حلوياتي لعيد الفطر المبارك

[ام حمزة22]

البسملة1

السلام1

اولا نهنيكم اخواتي بالعيد المبارك ينعاد عليكم وعلينا بالخير والهناء والصحة ياااارب

تقبل الله منا ومنكم وغفر لنا ولكم يااارب

حبيت اتقاسم معكم حلوياتي كالعادة رغم الضروف لي مريت بيها وفقدان الغالي ربي يرحمو ويرحم جميع موتا المسلمين ما كنتش حابة يجوز عليا العيد حزين

ونحرم زوجي وولادي من فرحت العيد

درت الكوراج ونوعت كي العادة لان كل فرد من العائلة ربي يحفضهم يشرط نوع او نوعين من الحلويات وماعليا غير نطبق وفرحتي كانت كبيرة بفرحتهم وتدوقهم

للحلويات والحمد لله ما خيبتش ضنهم وكنت فالمستوى بشهادة ابني حفضه الله قال لي بارك الله فيك يا امي كنت فالمستوى وربي يحفصك

المهم سامحوني راني طولت عليكم بالهدرة
تفضلو صور حلوياتي ان شاء الله يعحبوكم وتاخدو منهم فكرة

https://b.top4top.net/p_543kc06q1.jpg

https://a.top4top.net/p_543q6ati0.jpg


مقروط
https://e.top4top.net/p_543n18f12.jpg


بقلاوة
https://d.top4top.net/p_5430vrpr1.jpg


حلوة النقاش
https://c.top4top.net/p_543sa5gh0.jpg


تشاراك العريان
https://c.top4top.net/p_543gnfd43.jpg


بنيون
https://b.top4top.net/p_5433pruk2.jpg


دزيريات تطبيقي للغالية زينب ربي يحفضها
https://a.top4top.net/p_543uwp181.jpg


سابلي شكل جديد من اختراعي
https://f.top4top.net/p_5434oqa70.jpg


الكفتة شكل جديد من اختراعي
https://b.top4top.net/p_5439i1ju1.jpg


كعيكعات مسكرين
https://a.top4top.net/p_543qpvlt0.jpg



تحياتي الحارة

سلاااام

[fleur de lili]

صح عيدك أختي أم حمزة دائما متألقة ...يعطيك الصحة
راهم قاطواتك تحفة ربي بعد عليك العين ..أمين
اختي أم حمزة لو تفضلتي بكرمك أعطيني وصفة تشراك العريان و الكفتة...شكرا
ربي يحفضلك اولادك وينجحهم
وربي يرحم فقيدكم ويعطيك الصبر

[crono]

السلام عليكم ،
بسم الله ما شاء الله ، ،الله يبارك متحوفين ومتقونين حلويات بالطبع ،بصحتكم يعطيك الصحة
حبوبتي الغاليّة . بالنسبة للوالد ربّي يرزقو الجنّة ويطوّل في عمر الوالدة وتحضر لكل أفراحكم وأفراح أحفادها. ربي يحفضلك اولادك وينجحهم يا رب
راني حاسة بيك فراق الوالدين صعيب والله بابا الله يرحمو من 2013 ملي فرقنا اهو في بلي كي قريب العيد نقول دورك يذحل عليا هو لاول لي نغافرو
انا حاسة روحي وحيدة ماقعد حتا حاجة اتفرح الله غالب ماقدرتش نصبر وخلىلي فراغ رهيب لحد الان مانسيناه
ربي يرحمو ويرحم موتانا المسلمين واش انديرو ربي يصبرنا وماعندنا غير الدعاء ليهم
وعيدك مبارك سعيد وكل عام وانت اطيب سلامي الحّار

[melissat]

حلوياتك رووووووووووووووعة واختراعاتك ولا اروع
بصحتكم ...وربي يرحم الوالد ويجعل مثواه الجنة ويرحم موتى المسلمين اجمعين

[ام حمزة22]

صح عيدك أختي أم حمزة دائما متألقة ...يعطيك الصحة
راهم قاطواتك تحفة ربي بعد عليك العين ..أمين
اختي أم حمزة لو تفضلتي بكرمك أعطيني وصفة تشراك العريان و الكفتة...شكرا
ربي يحفضلك اولادك وينجحهم
وربي يرحم فقيدكم ويعطيك الصبر

