هل من دورة جديدة للتنظيف و يا حبذا لو يتم الأخذ بعين الاعتبار ظروف المرأة العاملة !

[سيرين 5]

السلام عليكم و رحمة الله تعالى و بركاته ... :dj_17:
صباح الخير عليكم جميعا كما ذكرت في العنوان هل من دورة جديدة للتنظيف ؟ بيتي مرون شويا و ما صبتش روحي خاصة انو ما عنديش وين نرتب ادراج او رفوف.... عندي بلاكار وحدة راح تطرطق فيها ماعن و فراش و حوايج الشتاء و خردة اخرى ... خزانتي طحولها الابواب و راني نسنى راجلي يخدمهالي و راهر بزاف مقلقتني لانو زادو الحوايج ترونو فيها ... الادراج تاع لاكوافوز و لي طابل دو نوي كل يوم تجبدلي بنتي واش فيهم و انا نرجع حتى تعمرو خردة ... و الكوزينة اللماعن تحت البوطاجي ماشي مرتبين راهم مرونين علاجال ماكاش بيبان و بنتي تجبدلي الماعن و انا نرجع حتى عييت و ما كانش رفوف راني نسنى راجلي يركبهم من ثلاث سنين ...
الكوشة الزجاجة تاع الباب توسخت من الداخل و ما قدرتش نحلها و حتى راجلي ما قدرش ! راهي مقلقتني تان ! او بالأحرى البيت كلو راه مقلقني و انا راني في الشهر الثامن راني غير نتقال و لازم نظف مع العلم يوميا راني خدامة من الثمنية للربعة !

[حبيييبة]

اكتب و يدي ترتجف سعادة و شوقا لكل واحدة من هدا القسم الحبيب على قلبي
و في نفس الوقت قلبي يعتصر خجلا من كل واحدة منكن احتاجتني او قلقت علي في غيابي
الله يشهد اني اشتقت لكن حبيباتي و اشتقت لرفقتكن.. لكن..
سبب غيابي بسيط جدا.. لكنه ثقيييييل..
سبب انسحابي اني كنت عاجزة عن المساعدة و الايفاء بكل وعودي..
و للاسف في لحظات ضغط فضلت الانسحاب على أن اعد ولا أفي..
أعجزتني ضغوط الحياة.. ولازالت تعجزني رغم جهادي اليومي للتغيير و التحسين
أتقبل عتاب كل محبة و مشتاقة.. لأني أنا بدوري لم أفتأ أعاتب نفسي يوميا مرارا و تكرارا

حبيبتي سرين أعتدر منك حبيبتي لاني اقتحمت موضوعك لاكتب فيه اعتداري لك و لكل حبيبة لي في هدا المنتدى
لكن طلبك للمساعدة حمل أصابعي لمحاولة تدكر كلمة الدخول و البحث عنها و كتابتها و الدخول لالبيك
ولو ببعض الافكار و أرجو أن تكون في خدمتك حبيبتي

بالنسبة للخزانة التي تكسرت أبوابها ففكرتي لك أن تعلقي عليها ستارة
هده الفكرة يستعملها الاجانب بكثرة فاغغلبهم ليس لديهم ابواب لخزائنهم و يرون في دلك أنها فكرة عملية اكثر

http://www.castorama.fr/images/products/h/h_657651.jpg

https://s-media-cache-ak0.pinimg.com/564x/b1/ca/15/b1ca15dc356db8bcdce7c96b84acbb90.jpg

http://www.castorama.fr/images/products/h/h_655682.jpg


http://img1.dlmcdn.fr/a/6037/L001MCH6037059-0101-2250-p00-dressing-extensible-niches-penderie-bois-l112185xp50xh182cm-artemis.jpg

بالنسبة لابنتك فيمكنك أن تضعي الكراتين و العلب الثفيلة في المستوى السفلي للخزانة حتى لا تقدر علىى اخراجها و العبث بها

أما أدراج التسريحة فحاولي أن تطبقي مثل هده الافكار

http://www.hiamag.com/sites/default/files/styles/ph2_960_600/public/article/29/11/2016/4797326-540434016.jpg?itok=4Rh8lqcH

كما يمكنك أن ترتبي اشيائك في علب مثل هده حتى لا تعم الفوضى في الادراج

https://sc01.alicdn.com/kf/HTB1sAv8IXXXXXamXFXXq6xXFXXX8/Rattan-plastic-storage-basket-with-lid-Woven.jpg

