غلبتونى يا بنات الفايس بــوك [الأرشيف] - منتديات الجلفة لكل الجزائريين و العرب

الأمنيات

2017-07-10, 21:27

انا نقول لك مش غير بنات الفيس بوك ترجعي فيهم ظليمه حتى زوجك واش لبنات الفيس بوك صيدوه ولا هو الي كان يصيد
الي يسمح في داره وزوجته وولاده هو الي الغلط راكبه من ساسه لراسه
كثري الدعاء. ربي يهديه. ويصلح حاله وانتيحبسي من هاد التجسس راكي غير تمرضي في روحك

غصن البآن

2017-07-10, 23:43

ربي يهديه ويصلح احةالكم ....
شوفي اختي الطلاق ليس حلا ...من جهه اولادك ..ومن جهة اليتم ربي يرحم والديك ...لكن اذا زوجك محبش يلعن بليس و يرجع للطريق الحق يا اختي هاذي قضيه زنا ليست لعبا ...متسمحيلوش يقربك مادامك متاكده انو راه فطريق الحرام ...نهار تمرضي لا هو ولا اولادك راح ينفعوك...لكن ابقاي في بيتك وربي اولادك وهو يصرف هاذا واجبو ...
ربي يهديه والله عيب وحرام عليهم الوقت لي لازم يربو اولادهم على الصلاح يعملو امور حتى الاولاد يخجلو منها ..
قلبي يتقطع لما نلقا هاكذا مشكل ...الوحده تحير تصبر ..واذا صبرت فراح يكون الصبر فوجه الاولاد مساكن ...
لا حول ولا قوة الا بالله ....

غصن البآن

2017-07-10, 23:48

صراحة الاخت راح اجاوبك حسب مافهمت من كلامك
أرى من كلامك نوع من تناقض في الأول تقولي ان زوجك خانك على فايسبوك
ثم بعد ذلك تقولي انك تريدين الحفاظ على ببتك وزوجك وفي نفس الوقت لست راضية من علاقة مع زوجك مع انه حقه الشرعي
اما ان كان زوجك يمارس معك اشياء غير شرعية او شاذة فهذا الامر لا بجب سكوت عليه حتى ولو لديك اطفال فنحن بشر وليس حيوانات

اعتذر عن الاقتباس لكن من باب الشرح اخي انس
لايوجد تناقض فقط انت لم تفهم قصدها
الزوجه لقات زوجها خانها وليس مجرد كلام الظاهر عامل علاقات زنا ..وهي فالاول قالت تتعامل بعقل وتحاول ترجع زوجها ليها يعني تكون زوجه لي متخليش زوجها يشوف لغيرها ...ولكن الامر لم ياتي بفائده ..والان ولات خايفه اذا صبرت يحكمها مرض بسبب مخالطه زوجها للنساء ..واذا تطلقت هي يتيمه وعندها اولاد ...يعني واقعنا مايرحمش ..و خاصه مستقبل الاولاد
عذرا من جديد

**د لا ل**

2017-07-11, 00:19

لم أجد ما أقوله أختي

كان الله في عونك

اصبري واحتسبي الاجر

الله المستعان

أم ايهاب 2013

2017-07-11, 08:37

صديقتي لم اكن اعلم انك تحملين هاد الهم الثقيل .... كنت دائما نشوفك امراة قوية ومرحة.... ربي يفرج عليك
احسن حل مادام درتي كامل اللي عليك خليه بينو بين مولاه .... واشغلي نفسك بحياتك وباولادك وبصحتك اهم حاجة.. لانو ادا ضيعتي صحتك واحد ماراح ينفعك وولادك مازالهم صغار ويحتاجوك .... وطبعا الجئي لربي سبحانو زكثري من الدعاء ربي يفرج عليك اختي

nihal159

2017-07-11, 09:30

ربي يفرج عليك أختي؛ ماننصحكش تماما بالطلاق؛ لأنك كيما قلتي يتيمة و رايحة تتمرمدي فالمحاكم و حقوق المحامي؛ أقعدي في دارك مع أولادك و أدعي ربي يصلح حال راجلك؛ أرمي عليك الهم؛ ماتمرضيش روحك