الله يسلمك اختي اسعدني مرورك وكلامك الطيب بارك الله فيك

شكرا على اادعاء ربي يحفصك ويحفضلك اعز الناس ليك

شوفي اختي وصفت تشاراك نكيلها 3 فرينة اافاني وكيلة ليدام متكون من خليط زيت وسمن وزبدة هاد الخليط معتمداتو من بكري نضيف ربع كيلة سكر ناعم بعد ما نبسس مليح الخليط نضيف حبة بيض و ماء زهر هنا انت وشطارتك لازم ما تكتريش ماء زهر لان لو كثرتي ما يجيكش التشاراك مبسس يجيك محكوم نوعا ما انا نخلي العجينة تقريبا مثل الصابلي هو يجي شوية صعيب في تشكيله لاكن يجي مبسس ويدوب فالفم خلي العجينة ترتاح ساعتين او اكثر قد ما تخليها ترتاح تسهل عليك العمل

اما الكفتة مقادير ها هي كيلة لوز مرحي رقيق انا نرحيه فالروبو منبعد في رحيوة نتاع القهوة نضيف كيلة سكر ناعم انا نضيف حفنة على كيلة سكر يعني كيلة وحفنة وتقدري تكيلي كيلة لوز وكيلة ونصف سكر ناعم انا معتامدتهم في 2 و نضيف لافاني وتقدري تستغني على لافاني ثم نضيف ابيض البيض المخفوق حبة حبة حتى ينطم الخليط ما جريهش خليه محكوم باش يسهل عليك تشكيله نخليه بجيه ونحضر الحشو المتكون من قاطو بيسكوت مرحي ونضيف حفنة لوز مرحي انا ما نكثرش اللوز وجي البنة ماشاء الله نضيف زبدة دائبة وعسل مسخن لافاني ونلم الخليط كاين لي يستعمل ماء زهر فالحشو هدا خطا يقدر يخسر الكفتة وما ضاينش مدة طويلة
في الاخير شكلي الحبة كيما تحبي انت وضوقك
ان شاء الله قدرت نوصلك افكاري المتواضعة اي سؤال انا بااخدمة
تحياتي الحارة
بالتوفيق
سلااام

[ام حمزة22]

حلوياتك رووووووووووووووعة واختراعاتك ولا اروع
بصحتكم ...وربي يرحم الوالد ويجعل مثواه الجنة ويرحم موتى المسلمين اجمعين

امين يارب
بارك الله فيك
مشكورة على المرور الطيب
تحياتي

[ام حمزة22]

السلام عليكم ،
بسم الله ما شاء الله ، ،الله يبارك متحوفين ومتقونين حلويات بالطبع ،بصحتكم يعطيك الصحة
حبوبتي الغاليّة . بالنسبة للوالد ربّي يرزقو الجنّة ويطوّل في عمر الوالدة وتحضر لكل أفراحكم وأفراح أحفادها. ربي يحفضلك اولادك وينجحهم يا رب
راني حاسة بيك فراق الوالدين صعيب والله بابا الله يرحمو من 2013 ملي فرقتنا اهو في بلي كي قريب العيد نقول دورك يذحل عليا هو لاول لي نغافرو
انا حاسة روحي وحيدة ماقعد حتا حاجة اتفرح الله غالب ماقدرتش نصبر وخلىلي فراغ رهيب لحد الان مانسيناه
ربي يرحمو ويرحم موتانا المسلمين واش انديرو ربي يصبرنا وماعندنا غير الدعاء ليهم
وعيدك مبارك سعيد وكل عام وانت اطيب سلامي الحّار

وعليكم السلام حبيبتي
ربي يرحم جميع موتانا وموتى المسلمين حاجة ماشي ساهلة انا كان والدي كل يوم كل يوم كل يوم في رمضان يعيطلي فالهاتف وكي نطول ما نرفدش يقولي دايما مقولته الشهيرة ( وين كنتي طحتي في فدرة الشوربة ) ويوم لي خلاص رمضان تفكرت كيف ندخل لبيت اهلي وما نصيبش الغالي نقبل عليه والله دموعي نهارت ساخنة من عيوني لكن الحياة تستمر وربي يصبرنا و يباركلنا في اعزاءنا يا رب

شكرا لمرورك غاليتي والدعاء ولك بالمثل ان شاء الله

[fleur de lili]

شكرا غاليتي علي رد السريع.في ميزان حسناتك انشاالىه
راكي تعتبري من سلالة الصالحة لتجلب لولديها غير دعوة خير.ربي يحفضك

[طيور الجنان]

ماشاء الله اختي ام حمزة حلويات روووعة خدمتيهم بالطبع ربي يباركك فيك.
ربي يرحم والدك حنونة و يجعل مثواك الجنة علابالي ماشي ساهلة لاني جربت الاحساس هذا ماعسانا نقول غير الحمد لله و ندعولهم و نتصدقو .

