نصيحة لي حاب صيدلة

[فخورة بديني]

نصيحة لوجه الله من يريد دراسة الصيدلة ماكالاه يديرها والله الله علامة تضيعو عمركم باطل اختي تحصلت على 16 وقت بكري وكان حلمها الصيدلة *خلصت لقرايا وعندها عامين تخدم عند الناس ولعام هذا *ديليقي ميديكال تخدم كيما لي قراو بيولوجي ضاعت صحتها و عمرها
*لاقريمو مكانش العام كامل وهما greve ضك يديرو ليكونطرول وزيد دارو فورماسيو 6 اشهر يعشي كيفك
*جارنا كيما ديت 6eme دا الباك ضرك انا في جاميعة السنة 1 وهو هاذا وين فتح في الطارف بعيييييييييييييدة على ولايتنا بالاف الكيلومترات
*واحد كمل صيدلة ملقاش ولا عاود طب
*واجد كمل صيدلة وراهو م بنت خالتي عاود الباك ودار مدرسة عليا
*والله لوجه الله ومتقولوش غيرة لاني متحصلة على باك ب معدل يفوق15 تحبو حتى نصورلكم الكشف ومدرتهاش نهدر في الواقع ميكونش مخكم صغير المهم تخصص طبي وخلاص شوفو لبعييد ولتجارب الناس خاصة الطفلة الطفل يدبر راسو بصح الطفلة تسوفري
ودبرو روسكم المهم وصلتلكم نصيحة اخت كبيرة عليكم ونقلتلكم حكاية اختي وجارنا وكاين منهم الكثير

[Mohamed_abdenour]

شكرا الأخت ، ممكن كاش تخصص يفوق معدل 15 تنصحينا بيه و يكون عندو مستقبل مليح ...

[kacimo.samy]

حسب واش راني نشوف مدرسة عليا مليحة

[شمس الأمنيات]

في هذا الوقت لن تجد الا الطب او مختلف المدارس العليا


وافضلها في نظري


المدرسة العليا للسياحة

او المدرسة العليا للادارة

[سجّل أنا جزائري]

كنت حاب نديرها بصح فيها بزاف سلبية و الصراحة مش حاب مدارس عليا ثانسك يعني استاذ منحبهاش و الله غير راني حاير

[فخورة بديني]

شكرا الأخت ، ممكن كاش تخصص يفوق معدل 15 تنصحينا بيه و يكون عندو مستقبل مليح ...

والله يا اخي لا اعلم انا جبت 15.40 وكنت حابة طب وضعتها الخيار الاول والباقي مدارس عليا طور ثانوي مدرت لا طب اسنان لا صيدلة ملقري نلحق 15.21 و 14.98
درت مدرسة عليا مباة و الحمد لله

[Mohamed_abdenour]

شكراً جزيلا ...

[radja1999achar]

شكرا على النصيحة بارك الله فيك

[abou marouane]

يبقى الرزق على الله أخي ...
نعرف ناس متخرجين Biologie خير من طبة

[فخورة بديني]

يبقى الرزق على الله أخي ...
نعرف ناس متخرجين biologie خير من طبة
نعم اخي اوافقك الرد الرزق على ربي لي حبيت نوصلو انو الواحد تاني يتاخذ بالاسباب وميكونش نفكيرهم صغير و محدوود لانو رانا نشوفو في الواقع وفي تجارب الناس علاه نضيع عمري و صحتي نقرا كيما طلاب الطب ونتب ونلقا روحي نخدم خخدمة ماشي بقرايتي

[شمس الأمنيات]

اختي انت اي تخصص

[~عبد السلام~]

مزية قلتيلهم ميديروهاش ديجا رانا في بزاف x)) لا لا سيريو؟ كامل التخصصات ماكان والو في الجزائر على كلاتك على الصيدلة بالخصوص ؟ كل تخصص نقدر نجيبلك منه 100 واحد دارو ومخرجش عليه ولا عاود الباك مور ماداره بما فيها الطب وزيد الطب عامين و يولي نفس المشكل تع الصيدلة ماكاش وين تحل ماكان وين تخدم و الدعوة ساتوري بسك كل عام يتخرج 2000 طبيب في العاصمة فقط ! على كل حال الرزق على ربي

[فخورة بديني]

والان كنت اتجوال في المنتدى و رايت هذا الموضوع واتوافق م رايه قليلا اتمنى ان يفيدكم
واعيد الكلام والله هدفي النصيحة كيما يقولو سقسي مجرب ومتسقسيش طبيب مخصرتو والو كي تعرفو معلومات لى التخصصات و يبقى القرار الاول و الاخير لكم

http://www.djelfa.info/vb/showthread.php?t=2078115

[Romaissa Msila]

اختي انتِ في اي تخصص ؟؟؟

[BazoOka]

nassi7a meni sois édirou médecine sois edirou les école superieur te3 commerce + les école te3 stp mleh yesser