ام هاديل وياسين

2017-07-11, 10:03

ربي يهنيك اختي ام امجد سورتو كي تكون الوحدة باولادها تتكتف وتخمم غير فيهم نصيحتي ليك متتجسسي عليه
متحوسي عليه يجي نهار وين يركع تحت رجليك انتي كثري الدعاء والاستغفار وربي سبحانه مش رايح يخيبك ان شاء الله

اسيل الباتول

2017-07-11, 12:19

ربي يفرج عليك عاجلا اختي
وربي يهدي زوجك
اكيد يجي نهار ويندم ومايرجع غير ليك
ربي يصلحلك في ولادك وان شاء الله هوما يعوضوك

سحابة باردة

2017-07-11, 13:18

أولا ماغلبوك ماوالو عمر الحرام مكان فيه إنتصار مجرذ إبتلاء أو مكتوب
كيما قالولك الشيرات أبقاي في دارك هو اللي يروح كان حب عندك خمس أطفال المشكلة ماشي فقط في المصروف متقدريش تربيهم وحدك الوقت الصعيب على الاقل يتحمل معاك مسؤلية ولادو
وهو اللي تخلى على مرتو حلالو وراح للحرام أكيد يدفع الثمن غاليا أهم حاجة تقطعي علاقتك العاطفية معاه راح تسببلك أمراض بزاف وممكن حتى أمراض خطيرة
ربي معاك أن شالله

حياة نور الدين

2017-07-11, 13:25

اهلاااا عزيزتي ام امجد يا الله تحملي كل هدا في صدرك وعمره لا بان عليبك وهدا دليل على انك قوية مالا كملي في قوتك واقعدي في دارك
صح اللسان مافبه عظم وصح راكي متحملة فوق طاقتك بصح لكان تخلي دارك راح تتحملي اكثر واكثر
نصيحتي حبسي التجسس يبقولوا ناس زمان ما تشوف عين ما توجع خاطر

2/ اتهلاي في روحك وفي لبسك واناقتك ووليداتك على جالك ماشي على جالو قصدي ماشي تلبسي على جالو باش تعجبيه وتخليه لك لالا البسي على جالك وطلعي المورال روحك وخمي انه به ولا بلا به رايحة تعيشي

3/ كثري من الدعاء والاستغفار هدا ابتلاءؤ وربي رح يؤجرك عليه حبيبتي

4/ ادا خايفة من عدوى من علاقاته الجنسية استعملي الواقي ولا بعديه عليك حتى يهديه ربي
المهم متخرجيش من دارك وادا حب يروح ولا يبدل خليه هو يروح على الاقل تضمني اقامتك والرزق على ربي حبببتي ومتخميش يعيا يروح ويبرجع غير لك حنونة

ربي يهدي سرك يا رب

زهرة الريف*

2017-07-11, 15:01

السلام عليكم ورحمة الله وبركاته
لااملك لاختي غير الدعاء ربي يفرج عليك ويزيح همك ويريح بالك ويهدي زوجك ويصلح احوالكم يارب

البحر الصافي

2017-07-11, 15:26

صديقتي ام امجد ربي يكون في عونك يا اختي ويهدي زوجك
كنت دائما في عيني المراة القوية المجاهدة نحبك تبقاي هكذاك وماتتخليش على دارك وعلى وليداتك لانهم من حقك والزوج ربي يهديه كثري الدعاء والاستغفار ووكلي امرك لله تعالى هو عالم بحالك وهو احن منا جميعا ولانملك لك سوى الدعاء لك باصلاح احوالك وهداية زوجك ربي يكون معاك

متمنية

2017-07-11, 16:22

خدوجة والله انا نقرى ونبكى ما لقيت مانقولك الا عليكى بسورة البقرة والله عن تجربة تنحى سحر وتنحى شيطان من دار دومى عليها وقريها بقلب خاشع ربى معاك وتاكدى من انو الحرام لا يزول وانتى وليا وراكى مظلومة وظلم ظلمات ربى يرجعلك زوجك

