اليكم الخبر اليقين

[بسمة_أمل]

السلام عليكم

من صفحة معالي الوزيرة نورية بن غبريط

موعد اعلان النتائج



في 25/07/2017

https://fb-s-a-a.akamaihd.net/h-ak-fbx/v/t1.0-0/s480x480/20246336_656097427913592_7055390345620466953_n.jpg ?oh=4a6112cccf15c5eb603c5e434c061f1d&oe=5A06FCEB&__gda__=1508905595_3f3fe947c3f589ee928aca02ad0aec7 8

[toulay]

وعليكم السلام ورحمة الله وبركاته
يا اختي الله يعيشك فهمني اليوم ولا غدوة لانو دخت

[شمس الأمنيات]

غدوا على 14:00 بالميساجات في التيليقون

وعلى 15:00 في الموقع

[بسمة_أمل]

غدوا على 14:00 بالميساجات في التيليقون

وعلى 15:00 في الموقع

صحيح
ولكن التيليفون كيفاش اي رقم او ماذا

[toulay]

واش الخالوطة هاذي
خلاص مقدرتش نزيد نصبر وعلاش ميديروهاش اليوم ويهنونا لانو بزاف

[حيـاء]

غدوا على 14:00 بالميساجات في التيليقون

وعلى 15:00 في الموقع

و على 15:00 كذلك على المؤسسات

[شمس الأمنيات]

شفتو والله حرقولنا اعصابنا

علاش ميحطوهاش ويهنونا قالت ميساجات وتيليفون

عاامنا فريد من نوعه

دورة للمقصيين وخالوطة الاسئلة ورمضان ومن بعد تأجيل النتائج

ربي يسامحهم والله تعبونا


تبعثي ميساج كيما عام 2011 و2010 الا كنت مزالك شافيه

تبعثي رقم التسجيل للرقم لي حاطاتو الوزيرة

[طالب له هدف]

كل مرة حكاية جديدة

[toulay]

هوما النتائج واجدين واجدين علاش مخبيينهم واش الفرق بين اليوم وغدوة زعمة راح يتعاود يتحسب المعدل
يحطوهم اليوم ويريحونا parce que منجمتش تاع الصح

[شمس الأمنيات]

كامل كيفك

استاذة انت صحيح

اعدت االبكالوريا ؟؟؟

والله عيينا من افكارهم الجديدة غريبة عجيبة

[abou marouane]

بففف سنعود للمرض نتاع الأس أم أس و النتائج الغالطة والسيرفرات الثقيلة بففف ألم نتقدم ألم نتعلم الدروس

لو خلوها في الموقع فقط أحسن

[ام الهضاب]

Sms باش يدخلووو الصوارد على ظهور الغاشي . ياخي قرارات ياخي .
ربي وكيلهم

[شمس الأمنيات]

انا قررت الانتظار ل3

الميساجات غير مضمونة وربما يغلطو

[طالب له هدف]

sms باش يدخلووو الصوارد على ظهور الغاشي . ياخي قرارات ياخي .
ربي وكيلهم

بالضبط احسنت القول
هذه هي الانتهازية
لازم يستغلوا الفرصة باه يربحوا الصوردي
وهم على يقين ان اغلب الطلاب وذويهم لن يصبروا حتى 3 بل سيلجا الكل لطريقة الهاتف على 2
من الفضول ما قتل
+ بالتوفيق لابنتك استاذة
تحياتي

[طالب له هدف]

انا قررت الانتظار ل3

الميساجات غير مضمونة وربما يغلطو

لن تصبري
من الفضول ما قتل =)

[بسمة_أمل]

الله غالب والله راهي مخلطة الدعوة غدوة ان شاء الله رح نتهناو

[بسمة_أمل]

لن تصبري
من الفضول ما قتل =)

انا فلت حتا لوكان جات في المدرسة على الساعتين نروح المهم نتهنا

[طالب له هدف]

انا فلت حتا لوكان جات في المدرسة على الساعتين نروح المهم نتهنا

نعم ... لست الوحيدة .. والله الكل وخاصة الوالدين لن يصبروا
ربي يفرح الجميع
بالتوفيق لكل الطلاب

[بسمة_أمل]

نعم ... لست الوحيدة .. والله الكل وخاصة الوالدين لن يصبروا
ربي يفرح الجميع
بالتوفيق لكل الطلاب

امين يا رب العالمين
ما تنساش غدوة اضرب طلة على الموضوع وطمنا..............وما تنساش الباروك
بالتوفيق

[ام الهضاب]

