لدار مشروع ونجح فيه يدخل ولي حاب يدير كشروع ثاان يدخل

[فاطمة الزهراء31]

السلام عليكم
شكون لدار مشروع ونجح فيه يحكينا بلاك نستفيدوا منوا ونرفعوا معنويات بعضنا ونستفيدوا من تجارب الناجحين ونحقوا طموحنا ونوصلوا لأهدافنا وأغلب ناجحين في مشاريع ناس كيما حنا قد الحال وناخذوا مثال على الدكتور ابراهيم الفقي ربي يرحموا كان يخدم قرسون حتى ولا مدير عام في أكبر فنادق في كندا وتوماس اديسون قال "ستقفون يوما ما لتسديد فواتير الكهرباء " وقال تعمت الف طريقة خطأ لصنع مصباح وماقالش فشلت وحتى والت ديزني فلس سبع مرات وهنري فوورد فلس ست مرات بصح مافشلوش وناضوا ورجعوا خير من كانوا ... وكاين كيما هما بزاف ولي وصلوا مشي خير منا ...و أنا راني نخمم في مشروع للتصميم الأزياء بما أن هوايتي الرسم والتصميم لي عندوا خبرة في مجال يفيدني ولي عندوا مشروع فراسوا ثاني يشارك بلاك يلقى ناس تعاونوا وتنصحوا وماكانش حاجة بعيدة على ربي والحمدلله رب العزة
أرجوا تفاعل منكم

[alaae]

انتظر الاجابات بفارغ الصبر

[kacimo.samy]

المشكلة لازم مبلغ مالي تبدا بيه

[أم سلوى]

العقل يصنع المال .وليس المال يصنع المال

ثانيا اذا اتبعت إبراهيم الفقى فانت بدات مشروعك بالفعل
لان النجاح ليس نجاح المشروع بحد ذاته. وانما الشخص المسير للمشروع هو الصح

[محمد جديدي التبسي]

في المتابعة كاش مشاريع؟

[فاطمة الزهراء31]

العقل يصنع المال .وليس المال يصنع المال

ثانيا اذا اتبعت إبراهيم الفقى فانت بدات مشروعك بالفعل
لان النجاح ليس نجاح المشروع بحد ذاته. وانما الشخص المسير للمشروع هو الصح

عندك الحق أختي الدكتور ابراهيم الفقي ربي يرحمو انسان طموح وبدا وهو ماعندو والوا ودارهم ناس بسطا وشفتي وين وصل هما عندهم عقل حتى حنا عندنا وحتى في مجتمعنا شفت بزاف ناس كانوا فقراء ومعندهمش مستوى عالي تاع تعليم وتوفقوا لاخطر عندهم طموح وربي يوفقنا

[فاطمة الزهراء31]

المشكلة لازم مبلغ مالي تبدا بيه



المال لازم بصح مش عائق لازم نشوفوا مشاريع كيفاش بداوها وننصحو بعضنا شوف مثال على لونساج انا شفت محلات بزاف غلقوا مع انو دولة مدعمتهم بالمحل لهو اكبر عائق وبالعتاد يعني راس مال محتاجوش ومانجحوش وكاين لي كاري محل وعرف يسيرو ربح ربي يوفقنا

[ندرومة49]

اكل خفيف المشروع لابد من 50الى 60 مليون

[تزيرية]

السلام عليكم و رحمة الله و بركاته

موضوع راااائع، يعطيك الصحة.

شخصيا لم أدخل في مشروع و ليست لدي الإمكانيات لذلك، لكن راح نحكيلك واش نعرف على شخص من العائلة البعيدة كبير في السن دخل في مشروع عمرو و لا كان مجال دراسته أو عمله.
شرا قطعة أرض في إحدى الواحات و غرس فيها نخيل و العام اللي فات مدت الله يبارك و دخل تاني مشروع تربية أغنام و دخل في دراهمو في عامو لكن....
المشكل أنه ماشي قايم على الشي و الفلاح كلاه باع التمر تاع ربعميات شجرة و قالو استقام كلش تلاتين مليون!!!
و الأغنام كيف كيف، نجح العام الأول لما كان شريكو قايم عليهم من بعد خلاوهم للراعي خرجوا خسارة.
الآن هذا الشخص يقوم هو بماله بنفسه و هو يغرس الشجيرات لا أدري كيف المهم ليبيعها، على ما سمعت تدخل دراهم كبار الله يبارك.
دار طريقة سقي تقريبا بالتقطير شجرة شجرة بالأنابيب، الخدمة فقط أيامات كل شهر أو اثنين و فقط!
و ما علاباليش أمور أخرى... هدا واش عرفت بالصدفة تقريبا، في بلادنا الناس ما تحكيش، عدم المؤاخذة لكن الحسد في الدم عند البعض.... و الهلوسة من العين!