hodayena

2017-07-11, 18:15

عيشي لنفسك اسعيدي نفسك البسي لنفسك حتى لو يرا اهمليه باهماله ارميه
متحليهش مدام درتي كل ولا تنسي الصدقة والدعاء ا
اهتمي بنفسك اشري ملابس اصبغي شعرك اهتمي باولادك خلي ضحكتك في البيت متخليش ولادك يحسو خلي يشوفو السعادة فيك اياكي وتطلقي
اياكي وتطلقي خليه لبنات الفيس تفو عليك دوك يشبعو منو ويرموه رمية الكلاب استحفضي على صحتك اولادك يسحقوك وانتي تستحقي نفسك البسي في الدار العبي مع اولاد بدلي اهتمامك بيه لاتمامك بنفسك اعملي صنعة متخليش روحك للفبد كون قوية حتى ل كنتي مقطعة من الداخل تكبري عليه انفخي روحك عليه وخليه للزبالة تع البنات الي مثلو

ام ايمان16

2017-07-11, 19:50

ربي يفرج عليك أختي

لينة71

2017-07-11, 20:47

كيما تقول جداتي الله يرحمها الغربال يمشي عند لعباد كامل ومنبعد يرجع لاصلو. يروح يروح ويرجع لبلاصة ماتخميش ما تجسسيه عليه راكي تمرضي في روحك وتعبئة في روحك وديري روحك ماعلبالمش بيه رآه صرالي كيما نتي ومرضت وشبين وليت في حالة كي نتفكر يحكمني لوجع دوك وليت ماعلبالمش بيه ما مدوخة رأسي بيه ماوالو عاد يجري مور ايا دوك والحمد لله الصبر والدعاء احسن حل التاي بولادك وكبرياء نهار غدوة تشوفيهم حاجة شابة وتفرحي بيهم وتنساي الهم عيشي وقتك مع اولادك والله تلقاي نعمة كبيرة وراحة
نقولك كبري بالك وتوسعي خاطرك خليه في خاطرة رآه يخدم لقبرو ونتي ساعة على ساعة نبهيه
كان الله في عونك

شمس 15

2017-07-12, 15:45

ربي يجيب لهاد الفايسبوك فكة يا رب دماااار اكثر منو منفعة خاصة على المتزوجااات العفيفات لي شايدين ديورهم و قاريين لامان في رجالتهم و هوما خاربينها في الفايس...
الحمد لله مانعني راجلي منو لكن حتى انا منعتو منو ماشي حرام عليا حلال عليه....
ام امجد نصيحتي ليك و لنفسي درت روحي في بلاصتك و خرجت بحل و هو
اني نخرج جدو(راجلي)من راسي لانو بكل بساطة ما يستاهلش دقيقة نخمم فيه يا ربي راهو دخل للزنا و هو محصن راكي قلتي درت لي في بالكم و لي مافي بالكمش يروح يزمر ديري ولادك هوما كلش لانهم هوما يستاهلوك وعلابالي ولادك كبار ربي يعوضك فيهم خير وراني شبه متاكدة ربي يعوضك...
و زيدي ما تطلبي الطلاق ما والو اقعدي في دارك يا لعزيزة و هو لي يخرج خليه يتزوج بفايسبوكة كي هو و يشبع بها و بخلايعها لانو الكلام ماشي كي الحقيقة نقصد المعيشة الزوجية
و متنسايش يديرلك تعهد كتابي بحق النفقة و ترك المنزل لانو هو لي يخرج براسو ماشي 6 يخرجو للشارع...
انا هدا رايي يخليك انتي و الدراري بكل بساطة في دارك و يروح يتزوج خيرلو في لحلال(و علابالي و الله غير يندم لانو ذاق بزاف تصعب عليه يرتاح مع وحدة)و راح يرجع يبوس راسك و يترجاك تسامحيه...

