وش نوجد بش نلقاه مباعد ؟

[مشكلتي]

السلام عليكم ..

عمري 26 سنة ..عندي شوي دراهم .. بصح مايكفيوش للزواج .. المهم

راني نخمم وش نوجد بش نلقاه مباعد .. خممت فالذهب


.. وماذا بيكم تنصحوني

+

راني حاير كيفاه نلقا مرا مع هذا الكم الهائل تاعهم .. بلا ما شت وحدة ملتزمة و مليحة للزواج في نفس الوقت

كعادش أنا خدام بعيد ومنقدرش نروح للدار من الشهر للشهر و لازملي مرا نعول عليها مباعد ..كعادش راح نخليها مع دارنا

[toulay]

وعليكم السلام ورحمة الله وبركاته
ربي يسهلك ان شاء الله
لم الدراهم ومبعد ساهل الحال
Si si تلقى اعرف برك تحوس وميز مليح وان شاء الله خير
juste une remarque علاش متديهاش معاك وتكري علاش هي مطايشة في بلاد وانت في بلاد
على كل درك على حساب العقلية تاع البنت
بالتوفيق

[غصن البآن]

لا اطيق فكرة عمل الزوج بعيدا ...
ربي يوفقك وتلقا بنت الحلال اللي تتحمل المسؤوليه وتتحمل عناء بعد زوجها ..

[محارب الحمق]

واحد مايكذب عليك, العثور على امرأة صالحة متدينة من بين ملايين البنات التي يعج بهن هذا الوطن أمر صعب وهذا بتجريب المجربين. ولكن لا سهل الا ماجعله الله سهلا, فادعوا الله ان ييسر لك الأمر

[زبدة ذايبة]

إذا كانت داركم فيها لامان

يعني مافيهاش الداخل والخارج بزاف.

ومافيهاش اللي ممكن تشك فيه.

يمكن تشري الذهب.

وإذا عندك نسبة من الشك غير اخطيك.

لأنك لوكان تشريه راك رايح تبقى تعس فيه.

في هذاك الوقت رايح تودع الراحة لسنوات حتى تلقى سعيدة الحظ.

تلقى المرأة الصالحة في البيوت الصالحة.

رب يرزقك الزوجة الصالحة.

[خالد عنابي]

اخي انت تقول ان المال لا يكفي للزواج من جهة

وتريد ادخاره من جهة اخرى ؟

انت تحتاج الى الاستثمار وزيادة المال لا الى الادخار

تحويل راس المال الى اصول وادخاره يساعد فقط على الحفاظ على القيمة الشرائية

ولكنه لن يزيد منها

وانت تحتاج الى ذلك

شوف كاش مشروع مناسب وتكون قادر عليه ويكون سببا في دخل منتظم ومناسب لك

حتى تقدر على الزواج

[dede2000]

في رايي وجد دراهم خير،الذهب راح تولي تعس فيه ،وحتي الموضة نتاع الذهب راه كل عام تتبدل و يدخلو لي مودال الجدد،
وكي يجي ذاك الوقت خلي الزوجة لي تخيير الخاتم ولا برور وعلاه تلبس حاجة هي مهيش راضية عليها،وربي يزوجك يا خويا ببنت الحلال الولود الودود.

[☆ABID☆]

مشكلتكم تحوسو على المرأة الصالحة في الشارع
المرأة الصالحة تلقاها في بيتها
وتلقاها أخت لرجل صالح او بنت لرجل صالح
اذان ابحث ن الرجل الصالح تلقاها
وماتقوليش ما نعرفش راجل صالح؟؟
ربي يسرلك

[الداعي الى الحق]

مشكلتكم تحوسو على المرأة الصالحة في الشارع
المرأة الصالحة تلقاها في بيتها
وتلقاها أخت لرجل صالح او بنت لرجل صالح
اذان ابحث ن الرجل الصالح تلقاها
وماتقوليش ما نعرفش راجل صالح؟؟
ربي يسرلك

ههههه66 ضحكتني يا خووو كيفاش مايلقهاش في شارع علاه المراة صالحة ديما كاينة فدار راح تخرج راح تروح لطبيب راح تخرج وتروح للعرس وراح تخرج وتروح للجنازة راح تخرج وتروح تقرا وتروح تخدم وتروح تحوس .

وشكون يعرف بلاك تلقها وهي في طريق لاحد هده المشاوير

[مريم المتفائلة]

ربي يهنيك اخي يوجد بنات الحلال ابحث فقط واعلم ان الطيبون للطيبات


والاخ لي يقول في الشارع علاش المراة الصالحة تدفن روحها فالحياة تاني هي لازم تعيش كيما قال الاخ

[nadine0159]

ههه ننصحك تدي مرتك مع تم

[زهرة وهران]

الله يلاقيك مع بنت الحلال لي تصونك إن شاء الله ربي يعاونك