حجابي

[مشكلتي]

اسفة حقا عن هذا الموضوع لكن لكل ارائه الخاصة حقا انا اسفة ان لم يتقبل احدل موضوعي
لكنه امرا دائما ما يجول في بالي
انا ارتديت الحجاب في سن 12 سنة
لكنه بقي لي على شكل عقدة نفسية
ارتديته نتيجة مشكلة حدثت في المنزل لست انا سببها بل اختي
عندما كنت خارجة كان قول امي ارتدي الحجاب او لا خرجة من اليوم
ما السبب في معاقبتي نتيجة تصرف شخص اخر
صرت ارغب فب التنازل عن الحجاب بابشع الطرق
كان كلما تقدم لي شخص ما اخبره انني ساوافق اذا اخذني بعيدا عن اهلي و سمح لي بنزع الحجاب
احيانا اشعر انه ضعف ايمان و احيانا لا
احس انني لم اعش سني كما هو
في سن 12 توقفت عن الخروج
عن اللعب عن كل الاشياء التي من المفترض ان اعيشها
افيدوني فقط ماذا افعل و هل انا صائبة

[لمسة ابداع]

تفكيرك خااااطئ مئة بالمئة
انا لبست الحجاب كي كان عمري 11 عام و ما عندي حتى عقدة

[toulay]

السلام عليكم
ربي يهديك يا اختي
الحجاب راهو سترة
نحي عليك التفكير هذا لانو قاعدة توسوس في روحك بلا فايدة
بالتوفيق

[شمس الأمنيات]

صحيح ما قاله لك من قبلي

ولما سبب لك عقدة انا ارتديته وفي عمري 11 سنة

وهو ستر للمرأة ولما تودين نزعه هل لاجل العالم

وعقدتك ليست الا وساوس من الشيطان استغفري الله وصلي ركعتين

الحجاب ليس نوعا من المظاهر او لارضاء الناس كما يفعل البعض الان

اسفة ان ازعجك ردي

بالتوفيق

[ميس نهى]

هذه نتيجة التربية التي تقوم على إجبار الأولاد والتهديد وغيرها ..
هناك عدة طرق لتحبيب الحجاب وغيرها من الأمور .. الإجبار بها الشكل يؤدي إلى نتائج عكسية ..

[زبدة ذايبة]

12سنة ماكنتيش صغيرة أبدا.

12 سنة كنت على الأقل بديتي تولي آنسة صغيرة.

وبدات أحلامك الصغيرة تكبر

وبديتي تحبي تلبسي الملابس الجميلة

وتنتبهي أن هناك جنس ثاني موجود.

انت كنت حابة تعيشي لحظات المراهقة وكل ماتحمل من أحاسيس.

كنت حابة تحسي نفسك أنثى. ويكون عندك واحد تحسي بالميل تجاهه.

على كل حال هذ الأحاسيس ماشي عيب وماراهيش حرام.

هي مشاعر جعلها الله تتحرك حتى تعطيك الإشارة أنك مقبلة على مرحلة جديدة في حياتك.

اللي عيب وحرام هو أن يتعدى الإنسان الحدود التي وضعها الله عزوجل.

الآن ممكن راكي في نهاية العشرينات. يعني من25 سنة للفوق.

كبرتي وليتي آنسة وخليتي هذيك

12 سنة تاع الطفولة من ورائك ب12 سنة!!!!!!!!!!

مع مرور الزمن الطويل جدا مازالكي

تفكري بنفس الطريقة

كبرتي ومازالكي تبكي على الطفولة.

من المفروض خلاص انتهى.

ناس بكري كانوا يزوجوا الطفلة مع بلوغها مباشرة.

مازال مادخلتش راسي وماقدرتش نفهم.

ممكن تبكي على شيء فعلتيه في

الماضي على تصرف خاطئ تحبي تصححيه.

لكن تبقى هذ الترسبات عالقة في

ذهنك. والله مشكلة.

يعني انت ماتتقدميش للأمام نهائيا.