هي صعيبة في الاول خير ماتتطلقي و تخرجي من دارك لي تعبتي عليها سنين و زيد تربحي صحتك بزااف عليك عنك نفسك اولادك يسحقوك...
وربي يهديه هبلونا الرجال هادو مالقينا سلاك...

fadila34

2017-07-12, 21:24

يالعزيزة مالقيت مانقول غير ربي يفرج عليك عن قريب ان شاء الله
والله الهدرة والتعبير راحولي خلاص

oum radja

2017-07-13, 09:37

السلام عليكم
والله والله غير حسيت قلبي اتقسم كي شفت موضوعك
هبلتي تطلبي الطلاق
وين بغيتي تروحي ب5؟
وسقسيتي روحك اذا تقدري عليهم ؟
وبغيتي تخليله الطريق يزيد يدير رايه اكثر ؟
واذا طلقتي راح تتهني زعما ؟
رح تحبس المشاكل والتخمام ؟
رح تضمني انك ماتمرضيش كيما راكي تقولي ؟
رايحة تقعدي تخممي فيه لانو بيناتكم عشرة عمر مش بالساهل تقدري تنسيه وتريحي ؟
استهدي بالله واقعدي في دويرتك وصلي وقومي الليل وابكي واشكي لربي سبحانه هو الوحيد لي يقدر يهديه

غفران 2

2017-07-13, 11:56

ربي يقويك ويعطيك الصبر على هاد الابتلاء
والله كلامك قطعلى قلبي
اصبري على وليداتك ما تطلقيش وين تروحي بيهم
وهدا النوع من الرجال مايتهناش في حياتو حتى يجيبلو ربي ضربة يا يتكاكا يا تديه

anfal10

2017-07-13, 12:26

واش نقوللك اختي راهي بلاوي في الفايس الرجال ولاو ما يحشموا ما يعرقوا عازبين فهمنا طيش الشباب مي مزوج بولادوا الله المستعان لبنات تاع دوك ما يخافوش ربي هاشا لي ما يستاهلهاش مي و الله الاغلبية راهم في هاد المشكل ادا ما شي انترنات قصرة او كام او تلفون تروح للعظمى و العياذ بالله هادوا لبنات واش احوسوا يبروفيتوا يصرفوا عليهم يشرولهم لبسة احوسوا معاهم عاديك هي حباتهم عندهم نورمال
ديري ربي في قلبك او ما تخرجيش من دارك ما يحشمش لوكان جا راجل وحدة يتيمة يحطها فوق راسوا حقار عندك ربي حنونة او عندك ولادك انا نقول ديري شومبرا وحدك او خليه اخلط يمرض وحدوا ادا حب ماشي زعاف او زيد المرض خليه كي الكلب ما تقربي منوا ما اطيبيلوا كل واحد في حد و لا حب اطلق نورمال راكي ام حاضنة يخرج هو من الدار ليسونسيال ماشي نتي لي تطلبي الطلاق تخشري قاع حقوقك او ما تعبريه ما اديريلوا قصة عيشي كي القاوريات لتاي بروحك او ولادك ديري فورماسيوا و لا خدامة خير او خير ما تحناجبهش المهم كيما قالولك لبنات عمري وقتك ما تتحسريش على حالك درتي لي عليك او اكثر ادعي ربي كل يوم ربي يهديه واش نقولوا ناس يكري اروحوا يخدموا في فرنسا او بعاد على نساهم مي ما كاش تخلاط اخافوا الروميات او المرض دوكا بنات بلادهم او ما سلكوش تليقلوا الحبس لوكان تشديه في لاقروند ديلي او جيبي لابوليس و الله يستاهال ما كثر شافوا نسا ساكتين علاش لمرا كي اديرها اديروا حالة يهبلوا او يدخلوها للحبس ربي اجيب الخير اختي ما تعمرش راسك

،،ايمان،،

2017-07-13, 14:04

منلي قريت موضوعك و انا غير نخمم فيك

الغدر و الخيانة واعرة

واعرة تعيشي مع خائن و واعرة تروحي تطلقي وين تدي ولادك
ربي يكتبلك الخير وين مكان و ادعي ربي يربط على قلبك خاطر حتى و لو ولى تقعد هاديك النقطة السوداء

كون كبرت فيه غير خدمتك لدارهم و والديه و صبرك عليه المرة الاولى

حسبنا الله و نعم الوكيل في هاد البنات

oum radja

2017-07-13, 15:20

ام امجد وين راكي على بالي راكي تقولي الهدرة جاتهم ساهلة
نتي صعيب عليك الحال
بصح بالاك بالك تتطلقي اقعدي في دارك وتلهي بعمرك وبوليداتك واسكتي وخليه ماتلوميه ماتعانديه ديريه كلي ماكانش هو رح يحس بسكاتك ويرجع يحوس عليك
حتى اذا بغا يتزوج خليه صدقيني نعرف قاع لي عاودو الزواج رجعو كي الكلاب للمرا اللولا
انا مانقولك والو غير استحفظي على روحك صحتك اذا فقدتيها ماينفعك لا راجل ولا ولاد
واذا دخلتي كونطاكتيني نحتاجك

زيان.