بالضبط احسنت القول
هذه هي الانتهازية
لازم يستغلوا الفرصة باه يربحوا الصوردي
وهم على يقين ان اغلب الطلاب وذويهم لن يصبروا حتى 3 بل سيلجا الكل لطريقة الهاتف على 2
من الفضول ما قتل
+ بالتوفيق لابنتك استاذة
تحياتي
ان شاء الله ربي يفرحكم كااامل و يفرح والديكم و كل التوفيق لمسقبل ناجح ان شاء الله
اكيد واحد ما رايح ينتظر لل3 . خاصة اذا سمعووو الزغاريد هههه

[شمس الأمنيات]

ان شااء الله ساستطيع الصبر لاني لن اكون في المنزل في ذالك الوقت

[toulay]

كامل كيفك

استاذة انت صحيح

اعدت االبكالوريا ؟؟؟

والله عيينا من افكارهم الجديدة غريبة عجيبة


Non برك عندي من العائلة تاعي يفوتوا
ياربي ينجحوا وينجحك انت تاني ان شاء الله

الباك تاعي ديتوا في 2011 والحمد الله

[ام الهضاب]

ان شااء الله ساستطيع الصبر لاني لن اكون في المنزل في ذالك الوقت

يا بنتي رانا متحيرين اعليك . ابعثيلنا رقم التسحيل تاعك نشوفو النتيجة و انت اصبري على روحك هههههه

[شمس الأمنيات]

ههههههههههههه والله الاحوال متعبة

الام خايفة اكثر مني

الله غالب علينا قاعدين نطلبو في الدعوات من كل عابر سبيل

toulay ان شاء ينجح ويفرحكم

ام الهضاب ان شاء الله النجاح الباهر لبنتك

والله الاحوال غريبة عجيبة مفهمنا والو مرة sms مرة موقع عيينا واحنا نفكرو

[~ غيمة ~]

ربي اكتبلنا النجاح والتفوق
والله غير راني ميتة بالخلعة
+ عجبا لهذي الخدمة تاع ال sms كي خسرو صوارد على الدورة الاستثنائية جايين يستثمرو فيها عن طريق هذي الخدمة ,, نصبر نهار كامل ولا يذوقوا من عندي فرنك مصدي قليل واش صرالنا من تأخير النتائج والله اهلي تعبوو اكثر مني يارب ماتخيبهمش يااارب

[toulay]

امين ياربي
ربي يفرح الجميع ان شاء الله

زعمة تقدر تبدل رايها وتحطنا النتائج اليوم لانو منيش قادرة نزيد نصبر بزااااااااااااااااااااف تاع الصح

[طالب له هدف]

امين يا رب العالمين
ما تنساش غدوة اضرب طلة على الموضوع وطمنا..............وما تنساش الباروك
بالتوفيق

طبــعا :] :d
بالتوفيق

[#Aya_bOok#]

الرقم تدونيه في البرطابل تاعك*567#

ربي ينجحكم كامل ان شاء الله

[~ غيمة ~]

امين ياربي
ربي يفرح الجميع ان شاء الله

زعمة تقدر تبدل رايها وتحطنا النتائج اليوم لانو منيش قادرة نزيد نصبر بزااااااااااااااااااااف تاع الصح

اهلا استاذة كيف حالك ان شاء الله بخير ؟
النتائج غدوة مافيهاش واحنا نتمرغو حتى لل2 ولا 3 مافهمناش ,, كون جا الزهر كون شفناها في 15 جويلية
ان شاء الله ربي يوفق المجتازين من عايلتك استاذة :rolleyes::rolleyes:
دعواتك

[بسمة_أمل]

امين ياربي
ربي يفرح الجميع ان شاء الله

زعمة تقدر تبدل رايها وتحطنا النتائج اليوم لانو منيش قادرة نزيد نصبر بزااااااااااااااااااااف تاع الصح

اااااااه ما نضنش هذا قرار مغبرط لا رجعت فيه

[شمس الأمنيات]

ايه والله مقدرناش نصبرو

ان شاء الله اليوم بعد العصر

والله الشهية انسدت منذ يومين احاول الاكل بلا فائدة

حراام عليك يا بن غوفريط تعبتينااااااا

[بسمة_أمل]

ايه والله مقدرناش نصبرو

ان شاء الله اليوم بعد العصر

والله الشهية انسدت منذ يومين احاول الاكل بلا فائدة

حراام عليك يا بن غوفريط تعبتينااااااا

انا تفتحتلي الشهية غير هاد اليومين .....راني دايما في الكوزينة
ههههههه .....ربي يجيب الخير

[khaledd]

