صراتلكم هذي من قبل؟؟

[soumaya18]

السلام عليكم حبيباتي
عندي سنين وانا نعمل عجينة الصابلي التقليدية تاعي وتخرج هايلة هذي اخر مرتين نديرها كي نبقى نخدم فيها نلقى يديا ميدمين
ولما ندخلها الفرن تولي تعوم فالزبدة( يعني العجينة رمات كامل المادة الدسمة)
وفالخير العجينة تجي يابسة
زعما وين المشكل بدلت المارغرين من ماني لصول ( علما انو الاثنين ملاح)
نستعمل فرينة سفينة
والبيض متاكدة بلي طازج


ثاني مشكل حبيت نجرب حلوة المهراز بالاكواب الورقية لكن ماحبوش يطيبو من تحت يبقو خضرين و من الحواف يحمارو بزاف
رغم اني نطيبهم في فرن 180 درجة مدة اكثر من 20 دقيقة

ساعدوني الله يحفظكم راني محتاجتهم ضروري
وشكرا مقدما

[sofiane2075]

السلام عليكم و رحمة الله و بركاته
بالنسبة للصابلي درنا في عيد الفطر وصفة ام وليد الله يجازيها كل خير فيها زيت و مارقارين احنا استعملنا ماني و فرينة سيم خرج ما شاء الله ربما من الفرينة عمري ماستعملته اما عن قاطو المهراش درنا تاع الاخت ام اسيل ما شاء الله يدوب في الفم ماعليك غير تتقيدي بالوصفة بنتي طيبت في اكواب ورقية و خليناه احمار مليح انتي رققي العجينة و ماتنحيهش من الاكواب حتى يبرد و زدنا عاودناه بعد العيد بنفس الاكواب لي طيبنا فيهم و رانب محتفظة بيهم ربي يوفقك نتمنى نكون افدتك سلام

[fleur de lili]

أختي شوفي صابلي أخدمية بمرغرين باردة وخاصة في هذا الوقت سخون بزاف.
ثاني حاجة ديري سكر غلاص باش اجي صابلي أملس.
متشيحيهاش بزاف .باش كي تعودي تخدمي فيها من ذاك ترشي الفرينة
أ ما الفرن متفوتيش درجة الحرارة 150.في الصيف .اما في شتاء 160
أما بالنسبة لقاطو المهراس تكونى خلتيه خشين في القاعدة ورققتيه علي الجوانب
ان شاء الله نكون أفتدتك اي سؤال أنا في الخدمة

[soumaya18]

السلام عليكم و رحمة الله و بركاته
بالنسبة للصابلي درنا في عيد الفطر وصفة ام وليد الله يجازيها كل خير فيها زيت و مارقارين احنا استعملنا ماني و فرينة سيم خرج ما شاء الله ربما من الفرينة عمري ماستعملته اما عن قاطو المهراش درنا تاع الاخت ام اسيل ما شاء الله يدوب في الفم ماعليك غير تتقيدي بالوصفة بنتي طيبت في اكواب ورقية و خليناه احمار مليح انتي رققي العجينة و ماتنحيهش من الاكواب حتى يبرد و زدنا عاودناه بعد العيد بنفس الاكواب لي طيبنا فيهم و رانب محتفظة بيهم ربي يوفقك نتمنى نكون افدتك سلام
رايحة نجربها ونردلك الخبر بصح الزيت مايقسحش العجينة ؟ راح نجرب نبدل الفرينة لان اول مرة نشوف العجينة تطرح الزيت في الفرن
ممكن نكون خشنت عجينة المهراس
ربي يبارك فيك وفي بنتك ويرزقك ماتتمني
راكي افدتيني

[soumaya18]

أختي شوفي صابلي أخدمية بمرغرين باردة وخاصة في هذا الوقت سخون بزاف.
ثاني حاجة ديري سكر غلاص باش اجي صابلي أملس.
متشيحيهاش بزاف .باش كي تعودي تخدمي فيها من ذاك ترشي الفرينة
أ ما الفرن متفوتيش درجة الحرارة 150.في الصيف .اما في شتاء 160
أما بالنسبة لقاطو المهراس تكونى خلتيه خشين في القاعدة ورققتيه علي الجوانب
ان شاء الله نكون أفتدتك اي سؤال أنا في الخدمة

وقيلا عندك الحق لانو اليوم راه سخون والمرغرين كانت في خزانة المطبخ بصح عندها علاقة بانو العجينة تطرح الزيت في الفرن؟؟؟
150 درجة تبقى في الفرن مدة طويلة وها كا ماتوليش مليحة ولا واش رايك انا كنت نديرها 180 وتجي مليحة بزاف غير هاذ المرة مين داك ما تشربتش ليدام