أو هده لكن احرصي ان يكون لها غطاء

http://files2.fatakat.com/2013/12/13866337591797.jpg

أما بالنسبة لتحت حوض المطبخ فيمكنك أن تعلقي ستائر و تثبنيها من الاسفل حتى لا ترفعها ابنتك

http://3.bp.blogspot.com/_o0SUQe9g5FM/SAAPisOKciI/AAAAAAAAAQQ/MZU5TJ1S7O0/s400/100_2734.JPG

http://farm1.static.flickr.com/12/95431263_47829bca00.jpg

http://files2.fatakat.com/2013/11/13858271335299.jpg

و حاولي ان تستعملي العلب لتخزين مواعينك

http://4.bp.blogspot.com/-UsszHdRbi-k/VAYdbjhrjUI/AAAAAAAAIVw/oW4Fa1Ozefc/s1600/%D8%AA%D8%AE%D8%B2%D9%8A%D9%86-%D9%85%D8%AF%D9%88%D9%86%D8%A9-%D8%AF%D9%8A%D9%83%D9%88%D8%B1-%D8%A7%D8%B9%D8%A7%D8%AF%D8%A9%2B%D8%AA%D8%AF%D9%8 8%D9%8A%D8%B1-%D8%A7%D8%B9%D9%85%D8%A7%D9%84-%D9%8A%D8%AF%D9%88%D9%8A%D9%87-%D9%81%D9%86%D9%8A%D9%87-%D8%AC%D9%8A%D9%86%D8%B2-%D8%A8%D9%88%D9%83%D8%B3-.png


http://4.bp.blogspot.com/-wi8sr-C95JE/U-uez--IB8I/AAAAAAAAFXE/i6-W0FKSLFw/s1600/%D8%AA%D9%86%D8%B8%D9%8A%D9%85%2B%D9%85%D8%B7%D8%A 8%D8%AE.jpg


http://3.bp.blogspot.com/-pSStCtKqMUI/U-vL_HJI8_I/AAAAAAAAFdM/wqOwXRa0V_0/s1600/1-%D8%AA%D8%AE%D8%B2%D9%8A%D9%86-%D8%AD%D9%85%D8%B5-%D8%A8%D9%82%D9%88%D9%84%D9%8A%D8%A7%D8%AA-%D8%AA%D9%86%D8%B8%D9%8A%D9%85-%D9%85%D8%B7%D8%A8%D8%AE.png

اما بالنسبة لمؤونة فيمكنك تخزينها في مثل هده السلال دات الغطاء

https://sc02.alicdn.com/kf/HTB1C_j8KVXXXXcLXVXXq6xXFXXXs/wholesale-plastic-picnic-basket-with-cover-and.jpg

https://sc02.alicdn.com/kf/HTB1CWDcJpXXXXXoXXXXq6xXFXXXu/Fruit-Vegetable-Plastic-Kitchen-Baskets-With-Cover.jpg

كما يمكن أن أنصحك باقتناء مثل هده الادراج ان استطعت حبيبتي لنها فعلا مفيدة و تجمع الكثير من انواع الاواني