ههههههههههاي

انا و الله عادي مانيش خايف، ماجبتش هاذ العام مزالت كاينة فرصة لعام لجاي ف_ف

[بسمة_أمل]

ربي يجيب الخير ان شاء الله تكون من الناجحين هاد العام

[toulay]

اهلا استاذة كيف حالك ان شاء الله بخير ؟
النتائج غدوة مافيهاش واحنا نتمرغو حتى لل2 ولا 3 مافهمناش ,, كون جا الزهر كون شفناها في 15 جويلية
ان شاء الله ربي يوفق المجتازين من عايلتك استاذة :rolleyes::rolleyes:
دعواتك
اهلا
ça va الحمد الله وانت واش حوالك
كاش خوف كاش خلعة
شفتي يا اختي
هي normalement كون داروا النتائج تاع الدورة العادية باش هكذا يركزوا غير فالدورة الاستثنائية مشي يخلونا معلقين
la première fois قالوا الدورة للمقصيين قلنا نورمال بصح دخلوا فيها الغيابات it's unfair كون هكذا كون ستناو حتى le mois de septembre ويفوتوا تاني لمنجحوش فالدورة العادية باش يكون عدل
ان شاء الله يارب
l'essentiel ربي يوفق الجميع ان شاء الله
اااااااه ما نضنش هذا قرار مغبرط لا رجعت فيه
والحل كيفاش
نبقوا صابرين وخلاص وحنا قلوبنا راح تخرج من بلاصتها
ايه والله مقدرناش نصبرو

ان شاء الله اليوم بعد العصر

والله الشهية انسدت منذ يومين احاول الاكل بلا فائدة

حراام عليك يا بن غوفريط تعبتينااااااا

ان شاء الله
شفتي يصماطلك كل شيء
خذلك snickers باش تولي سعيدة

[شمس الأمنيات]

الشهية مغلقة

والارض تدور بي نشوف في العباد على 2

والله صبري نفذ

يا الله انت ادرى باحولنا

فاجعل خاتمتها مفرحة لنا

[طالبة رياضيات]

السلام عليكم

ان شاء الله

كل أعضاء المنتدى من الناجحين

بمعدلات ممتازة ومشرفة

المهم

(ما تنساوش القاطو اااه ابعثوه للمدية راه يوصل ههه)

[khaledd]

هههه مليحة هاذي تاع خذلك سنيكرز xD

[abou marouane]

بالتوفيق للجميع ربي ينجحكم بالمعدلات التي تريدونها إن شاء الله
أنتم صبرتم شهر ونصف ولم يبقى سوى 26 ساعة .

[بسمة_أمل]

لازمنا نوجدوا انفسنا لكل الاحتمالات

........
لكن امي ما تعرفش هاد احديث
عندها فقط يا فلانة بعد النتائج لازمك تجينا
وزيد كل القرارات العائلية اجلت الى ما بعد النتائج
حتى ترومب سمع بي بلي عديت

يا ربي سهل

[alaae]

اففف قلبي
ربي يصبرنااا و يفرحنااا
ما فهمتش علاش بالهاتف قبل السيت هههه العجب

[Mohamed_abdenour]

اففف قلبي
ربي يصبرنااا و يفرحنااا
ما فهمتش علاش بالهاتف قبل السيت هههه العجب

شكــــرآ الأخ alae ههه

[بسمة_أمل]

اففف قلبي
ربي يصبرنااا و يفرحنااا
ما فهمتش علاش بالهاتف قبل السيت هههه العجب

لازم عليهم يرجعوا واش صرفوا علاجال الدورة الثانية
بروبلام نتاع دراهم

[~نسآئم الصبآح ~]

فهومني تعيشو كيفاه تاع الميساج هاذي

[بسمة_أمل]

فهومني تعيشو كيفاه تاع الميساج هاذي

لازمك تبعثي مساج على #567*
فيها الرقم نتاع المترشح ومبعد يجيك مساج واحد اخر فيه ان شااء الله مبروك

[toulay]

تبانلي تاع الرسائل اليوم وتاع الموقع غدوة
راني دخت لفهم يفهمنا

[بسمة_أمل]

تبانلي تاع الرسائل اليوم وتاع الموقع غدوة
راني دخت لفهم يفهمنا

لالا استاذة
غدوة على الساعتين 14/00 نتتاع الميساج
ومبعد على الثلاثة 15/00 نتاع الموقع والمؤسسة ههههعجبتني نتاع

ادعيلنا استاذتي الكريمة

[شمس الأمنيات]

نتفاهمو كامل منبعثوش sms

موافقين انا قررت بن غبريط خسرتو دراهم على المقصيين

هوما يرجعوهملكم احنا مستحيل تشوفي من عندنا

غير من دوكا نحي خدمة sms منحتاجوهاش

[toulay]