مارانيش نقولك انساي الماضي

الماضي لما يولي يمشي في المستقبل هنا يكون الغلط.

ابكي على روحك على الطفولة تاعك

لكن تفكري تعاودي ترجعي الأيام

اللي فاتت فهذا والله خطئ ووهم

راكي توهمي نفسك بيه.

والكارثة لكبيرة أن كل الأوهام تتمركز حول الحجاب.

وش فيها كي لبستي حجاب

وخمار!!!!!!!؟؟؟؟؟؟؟

وش علاقة الحجاب كي مالعبتيش في صغرك؟؟؟؟

ماقدرتش نفهم.

هذي أوهام وخيالات ماعندها حتى معنى.

الشيطان يحرض فيك باش تنحيه

تحت غطاء أنك مظلومة و مقهورة

وداركم دفنوك وانت حية بهذ الحجاب !!!!!!!

حجاب المرأة المسلمة شرعه الله عزوجل.

وأول النساء اللي لبسوه كانوا أمهات المؤمنين. ثم نساء وبنات الصحابة.

فرض الله عزوجل الحجاب في زمن من أطهر وأشرف الأزمنة.

ماتقوليليش انت ولا أنا خير من السيدة عائشة.

وأن قلوبنا أطهر من قلوبهم!!!!!!!

على طهارتهن وطهارة المجتمع ومع هذا رب العالمين قاللهم

لبسوه وماتخرجش زينتكم للرجال

الأجانب..

انت الشي االي راكي حزينة عليه. وش هو ؟؟؟؟؟؟

الوهم اللي راه مسيطر عليك

ويخليك تفكري وكأن الحجاب مصدر تعاسة وتحطيم للأماني والأحلام.

فرضا أهلك حطمولك طفولتك

بأفكارك رايحة تحطمي دينك وشرفك وطهارتك ومستقبلك.

ماتكونش مراهقتك خير من مرحلة الشباب عندك.

راكي كبرتي وليتي إمرأة ناضجة

مايكونس سنك يزيد للأمام وتفكيرك يمشي للوراء.

بهذ الطريقة ماركيش رايحة توصلي

لحتى نتيجة.

وبنفس الطريقة اللي لبستي بيها الحجاب وتركت آثار في نفسيتك لهذ الوقت. قرار خلع الحجاب هو كذلك رح يخلي آثار أسوء

انت زيادة على ضعف الوازع الديني

عندك الضعف في التفكير

راجعي نفسك قبل فوات الأوان.

[نور لاتراه]

السلام عليكم
اسالك سؤال واحدا اجيبي عليه
هل هناك من يفكر جديا في الاستقرار وفي نفس الوقت يفكر في استغراض زوجته لمن هب ودب؟
لاتقارني بالشواذ او مناطق معينة
اسالك من ناحية الفطرة لا ماتربى عليه مجتمع دون الاخر
ولدي شيئ آخر افتراض فانتِ اعلم بمحيطك
وفي هذا العمر هل ترين ان غير المتحجبة
في منأى عن الذئاب ومن يصطادون في المياه العكرة
وانزعي من راسكِ فكرة ان المراة عورة
وجب سترها
بل هي جوهرة والجوهرة تفقد لمعانها
ان تركت للقاصي والداني
فكان الحريّ حفظها
ربي استرنا بسترك الجميل

[ضآحكة مستبشرة]

أختي أنت غير صائبة
و هل إذا نزعتي الحجاب الأن سيعوض لك لعب الطفولة
أنا ارتديته ابنت 11 سنة و كنت جد فرحة به و الحمد الحمد ​راضية
أصلا لا يوجد اروع منه

[~أمة الله~]