السلام عليكم و رحمة الله و بركاته

[تزيرية]

عندي إضافة، الناس تهرب من المشاريع تاني بسبب مشاكل الإدارة و السجل التجاري... مرات الواحد يحتاج معارف ...

الفلاحة و تربية المواشي على حساب واش لاحظت فيها البركة و الواحد يكون مستقل تماما عن مشاكل الإدارة. و المدخول جيد خاصة في بعض مناطق البلاد.

[فاطمة الزهراء31]

عندي إضافة، الناس تهرب من المشاريع تاني بسبب مشاكل الإدارة و السجل التجاري... مرات الواحد يحتاج معارف ...

الفلاحة و تربية المواشي على حساب واش لاحظت فيها البركة و الواحد يكون مستقل تماما عن مشاكل الإدارة. و المدخول جيد خاصة في بعض مناطق البلاد.
مشروع مربح واحد يتبع رزقوا ومايديرش الثقة المفرطة فناس والغنم من بكري يقولو فيها ربح بصح طمع كاين فيها انا ثاني فتت عليا قصة تاع واحدين حطو غنمهم عند راعي بما انهم سكنين في عمارات وهو ساكن على برا وبعد مدة جاو يسقسو على غنمهم صدفة قاع ماتوا غير تاوعوا قراها حيلة والفلاحة ثاني مكسب الارض فيها خير ان شاء الله يستفادو خاوتنا من مشاريع المطروحة ومكانش حاجة صعيبة مش لازم نتبعوا شهرية دولة لازم حنا ثان نجربوا ندخلوا مشاريع وممكن نربحوا فيها

[فاطمة الزهراء31]

اكل خفيف المشروع لابد من 50الى 60 مليون

مشروع مليح بصح لازملوا دراسة مكان مناسب للمحل وثمن إيجاره وأجر طباخين مع انو الاكل يدخل دراهم اذا تنجمي تفهمينا هاذي 60 مليون تاع واش كيفاش توزيعها على مشروع باش نستفادوا من موضوع

[yasmine700]

يا ريت يفيدونا الاعضاء بافكارهم حتي نستفيد خاصه من اصحاب الخبره

[أم سلوى]

اخي الكريم النخيل ..ينفع نغرسوها في الشمال كي تكبر نبيعوها الجنوب؟؟؟

[kacimo.samy]

اخي الكريم النخيل ..ينفع نغرسوها في الشمال كي تكبر نبيعوها الجنوب؟؟؟
حسب رايي لا تنفع



فكرتي هي تداول بالعملات لكن لازم تكون ذكي
وقليل من المال هي مثل اسهم تشتري عندما تنخفض وتبيع
عند ارتفاعها فقط

[muhibbat rrasoul sws]

اخي الكريم النخيل ..ينفع نغرسوها في الشمال كي تكبر نبيعوها الجنوب؟؟؟

الأخت أم سلوى، النخيل يحوسوا عليه تاني في الشمال خاصة في المدن الكبرى، كنت سمعت على اللي مغروسين في العاصمة منذ سنتين على ما أظن كانوا يسواو 16مليون للوحدة، الآن إذا يكبروا في العاصمة طبعا، شفنا ناس غرسوا نخلات و كبرت في العاصمة لكن هل السرعة نفسها؟ لا أدري، و تعيش النخلة في الشمال و الدليل الطرقات و أمام الفلل. ... هنا رانا نتكلموا على نخيل للتزيين.

ممكن مشاريع أشجار أخرى، ليس بالتحديد النخيل لكن على علمي هي الأغلى.

كاين تاني مشروع حطوا عليه في يوتيوب و في المنتدى أيضا هناك من وضع تجربته في قسم الزراعة، أكل المواشي، لا يحتاج عمل كثير و لا مال كثير : الشعير المستنبت، يقولوا مربح جدا لأصحاب المواشي، فقط إيجاد الشاري و المكان، لا يحتاج شمس فقط غرفة و رفوف و شعير و ماء و محابس صغار و فقط !