2017-07-13, 21:23

للاسف كيما قريتو فى العنوان غلبونى بنات الفايسبوك
قبل 4 سنوات دخلت حساب زوجى بعدما لاحضت عليه اهمال عايلتو و الاورلادو و عادى جدا حسى كمراة و يا للاسف دفعنى لاغضب ربى و اتجسس على زوجى
وجته يكلمه هاته و يداعب هاته و احسست انه دئب يجلس امام النات ليستاد فريسته واجهته فاخدتو نصيبى من الشتم و السب ووصلت الى الطلاف فخفت و تراجعت لان مطلقة مرتين
قراات ان البس لباس المراة المثالية و رفعت شعار سوف اعيدك يا زوجى لاحضانى و وويلكم منى يا بنات الفايسبوك

الحمد لله رزقنى الله بنصيب من الجمال و الرشاقة و خفة الدم لا غرور و لكنها الحقيقة

فقمت بكل شئ يخطر على بالكم و ما لا يخطر على بالكم لاحافظ على بيتى و زوجى خاصة اننى يتيمة الابوين و عندى 5 اولاد
الان طفح الكيل وصلت الى علاقات جنسية و انا ما زلت صابرة احس ان جسمى بكامله يؤلمنى احس الان بامراض عضوية نهيكا على النفسية

الان حطيت الراية و هنئا لكم انتصرتم عليا

الى كل من يقرا هته السطور ارجو منك الدعاء او نصيحة مادا افعل مع هدا الزوج هل اصبر و بعد شهور او سنين نلقى روحى ام مصابة بمرض

لا قدر الله و لادى ما مصيرهم من بعدى
هل اطلب الطلاق هل حقا للمراة فى الجزائر حقوق

هل ساعيش حيات كريمة من بعد الطلاق و انا عندى 5 اولاد

السلام عليكم ورحمة الله وبركاته أختي ..
بإذن الله ستكون لي عودة لموضوعك حتى أردّ عليك بما أحسبه وأراه صائبا ... فمسألتك جدية وحساسة
...

الأمنيات

2017-07-13, 23:10

الاخوات الي راهم يقولوا لها ما تطلقش هي اصلا ما حاباش تطلق لانها مطلقه مرتين من قبل
كان يطلقها لاتفه الاسباب ربي يهديه لهاذا هي خائفة من الثالثه مع خمس. اطفال. وين تروح بيهم
الوالدين ماكانش ربي يرحمهم لا مسكن لا عمل لا دخل لا شهادات. واش تعمل غير تصبر ماعندهاش حل اخر
وتغير المعامله معاه
الاخت الي قالت يخرج هو من دار الدار تاعه وفيها والديه ظني يخرج ويخلي والديه ،،، لا اظن حتى والديه هي قايمه بيهم من اكل وغسل
انا رديت نيابة عنها نعرف مشكلتها من اساسها حاليا ماعندهاش النت باش تدخل وترد عليكم وديما في اتصال معاها ربي يفرج عليها وهو ربي يهديه

dede2000

2017-07-13, 23:49

السلام عليكم ،اولا اقول لاختي الكريمة كان الله في عونك، هذا بلاء ولا بد من الصبر والاحتساب ،ويجب التعامل مع الوضع بذكاء،هنا انا لا انصحك بالمواجهة لان زوجك سيحس نفسه محاصر وصغير عند المواجهة وستكون له ردود افعال غير محمودة،انصحك ان تتجاهلي الامر ولو امامه ودفعي بالتي هي احسن ، مع التحدث في امور الدين ،والاستماع لمواعظ العلماء عبر التلفزة اوالنت دون ان تحسسه بانك فعلت هذا لاجله،لان ضميره شبه ميت ولا بد من عملية انعاش قلبي،عبر ارجاعه الي الله،وانا متاكد ان شاء الله رايح يجي نهار ويندم.والله المستعان،ودعواتنا ليك ولزوجك

fati 17

2017-07-14, 06:07

ربي يفرج عليك حبيبتي ام امجد الدنيا ابتلا ودار الفناء وش نقولك خيتي ارجعي كيما كنتي قوية واتهلاي في روحك وصحتك على جال اولادك ودايما ديري في بالك انو هو الغالط مع ربي مش انت لي غالطة وندعولو بالهداية وانت براحة البال ربي يسخرلك زوجك ويهديه واخر حاجة تفكري فيها الطلاق ديريه مشروعك واعدليه