يا اختي عجز لساني على شكرك راكي وقفتي معايا ربي يحفظك و يجازيك و يفرحك ان شاء الله

[sofiane2075]

اختي لا شكر على واجب الله شكرا على الدعاء و لك بالمتل
بالنسية للصابلي جربيه و تبعي النصائح نتع الاخت ام وايد و بادن الله راخ تنجحي انا نطيب الصابلي 180درجة شهيوات ام وليد صابلي روعة يدوب في الفم


وصفة صابلي روعة هشيشة و بنينة

250 غرام مرغرين طرية + كاس سكر قلاص + كاس زيت + 2بيض + لافاني 1 خميرة الحلوة + فرينة

[sofiane2075]

اختي جربي نصف الكمية متل ماجارت هي في الفيديو و نتمنى تنحجي

[sofiane2075]

https://s-media-cache-ak0.pinimg.com/564x/ac/ae/13/acae13b336f006bd623976e01dfd7f48.jpg

[sofiane2075]

الحمد لله قدرت نحطلك الوصفة :mh31::mh31::mh31::mh31:

[ام شرفو]

سبحان الله حطت الاخت ام اسيل في قناتها نفس المشكل تاعك بنوعية تاع زبدة اخرى فيديو تحت عنوان كوارث في عالم الحلويات سبب تشقق عجينة الصابلي من مطبخ أم أسيل و قالت كيما قالو الاخوات الزبدة تفسد عند الحانوت و نظن في الصيف نخدمو بزبدة باردة نشريوها من مكان مضمون:1:

[soumaya18]

الحمد لله قدرت نحطلك الوصفة :mh31::mh31::mh31::mh31:

ياربي يجعل تعبك ثقل في ميزان حسناتك
انا موالفة نعمل بوصفات ام وليد راهي ماشاء الله عليها رايحة نجربها ونردلك الخبر
حبيبتي راكي كفيتي وفيتي ربي يجازيك خير الجزاء

[soumaya18]

سبحان الله حطت الاخت ام اسيل في قناتها نفس المشكل تاعك بنوعية تاع زبدة اخرى فيديو تحت عنوان كوارث في عالم الحلويات سبب تشقق عجينة الصابلي من مطبخ أم أسيل و قالت كيما قالو الاخوات الزبدة تفسد عند الحانوت و نظن في الصيف نخدمو بزبدة باردة نشريوها من مكان مضمون:1:
حبيبتي شفت الفيديو وسبحان الله كانها الحلوة تاعي نفس المشاكل ,,,لكن والله كل المحلات حتى بعض السوبرت تبيعها في الرفوف يعني صعيب انك تلقيها مخزنة مليح راح نجرب مانخرجهاش من الثلاجة قبل بوقت ونخدم بيها باردة
بارك الله فيكي وشكرا على اهتمامك:)

[soumaya18]

اختي لا شكر على واجب الله شكرا على الدعاء و لك بالمتل
بالنسية للصابلي جربيه و تبعي النصائح نتع الاخت ام وايد و بادن الله راخ تنجحي انا نطيب الصابلي 180درجة شهيوات ام وليد صابلي روعة يدوب في الفم


وصفة صابلي روعة هشيشة و بنينة

250 غرام مرغرين طرية + كاس سكر قلاص + كاس زيت + 2بيض + لافاني 1 خميرة الحلوة + فرينة


راني جربتو وجا ماعندي مانقول ربي يحفظك حبيت نرفع الصور لكن ماقدرتش الحجم كبير
و عرفت المشكل كان في الزبدة مع السخانة فسداته لكن هاد المرة جربته بزبدة من الثلاجة مباشرة وزيدي كنت نخدمها طرية بزاف هاد المرة لميتها مليح خاصة انو اليوم الجو راه سخون
بارك الله فيك وفي كل من ساعدني

[،،ايمان،،]

المشكل في الفرينة هي لي متشربش ليدام

اين كانت الوصفة كي تكون الفرينة مش مليحة متشربش ليدام

صراتلي ايضا مع فرينة سفينة

في العيد درت وصفة خدمتها بلابال جات مليحة نفس الوصفة خذمتها بفرينة سفينة طلقت ليدام

و الفرينة كل مرة راهي تجي بشكل نفس الفرينة ساعة مليحة ساعة لا

[jojo dj]

نظن ياختي الزبده كي شريتيها بلاك ماخبيتيهاش فالثلاجه

[soma1999]

صابلي ام وليد فووووور