استفسار مستعجل عن تونس

[maha21]

سلام
من فضلكم اود الدهاب في عطلة الى تونس- الحماماتالاسبوع المقبل رفقة زوجي وابنائي الثلاثة 15-11-7 سنوات ارخص سعر وجدناه في فندق للاقامة 6 ليالي هو فندق المنارة بسعر 11 مليون : نصف اقامة و13 مليون اقامة كاملة
من فضلكم لمن له خبرة هل هاد الفندق مناسب ام لا لانه اقترح علينا كدلك فندق samira et safa بنفس الاسعار لكن كاين اللي خوفونا منهم
وهل نحجز نصف اقامة او اقامة كاملة علما انه ليست لدينا فكرة على اسعار الوجبات هناك ونحن بالسيارة ننوي زيارة ااماكن السياحية وليس المكوث في الفندق
من فضلكم جاوبوني في اسرع وقت لاكمل الحجز رانا معولين يم الثلاثاء القادم ان شاء الله

[لجين وفاء]

أختي واش هدا المبلغ الضخم
انا عمري مارحت لتونس بصح الي راحو ونعرفهم قالونا بلي الكرا رخيص بزاف بالمقارنة مع هنا
على العموم إنشاء الله يدخلو إخوانا الي راحو لتونس ويفيدوك
وزيد عندي نصيحه حبذا لو تكري في ابارطومون أحسن من اوتال لانو راكم في عائلة
سلام

[maha21]

انا مجبرة لانه في العام الماضي كريت في appartement في بجاية لقيت روحي مخرجتش من جو الدار واشغال المنزل من طياب لغسل الاواني لتنظيف المنزل ....من فضلكم اخوتي راني مزروبة ويني اراءكم حول الفندق و demi pension وسعر الوجبات هناك

[رفيق الكل]

السلام عليكم
الاسعار في الفنادق في شهر جويليه تكون مرتفعه لكثرة الطلب في هذه الفترة والمبالغ التي وجدتيها معقولة
لو من هواه التنقل بالسياره اختاري نصف اقامه فطور وعشاء لان الغداء تكونون خارج الفندق
اسعار الوجبات تختلف من مطعم لاخر على حسب درجة المطعم وقربه من البحر وشعبيتة
مثال كاسكروط فريت اربعة دنانير في شهر مارس بالحمامات ياسمين
المشكله في الجزائر الدوفيز لو تشتريه من السوق السوداء تتضاعف لك الاسعار اما لو حولته عن طريق البنك فتعتبر الاسعار مقبولة
عطله موفقه

[maha21]

اخي رفيق الكل ما جاوبتنيش على فندق المنارة واش رايك فيه صاحب الوكالة اعطانا خيارين اما المنارة بالاسعار اللي قلتلكم عليها او فندق hawai beach club لكن هدا عندو فقط اقامة كاملة واغلى من المنارة يعني ب 17 مليون وفيه تسليات اكثر للاولاد .الان مناش عرفين ادا هدا الاخير يستاهل هدا المبلغ الضخم ام لا لاننا ملقيناش عليه الكثير من اراء الزوار في الانترنيت
افيدوني اخواني بارائكم ما بقاش وقت لازم اليوم في المساء نحجزو pleaaaaase

[dede2000]

السلام عليكم شوفي اختي نعطيك نصيحة نابعة من تجربة شخصية ديري الحجز في الفندق عبر وكالة سياحية احسن ورايحة تلقاي نفسك رابحة تقريب نصف المبلغ.لانو الوكالات تتعامل مع الفنادق بنضام الباك. وشوفي اكثر من وكالة.لانو اصحاب الوكالات فيهم وفيهم.وعطلة سعيدة

[لجين وفاء]

عندك حق والله هاديك هي حتى انا ملي كبرت العائلة تاعي رجعنا نكريو ديزابارطومون بصح المرأة تبقى غير الطيب وتغسل كلي راهي في دارها
لاعطلة لاوالو المهم احنا الظروف ماتيمحش بانكريو في اوتال 5بلاس
كل قدير وقدرو والحمد لله هكدا خيرمن ماكانش
شوفي حبيبتي انا سألت بنت عمي موالفة تروح لتونس هدرتلي نفس الكلام الي قالوهولك الأخ اكري عبر وكالات سياحية أحسن من الحجوزات وحدك تجيك طايحة شوية
وقالتلي الوكالات السياحية تحافظ على سمعتها ماتغرش بيك وتمدحلكش مكان الإشهار تحطك في الصورة كل اوتال واش فيه واش مافيهاش
عكس الحجز وحدك عبر الإنترنت قادر تلقاي الإشهار أضخم من مستوى الاوتال الحقيقي
نتمنى نكون افدتك لأني حسيت بيك حابة تقرري وتتهناي على بيها سألتلك بنت عمي
عطلة سعيدة

[maha21]

الاسعار الي مديتها راهي تاع 02 وكالات الان بقى تقرير الفندق
El manara 14M all
hawai beach club 17 M all
caribbean world gardel 14 M All
Nesrine demi 16M
انا الان لا استطيع التقرير لاني مجربتهمش وصراحة حسيت باصحاب الوكالات يحوسو يلصقوك معاهم باي عرض وخلاص

[maha21]

الاسعار اللي مديتها راهي تاع 02 وكالات الان بقى تقرير الفندق
El manara 14M all
hawai beach club 17 M all
caribbean world garden14 M All
Nesrine demi 16M
انا الان لا استطيع التقرير لاني مجربتهمش وصراحة حسيت باصحاب الوكالات يحوسو يلصقوك معاهم باي عرض وخلاص

[رفيق الكل]

السلام عليكم
اولا موقع الفندق يقع بين الحمامات المدينه وحمامات ياسمين السياحيه ( الموقع متوسط للعائلات )
الفندق لاباس بيه
السعر متوسط نظرا لنجومه الاربعه
اما السعر عبر النت فهو سعر البنك والتعامل مع الوكاله يضمن لك خدمات ومزايا وعدم دفع مصاريف غير مبررة وان اضطررتي الوكاله تدفع عنك ولما ترجعي تحاسبي الوكالة بالعمله المحليه
عطله سعيده

[maha21]

قيل لنا ان فندق hawai beach ممتاز للاطفال لكن لم افهم هل هدا الفندق هو نفسه caribbean world hammamet بعد اشغال التجديد كما قرات في بعض المواقع لان caribbean world hammamet غير مريح وغير نظيف اطلاقا حسب اراء الزوار lمن يعرف هدين الفندقين يفيدني من فضلكم

[مسك وريحان]

هل يناسبك السفر من العاصمة

[maha21]

شكرا هدا العرض لا يناسبني لاي اسكن في ولاية بعيدة عن العاصمة
هل من معلومات اخواني عن hawaii beach club

[مسك وريحان]

العفو أختي ان شاءالله تجدين ما تريدينه و عطلة سعيدة