محارب الحمق

2017-07-14, 07:47

لا أملك لك نصحا ولكن أريد ان أقررأمرا عاما يشملني ولا يعنيك بالضرورة, وهو أن الأموال والمسكن الذي يملكه الخاطب لاقيمة لهم ان كان بعيدا عن الدين والرجولة, والطمع عاقبته وخيمة, كما أن الذنوب والمعاصي تجلب الابتلاءات والهموم والمشاكل فاستغفروا الله وانظروا ما قدمت أيديكم فالذنوب تلاحق ونحن ننسى والديان لا ينسى

أم فاطيمة

2017-07-14, 20:39

مالقيت ما نقول غير حسبيا الله و نعم الوكيل فيه و الله ما تستهليه الصبر مفتاح الفرج
مخ راه حابس و ربي ينتقم من كل ظالم

زيان.

2017-07-14, 21:12

السلام عليكم ورحمة الله وبركاته أختي ..
إنّه وبطبيعة الحال يعلم أنّ من يتواصل معهم مجرّد شخصيات افتراضية .. لتمضية الوقت ... وهو يعلم أيضا أنه مخطئ من جميع النواحي ...ويأنبه ضميره لكن تبقى نفسه وشهوتها
تقوده من أنفه ...
عموما أن أريد منك أن تحذفي كلمة الطلاق من قاموسك ..لأنك بهذا التفكير أنتِ تُسطّرين حياتك للطلاق ... لا
لا تسمحي بذلك وكافحي وجاهدي في سبيل نجاة حياتكما الزوجية ... ويجب عليك أن تفكري بأنّ زوجك هو أيضا ضحية ومكيدة هوى الفايسبوك ...
زوجك أيضا ضحية نفسٍ أركعته أمام الهوى ..
جاهدي حاولي ثابري ... إن تفوه لك بكلام ٍ غير لائق فاعلمي أن الشيطان يريد التفرقة بينكما ... مدّي يدك لزوجك وأنقذيه ,, تصرفي إنك في حالة طوارى والوقت الذي يمر
يُحسب عليكِ ... ارجعي ألى الله إلجئي إلى ربك في قيام الليل وادعي الله ألأن يفرج عنك وأن يرد لك زوجك ردا جميلا ...
في الختام ... لا تتلفّضي بكلمة الطلاق ... لاتستطيع فتاة الفايسبوك أن تتغلب عليك .. أنت أقوى .. أنت الزوجة ... أنت المُثلى .. أنت الأولى والأجدر ... أنت الحلال وهي الحرام ... أنت الحق وهي الباطل ... أنت اللبؤة الأجدر بعرين زوجك ولا تدعي ثعلبًا تخلفك و تحوز على مخدعك.. أتفهمين ... أختاه
أعانك الله

شمس 15

2017-07-15, 22:56

اين انتم يا رجااال المنتدى في انتظار ردودكم !!!!!!!
رايكم يهمنا......

soma1999

2017-07-16, 00:17

والله ان الفيس لفتنة لعن الله من اخترعه ربي يهدينا ويفرج عليك اختي

kacimo.samy

2017-07-16, 01:17

والله امرهم محير والله
تارك زوجته حلاله و يتبع في جيفة

ربي يصلح احوال

الحال هي صحبة مع من يمشي ؟
ان كانو ذو خلق سوف يتسم به والعكس صحيح
لذلك اقترح عليك ان كان لديك اخ يتدخل بطريقة غير مباشرة
وينصحه عن طريق قصص يحكي له ماذا حدث لناس و و

المهم يكون يعرف يتكلم

ربي يفرجها عليك

ridha34

2017-07-16, 15:47

كان الله في عونك.