http://eliflerplastik.com/urunler/komidin8.png

و آخر نصيحة يمكن أن أقدمها لك.. ان كان زوجك قد اقتنى الرفوف و هي مركونة في البيت لكن لم يركبها بعد
فانصحك بعدم انتظاره و ان تركبيها بنفسك.. و ان لم تعرفي كيف فتعلمي فالفيديوهات عل اليوتوب تأتي بكل هده الامور الخاصة بالبريكولاج و الديكور يمكن ان تتعلمي منها ما عليك ال ان تقتني بعد المعدات من المتجر او من بعض اقاربك او جيرانك و تقومي بتثبيتها انت بنفسك ولا تنتظري احدا لتنظمي حياتك و تشعري بالرضا و الراحة في بيتك و حياتك حبيبتي
و افتحي عقلك و قلبك لكل ما هو جديد و جميل و لا تسمحي لنفسك بالغرق في دوامة الكره و الاستياء من ظروف حياتك و أثاث بيتك و جدرانه
افتحي كل نوافدة و اسمحي بدخول الهواء النقي الجميل الى اركان بيتك و تنفسي بعمق استنشقي الهواء حتى تملئي رئتيك و بطنك بعمق ثم اخرجيه و كرري هته العملية دائما و لفترات طويلة و امتني لله على ما انعمه عليك من سلامة البدن و العقل لك و لزوجك و لفلدة كبدك حبيبتي فرؤية من تحبين في سلامة و امان اهم و اكبر نعمة يمكن ان تعطى قال نبينا عليه الصلاة و السلام: "من أصبح منكم آمنا في سربه، معافى في جسده، عنده قوت يومه، فكأنما حيزت له الدنيا."
هدا الكلام ادكر به نفسي قبل نفسك حبيبتي فكلنا محتاج لتدكر معاني هدا الحديث و كلنا قد مر او يمر بمثل ما تمرين به هته الايام
لكن اعلمي ان دوام الحال من المحال.. و كل يوم هو في شأن سبحانه و معنى دلك أن من شأنه أن يحيى ويميت، ويرزق، ويعز قوما، ويذل قوما، ويشفي مريضا، ويفك عانيا ويفرج مكروبا، ويجيب داعيا، ويعطي سائلا ويغفر ذنبا إلى ما لا يحصى من أفعاله وإحداثه في خلقه ما يشاء
فارجو ان تتفائلي بالحي القيوم الرؤوف بنا في الابتلاء قبل الفرج
و تقري عينا و تحبي بيتك و كل درة من اغراضك حبا لاسرتك و لنفسك
و تسعدي نفسك و اسرتك بابتسامتك و توكلك على الله♥

[arwa alaa]

اهلا بالحبيبتين سيرين وحبيبة الكل حبيبة
عاش من شاف اسمكم

[سيرين 5]

اهلا اهلا بحبيبة والله مرة على مرة تخطري في بالي من دون البقية ما علاباليش علاه نتفكرك رغم اني ندخل نادرا جدا جدا !
فرحة جدا بنصائحك لي بارك الله فيك و في ميزان حسناتك ان شاء الله و ربي يرزقك بكل واش راكي متمنية عاجلا غير آجلا ...

[سيرين 5]

شكرا أروى ألاء على الترحاب شكرا كثيرا بارك الله فيك

[نسمة صبح]

اه يا حبيبة

يبقى اللون الوردي و طلتك الساحرة تذكرنا بايام ربيعية كانت في عز الشتاء...انت الاكثر عطاءا و اباكثر وفاءا فلا تلومي نفسك ابدااا..

لست تفعلسن ذلك ابتغاء اجر و انما رغبة في مساعدة الاخرين

تاتين بكل الافكار و تحاولين الاجابة على كل الاسئلة و تزرعين الامل و الحب في كل ركن..ليس في المنتدى و لكن في بيوتنا...تخيلي حجم الفرح لقارئ كلماتك

لذلك ساطلب منك نيابة عن الكل ان لا تغيبي كثيرا..لسنا نريد دورة كاملة و طلبات و حلولا و انما فقط ذلك اللون الوردي...فلتبثيه في الارجاء و لترمي بضغوطك فكل الصدور تحمل لك الحب و تتمنى لك الخير

سيرين والله محتاجين فعلا لدورة و لما شفت رد حبيبة قلت هي الاجدر..

يا ريت حبيبة طلي علينا و لو لدقااايق و القاي فكرة دورة تكون الافكار و المساعدة من المنتمين اليها مش شرط انتي تقومي بكل العمل ولا قسميها و كل واحد يتولى جزء


تحياتي العطرة للجميع..مشتاقة اليكن كثيرا

[جهينة اليقين]

اهلا بالاحبة والله مشتاقين للايام الحميلة اهلا بيك حبيبة الحبيبة وسيرين ان شاء الله تكون ظروفك تحسنت
حبيبة لا تلومي نفسك فالظروف اقوى منك ولكل منا ظروف المهم نحاولو نطلو ونطمنو على بعضنا

[نصارنصار]

اه يا حبيبة
شكرا كثيرا بارك الله فيك

[أريج13]

السلام عليكن و رحمة الله تعالى و بركاته
اهلا بكن اخواتي ....ان شاء الله اموركن بخير ....
سيرين نحتاج لدورة جديدة ...انا غيرت منزل اقامتي و هو صغير نوعا ما عن الاول ...لذا احتاج من اخواتي النصائح لترتيبه......و يا حبذا لو كانت دورة نتبادل من خلالها الافكار....
الاخت الغالية حبيبة .....هلت الانوار ...صحيح انا لم اكن معك في دوراتك ...و لكن ما حكته عنك الفراشات....و ما قراته من افكار في دوراتك يجعلني افتخر انني انضممت لهكذا مجموعة ...فالحمد لله
جهينة اليقين .اروى الاء.نسمة صبح .سيرين ......كيف احوالكن و احوال العائلات؟؟؟؟؟؟.
يا رب وفق اخواتي لما تحبه و ترضاه