لالا استاذة
غدوة على الساعتين 14/00 نتتاع الميساج
ومبعد على الثلاثة 15/00 نتاع الموقع والمؤسسة ههههعجبتني نتاع

ادعيلنا استاذتي الكريمة

ان شاء الله ياربي
خلاونا في حيرة
ربي ينجحكم كامل شدة وتفوت
علابالي الخوف parce que الباك امتحان تقرير مصير وبيه يتحدد المستقبل تاعك

[radja1999achar]

هههه ما فهمت والو وحق ربي
هههه من درك راني نسيي نبعث لي ميساج للرقم هذاك درك يتبلوكا :1::1:

[سطااايفية 19]

نتفاهمو كامل منبعثوش sms

موافقين انا قررت بن غبريط خسرتو دراهم على المقصيين

هوما يرجعوهملكم احنا مستحيل تشوفي من عندنا

غير من دوكا نحي خدمة sms منحتاجوهاش

راني معاك مام انا قررت نستنا السيت من 15 جويلية و حنا نستناو وين راه المشكل كي نزيدو نستناو ساعة

[radja1999achar]

اااااااه ما نضنش هذا قرار مغبرط لا رجعت فيه

ههههههههه مغبرط :1:
ياودي تيري برك تبات تحلم والصباح تجي تطبق في قوانينها تع شكوبي -_-

[شمس الأمنيات]

معنا لمنع sms استنينا 10 ايام نزيدوا نستناو ساعة وش فيها

[رانـيا]

قادرين يغلطو ف المعدل بالsms

[abou marouane]

قادرين يغلطو ف المعدل بالsms

اسألي أصحاب باك 2008 و 2009 كم من واحد ناجح رسبوه وكم من راسب نجحوه ،، هم ألغوها لهذا السبب

سنعود لأيام تخلف بن بوزيد

[Romaissa Msila]

معنا لمنع sms استنينا 10 ايام نزيدوا نستناو ساعة وش فيها

فعلا صبرنا 10 ايام ..لكن لا اظن اننا نستطيع الصبر والنتائج في هواتفنا مستحــــــــــــيل

[radja1999achar]

معنا لمنع sms استنينا 10 ايام نزيدوا نستناو ساعة وش فيها

machkitch ra7 n9ad nessbor :/

[شمس الأمنيات]

انا صاااابرة ان شاء الله

[جمال6]

ربي ينجحنا ان شاء الله
وينتقم من بن غوفريط

[نورهان1999]

يا رب ننجحوا كامل انا راني خايفة صحيح يلي فات مات بصح قالولي يلي استعمل الماحي في اوراق ميصحوهمش يا ترى اوراقي تصححت

[طالب له هدف]

يا رب ننجحوا كامل انا راني خايفة صحيح يلي فات مات بصح قالولي يلي استعمل الماحي في اوراق ميصحوهمش يا ترى اوراقي تصححت

يا اختاه ... اوراقك تصحح عادي .. حتى من استعمل الالوان تصحح اوراقه
بالتوفيق

[~ غيمة ~]

يا رب ننجحوا كامل انا راني خايفة صحيح يلي فات مات بصح قالولي يلي استعمل الماحي في اوراق ميصحوهمش يا ترى اوراقي تصححت

تصححت ماتخافيش ختي :rolleyes:
غير الخير برك

[شمس الأمنيات]

لا مكانش منها

ان استعملت المصحح والالوان وعادي متخافيش

انا ماشي خايفةة

[نورهان1999]

فرحتوني يا رب ننجحوا

[نورهان1999]

يا ترى اختي لم يمنعوك اساتدة من استخدامه انا ما فاقوش بيا حتان نهار الثلاثاء و صرخوا عليا

[شمس الأمنيات]

ان شاء الله

واجبا اسعادك ,,,,,,ان شاء الله نفرح معك غداا

[_اميرة الصمت_]

سعر الرسالة 200 دج ههههههههه و الله ماتشوفوها لول

[شمس الأمنيات]

يا ترى اختي لم يمنعوك اساتدة من استخدامه انا ما فاقوش بيا حتان نهار الثلاثاء و صرخوا عليا



منعوني لكني استعملته و استعملت الالوان لاني على يقين انه مسموح :1::1::d

[شمس الأمنيات]

احسنت نسرين

شفتي يستغلوا فينا في وقت ضعفنا

يرجعو في مخلفات الدورة الثانية

نستناو 10 ايام ونزيدو ندفعو حتى نشوفو النتيجة

[نورهان1999]