أكيد ضعف إيمان، فماذا يُسمّى غير ذلك؟
لا تربطي الحجاب بأزمتك النفسية، ولا داعي لربط الحجاب بأمور أخرى تريدين القيام بها، الحجاب لا يمنع المرأة مِن أن تعيش حياتها وفق ما يُرضي الله أبدا، فاستعيذي بالله من الشيطان الرّجيم، وعاودي اقراي في أدلّة وجوب الحِجاب، والحِكمة مِن فرضه لكي يرتاح قلبك وتُسلّمي للِه.
الرّجل الذي يقبل أن يأخذكِ بعيدا وينزع عنكِ الحجاب تستأمنينه على حياتك؟ من هذا حاله فالرُّجولة مِنه بعيدة، وليس أمينا عليكِ وعلى دينك.
ثبّتكَِ الله على حجابك أختي، وأكثري من الدعاء بالثبات وقولي يا مقلّب القلوب ثبّت قلبي على دينك.

[Abdennor27]

انتي ربطتي تعاستكي بالحجاب ، نفترض انك نزعتي الحجاب هل هذا هو حلمك ؟ غريبة

صراحة بهذه العقلية ما طوليش و ترتدي عن الاسلام ، لانك ربطتي التعاسة بالحجاب لي هو من شروط الاسلام ، شوفي في اليوتيوب مسلمات يعيشون حياة رغيدة في اوروبا و امريكا دون التنازل على دينهم ، الا اذا كان عندك راي اخر ، الاسلام ليس معناه الانغلاق و التنازل عن الحياة لا اعلم من اين استوردتم هذه الصورة و الافكار الدنيئة عن الدين ، ربما هي نتاج عن صراع جماعة الفيس المتأسلمين مع ضباط فرنسا ، خرجتلنا جيل كمان هاك

[ابو سليمان10]

اسفة حقا عن هذا الموضوع لكن لكل ارائه الخاصة حقا انا اسفة ان لم يتقبل احدل موضوعي
لكنه امرا دائما ما يجول في بالي
انا ارتديت الحجاب في سن 12 سنة
لكنه بقي لي على شكل عقدة نفسية
ارتديته نتيجة مشكلة حدثت في المنزل لست انا سببها بل اختي
عندما كنت خارجة كان قول امي ارتدي الحجاب او لا خرجة من اليوم
ما السبب في معاقبتي نتيجة تصرف شخص اخر
صرت ارغب فب التنازل عن الحجاب بابشع الطرق
كان كلما تقدم لي شخص ما اخبره انني ساوافق اذا اخذني بعيدا عن اهلي و سمح لي بنزع الحجاب
احيانا اشعر انه ضعف ايمان و احيانا لا
احس انني لم اعش سني كما هو
في سن 12 توقفت عن الخروج
عن اللعب عن كل الاشياء التي من المفترض ان اعيشها
افيدوني فقط ماذا افعل و هل انا صائبة


و ما هي تلك الاشياء التي منعك الحجاب من فعلها
لا يغرنك اللحم العاري ذو الثمن الرخيس الذي ستجول في الشارع

[ام رضوان]

ربي يهديك ويصلح حالك
راه الشيطان يلعب بيك كيما يحب
مكانش منها الهدرة اللي راكي تقولي فيها
الكثير الكثير من النساء ارتدين الحجاب وهن في عمر الزهور
وراهم ماشاء الله
اطلبي من ربي سبحانو يغفرلك ويبقي الستيرة عليك
هذا مانقولك.

[رندة.]

ماتخليش الشيطان يوسوسلك بهاذ الأفكار الخاطئة، وماتربطيش نزعك للحجاب بالسعادة المأمولة الي راكي تستناي فيها، وحتى إذا نحيتيه ماكيش رايحة ترجعي ايام الطفولة الي حسيتي انك اتغبنتي فيها بالحجاب.
ربي يهديك ان شاء الله، استغفري ربي وماتزيديش تخممي هكا.