[غزالة1]

السلام عليكم ورحمة الله وبركاته
لم اصدق نفسي عندما فتحت الموضوع و وجدت صاحبته سيرين لك وحشة يا اختي
و لم اصدق اني استطعت الدخول إلى المنتدى لاني مؤخرا عندي مشكلة في الدخول و لكن دهشتي كانت كبيرة و فرحتي اكبر اني وجدت حبيبة الحبوبة شوقنا لك كبير اخية و انا الومك و اعاتبك عتاب الاحبة لماذا لم تطمنينا عليك و لو مرة في الشهر و الله يشهد حاولت أن ابعث لك رسائل خاصة لكن لم استطع لا ادري اين المشكلة اردت فقط الاطمئنان عليك لا غير
سلامي لكل الفراشات العزيزات الغائبات و الحاضرات و ربي يجمعنا في الخير دنيا و اخرة
لي عودة غدا ان شاء الله

[ام متين]

اشرقت الصفحات بتواجد الغوالي ايييه كانت ايام جميلة تلك التي تطل فيها علينا الاخت حبيبة بلونها الزهري حتى وان غابت فبصمتها باقية في كل ركن من بيوتنا وعقولنا
ادام الله تواجدكن جميعا وعودة موفقة للجميع
سيرين لازم انت تتقبلي بيتك وتحاولي تنظميه على حسب امكانياتك وحاولي تستعيني بالاهل اذاكان الزوج ما يحبش يعمل في البيت وماتظغطيش على روحك بزاف الفائدة في صحتك والباقي يتعدل مع الايام

[سيرين 5]

شكرا لكن حبيباتي على الرد و الاهتمام اخص بالذكر حبيبة،
قد ما نشكرك ما نوفيكش لذلك اعلمي انني ادعي لك في السر و في الغياب بالخير حتى تصلك الدعوة خالصة ...
المشكل ذكرته اختي حبيبة و اكدت عليه أم متين ... أنا بكل صراحة لا أحب البيت الذي أسكن فيه و لا أستطيع ان أقول بيتي لولا زوجي و ابنتي لما عتبته ... ما نقدرش نوصفلكم شعوري كل مساء لما نصل للمنزل و خاصة لما يقولي زوجي روحي وحدك للدار انا مازالني مشغول ما نحبش نروح و ما نحبش ندخى لهذاك المنزل وحدي لول البارح قالي روحي وحدك ما حبيتش قلتلو نروح لدارنا و كي تكمل عيطلي رغم ان ابنتي في المنزل هذا مع مانها هكذاك و سمحت فيها و خليتها عندها كي رجعنا في الليل مسكينة دارت حالة بالبكاء و شادة فيا ما حبتش تطلقني و لقيتها عندها ضربة في فمها طاحتلهم غاضتني حسبت بتأنيب الضمير كي خليتها قلت يا ريتني ما خليتهاش و رحت رفدتها و ديتها معايا لدارنا ندمت لي خليتها.
الشعور هذا والله فوق طاقتي ما نحبش ندخل للدار خاصة وحدي لما ما يكونش زوجي . زاد البارح كان مازال يخدم قالي روحي وحدك زادت حكمتني الغمة و القنطة بصح عفست على قلبي و رحت للدار طلعت بنتي معايا و فتحت كل التواقي و شعلت القرآن و طيبت العشاء و دوشت لبنتي و عشيتها و حطيتها تلعب و انا نطوي في الحوايج قدامها حتى لقيتها تقولي ديدي مسكينة و تحك في رجلها لقيت رجلها اليسرى فقط معمرة حب قلبتها في لحمها كامل ماكاش غير في رجلها اليسرى درتلها ماء الزهر مرقي في 10 د اختفت الحبوب !
انا كرهت هاذ الدار ما عرفتش اذا السبب من ناسها المنافقين لي ما قدرتش نعاشرهم او لسبب آخر !

