طبق الكسكسي من تلمسان تفظلوا روعة

[أم فاطمه]

بسم الله الرحمان الرحيم
السلام1

جمعة مباركة اخواتي الاعزاء جبتلكم اليوم طبق الكسكس من تحضير ابنتي فاطمة اكثر من رائع لن تندموا :19:
هدا الطبق مشهور في تلمسان خاصة يوم الجمعة تحلى بيه اللمة

http://www.m5zn.com/newuploads/2017/07/07/jpg//8c4bb6edc46f4e5.jpg

المقادير :
2 حبات جزر مقطعة بالطول
1 حبة كوسا مقطعة الى 4
2 حبات طماطم
2 حبات بصل
2 خبات بطاطا
ربطة قصبر يزيد البنة في الكسكس
و اللحم اختيارك
الحمص
الزيت

http://www.m5zn.com/newuploads/2017/07/07/jpg//5fce240193dfd3c.jpg

الثوابل :
ملعقة فلفل اسود
ملعقة فلفل احمر
ملعقة سكنجبير
ملعقة كركم
ملعقة ملح عينك ميزانك
عود قرفة
زعفران
جامبوا

http://www.m5zn.com/newuploads/2017/07/07/jpg//de11656b602f683.jpg

ملاحظة الخضر حسب دوقك و المقدار لي تحبي

طريقة التحضير

-ضعي في الكوكوط الزيت و الخضر و اللحم زيدي الثوابل و تركيهم يتقلاو شوية

http://www.m5zn.com/newuploads/2017/07/07/jpg//e64db0c94af709e.jpg

http://www.m5zn.com/newuploads/2017/07/07/jpg//c91da8a1ce2b0c6.jpg

من بعد ضفي الماء و غلقي الكوكوط وتركيه يطيب

http://www.m5zn.com/newuploads/2017/07/07/jpg//a46412b7ab08e4a.jpg

من جهة اخرى وجدي الكسكس نفخيه مليح و خليه يرتاح
ثم فوريه 2 مرات باش يطرى

http://www.m5zn.com/newuploads/2017/07/07/jpg//a8b2ecbc354a84c.jpg

وكي يطيب اللحم نزعيه و حمريه و اتركيه على جنب
كي يفور الكسكس ضعي فيه القليل من الزبدة و الملح و الفلفل الاسود و حطيه في صحن و سقيه بالمرق و الخضر و اللحم
و قدميه مع اللبن و فاكهة

http://www.m5zn.com/newuploads/2017/07/07/jpg//e474ef3b9acbf82.jpg

انا حطيت طبق مرق لي يحب كسكس مرق بزاف

http://www.m5zn.com/newuploads/2017/07/07/jpg//72e13dff458b48a.jpg

و شهية طيبة

[أمنية غفران]

الله يبارك اختي ام فطوم ربي يحفظك و يهنيك و يفرحك بطيموشة قول لها راكي في القمة طعام و عليه الكلام

عجبتني فكرة ديري فلفل اسود في الكسكس راني نتخيل في الذوق اممممممممممممممم

دمتي متألقة

تحياتي

[أم فاطمه]

السلام عليكم حبيبتي امينة غفران الله يحفضك على الكلمات الطيبة تقلك ابنتي شكرا على تشجيعي رني نتعلم منكم يا فحلات المنتدا تحياتي

[سهيلة2013]

يعطيك الصحة

[بيان 5]

امممممممم
ماااااشاء الله

[انا هي رزيقة]

الله الله عليك اختي ام فاطمة طعام بالخضر كما يحب خاطري ربي يباركلك في فاطمة باينة فحلة بنت فحلات مشاء الله عليها ربي يبعد عليكم العين حبيبتي و شكرا عل مشاركتنا هذ الطبق الجميل

[أم فاطمه]

السلام عليكم اهلا بكي سهيلة دمتي اخت عزيزة شكرا على مروركي

[أم فاطمه]

السلام عليكم سرني تواجدك و مرورك كثيرا اختي بيان شكرا

[أم فاطمه]