[visa uk]

كاين لي عندو مشروع العمل عبر النت عني عندو مدة وهو يعمل علي النت وخدم شوية وبعد فترة معينة راح يجبدالدراهم ولي عجبك بلا كامرات محترفة ولاووالو نعرف واحد يدر مواضيع تاع التاشيرات حجوزات الخ ودار تاويل والان راح نهارو رقاد في المساء يجبها الا فيدوهات وووو ودار دراهم يروح للبنك يجبدهم ناس تخدم شهارة شهر كامل تجيب 02دورو برك

[abdoassalam]

السلام عليكم ورحمة الله
يا خاوتي نقولكم الناس زايدة تهرب للتكنولوجيا والالكترونيك ...شكون اللي معندوش هاتف ... شكون اللي معندوش حاسوب ... شكون اللي معندوش تلفاز متطور ...
مشروع طاكسيفون ومعاه شويا صوالح انتاع الهواتف والحواسيب ...يتطلب من 50 الى 100 مليون ... ناجح بإذن الله 100 في 100 .. ولكن يحتاج عامل كفؤ هذا هو شرط نجاحه ...

[visa uk]

والله اني قلتلكم الواحدنعرفو قاعد في الدار وهو يدخل دراهم بالراحة يضل قاعد في منزل وايضا عندو عمل ند نفسو طاكسي يعني 02 خدمات وراح قال ل راني حمد لله قالهالي ليا بالنت عند موديم وانترنت وغرفة وهاتف نقال من نوعية جيدة وراح يشري كامرا مليحة باش يصور مليح ويحط فيديوهات بجودة جيدة

[فاطمة الزهراء31]

والله اني قلتلكم الواحدنعرفو قاعد في الدار وهو يدخل دراهم بالراحة يضل قاعد في منزل وايضا عندو عمل ند نفسو طاكسي يعني 02 خدمات وراح قال ل راني حمد لله قالهالي ليا بالنت عند موديم وانترنت وغرفة وهاتف نقال من نوعية جيدة وراح يشري كامرا مليحة باش يصور مليح ويحط فيديوهات بجودة جيدة

بارك الله فيك أخي فكرة مليحة ومتكلفش بصح مشكل درك اغلبية يروحو لترفيه

ولاصنعة اليد حلويات حلاقة الخ ولي معندوش قاع هادو واش يدير

[فاطمة الزهراء31]

السلام عليكم ورحمة الله
يا خاوتي نقولكم الناس زايدة تهرب للتكنولوجيا والالكترونيك ...شكون اللي معندوش هاتف ... شكون اللي معندوش حاسوب ... شكون اللي معندوش تلفاز متطور ...
مشروع طاكسيفون ومعاه شويا صوالح انتاع الهواتف والحواسيب ...يتطلب من 50 الى 100 مليون ... ناجح بإذن الله 100 في 100 .. ولكن يحتاج عامل كفؤ هذا هو شرط نجاحه ...

بارك الله فيك خويا فكرة مليحة ولازمها واحد خدام وقافز بصح راسمال بزاف يعني كبداية لواحد معندوش

[visa uk]

انتي واش عندك مثلا كحرفة الخ

[فاطمة الزهراء31]

انتي واش عندك مثلا كحرفة الخ

انا مترسمة الحمدلله حابة مشروع اخر يعاوني فحياتي وانا نسلكها تصميم الازياء

[visa uk]

يعني حابة تدري محل وتخلي واحد يعمل ويكون قافز في التجارة وشاطر لكن نعرف بزاف سراقين يقلك انا خدام وهي دراهمها وكل شيء واش يربح راه في الفايدة هو وصرات بزاف بزاف واحد يجب واحد واش ربح فايدة داهولو نصف او اقل العامل يعني باش تقولي مايسرقش موحال ومجربهم

[فاطمة الزهراء31]

يعني حابة تدري محل وتخلي واحد يعمل ويكون قافز في التجارة وشاطر لكن نعرف بزاف سراقين يقلك انا خدام وهي دراهمها وكل شيء واش يربح راه في الفايدة هو وصرات بزاف بزاف واحد يجب واحد واش ربح فايدة داهولو نصف او اقل العامل يعني باش تقولي مايسرقش موحال ومجربهم
عندك الحق لواحد لازم يوقف على رزقوا

[rcherifdz]

صالة العاب

[visa uk]