[lamiak1]

ام حمزة حلوياتك تحفة ومتقونة والله يرحم الوالد ويصبرك اعليه

[jalilo-13]

شهيتينا أختي الكريمة

[ام حمزة22]

شكرا غاليتي علي رد السريع.في ميزان حسناتك انشاالىه
راكي تعتبري من سلالة الصالحة لتجلب لولديها غير دعوة خير.ربي يحفضك
العفو اختي ربي يخفضك انت كدالك ويسرلك كل امورك
ماشاء الله اختي ام حمزة حلويات روووعة خدمتيهم بالطبع ربي يباركك فيك.
ربي يرحم والدك حنونة و يجعل مثواك الجنة علابالي ماشي ساهلة لاني جربت الاحساس هذا ماعسانا نقول غير الحمد لله و ندعولهم و نتصدقو .
الحمد لله ربي العالمين وربي يحمهم ويجعل متواهم ااجنة
شكرا على المرور بارك الله فيك
ام حمزة حلوياتك تحفة ومتقونة والله يرحم الوالد ويصبرك اعليه
امين يا رب
شكرا بارك الله فيك
شهيتينا أختي الكريمة

شهيتك فالجنة
شكرا على المرور بارك الله فيك

[naila166]

ما شاء الله حلويات جميلة و باينة بنينة
ربي يحفظك و يحفظلك عائلتك و اولادك و يرحم والدك امين

[x ام رحاب x]

اولا مبارك عليك العيد حبيبتي وينعاد عليك بالخير انت واهلك اجمعين
وربي يرحم والدك ويجعل مثواه جنة الفردوس مع النبييين والصالحين ربي يصبرك حنونة راني حاسة بيك انا راحو الاثنين وراني عارفة انك حاسة بيا والله انا ماشي كيما انت الله ايبارك قدرتي تحتمي على روحك واديري الحلوة انا عكسك ماقدرتش دارو بناتي زوج انواع ماشفتش واش دارو ماقدرش اول مرة مانوقفش مع بناتي وهوما يديرو في الحلوة كي مات بابا حسيت روحي وحيدة وسندي الي في الدنيا راح وهو كان كلش في حياتي كان ايقولي انت انحسك في بلاصت والديا اتخمي عليا وحزنت عليه 4 سنوات وكي زادت امي اتوفات خلاصت البنة الي في الدنيا كامل راحت وراكي عارفة احساس الحزن الكبير لي راني فيه وانت الحمد لله راهي امك مزالها معاك ربي يعطيها الصحة والعافية ديري فيها كل عزك وماتحسوهاش انكم خاصتكم حاجة راهي هي من داخل ماتحملش عليكم ربي يفرحكم بامكم يارب
وحلوياتك تحفة ماشاء الله عليك تسلم الايادي عزيزتي

[ام حمزة22]

اولا مبارك عليك العيد حبيبتي وينعاد عليك بالخير انت واهلك اجمعين
وربي يرحم والدك ويجعل مثواه جنة الفردوس مع النبييين والصالحين ربي يصبرك حنونة راني حاسة بيك انا راحو الاثنين وراني عارفة انك حاسة بيا والله انا ماشي كيما انت الله ايبارك قدرتي تحتمي على روحك واديري الحلوة انا عكسك ماقدرتش دارو بناتي زوج انواع ماشفتش واش دارو ماقدرش اول مرة مانوقفش مع بناتي وهوما يديرو في الحلوة كي مات بابا حسيت روحي وحيدة وسندي الي في الدنيا راح وهو كان كلش في حياتي كان ايقولي انت انحسك في بلاصت والديا اتخمي عليا وحزنت عليه 4 سنوات وكي زادت امي اتوفات خلاصت البنة الي في الدنيا كامل راحت وراكي عارفة احساس الحزن الكبير لي راني فيه وانت الحمد لله راهي امك مزالها معاك ربي يعطيها الصحة والعافية ديري فيها كل عزك وماتحسوهاش انكم خاصتكم حاجة راهي هي من داخل ماتحملش عليكم ربي يفرحكم بامكم يارب
وحلوياتك تحفة ماشاء الله عليك تسلم الايادي عزيزتي