السلام عليكم اختي لانني هدا هو احساسي اتجاه كل فحلات المنتدى
نسال الله ان يعلمنا ما ينفعنا و ينفعنا بما علمنا تحياتي اختي رزيقة

[أم فاطمه]

السلام عليكم حبيبتي kawtharمشاء الله عليكي و شكرا على مرورك

[samira88]

امممممممم
ماااااشاء الله

[حياة نور الدين]

يعطيها الصحة فطومة وربي يحفظها قوليلي شحال عمرها ادا مافيهاش ربي يبعد عليها العين ان شاء الله

[أم فاطمه]

السلام عليكم مرحبا بكي حياة و لكي بما دعوتي
تقولك بنتي فاطمة ربي يحفظك خالتي حياة و يعطيك حجة انشاء الله
فيما يخص سؤالك انا عندي 21 عام

[crono]

الله الله عليك يا الفحلة ديما تنورينا بأطباقك :19:مشاء الله عليها بنتك ربي يباركلك فيها باينة فحلة بنتي قدها في لعمر :o
حنا تان في كل الجمعة فطورنا الكسكس مندك نعملو مسفوف ولا تمقفولت ولا بالمرقة بالخضر :D
اتا في المرقة منديريش طماطم زعفران جامبوا زوجي احب مرقة بيضة :cool:
إ كل اليوم نشوف وصفات تاعك دائماً متألقة :19:تعجبني حتى البساطة والتقديم
سلم هذوك اليدين ربي يحفظك تحياتي :mh31:

[أم فاطمه]

السلام عليكم الله الله على الدعوات الشبين الله يتقبل منك ولكي بمثل ما دعوتي لكي و لابنتك الله يحفضهالك
نحنو في غرب البلاد نستعملوالزعفران والتوابل مثل طبخ اجارتنا المغرب نوعا ما ولا زم يكون في مطبخنا ضروري
سؤال مامعنى تمقفولت هل هو المسفوف فهمني منفضلك الله يجزيك و مزيد من النجاح و شكرا

[crono]

السلام عليكم الله الله على الدعوات الشبين الله يتقبل منك ولكي بمثل ما دعوتي لكي و لابنتك الله يحفضهالك
نحنو في غرب البلاد نستعملوالزعفران والتوابل مثل طبخ اجارتنا المغرب نوعا ما ولا زم يكون في مطبخنا ضروري
سؤال مامعنى تمقفولت هل هو المسفوف فهمني منفضلك الله يجزيك و مزيد من النجاح و شكرا
هذا طبق تقليدي قديم ، و بنييين كما عادت كل الأطباق الجزائرية
هيى بربوشة المفور نتاع القبائل مخلط مع الخضرا خفيفة وبنينة
هذا طبق كل الشعب الجزائري يعرفو ، الطبق راهو مشهور بزاف ويديره القبائل ، كاين اللي يسميه لمفور
نسميوه ثاني بومفور و كاين يقولولو المقفولة:Dوكاين اللي سميه المقفول و أعموش ناس بجاية
ناس زوجي من الشرق تان ميعرفوش حتى كلاوه عندي :o هذا الطبق لازم الكسكس يكون خشين مايصلحش بالكسكس الرقيق
وبنيين أحسن من الكسكس نتاع اللحم مع أنه فقط بالخضر ، جربيه ، رايحة تولي مدمنة نتاعو هههه:D
اقتصادية وبنينة و مليحة في الشتاء و خاصة في الربيع في وقت الفول و الجلبانةا :D
المطبخ الجزائري راهو بزاف متنوع:19:

[أم فاطمه]

السلام عليكم أختي krono أتمنى أن تكوني على خير و أشكركي على التوضيح الجيد حقيقة شهتني
في هذه الأكلة .حنا في الشتاء نتناولوا البركوكس بالخضر و الأعشاب
إنشاء الله سأقدمه في فصل الشتاء إذا كنا حيين
وشكرا مرة ثانية

[الوافدة لله]

مشكوووووووووووووورة

[safaa gamal]

بارك الله فيكى

[أم فاطمه]

السلام عليكم اخواتي مشكرين على مروركم تحياتي