واش توقفي مع الجزائريين كامل سراقين ماكاش لي مايخدمش معاك او تعمليه عامل لايسرقك موحال شفتهم يروحلك بالشوية شوية حتي يولي يديلك مالك الفايدة لي تننوي تعملها مثلا نصف او اقل او اكثر ياخدهالك العامل خصوصا هادوك لي تخليهم بلا ماتخلصو يقلك نخدملو باطل مام ماتخلصوش يقلك ماعليه نريحلك والله شفتهم خبثاء وجبناء يريح من بعد يبدا يسرق ونهار كي تهدر معاه يكدب ي نعرفو في سبيل الله اني واقف معاه كما واحد نعرفو عندو مواد غدائية جاه واحد وبدا يقولو لله في سبيل الله والسيد عقلو سادج بزاف يتاثر ريح معاه عام ريبلو محل كان يسرقلو مال وايضا سلعة ياكل باطل قلبو ميت سيد انهار عصبيا
لدا الشاطر والقافز يقتح وحدو احسن نصيحة واحد مايقلك نجي نخدم عندك او نعاونك ا

[" رَائِد المًسْتَقْبَـــل "]

واش توقفي مع الجزائريين كامل سراقين ماكاش لي مايخدمش معاك او تعمليه عامل لايسرقك موحال شفتهم يروحلك بالشوية شوية حتي يولي يديلك مالك الفايدة لي تننوي تعملها مثلا نصف او اقل او اكثر ياخدهالك العامل خصوصا هادوك لي تخليهم بلا ماتخلصو يقلك نخدملو باطل مام ماتخلصوش يقلك ماعليه نريحلك والله شفتهم خبثاء وجبناء يريح من بعد يبدا يسرق ونهار كي تهدر معاه يكدب ي نعرفو في سبيل الله اني واقف معاه كما واحد نعرفو عندو مواد غدائية جاه واحد وبدا يقولو لله في سبيل الله والسيد عقلو سادج بزاف يتاثر ريح معاه عام ريبلو محل كان يسرقلو مال وايضا سلعة ياكل باطل قلبو ميت سيد انهار عصبيا
لدا الشاطر والقافز يقتح وحدو احسن نصيحة واحد مايقلك نجي نخدم عندك او نعاونك ا

ليس كل الناس صنف واحد كيما كاين الخايب كاين لمليح

[" رَائِد المًسْتَقْبَـــل "]

انا اظن انو اي مشروع ناجح
فقط لازم تعرف كيفاه تدير المشروع و تبدع فيه
مثلا ان كان محل تقوم بدراسة المكان اذا كان يتوفر نفس تخصص المحل في تلك المنطقة او لا ... الخ
يبقى الكثير منا يواجه مشكلة رأس المال
اتمنى لو يكون هناك موقع جزائري خاص يتمويل المشاريع

[فاطمة الزهراء31]

انا اظن انو اي مشروع ناجح
فقط لازم تعرف كيفاه تدير المشروع و تبدع فيه
مثلا ان كان محل تقوم بدراسة المكان اذا كان يتوفر نفس تخصص المحل في تلك المنطقة او لا ... الخ
يبقى الكثير منا يواجه مشكلة رأس المال
اتمنى لو يكون هناك موقع جزائري خاص يتمويل المشاريع

عندك الحق خصنا نتعلموا كيفاش نبداو بصح ان شاء الله رايحا ندير مشروع محل خياطة وتجارة ربح وخسارة نتوكلوا على ربي ولي فيه الخير ربي يقدموا

[" رَائِد المًسْتَقْبَـــل "]

عندك الحق خصنا نتعلموا كيفاش نبداو بصح ان شاء الله رايحا ندير مشروع محل خياطة وتجارة ربح وخسارة نتوكلوا على ربي ولي فيه الخير ربي يقدموا

بالتوفيق ان شاء الله مشروع مربوح
لا تنسي حق التكنلوجيا كفتح صفحة في الفيسبوك لتواصل معا الزبائن و حتى ممكن عمل تطبيق للهاتف خاص بمحلك فيه اوقات العمل او اخبار
ففي عصرنا هذا الكثير منا اصبح يمضي وقته في العالم الافتراضي اكثر من العالم الحقيقي

[زايدي أمحمد]

بالتوفيق اخوتي

[visa uk]

انا مشارعي فشلت كلها تقريبا مثلا عملت مقهي نت العمل صفر الزبائن صفر لدا غلقت

[فاطمة الزهراء31]