اهلين حبيبتي عبدك مبارك وكل عام وانت والعائلة بالف خير
ام رحاب يا اختي لازم تتغلبي على احزانك وتوقفي مثل ما كنت واكثر واش ذنب ازواجنا واولادنا يشوفونا دايما حزنين هدا راح ياثر فيهم وربي سبحانه وتعالى مايقبلش بهادا الحزن لي يفوت 3 ايام و4سنين بزاف تحزني على الوالد ربي يرحمو ويجعل متواه الجنة لازم الصبرحبيبتي والدعاء وتصدقي عليه اك لي ينفع اما الحزن يزيدك تعب في تعب والموت كاس مر لابد الكل يدوق منه ربي يثبتنا ويرزقنا حسن الخاتمة
ام رحاب قلبي راه جمرة على والدي والحرقة ماراحش تطفى سوائا ادا استمريت فالحزن ولا توقفت الحيات تستمر بمرها وحلوها وحتى والدتي ربي يحفصها ويطول في عمرها ما قدرتش تصبر لكن قدامنا تحاول تكون قوية رغم مرض اخوها الوحيد لي بعد وفات ابي اكتشف عندو المرض الخبيث نجاني واياكم الله منه

حبيبتي حاولي تتغلبي على حزنك ووقفي مع بناتك ربي بحفضهملك وان شاء الله ندخل الفرحة لقلبك والبيتك يا رب

تحياتي غاليتي

سلااام

[ام حمزة22]

ما شاء الله حلويات جميلة و باينة بنينة
ربي يحفظك و يحفظلك عائلتك و اولادك و يرحم والدك امين

امين يارب
ربي بحفضك انت تان ويخفضلك اعز الناس ليك

[أم سدرة]

الله يبارك كلشي رووووووعة والله يرحم جميع موتى المسلمين

[chez biba]

صحة عيدكم اختي ام حمزة كل عام ونتوما بخير
يعطيك ألف صحة على قاطواتك ما شاء الله فعلا كانت كلها في المستوى وخاصة الكفتة تحححححفة .. ربي يرحم الوالد ويصبركم على فراقو ويجعل مثواه الجنة ويحفظ لك عايلتك ويفرحك باولادك

[ام حمزة22]

الله يبارك كلشي رووووووعة والله يرحم جميع موتى المسلمين
امين يا رب

ويبارك فيك يسلمك

مشكوووورة
صحة عيدكم اختي ام حمزة كل عام ونتوما بخير
يعطيك ألف صحة على قاطواتك ما شاء الله فعلا كانت كلها في المستوى وخاصة الكفتة تحححححفة .. ربي يرحم الوالد ويصبركم على فراقو ويجعل مثواه الجنة ويحفظ لك عايلتك ويفرحك باولادك

صح عيدك انت كدالك اختي بيبا ينعاد عليك وعلى عاءلتك بالصحة والهناء
والله يعافيك اختي ربي بحفضك ويجازيك على المرور واادعاء

[&ام ايوب&]

ماشاء الله حلوياتك بالطبع والشان
ربي يرحم الوالد ويجعل مثواه الجنةويحفظلك الوالدة

[LINA 97]

بارك الله فيك حلوياتك تحفة حقا.

[ام حمزة22]

بارك الله فيك حلوياتك تحفة حقا.

وفيك بركة الله
شكرا على المرور

[ام حمزة22]

ماشاء الله حلوياتك بالطبع والشان
ربي يرحم الوالد ويجعل مثواه الجنةويحفظلك الوالدة
امين يا رب
ربي يحفضلك اعز الناس ليك
شكرا لمرورك الطيب

[conductrice]

يعطيكـ الصحة
عيد سعيد وكلـ عامـ وانتـ بخير

[اميريم19]

عيدك مبارك اختي ام حمزة وربي يرحم الوالد ويجعل مثواه الجنة يعطيك الصحة على الحلويات راىعة ومتقنة بارك الله فيك

[ام حمزة22]

يعطيكـ الصحة
عيد سعيد وكلـ عامـ وانتـ بخير
الله يسلمك اختي
عيد سعيك وكل عام وانت وعائلتك بالف خير
عيدك مبارك اختي ام حمزة وربي يرحم الوالد ويجعل مثواه الجنة يعطيك الصحة على الحلويات راىعة ومتقنة بارك الله فيك