[dede2000]

سبحان الله وبحمده فكرتيني في بعض المصطلحات يقولها بعض الناس والله تخرج الانسان من جلدو ،على شاكلة مادرلهاش الحجاب خليها تعيش حياتها ،ماتزيرش عليها خليها تعيش شبابها،يا اختي شوفي ربي حلل الطيبات وحرم الخبائث في كلش مطعم مشرب لباس نكاح ....كلش
شوفي أنا مع تعليم وعمل المراة لكن وفق الشرع،وأول حاجة في الشرع هي السترة يا بنت الناس ،تقولي مخلونيش نلعب ولا نقرا بلاك نفهموك مي تقولي دارولي الحجاب وتقولي فيها بحرقة هنا نقولولك قف،وزيدي تقولي لو يجيني زوج راح نشرط فيه نحي الحجاب ،انا نقلك هذا موش زوج لي يقبل حاجة كما هذي هذا ديوث ولعياذو بالله،المرأة المسلمة كما الجوهرة ،غالية وعزيزة وما يشوفهاش الناس كامل.

[{ حديث الوجدان }]

أنا تبالي الحجاب مادرلاكش عقدة نفسية وانما ماخلاكش تعيشي حياة الطيش علبيها راهو زاعجك

[karime amrs]

الحجاب ستر و غطاء للمراة
و تفكيرك خطا

[زايدي أمحمد]

انا مافهمت والو من مفروض تطلبي كيفاه تنحي وسواس ربي يهديك

[muslim girll]

السلام عليكم
اللهم وفقنا للقول السديد والعمل الرشيد
اهلا بك اختي
صراحة هذه اكثر استشارة اعجبتني
كما انني اعجبت بك واضح انك طيبة ..
وعلى قدر عال من "الغفلة" التي تجعلك من النوع الذي لا يعرف اعداءه جيدا ولا تعرفين سبب المشكلة حقا ... هذا ما يسمى تجاوزا بالنية
من الاخير اختي مشكلتك ماراهيش مع الحجاب ...
شحال لازملك من سنة حتى تعرفي بلي مشكلتك هي الضغط من داركم
و داركم ما يعرفوش يتصرفو للاسف..كاغلب العائلات يشوهو ديننا بلاما يعرفو
تصيبي الراجل (الاخ العم الخال ..وحتى الاب ) ..الصلاة ما يصليهاش اومبعد يترجل على الطفلة "استري روحك "
الحجاب اللي تهدر عليه العائلات هو حجاب تع العادات والتقاليد ..ماشي تع الاسلام
ماكان حتى واحد منهم يحبب للطفلة الحجاب من صغرها ويعرف كيفاش يوصللها الرسالة ويقنعها باش هي تقتنع وديرو ..وتحس روحها "مسلمة"
لان الحجاب من شعائرنا وبيه تعرف المسلمة والمتدينة
اختي ..ديري في بالك بلي الحجاب فرضو ربي ..ماشي يماك ماشي باباك ..وماشي حتى الرسل ... ماعلى الرسول الا البلاغ
وهادي حاجة مفروغ منها الحجاب واجب على كل بالغة ..وبشروطه المعروفة ...
فاذا كنت متحجبة سواء درتيه بالسيف ولا بالرضا فانت مؤدية للواجب..واذا ما يهمكش امر ربي هاديك حاجة وحداخرى !
وربي كي يلزمنا بحاجة ما علينا الا ان نسمع ونطيع
في سورة الاحزاب ، يقول ربنا :{ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ ۗ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا (36)}
يعني راجل ولا امراة شيخ ولا شاب امي ولا عالم كلنا مامورون ..اما هادوك اللي راكي حاسبتهم عايشين حياتهم (اللي ماشي دايرين حجاب ويلبسوا وش يحبو ) ماهم الا عصاة -في هذا الامر -


قلتِ بلي درتيه 12سنة .. كاين اللي دارو قدك وقل منك (وانا منهم ولله الحمد )
وحقيقة تحسي بلي ما " فرغتيش قلبك فاللبسة "
هادا امر طبيعي ..مي مام لوكان مادرتيهش بكري ماكنتيش رح تشبعي لانو وقت المراهقة والشباب هو افضل وقت "للتعري" ايمالا لو كان مازلكي حتى لدوك متبرجة ... امالا مليح ساعات الواحد يسلك روحو ... ان شاء الله تكوني فهمتيني


وقلت توقفت عن الخروج عن اللعب ... شفت المشكل!).وش دخل الحجاب فالخرجة واللعب!!!!