[ام متين]

السلام عليكم اختي سيرين والله حسيت بالالم نتاعك لكن لازم تعرفي ان نسبة كبيرة من النساء عانت ولاتزال تعاني من مشاكل وهموم الدنيا لكن دوام الحال من المحال
حاولي تبحثي في حياتك عن اشياء جميلة نعمة الصحة والعافية نعمة الوالدين ونعمة الذرية الي ان شاء الله تكون صالحة ..وزيد اذا كان علاقتك بزوج طيبة حتى وان كان من النوع الذي لا يهتم كثيرا بالاصلاحات بالبيت وتاكدي ان عمر الحال ما يبقى على حالو
حاولي تعملي تغييرات استعيني باهلك وبعائلتك في ترتيب البيت وتنظيمو خصوصا انك حامل وفي شهورك الاخيرة يعني الاستعانة بالاخرين شيئ عادي طبيعي
هوني عليك اخيتك ولا تعطي الامور اكثر من حقها
ازال الله همك وغمك وفرج عنك كربك ورزقك من حيث لا تحتسبين لكن اياك واياك واياك ان تهملي بنيتك لاننا نسعى جميعا من اجلي ابنائنا ثم انفسنا بعد ذلك
لاتقنطي من روحي الله

[سيرين 5]

السلام عليكم ... شكرا أم متين على الدعاء ربي يحفظك و ان شاء الله لك بالمثل ...
بالنسبة للنصائح لي مدتهوملي حبيبة يعطيها الصحة راني طبقت البعض منها و لقيت النتيجة هايلة مثلا تخت البوطاجي لميت الأغراض كل صنف في علبة مثلا الروبو و الميكسور تاع البرا و الباتور و الميزان نظفتهم و حطيتهم داخل هلبة بلاستيكية كبيرة تتغلق هكذا تهنيت من الكراطن تاعهم و كل حاجة وين تترمى
لميت كل الطوابع تاع القاطو و ليكيسات و لي غوم و الملونات ... في علبة مغلة ايضا تحت البوطاجي
لميت لي تورنوفيس و البلونات و المسامير و البانس و الكلاب .... في علبة مغلقة تحت البوطاجي
لميت كل شيء يبقالي في أكياس بعد ملأ العلب من حمص و سكر و معجنات و قهوة ..... علبة بلاستيكية مغلقة تحت البوطاجي أيضا
لميت كل المغارف الكبار و الصغار و الفراشط جدد غير مستعملين في علبة بلاستيكية صغيرة مغلقة ايضا تحت البوطاجي
بالنسبة للعلب استغليت علب مسحوق الغسيل لو شا le chat كانو عندي غسلتهم و نحيتلهم الكاغط لي فيهم و نشفتهم و حطيت فيهم أدوات الحلويا و الثانية حطيت فيها واش يبقالي في أكياس من حمص و سكر و عجائن و بن ....
زدت فرغت الدقيق و الفرينة و المايزينة و الطعام ..... كل حاجة في دلو صغير بالغطاء تاعو
بالنسبة للقدور و الطناجر درت كل حاجة صغيرة داخل الحاجة الاكبر منها و غطاء كل قدر لميتهم في علبة مستطيلة الشكل حتى يسهل العثور عليهم
اصبحت الحالة منظمة بالنسبة لواش كانت من قبل مع العلم الرفوف لم تركب بعد من بعد نشوف كيفاش نركبها ان شاء الله
غسلت الكويزينيار و الحمد لله بعد جهد جهيد تمكنت من تفكيك زجاج الزجاجو غسله جيدا بالاضافة لخلف الكويزينيار و نظفتها ايضا و رجعت كل حاجة لمكانها و غسلت نافذة المطبخ و غسلت الفايونص تاع المطبخ و غسلت الثلاجة من الخارج فقط لانها من الداخل نظيفة تحتاج فقط مسحة خفيفة و اعادة ترتيب فقط
غسلت علب التوابل و الرفوف تاعها و نشفتهم و اعدت ترتيبهم
تحت البوطاجي مازالت جهة فقط لي نحط فيها زيت الزيتون و الصحون لي ما نستعملهاش دائما هادو قلت حتى نشري سيلوفان و نغلفهم بعد ما نغسلهم
و غسلت تحت البوطاجي ايضا وين دايرة سلة للصحون و الكؤوس اليومية انا ما نحبش نحطها فوق البوطاجي لأني نفضلو فارغ هكذا يبانلي مرتب ��
بالنسبة للثلاجة لما غسلتها من برا لقيت فوقها معمرة غبار لذلك حطيت قطعة طوانسيري فوقها لتجنب توسخ الثلاجة من فوق و نظفت البانينوز و حطيتها فوق الثلاجة و جنبها سلة الخبز
واش تاني !!! المهم الموزينة الآن راهي تشعل مازال حاجات خفاف ان شاء الله صح تعبت بزاف و كنت نعمل و نسيل بالعرق و نمشي بالقرعة تاع الماء لكن الحمد لله كملتها
بالاضافة للروتين الاسبوعي لتنظيف البيت عندي على الاقل مرة في الاسبوع نظف البيت لاني طول اليوم اعمل و ادخل احيانا متأخرة للمنزل يا ربي قيس ما نطيب !
لكن يبقالي مشكل لي ما قدرتش نحلو انا نعمل بجهد في عطلة الاسبوع و نقي الدار لكن طول الاسبوع نحس روحي ما نقدر نمس والو يا ربي نطيب و نتعشاو و نروح نتكا نفشل و نثقل ما نقدر نمس والو ! فتتراكم الملابس المتسخة حتى و اذا غسلتها ما نقدرش ننشرها و الماعن يبقاو تاع اليوم على تاع غدوى و هي رايحو حتى يولو جبل و نوض موراها شويا بكري و نغسلهم قبل نا نروح للعمل
حتى البيت ما يتهواش اي لا تفتح النوافذ لأننا نخرجو من الصباح لليل
و حتى النفايات لما نرجع للبيت يكون الزبال راح و تتراكم النفايات والله نكره حياتي لاني نقولو ندوها معانا الصباح في السيارة نرموها هو ما يحبش يقولي تفوح الطونوبيل و احينا والله حتى يدير الدود و نلقاه يدور في ارجاء البيت حتى نعيفو و نكرهو نوض نسيق على سعدي في الليل و نوريلو الدود باش يقدر بصح والله لا حياة لمن تنادي ��
هذو أهم مشاكلي في البيت !

