من احسن ملازم اول ام استاذ

[JAKE7]

من احسن استاذ ام ملازم اول في سلك الشرطة

[مراد سابقا10]

يا خويا استاذ خير رغم انها مهنة متعبة

الكاسكيطا ماشي مليحة وزبد كل 5 سنين ولا ستة يحولوك لبلاصة اخرى كيفاش تزوج ودير دار

انا ننصحك دير استاذ

[JAKE7]

يا خويا استاذ خير رغم انها مهنة متعبة

الكاسكيطا ماشي مليحة وزبد كل 5 سنين ولا ستة يحولوك لبلاصة اخرى كيفاش تزوج ودير دار

انا ننصحك دير استاذ
شكرا على النصيحة
بالنسبة للشرطة انا نعرف بلي بعد 3 سنوات عندك الحق باش تحول الى مقر اقاماتك

[jaycutler]

ياخويا أستاذ احسن من تتغرب سنتين وبعيد على داركم ومبعدة يحولوك 5سنين ويعاودو يردوك تبهديل كبير فيها

[kacimo.samy]

انا جربت الكسكيطة و كنت ملازم في الخدمة الوطنية و عملي مثل اي ضابط

بصح استاذ احسن و ليك راي

[charrakomar]

صل استخارة

[Abdelghani.Abdou]

ربي يهديك مكانش مجال للمقارنة بين مهنة استاذ او ملازم اول صدقني حتى لو كنت رائد اقصد كومندوا او مقدم كورنيل

شوف الاستاذ تكون عايش اجتماعياً وزيد الحمد لله تحسنت رواتبهم نقصد كأستاذ تعيش حياتك الاجتماعية والعائلية مليح خير من انك في سلك الشرطة او الكاسكيطة بصفة عامة لانه ديما فوقك واحد اعلى منك وفيه ضغوط في العمل ولازم ثاني تسمح من مبادئك شويا امور كثيرة منقدرش نحكي عليها رغم انه بزاف ناس خرجة عليهم الشرطة او الكاسكيطة بصفة عامة لكن لانهم معندهومش بديل اما يكون عندك بديل كيما استاذ اسمحلي راك غالط في هذي النقطة .
مع احترامي لكل خاوتنا في سلك الشرطة او الدرك او العسكر حماة الديار بالتوفيق ليهم ويعطيهم الصحة كنت ملازم احتياطي وشفت وش معناه تفوت اكثر من شهرين او ثلاث اشهر بلا ماتشوف داركم خاصة المتزوجين وزيد رمضان والاعياد حكاية اخرى ونعاود مرة اخرى ربي ينصركم ويحميكم .

[MOHAMOH]

انا استاذو الحمد للله كنت حاب نقاجي و مكتبش ربي بصح درك كي بديت الخدمة حمدت اللله لاني مقاجيتش صح متعبة و لكن فيها امور كثيرمليحة (راي شخصي)

[روحاني]

اخطيك من الكاسكيطة يا لو كان فاكتور اصدق النية في التعليم نصيحة من مجرب لا تنسانا بالدعاء:sdf:

[علي لقواطي]

مايكذبوش عليك ملازم اول في الشرطة احسن بكثير من أستاذ حتى فالراتب اما بخصوص التحويلات من مدينة لمدينة حتى التعليم راهم يخدمو فالصحرا اما الشرطة تخدم في مدينتك عادي.

[كسيلة-ناروتو]

استاذ احسن بدون منازع