هل صحيح 200 دج هههههه يعودو اغنياء

[جمال6]

يا رب ننجحوا كامل انا راني خايفة صحيح يلي فات مات بصح قالولي يلي استعمل الماحي في اوراق ميصحوهمش يا ترى اوراقي تصححت

تصحح عاااااااادي

[شمس الأمنيات]

اهلا جمال كيف الاحوال

وهل من قلق او خوف

[شمس الأمنيات]

هل صحيح 200 دج هههههه يعودو اغنياء



استغلال بمعنى الكلمة:mad::mad::mad::mad::mad:

[جمال6]

اهلا جمال كيف الاحوال

وهل من قلق او خوف


اهلا بك
صراحة قلبي سيخرج من مكانه
هاتفي مغلق منذ اسبوع تفاديا لجملة كشما بان على الباك
وانت

[نورهان1999]

لغرض تجاري بحت . حتى تقوم شركات الاتصال باستغلال الفرصة لزيادة دخلها.

[شمس الأمنيات]

باردة المشاعر لا خوف ولا قلق

والدوخة

هاتف نفس الشيء والله جملة "كشما بان على الباك " تزيد من مستوى السكر والكوليسترول في الدم عندي

[~ غيمة ~]

فرحتوني يا رب ننجحوا
اللهم امين :rolleyes:
يا ترى اختي لم يمنعوك اساتدة من استخدامه انا ما فاقوش بيا حتان نهار الثلاثاء و صرخوا عليا
ماتتقليش ,, اصلا انا الاساتذة هما اللي جابوهلي :1:
سعر الرسالة 200 دج ههههههههه و الله ماتشوفوها لول
نستعرف بيك ههههههههههههه :1::1::1: انا تاني مايشوفو ا مني والو على جال خدايمهم برك

[جمال6]

باردة المشاعر لا خوف ولا قلق

والدوخة

هاتف نفس الشيء والله جملة "كشما بان على الباك " تزيد من مستوى السكر والكوليسترول في الدم عندي

خخخخخخخ والله احسن على الاقل تقللين من نسبة الجلطات مستقبلا :1::1:
معك حق تلك الجملة كفيلة باتلاف كل الخلايا العصبية
ربي ينجحنا ان شاء الله

[شمس الأمنيات]

ان شاء الله

من بعد الامطار الغزيرة البارحة "تحت اسم الدموع"

اظن انه غدا يبدا دق ناقوس الخطر

على بداية حلم جديد ,,, مستقبل جديد,,,, معدل ممتاز للجميع ان شاء الله


اليوم كامل معروضين عندي~~~~~لَيْلَتُنَا بَيْضَاءْ~~~~~

[نورهان1999]

واشمن متعامل موبيليس او اوريدوا او جيزي
شكون يلي راح يستنى على 3

[khaledd]

بسمة ردودها في كل مكان xD

[شمس الأمنيات]

هوهوهوهوهوهو

وش كاين اسلام غرت مني

ايه نسقسيلكم اي متعامل كيما قالت نورهان

انا نستنا حتى 3 لا للتبذير خخخخخ بن غوفريط خسارة عليها sms

[رانـيا]

تعاون بين نورية بن غبريط و صديقتها هدى فرعون ههههه

[نورهان1999]

احبتي الى اللقاء غدا نتلاقوا ان شاء على امل كلنا ناجحين بادن الله
كل واحد يقولي واش رح يدير ملي ينوض صباح
طال حال مبغاش عليا يفوت هههه

[عطر السماء]

كيف حالكمم
قلبى معكمم
دعواتى لكم بالنجاح بامتيازز

[شمس الأمنيات]

اهلا بك على ما اظن انت جميلة

احوالنا شوي قلق وغضب فقط الحمد لله

وانت ان شاء الله بخير

[شمس الأمنيات]

احبتي الى اللقاء غدا نتلاقوا ان شاء على امل كلنا ناجحين بادن الله
كل واحد يقولي واش رح يدير ملي ينوض صباح
طال حال مبغاش عليا يفوت هههه



الى اللقاء

ان شاء الله كل التوفيق وراحة البال

قلتي نوضو صباح واحنا ناويين ليلة بيضاء :confused::confused:

[om_hadil]

بالتوفيق يا ابنائي،،،،، ما اصعب هذا الشعور ،،،، غصة في القلب ،،، و الوقت يمر ببطءءءءءءءءءءءء،،،، و كأنه سلحفاة ،،،، خذوا نفس عميق ،،، و اشغلوا انفسكم بشيئ جميل ،،،، و تذكروا ان الحياة لن تتوقف عند النتائج ،،، قلبي معكم ،،، دعواتي لكم ،،،،

[khaledd]

هوهوهوهوهوهو

وش كاين اسلام غرت مني

ايه نسقسيلكم اي متعامل كيما قالت نورهان

انا نستنا حتى 3 لا للتبذير خخخخخ بن غوفريط خسارة عليها sms

-.-"

نظن تصلح مع جميع المتعاملات ،

هل من تأكيد حول ان سعر الرسالة 200دج ؟؟!!!