وفيك بركة الله اختي

شكرا ربي يرحم جميع موتنا وموتى المسلمين

عيدك مبارك وكل عام وانت والعائلة بالف خير

[البدرية]

تقبل الله منا ومنكم صالح الأعمال
اللهم بارك أختي أم حمزة حلوياتك كلها روعة وتشهي سلمت يداك

أسأل الله أن يرحم والدك ويجعله من أهل الجنة وأسأ ل الله أن ير حم أخي الحبيب وجميع موتى المسلمين اللهم آمين

وطهور ان شاء الله لخالك فقط أحببت أن أقول لك لو يجرب زيت الضرو مفيد لهذا المرض ان كان في الصدر يشرب منه قليلا او يدهن به الصدر والله هو الشافي
عندي طلب لو سمحت ممكن تعطيني وصفة صابلي ونوع الزبدة التي استعملتها ووصفة حلوة النقاش والبنيون اعتذر على ازعاجك اختيي الفاضلة وجزاك الله خيرا

[ام حمزة22]

تقبل الله منا ومنكم صالح الأعمال

**** امين يا رب العالمين *****

اللهم بارك أختي أم حمزة حلوياتك كلها روعة وتشهي سلمت يداك

****يبارك فيك يسلمك اختي البدرية شهيتك فالجنة *******



أسأل الله أن يرحم والدك ويجعله من أهل الجنة وأسأ ل الله أن ير حم أخي الحبيب وجميع موتى المسلمين اللهم آمين

*******امين يا رب العالمين ********

وطهور ان شاء الله لخالك فقط أحببت أن أقول لك لو يجرب زيت الضرو مفيد لهذا المرض ان كان في الصدر يشرب منه قليلا او يدهن به الصدر والله هو الشافي

*******ان شاء الله اختي بارك الله فيك ********

عندي طلب لو سمحت ممكن تعطيني وصفة صابلي ونوع الزبدة التي استعملتها ووصفة حلوة النقاش والبنيون اعتذر على ازعاجك اختيي الفاضلة وجزاك الله خيرا

♥♥♥♥♥♥♥♥ طلبك على العين والرأس اختي مافيها حتى ازعاج وفيك بركة الله ♥♥♥♥♥♥♥♥

[ام حمزة22]

مقادير حلوة النقاش: 3 كيلات فرينة وربع كيلة سكر ناعم وكيلة ليدام متكون من سمن وزيت وزبدة وماء زهر وحبة بيص ولافاني

نخلط الفرينة مع السكر ولافاني ثو نضيف ليدام ونخلط مليح بكف اليد حتى تتبسس مليح العجينة ثم نضيف الحبة نتاع البيض ثم ماء زهر انا ما نكثرش بزاف الماء زهر نخليها تقريييبة مثل عجينة السابلي جي مبسسة ودوب فالفم بشرط خلي العجينة ترتاح لساعات فالتلاجة لتسهل عليك تسكيل حبة النقاشيسهلك نقشها


اما مقادير لبنيون هي ؛ نخلط كل المكونات الجافة المتكونة من كاوكاو محمص مليح + قاطو بيمو+ قوفريط+حلوة الترك و في كاسرونة نذوب الزبدة والعسل والشوكلاطة بعد ما يدوبو فوق النار نفرغ الكل على خليط المكونات الجافة نطم العجينة ونكون كويرات ونرمدها في نواد كوكو

اما السابلي استعملت هده الوصفة حبيت نبدل شويةhttps://b.top4top.net/p_551sx0bk0.png


اما الزبدة لي نستعملها حاليا هي زبدة الماني
ونصيحتي ليك استعملي استعملي سمن وعسل مرجان بنتهم فالحلويات راااائعة


اي استفسار انا بالخدمة اختي
تحياتي
سلااام

[البدرية]

جزاك الله خيرا أختي الكريمة أم حمزة على الوصفات وحفظك الله من كل سوء

[somaia1999]

تحفة ربي بعد عليك العين

[somaia1999]

ما شاء الله حلويات جميلة

[ام حمزة22]

جزاك الله خيرا أختي الكريمة أم حمزة على الوصفات وحفظك الله من كل سوء
جزاك الله بالمثل وحفضك ويسرلك كل امورك
تحفة ربي بعد عليك العين

ما شاء الله حلويات جميلة

عيونك الاجمل اختي
سمرا على اامرور ااطيب والدعاء ولك بالمثل