الله

[koukou sweet]

السلام عليكم و رحمة الله

بالنسبة للسبورة لقد فتحت واحدة لكم

هنـــــــــا (https://www.twiddla.com/p4e4b1)

وفقكم الله

شكرا حنونتي شكرا بصح مكاش كامل تفاعل هنا معامن نقرا انا

[اكرام براءة]

بالاك درك يبداو يجو ههه
ممكن مازال ماشافوش الموضوع

[koukou sweet]

هههههه راني نحوس عليهم والو

[اكرام براءة]

حوسي مليح ^^

[koukou sweet]

حوسي مليح ^^

ممكن طلب يا اختي

[اكرام براءة]

أه اكيد

تفضلي

[koukou sweet]

انت و الاخت المتواضعة ممكن تكونو مشرفين علينا يعني نحدو موعد نتلاقاو فيه في السبورة و نتوما تكونو معانا

[المتـــواضــعة]

اسفة اختي لا استطيع ممكن من هذا الاسبوع منزيدش نفتح حتان الدخول المدرسي ان شاء الله


ظروووف

[اكرام براءة]

أختي
البداية إن شاء الله بعد الدخول المدرسي ؟؟

[meryouma1]

هل استطيع معرفة خاصية عمل السبورة فانا جديدة في المنتدى

[اكرام براءة]

لا توجد خاصية
السبورة موقع وحدو مستقل و منفصل عن المنتدى

[meryouma1]

اه شكرا لكي
ضننتها متصلة مع المنتدى

[اكرام براءة]

العـــــــــفـو

[نور<3]

أهلا

اسفة لم أر الموضوع الا الان

+++

بخصوص البيام 2018



أنا قررت نشري 2 ريجستر كبار باه نحضر بيهم درووس تاع جميع المواد وتكون عندي فكرة عليهم

+++

راني نطلع في الدروس والملخصات من الموقع الأول للدراسة في الجزائر و ثاني راه منتدى الطاسيلي راني طلع منوا

++

وشريت cd تاع البيام


++

وثاني راني ديما نحاول نقرا نصائح اللي راهم يحطوهم الأعضاء



وكي ندير جدول ان شاء الله راني نحطوا هنا


تشاااو

[karim the best]

Na jit ta nbda n7dr ma L9ite mnine nbda w hhh nsit klChh hhh

[اكرام براءة]

السلام عليكم و رحمة الله

يمكنكم الاستمتاع بما تبقى

بداية التحضير تبدأ من أول يوم دراسي

لأن البيام ليس بالصعوبة التي تظنونها

وفقكم الله

[اكرام براءة]

أخ كريم

علابالي بلي الستيلو نسيت كيفاه تشدو :1:

مام أنا

حاول تتذكر كلشي و راجع دروس السنة الثالثة متوسط خاصة الرياضيات و اللغة العربية

لأنها رح تفيدك هذي السنة

موفق إن شاء الله

[karim the best]

Ma3Lich t9ololi kidech nbda nraj3e hhh rani nsite kolch

[اكرام براءة]

إذا حاب تراجع من دركا
تقدر تشوف برنامج السنة الرابعة علاواش يهدر
يعني مثلا العلوم رح تقراو على جسم الانسان
و هكذا
و ثاني إذا مازال عندك كراس نتع اللغة العربية نتع العام الماضي يمكنك مراجعة دروس الظواهر اللغوية منه
لأنو رح تحتاجها في السنة الرابعة
و كذلك راجع المفاعيل يعني المفعول به و المفعول المطلق و المفعول فيه و غيرهم رانا قريناهم في السنة الثانية متوسط كلهم
و المنصوبات كذلك مثلا الحال و التمييز
و في الرياضيات راجع حل معادلات لأنو تحتاجها بزاف
في الفيزياء راجع كيفية موازنة المعادلات الكيميائية لأنك رح تحتاجهم هذ العام و كذلك رموز الذرات و الجزيئات
و الفرنسية راجع الازمنة اللي قريتوهم يعني futur simple ، présent ، passé composé ، imparfait و غيرهم اللي قريتوهم
و في الانجليزية كذلك راجع القواعد هذوك

وفقك الله

[koukou sweet]

اختي بليز نطلب منك طلب ان شاء الله تعاونينا برك هادو الايامات اقعدي معانا حاولي تعطيانا لمحة على البيام

[اكرام براءة]

أكيد أختي
راني معاكم
أي سؤال أو استفسار أنا في الخدمة

[ايمانو الجزائرية 01]

السلام1


لاحظت انكن مخلوعات و ان صح التعبير
نصيحتي م تخاافي ما وال العكس م تخلعكش تحفظي لبروقرام كاااامل عادي توالفي مع الفروض و للاختبارات صدقيييني
صح مليح تبداي تراجعي فكرة مليحة
فرنسية و انجليزية بصرااااحى انا ضد فكرة حفظ الوضعيات اضاعة وقت و شخصيل لا ارى منهل فائدة فلا احد يعرف الموضوع الذي سيطؤح عليه بل اقرئيييييها و افهنييبها جيدا
ملاحظة : يوم الجمعة اضافة الى قراءة القران احفظي سورة النبا و الايات من الكتاب المدرسي مغ شرح المصطلحات
الخاتمة1