[~ غيمة ~]

واشمن متعامل موبيليس او اوريدوا او جيزي
شكون يلي راح يستنى على 3
جميع متعاملي الهاتف النقال :1:
بسمة ردودها في كل مكان xd
ههههههههههههه وين تروح تلقاها خخخخخ
هوهوهوهوهوهو

وش كاين اسلام غرت مني

ايه نسقسيلكم اي متعامل كيما قالت نورهان

انا نستنا حتى 3 لا للتبذير خخخخخ بن غوفريط خسارة عليها sms
جميع متعاملي الهاتف النقال بسمة :1::1: دعيتي في كل اقسام المنتدى مزالك مدير المنتدى ماراسلتيهش خخخخخخخخخ

لا للتبذير {ان المبذرين كانوا اخوان الشياطين}
تعاون بين نورية بن غبريط و صديقتها هدى فرعون ههههه

هههههههههههه تعااون على حساب اعصابنا :1::1:

[khaledd]

نطلب من المشرف ان يهدي رقابة للاخت بسمة و له الاجر..

[شمس الأمنيات]

ههههههههههههه منول اتممت الاربعين باركيلي

ارسلت لمدير المنتدى وكااامل المشرفين متقلقيش

اسلام السعر غير اكيد

[~ غيمة ~]

بالتوفيق يا ابنائي،،،،، ما اصعب هذا الشعور ،،،، غصة في القلب ،،، و الوقت يمر ببطءءءءءءءءءءءء،،،، و كأنه سلحفاة ،،،، خذوا نفس عميق ،،، و اشغلوا انفسكم بشيئ جميل ،،،، و تذكروا ان الحياة لن تتوقف عند النتائج ،،، قلبي معكم ،،، دعواتي لكم ،،،،

حفظك الله خالة تعليقك مثل البلسم
حقا اصعب فترة في مرحلة البكالوريا
نحاول الانشغال ولكن لا فائدة ,, كلما نظرت لاهلي ولشوقهم وحماسهم لمعرفة النتيجة تنتابني كمية مشاعر مختلطة تتأرجح مابين حب اسعادهم ومابين الخوف

دعواتك ,, نورتي :rolleyes:

[شمس الأمنيات]

منول وااش هذا لي تحكي معاه تقوليلو يدعيلك لا للتبذير

انا حطيت في

قسم الطبخ ,,, النكت .... العلوم فقط يعني انا غير مبذرة هههههههههههههه

منال احكميلي معاك مكان نقعد نطلب في الدعوات

[om_hadil]

حفظك الله خالة تعليقك مثل البلسم
حقا اصعب فترة في مرحلة البكالوريا
نحاول الانشغال ولكن لا فائدة ,, كلما نظرت لاهلي ولشوقهم وحماسهم لمعرفة النتيجة تنتابني كمية مشاعر مختلطة تتأرجح مابين حب اسعادهم ومابين الخوف

دعواتك ,, نورتي :rolleyes:

ناجحة باْذن الرحمن بنيتي،،،، و دوما تذكري انه لن يصيبنا الا ما كتب الله لنا ،،،، قلبي معكم يا ابنائي،،،،

[~ غيمة ~]

الى اللقاء

ان شاء الله كل التوفيق وراحة البال

قلتي نوضو صباح واحنا ناويين ليلة بيضاء :confused::confused:
هههههههههههههههه انا ديجا راني درتهم ومازلت فيهم وانقطعت عن الاكل لا اراديا
فقدان للشهية وارق خخخخخخخخخخخ انها البكالوريا يا سادة :1::1:
نطلب من المشرف ان يهدي رقابة للاخت بسمة و له الاجر..
ههههههههههههههه اجرو على الله
ههههههههههههه منول اتممت الاربعين باركيلي

ارسلت لمدير المنتدى وكااامل المشرفين متقلقيش

اسلام السعر غير اكيد
ههههههههههههههههههههههه ارواحي عندي نمدلك الكارطة الحمرة صافي رحتي للكل خخخخخخخخخخ واقيلا تعليقات اليوتيوب اللي نلقاهم يطلبوو في 40 دعوة نتي منهم :1::1: ياودي انا معاك في الدعوات خاني قتلك :1::1:

[~ غيمة ~]

منول وااش هذا لي تحكي معاه تقوليلو يدعيلك لا للتبذير

انا حطيت في

قسم الطبخ ,,, النكت .... العلوم فقط يعني انا غير مبذرة هههههههههههههه

منال احكميلي معاك مكان نقعد نطلب في الدعوات

ههههههههههههههههههه وشمن تبذير نتي عادي طلب الدعواات
وين البلاصة تحبيها من الجيهة اليمنى ولا اليسرى {ملاحظة رانا قاعدين قدام الماليين هما يطلبو في الصدقة وحنا الدعوات ,, عجبك المقر ههههههههههه }:1::1:

[~ غيمة ~]

ناجحة باْذن الرحمن بنيتي،،،، و دوما تذكري انه لن يصيبنا الا ما كتب الله لنا ،،،، قلبي معكم يا ابنائي،،،،

شكرا ان شاء الله خالتي
نعم لن يصيبنا الا ماكتب الله لنا ,,, الحمد لله
حفظك الله ورزقك كل الخير

[ميليسا 2018]

اهلاااااااااااا بنات كيف الحال ؟ توحشتكم كامل

حتى انا نستنا حتى 3 باذن الله ربي يفرحنا

هل حقا سنقوم الليلة بليلة بيضاء ؟

[شمس الأمنيات]

الى كل من دعالي

خخخخخخخ تفكرني هاذي الجملة في

dear jake

تشرفت بدعوتك لي

وان شاء الله ترزق من السماء بمثل ما دعيت لي اضعافا مضاعفة

للحصول على هذه النغمة اضغط على واحد

مشاعر مبعثرة

[شمس الأمنيات]

اهلا سلمى اشقنا لك

نعم الليلة بيضاء مع الذكريات

ان شاء الله الشلة القديمة كامل تجي اليوم وانا اتكفل باماني وريتا

[~ غيمة ~]

اهلاااااااااااا بنات كيف الحال ؟ توحشتكم كامل

حتى انا نستنا حتى 3 باذن الله ربي يفرحنا

هل حقا سنقوم الليلة بليلة بيضاء ؟
نعم نستناو لل3
وشمن ليلة بيضاء هههههههههه من غير النتيجة وحنا فيها لا انصحكم بها :1::1:
توحشناااااااااك سلمى الحمد لله جيتي بانتظار البقية
الى كل من دعالي

خخخخخخخ تفكرني هاذي الجملة في

dear jake

تشرفت بدعوتك لي

وان شاء الله ترزق من السماء بمثل ما دعيت لي اضعافا مضاعفة

للحصول على هذه النغمة اضغط على واحد

مشاعر مبعثرة
هههههههههههههههههههه الرقم المطلووب راه مقلق الرجاء اعادة المحاولة لاحقا مع كأس عصير بارد خخخخخخخخخخخخخ
اهلا سلمى اشقنا لك

نعم الليلة بيضاء مع الذكريات

ان شاء الله الشلة القديمة كامل تجي اليوم وانا اتكفل باماني وريتا

ننتظر التحاق الكل ,, والله توحشنااااااااااهم

[toulay]

يا رب ننجحوا كامل انا راني خايفة صحيح يلي فات مات بصح قالولي يلي استعمل الماحي في اوراق ميصحوهمش يا ترى اوراقي تصححت

ياحسرااااااااااااه هذاك لخص ميصحوش ورقة لاستخدم l'effaceur
ياو كاين يستعملوا كل الالوان تاع قوس قزح والورقة تاعهم تصحح عادي جدا
Bref يعرفوا غير يخوفوا فينا
متعمرش راسك
بالتوفيق

[toulay]

سعر الرسالة 200 دج ههههههههه و الله ماتشوفوها لول

واشنو عشرين الف
صار فالمسابقات مين يقولك ابعث sms بلاك غير 100 دج وصحاب الباك مساكن فحالوا فيهم حابين يفلسونا

[ميليسا 2018]

حسنا بسمة نحن ننتظر أماني وريتا وانا اشتقت لك صديقتي ولايامنا الجميلة

منال صديقتي يتوحشك الخير ولكنني أظل ملازمة للفبس بوك بعد انتهائنا من الباك وانت لاتملكين حساب للاسف

ربي يوفقنا يااااارب ويفرحنا

[بسمة_أمل]

وشكون يلي قلنا قداش بقى من ساعة

ساعة الحسم

[khaledd]

حوالي 22 ساعة لصحاب الsms
xD

[~نسآئم الصبآح ~]