[سيرين 5]

كاين قناة أيضا هايلة وسمها طبخ و تدابير مع داداح عجبتني هايلة فيها أفكار رائعة ... ممكن تفيدكم لي يحب يضرب طلة عليها

[nihal159]

السلام عليكم؛ سيرين قريت موضوعك؛ حتى أنا عاملة و عندي تقريبا نفس مشاكلك؛ لكن قدرت نتغلّب عليهم و رايحة نعطيك شوية نصائح و تدابير؛

جربتهم و نفعوني.

بالنسبة لتهوية البيت؛ كي تنوضي الصباح حلي الطواقي؛ تكون النسمة باردة و منعشة و الدار تتهوّى روووووعة؛ و كي تعودي خارجة

للخدمة؛أغلقي الطواقي و خلي واحدة فقط مفتوحة للتهوية؛ أكيد أغلقي الشبابيك باش مايذخلوش الحشرات و الذباب و خلي الزجاج فقط مفتوح.

كي تعودي خارجة الصباح رشي في قنوات الصرف تاع الحمام و الكوزينة الجافيل؛ لأن الحال سخون و المجاري تنبعث منها ريحة كريهة؛ كي

تستعملي الجافيل ماتخرج حتى رائحة منها على ضمانتي.

ديري طاس صغير و حطي فيه top sol برائحة الورد أو الليمون؛ يقعد نهار كامل يبعث فالرائحة نتاعو فالجو.

بالنسبة للماعن؛ دبري راسك لازم ديري الكوراج و تغسليهم لأنهم سبب الروائح الكريهة؛ وباش مايتلموش عليك كل حاجة تخدمي بها أغسليها باش

مايتلموش فوق بعضهم؛ و هكذا كي يلحق وقت لعشاء تلقاي غير الصحن و المغرف لي كليتي بهم.

حاولي ماتفرشيش زرابى بزاف فالدار؛ باش هكذا كل يوم تكنسي دارك و ترشي شوية جافيل و تمسحي بالنشاف ؛ترجع دارك تشع بالنضافة.

بالنسبة للقمامة؛ خرجي سلة القمامة للبالكون أو أي مكان مهوي مليح و ماتخليهاش فالكوزينة؛ لأن المطبخ سخون ويزيد يساعد التعفن؛ و أرميها كل

يوم؛ و بالنسبة لزوجك؛ قوليلو راني درتها في زوج ساشيات و نرموها في أقرب سلة مهملات؛ كيما ندير أنا مع راجلي هههههه.