أَحمــد

2017-07-16, 16:05

بنات الفايسبوك و ((زميلات العمل))
-------------------
ان شاء الله تكون نزوة عابرة وتعود المياه الى مجاريها
مع الدعاء والالتزام بالشرع واظهار الاهتمام به
-------------
كان الله في عونك

solinne

2017-07-16, 17:22

تضاربت في رأسي النصائح واختلطت علي الامور وخشيت ان انصحك بامر قد لا ينفعك فما وجدت لك الا الدعاء
اللهم اهدي بال زوج اختنا ام امجد وتب عليه واغفر له وباعد بينه وبين رفقاء السوء كما باعدت بين السماء والارض واجعل له رفقة صالحة اللهم ازرع حبه في قلبها وحبها في قلبه واجعلهما قرة عين لبعض
اللهم اره الحق حقا وارزقه اتباعه واره الباطل باطلا وارزقه اجتنابه اللهم ابعده عن فتنة النساء وعن الفسق والزنا وعن المحرمات والمعاصي مل ظهر منها وما بطن ما كبر منها وما صغر واربط على قلبها وارزقها الصبر والقرار الرشيد اللهم واصلح لها اولادها وعوضها فيهم خيرا يا رب العالمين امين امين

*أم كوثر*

2017-07-16, 23:08

اشك ان البعض لم يقرأ ماكتبه اختنا من البدايه الى النهايه
الاخت تقول ان علاقته بهن تخطت الافتراض واصبحت واقع ....زنا وعلاقات محرمه
يعني الزوج وقع في الفاحشه
ربي يهديه سواء السبيل
لاشيئ ينفعك الا الدعاء لرب العالمين فهو يقلب القلوب كيفما يشاء

أم أسماء وعبد الرحمن

2017-07-17, 14:30

crono

2017-07-17, 16:17

أختي مالقيت مانقول غير الدعاء صلي و ادعي بكثرة وديري استخارة وربي يفرج عليك ان شاء الله
حسبنا الله و نعم الوكيل في هاد البنات
اشكي لربي سبحانه هو الوحيد لي يقدر يهديه ديري ربي في قلبك او ما تخرجيش من دارك وتاكدى من انو الحرام لا يزول
لانملك لك سوى الدعاء لك باصلاح احوالك وهداية زوجك ربي يكون معاك

ام امجد14

2017-07-17, 19:59

السلام عليكم شكرااا على ردود كم جعل الله كل حرف فى ميزان حساناتكم فعلا ردودكم قواتنى و دعاكم فرحنى

ام امجد14

2017-07-17, 20:04

السلام عليكم ورحمة الله
أختي تقبلي نصائحي بسعة صدر
على حسب مافهمت أنك تقومين بأشياء تغضب الله لترضيه وهذا أكبر خطأ تترتكبينه كيف تريدين أن يصلح الله حالك وأنت تعصينه
ألا تعلمين أنه لاطاعة لمخلوق في معصية الخالق
الا تعلمين أن رضا الناس من رضا الخالق .
ما كانت النتيجة من عصيانك لله؟ لم يزد زوجك إلا عنادا؟
ياأختي إذا كان زوجك خبيثا فلا تكوني مثله.
وإذا أردت أن تكسبيه فليكن هدفم إرضاء الخالق وسترين النتيجة بإذن الله.
حاولي أن لا تريه نقطة ضعفك ولا تعانديه فالرجال لا يحبون من يعاندهم
وإفتخري بكرامتك وعفتك فشتان بينك وبين من يتحدث معهم.
أصلح الله حال زوجك

اختى واش فهمتى من كلامى حتى قلتى اشياء تغصب الله حاشا اختى عمرى ما نغضب ربى حتى و لو القيت فى الشارع و لو بدرة

اختى انا قلت فى كلامى حاولت ان اكسب زوجى بكل الطرق عادى نعرفو جميعنا الاشياء الى ننصحو بيها بعضنا لكسب قلب و عقل الراجل يعنى لبس تمكيجت يعنى مانيكور باديكور لباس مغرى بدلت من شكلى من عقلى فقطططط وين راح مخك حبيت نتماشى مع العصر و مع بنات هادا الجيل