بالرغم من انو استغلال بصح عارفة رووحي مشكيتش نصبر حتى 3

[بسمة_أمل]

علاش قسمتونا
الى فريقين

فريقال sms ...........وفريق الموقع
اذن من الان فصاعدا كل واحد يقول مع اي اتجاه
انا الsms

[~ غيمة ~]

حوالي 22 ساعة لصحاب الsms
xd

هههههههههههههههه ركزولي على لأصحاب الـ sms

[بسمة_أمل]

هههههههههههههههه ركزولي على لأصحاب الـ sms

راني قتلك ولينا فريقين ههههه
انتي من اي فريق

[شمس الأمنيات]

انا من فريق الموقع
لا للتبذير خخخخخخخ

[_اميرة الصمت_]

من فريق الموقع هههههههههههه

[بسمة_أمل]

انا من فريق الموقع
لا للتبذير خخخخخخخ

ههههه اذا كانت علا االتبذير غير اعطيني الرقم وانا نبشرك
انا من جيهتي والله ما نصبر يا اختي

[متمنية]

ربى ينجحكم دخلت عندك فضول ما قدرتش انا نصبر وانتوما انا ما عندى دخل معاكم لكن حرقتولى قلبى رانى غى نبكى ربى يفرحكم

[بسمة_أمل]

من فريق الموقع هههههههههههه

لا يا سيدتي لن اصبر ثانية فوق الاعلان ......ربي ينجحك

[بسمة_أمل]

ربى ينجحكم دخلت عندك فضول ما قدرتش انا نصبر وانتوما انا ما عندى دخل معاكم لكن حرقتولى قلبى رانى غى نبكى ربى يفرحكم

امين يا ربي
وربي يفرحك انتي تاني ماشي بالباك مي بحاجة اخرى ان شاء الله

[~ غيمة ~]

فريــــــــــــــق الموقع


ان شاء الله حنا اللي نغلبووا :1: :1: هخهههههههههههه
اووبس تفاعلت حسبت روحي في ماتش

الله يوفقنا كامل وين ماكنا

كل الوسائل تؤدي الى النتيجة :1:

[شمس الأمنيات]

لا ماشي قضية تبذير ونعرف نبع الحنان فضولية وتحب تعرف قبلي

لكن تم وضع استدعاء البكالوريا وكل لوازم معرفة النتيجة في صندوق سري هههه

الsmsغير مضمونة و وامكانية يغلطوا

[بسمة_أمل]

فريــــــــــــــق الموقع


ان شاء الله حنا اللي نغلبووا :1: :1: هخهههههههههههه
اووبس تفاعلت حسبت روحي في ماتش

الله يوفقنا كامل وين ماكنا

كل الوسائل تؤدي الى النتيجة :1:

لا ان شاء الله رح يظهروا جماعة الsms
واحنا الي رح نغلبوا .............ههههههههه والله غير عجبتني على الاقل تمشي الوقت

ربي يجيب الخير

[بسمة_أمل]

لا ماشي قضية تبذير ونعرف نبع الحنان فضولية وتحب تعرف قبلي

لكن تم وضع استدعاء البكالوريا وكل لوازم معرفة النتيجة في صندوق سري هههه

الsmsغير مضمونة و وامكانية يغلطوا

ههههههههههه انا حطيتهم في مكان سري ماكاش 5 دقايق فاقت بيه اختي
ما نعرفش نخبي

[abou marouane]

فريــق الموقع

يمكن الوالدين يشوفو بالـ sms ولكن أنا لن أراها إلا على الموقع .

[بسمة_أمل]

فريــق الموقع

يمكن الوالدين يشوفو بالـ sms ولكن أنا لن أراها إلا على الموقع .

حسننا راهم نضمولي الام والاب نتاعك خويا سلملي عليهم وقلهم شكرا على الانضمام
:1:

[عودة حلم]

ربي يجيب الخير و يوفقنا ان شاء الله:19::19::19:

[بسمة_أمل]

امييييين يا رب العاالمين

[abou marouane]

حسننا راهم نضمولي الام والاب نتاعك خويا سلملي عليهم وقلهم شكرا على الانضمام
:1:

خخخ ان شاء الله يبلغ

[ام الهضاب]

دارولنا حجرة في السباط بهذا sms

[ميليسا 2018]

فرييييييييييييق الموقع بكل تأكيد هههههه

[اسراء عبير]

اعلان النتائج سيكون على 2 اعلنوها في النهار

[لحن الصفاء]

ربي معاكم ان شاء الله و الله انا راني ميتة بالخلعة مع العلم اني باك 2018 مي ربي يفرحكم نشالله