بالنسبة للملابس؛ مع تذخلي للدار حطيهم يتغسلو فالغسالة؛ الوقت لي تحضري فيه لعشا؛ يكونو يتغسلو؛ من بعد أنشريهم فالليل عادي.

أهم حاجة باش تنجحي في هذا الروتين؛ أنك تتوكلي على ربي؛ و كي تقومي بشغل الدار ماتخدميش فوق قلبك؛ حاولي تستمتعي باش جسمك يمتلأ

بالطاقة الإيجابية؛ وكل ماتكملي حاجة قولي الله يبارك ياربي قدرني نزيد نكمّل الدار كاملة و نتنعّم فالنضافة.

أنا ماشية بهذ الروتين وما تخافيش ماكسيموم 9 و نص تاع الليل تكملي كل شيء و يكون عندك الوقت باش تسهري مع زوجك و ديري واش

تحبي.

[ام براء عبيدة]

اهلا بتلفراشات والله صح محتاجين دورةجديدة باه نغيروا طبعاناوونظفوا بيوتنا هل من متطوع

[سيرين 5]

يعطيك الصحة نهال راني نطبق البعض من واش ذكرتي كفتح النوافذ الصباح غير نوض يا لوكان نصف ساعة و نغلق تاع الحطب فقط و نخلي تاع الزجاج مفتوحين و القمامة من الاول نحطها في البلكون بصح المشكل مرات طول لأننا ندخلو متاخرين في المساء يكون الزبال راح و يعفن و تنبعث منو روائح كريهة و احيانا يخرج منو الدود و ينتشر في المنزل و يدخل لغرفة النوم و للمطبخ علاجال البلكون مشترك بيناتهم ... و لما نفرض عليه يهبط الزبل صباحا ندوه معانا يرفض رفض قاطع و يقولي لعشيا نهبطو و لعشيا نلحقو روطار و كل يوم تتكرر نفس الحكاية حتى نكره حياتي !!!
الماعن راني فورصيت روحي هاذ الاسبوع و راني نغسلهم مام ماشي في الليل نغسلهم الصباح قبل ما نروح للعمل يكونو غير لي كلينا فيهم علاجال راني نغسل لي نطيب فيهم ...
و ان شاء الله بعد ما نزيد نظم روحي أكثر بإذن الله

[سيرين 5]

أم براء عبيدة ربي يقدرنا ان شاء الله ننصحك بقناة طبخ و تدابير مع داداح و كاين قنوات بزاف في مجال الطبخ و التنظيم و التدبير بزاف هايلين و يعطوك طاقة إيجابية

[ليال 22]

ياريت كل الفراشات ينظمو ونطالبو كلنا بدورة جديدة .

[ghazalt assahra]

في انتظار الدورة قبل الدخول المدرسي

[سجود نور الايمان]

السلام عليكم انا جديدة معاكم و عاملة و اعاني مثلكم تماما خاصة مع ضيق البيت لي راني فيه
نتمنى تكون دورة جديدة خاصة بالنساء العاملات في اقرب وقت قبل العودة للعمل و شكراا

[*رحيق الجوري*]

موضوع روعة استفدت شكرا

[قرويجة]

اظم صوتي لأصواتكن.....

[رندة.]

رانا كاااامل نستناو في دورة جديدة

[ام عبد العالي]

.............نعم دورة جديدة باشرافك حبيبة. اصبت واجدت اختي نسمة صبح

[loaikhashroom]

جيد جدا ومفيد

[AlRayyanClean]

شكرا على الموضوع المميز والمعلومات المفيدة التي يطرحها الأعضاء في الردود على المواضيع

[ninaricci]

سيرين 5 راكي بحال حالتى بكري و كي تزيدي الثانى رديلي بالخبر انا عاملة كيفك و بنفس ظروفك كي كانت عندي واحدة كنت نجري جرى كلش بالنظام و كى زدت الثانية يا اختى حتي الصلاة ما نلحقش عليها حاليا راني نخمم نشري كل الالات اللي تساعد المراة العاملة ونشوف تراه هل المشكل من الوقت ولا منى#طبخ2

[ninaricci]

وكى نروح ونشوف بناتي يغيضونى نحب غير نبطل راني حاسة روحي نجري في الفيد