انا مشارعي فشلت كلها تقريبا مثلا عملت مقهي نت العمل صفر الزبائن صفر لدا غلقت

معليش خويا خيرها فغيرها وعمرك ماتقول فشلت ماكتبهاش ربي وخلاص وحاول مرة آخرى انت جربت واستفدت من تجربتك المهم المحاولة حنا نقدموا الاسباب وربي يعيننا ماتخلي حتى حاجة توقف في طريقك وأخيى انت ثان كثرت مشاريع يعني معندكش مشروع واحد فكر مليح ف مشروع مليح ودرسوا مليح وراح تحقق مبتغاك ربي يوقفك

[visa uk]

اختي ليك سؤال مني ان امكن من فضلك بخصوص شخص اعرفه

[فاطمة الزهراء31]

اختي ليك سؤال مني ان امكن من فضلك بخصوص شخص اعرفه

خير ان شاءلله

[visa uk]

خير هدا الانسان راه حائر جدا في امره وراه في بطالة خانقة جدا مند اشهر راه جاتو فكرة انو يعمل او يشتري شاحنة صغيرة كاميونيت او فورقو مثلا بارتنر الخ ويكون يليفري يعي يوزع السلع للتجار مثلا يعني يكون فقط موزع فهمتي يجبهالو من المصدر ويسربيهالو ليه بدل انو هو يروح يشري من الشركات مثلا او يجبولو السلعة اليه حسب الشركات طبعا اضنو انو كاين لي عندها شاحناتها وسواقها الخ وهو حاب يعمل كموزع بوثائق طبعا ويبقي يدور علي تجار كامل ويوزع منتوجات واش تقترحيلو لعلمك عمرو ماعمل تجارة من قبل ماعندوش خبرة وهل ينجم يستثمر مالو او مال اخيه والدو في شراء مركبة نفعية والبدا وكيف يعمل طبعا لاو لايملك اي زبون

[الحركش]

السلام عليكم
اي مشروع ينجح
المثابرة

[فاطمة الزهراء31]

خير هدا الانسان راه حائر جدا في امره وراه في بطالة خانقة جدا مند اشهر راه جاتو فكرة انو يعمل او يشتري شاحنة صغيرة كاميونيت او فورقو مثلا بارتنر الخ ويكون يليفري يعي يوزع السلع للتجار مثلا يعني يكون فقط موزع فهمتي يجبهالو من المصدر ويسربيهالو ليه بدل انو هو يروح يشري من الشركات مثلا او يجبولو السلعة اليه حسب الشركات طبعا اضنو انو كاين لي عندها شاحناتها وسواقها الخ وهو حاب يعمل كموزع بوثائق طبعا ويبقي يدور علي تجار كامل ويوزع منتوجات واش تقترحيلو لعلمك عمرو ماعمل تجارة من قبل ماعندوش خبرة وهل ينجم يستثمر مالو او مال اخيه والدو في شراء مركبة نفعية والبدا وكيف يعمل طبعا لاو لايملك اي زبون

السلام عليكم شوف اخي انا معنديش خبرة في هاذ مجال بصح نعرف واحد دار شاحنة تاع لونساج وكي كراها للشركات خاطر كاين شركات متقبلكش انت لي تخدم يعني تجيب سائق تاعها فسدوهالوا وراهو حصل معندوش باش يخدمها خاطر بياساتها غاليين اذا كان مشروع يهموا ومصمم على رايو لازم يكون عندوا رسمال يبدا بيه لازم قبل يدير خطة ودراسة مسبقة للمشروع تاعوا يعني شحال لازمو دارهم باش يشري شاحنة ولازم دايما يخلي دراهم في بنك ماتحصيش بلاك كاش ميحتاج وثان لام يكون اجتماعي مايحشمش يدور يحوس على شركات وتجار مع انوا يعني معظم تجار عندهم شاحنات خاصة بنقل بضائع تاعهم وزديوا سقسوا ناس لي درت هاذ مشروع ويقدر يدير حانوت مواد غدائية فيه ربح كبير مع وقت يشري شاحنة نقل سلعة تاعوا ويولي معلم عند روحوا خير من يشري شاحنة ويبقى يتفرج فيها اذا مخدمش بيها ويجيب لعين روحوا وقولوا يستخير وربي يجيب لي فيه خير

[mouraa77]