وقلت بلي كلما يخطبك واحد تقوليلو نحي لحجاب ..الخ ! اذا فهمتك صح !
وشبيك هبلت ؟؟ كيفاش رح يغزر فيك هاد الراجل !! ..تتوقعي راجل رح يفهم مشكلة نسائية كيما هادي !
اغلب الرجال كي يشوفو وحدة لبست لباس ضيق مثلا ..يروح بالو لبعيد
..مايفهمش بلي المرا تحب تلبس برك باش تبان شابة وما تقصدش حاجة ماشي مليحة !!! .امالا .رح يحقرك بالعين و يشوفك ماشي متربية ومافيكش الخير وزيد بالزيادة ماتخافيش ربي
شكون من الرجال رح يحترمك كي يسمعك تهدري هكدا !!!!!
بالاك تعاودي هاد لهدرة خاصة لرجل عربي !


نقولك حاجة انت لو كان تجيك فرصة تنحي لحجاب الى الابد ..ماتغتنميهاش ماراكيش رايحة تنحيه ..ولو كان تنحيه ماتزيديش بزاف وتعاودي تلبسيه.. وماتربحي غير لعيب مانيش نهدر على العيب قدام الناس .. لالا
ماتخميش فالناس مايهموكش الناس ... ربي اللي فرض الحجاب ماشي عبادو ...

مع العلم انت ايدا نحيتيه مراكيش رايحة تكفري! ..تقدري تنحيه وتصلي وتصومي
بصح ماراحاش تحلالك
ولو كان تنحيه راح تخسري العلاقة بينك وبين مولاك !
جابلي ربي باش توري شعرك وجسدك هاد الامر ما يستاهلش انك تخسري علاقتك مع ربي ...


كي تخممي تنحي لحجاب هادا وسواس لا اكثر من هذا
ماتخليهش يتغلب عليك

وانا احيانا نحس تاني رح نتخنق !مي انت اصبري كي تتزوجي تلبسي كيما تحبي ..وفرغي قلبك .. وفالاعراس تاني البسي ماعليكش مادام غير نسا في نسا عادي قصير بلا اكمام ..الموديل اللي تحبي ..باش تنقصي عليك الضغط ... وقولي مع نفسك كي نتزوج نلبس وش نحب
ربي يفرج عليك ..ويقربك ليه .. ويوفقك ..
نسقسيك :انت راكي حابة تنحي الحجاب وماتزيديش تلبسيه كامل حتى تموتي ؟ الجواب يفيدك انت .

💜

[الداعي الى الحق]

سلام عليكم
بصراحة اهلك غلطوا بزاف كيفاش يامرو بنت عمرها 12 سنى تدير الحجاب مافهمتش

ياك ربي فرض سترة على نساء ماشي على الاطفال
دينكم وماتفهمهش يا مسلمين
انتي مراكيش غالطة اختاه اهلك لغالطين
وقضية تنحي حجابك هدي تعود عليك يعني حريتك شخصية سلام

[Saif al-Islam]

الفاصلة3

السّلام عليكم و رحمة اللّه و بركاته


الأسف على من لا يسأل ....و المؤسف على من نُصِح و لم يعمل بالنّصيحة ........

أعتقد أنّ أغلب النصائح من قِبل الفضلاء و الفاضلات بنّاءة و مميزّة ، و لا كلام غير هذا ........، فقط ....ركّزي رعاكِ اللّه على إبعاد توجيه التُّهمة للحجاب ، و الحجاب قد تبث براءته .....و لا علاقة له بمشكِلتك ....

أتمنى أن تكون النصائح قد غيّرت ما غيّرت و أصلحت .......بالتوفيق إن شاء اللّه

الفاصلة2