السلام عليكم
يا الاخت الكريمة الاعضاء اللي شاركوا بالردود على الموضوع ذكروا النخيل لان مناطقهم معروفة بغرس النخيل و لم يجبروك ان تقومي بالاستثمار في نفس المنتوج . انت في البويرة تستطيعين غرس الزيتون او البطاطا او العنب او الماييز ... او حتى تربية الدواجن فولايتك مشهورة بتربية الدجاج و الارانب و السمان .. للاسف لم توفقي بالرد . و ايضا لا يجب ان تقارني ما يوجد من فرص عمل بولاية البويرة التي تتوفر على مناطق صناعية و ادارات و معامل بولايات اخرى تحتوي على مكاتب البريد و التعليم و مؤسسات صحية و مساجد فقط

[soumiasis]

اريد فتح محل لمواد التنظيف واحتاج الى مساعدة من أصحاب الخبرة في هذا المجال من ناحية مكان التسوق بالجملة وكذا كلفة فتح المحل للعلم أن المحل موجود يبقى فقط تجهيزه وشراء السلعة وشكراً

[Guest]

بالنسبة لي سرقة أموال الناس بالشراكة هي امثلة كثيرة ... اخرها واحد صاحبي سلف لواحد 20 مليون مردلوش ... واحد اخر دا سلعة ب 60 مليون و مرجعش ... وواحد شرك ب 70 مليون داوهالو ... واحد خدم دار باباه ب 120 مليون باه يزوج ... من بعد خرجوه ... واحد عندو ورثة نتاع مليار مداش فرنك ...
نكونو في الصورة ... افضل شيء هو الشاك باري ... و ايضا النوتير و الشغل ... و ليس مسألة سجاذة ... يعني صحبك توثق فيه طيلة عشر سنين ومن بعد يخدعك ... يعني هو دا مال باطل و خسرك ... كاين مرات توكل ربي و خلاص ... كاين واحد نعرفو عندو حانوت بالاوراق داوهالو من تحت يدو ... السيد صحبو و زور في البلدية ...

[oussama19 ESS]

حسب رايي لا تنفع



فكرتي هي تداول بالعملات لكن لازم تكون ذكي
وقليل من المال هي مثل اسهم تشتري عندما تنخفض وتبيع
عند ارتفاعها فقط


ممكن شرح أكثر عن تداول العملات

[nassimorov]

سلام خواتي انا عندي projet gestion cabinet medical
ايا شكون لفحل ولا لفحلة دبرلي شاري لهاد app وعندو نشبة 20%
انا اعطيولي 40000DA وإلا ديت معيا عشر ملاين حلال عليكم
انا دايرلها سومة 50000DA نحي 20% تبقى 40000
هادي app فيها كولش و installation انا لي نديرها.

واش قلتو ؟

[soumiasis]

اريد فتح محل لمواد التنظيف واحتاج الى مساعدة من أصحاب الخبرة في هذا المجال من ناحية مكان التسوق بالجملة وكذا كلفة فتح المحل للعلم أن المحل موجود يبقى فقط تجهيزه وشراء السلعة وشكراً

ارجوا من الإخوة الكرام الكرام دوي الخبره افادتي في في الموضوع

[himoprence]

السلام عليكم
مشروعي ان شاء الله روضة اطفال+حمام خاص للنساء

[karimSKY]

سلام
انا خدام و الحمدلله و نعاون روحي تجارة حرة عبر فايسبوك عندي مصادر تع سلعة نعرضها عبر فايسبوك نلم طلبيات و ندي الفايدة تاعي اضافة الى خدمة الكابا سلع فرنسية و راني نطمح نطلع بالشوية

[aya lina]

سلام عليكم حاب ندير لونساج و نخرج آلات تخدم انابيب البلاستيك (pehd) كيفاش ندير و هل لازم ديبلوم
وشكرا مسبقا

[Mostafa Archi]

بما انك تحبين تصميم الازياء و الرسم

سجلي في دورة لتعليم الخياطة و الطرز ............. الخ

و اشري ماكينة خياطة

و ابدائ غير بالشوية

و مع الوقت تتشهري و تولي تلحقق الخدمة بزاف

اكري محل و شغلي معاك 2 او 3 مساعدين

[فن و أناقة]

أنا تعملت شحال من صنعة وشريت ماشينة صغيرة تاع الطرز الإلكتروني، بصح حاسة روحي دايما ندور في نفس المستوى,,
الطرز الإلكتروني يسحق تعلم اللوجيسيال للتصميم ويسحق تاني خياطة
منداك نتحمس ومنداك نفشل