ماهي تكلفة بناء منزل مكون من غرفة وكوزينا

[omar-fadel]

السلام عليكم وصح رمضانكم
ماهي تكلفة بناء منزل طابق علوي مكون من غرفة وكوزينا وتواليت يعني ممكن 75 متر مربع علما أنني مداير البوطوات العرس وعندي نصف البريك
الله يحفظكم في هاته العشر الأواخر

[karime amrs]

اسعار مواد البناء عموما غالية كثير
دير حساب كل شيىء اخي

[عطر الملكة]

السلام عليكم

اخي الكريم مواد البناء غالية و على هذا نحكيلك على تجربتنا عندنا سكن راه قيد الانجاز مساحتو الاجمالية 78 متر مربع لتحت فيه صالون و غرفة كبيرة نقدرو نديروها صالون نسائي و غرفة صغيرة بزاف ممكن تستغل في كوزينة صغيرة و طبعا مرحاض كنا معولين نكملولهم الفينيسيو لكن من بعد ظهر عندنا راي و قررنا نزيدو طابق لفوق باش نربحو الوسع و غرف اضافية كملنا البيليات و السوانتر كامل و من بعد قلنا ندالو مساحة قيس زوج غرف و هول و دوش صغير و الباقي خليناها حوش

نحكيلك على تكلفة هذو زوج غرف و الدوش بما انها تتناسب مع الطلب نتاعك

احنا اسقامتنا الدالا نتاعها 13 مليون ما بين حق سلعة و حق ايدين الماسو و الخدامة نتاعو قطيع الحيوط و الله قانسيت نسول زوجي و نقلك شحال اسقامو انت قلت راه عندك نص الاجر حاجة مليحة خففت شوية مصاريف نجو للمرحلة اللي رانا فيها حاليا رانا نصقلو فالحيوط اسقامنا الصقيل السلعة 2 مليون و حق ايدو قال 4 مليون يعني خمس ملايين مع حساب تقريبي لقطيع الحيوط بلاك تكون وحد 8 ملايين و توصيل الكهرباء ما بين سلعة و حق ايدو 1 مليون و ميتين الف

نجو للفينيسيون ما نعرف واش تخمم تدير انا نعطيك سومة نتاع كاليتي مليحة

مثلا مساحة كيما الي قلت عليها تسقام ما يقارب 6 ملايين كرلاج كاين كرلاج من 75 الف حتى 80 الف للمتر و كاين ارخس حسب النوعية
الفايونص نتاع الكوزينة يبدى من 145 الف و اطلع كاين نوع مليح انا سومتو وقت ما كنت نخمم في كوزينتي لقيتو ب 190 الف نظن نتاع اسبانيا و كاين نتاع تونس و كاين نتاع الترك و كل واحد و سومتو الموتيفات كل وحدة و سومتها انا سومت نوعية لقيتها 75 الف للحبة غالي شوية مي نوع مليح

لافابو نتاع الكوزينة كاين نتاع زوج باسينات نتاع ليترونجي رخامو ما يتقشرش و ضاوي ب 15000 دج مليون و خمسمائة

و انتاع الدزاير رخيس بصح شويا شويا و انت واش حاب تدير الفينيسيون مسألة ذوق و امكانيات

الابواب نتاع الخشب مساعدين مي الالمنيوم مليح للكوزينة و التواليت زوجي دار حساب لباب و طاقة كبيرة قالو نخدمهملك ب 2 مليون و حويجة

نتمنى نكون ساعدتك شوية

و صيام مقبول

[omar-fadel]

اسعار مواد البناء عموما غالية كثير
دير حساب كل شيىء اخي

نعم أخي غالية

[omar-fadel]

السلام عليكم

اخي الكريم مواد البناء غالية و على هذا نحكيلك على تجربتنا عندنا سكن راه قيد الانجاز مساحتو الاجمالية 78 متر مربع لتحت فيه صالون و غرفة كبيرة نقدرو نديروها صالون نسائي و غرفة صغيرة بزاف ممكن تستغل في كوزينة صغيرة و طبعا مرحاض كنا معولين نكملولهم الفينيسيو لكن من بعد ظهر عندنا راي و قررنا نزيدو طابق لفوق باش نربحو الوسع و غرف اضافية كملنا البيليات و السوانتر كامل و من بعد قلنا ندالو مساحة قيس زوج غرف و هول و دوش صغير و الباقي خليناها حوش

نحكيلك على تكلفة هذو زوج غرف و الدوش بما انها تتناسب مع الطلب نتاعك

احنا اسقامتنا الدالا نتاعها 13 مليون ما بين حق سلعة و حق ايدين الماسو و الخدامة نتاعو قطيع الحيوط و الله قانسيت نسول زوجي و نقلك شحال اسقامو انت قلت راه عندك نص الاجر حاجة مليحة خففت شوية مصاريف نجو للمرحلة اللي رانا فيها حاليا رانا نصقلو فالحيوط اسقامنا الصقيل السلعة 2 مليون و حق ايدو قال 4 مليون يعني خمس ملايين مع حساب تقريبي لقطيع الحيوط بلاك تكون وحد 8 ملايين و توصيل الكهرباء ما بين سلعة و حق ايدو 1 مليون و ميتين الف

نجو للفينيسيون ما نعرف واش تخمم تدير انا نعطيك سومة نتاع كاليتي مليحة

مثلا مساحة كيما الي قلت عليها تسقام ما يقارب 6 ملايين كرلاج كاين كرلاج من 75 الف حتى 80 الف للمتر و كاين ارخس حسب النوعية
الفايونص نتاع الكوزينة يبدى من 145 الف و اطلع كاين نوع مليح انا سومتو وقت ما كنت نخمم في كوزينتي لقيتو ب 190 الف نظن نتاع اسبانيا و كاين نتاع تونس و كاين نتاع الترك و كل واحد و سومتو الموتيفات كل وحدة و سومتها انا سومت نوعية لقيتها 75 الف للحبة غالي شوية مي نوع مليح

لافابو نتاع الكوزينة كاين نتاع زوج باسينات نتاع ليترونجي رخامو ما يتقشرش و ضاوي ب 15000 دج مليون و خمسمائة

و انتاع الدزاير رخيس بصح شويا شويا و انت واش حاب تدير الفينيسيون مسألة ذوق و امكانيات

الابواب نتاع الخشب مساعدين مي الالمنيوم مليح للكوزينة و التواليت زوجي دار حساب لباب و طاقة كبيرة قالو نخدمهملك ب 2 مليون و حويجة

نتمنى نكون ساعدتك شوية

و صيام مقبول

الله يعطيك ما تتمني بارك الله فيك

[omar-fadel]

هل من آراء أخرى الله يعطيكم الخير في انتظار ردودكم العطرة

[الحقيقة ممنوعة]

ادا كانت المساحة 70 مترا كما تقوا فعليك ب اف4 واخطيك من فرفة ومطبخ . اللع يلعن غرفة ومطبخ الله يلعنهما . انا اعيش فيهما منذ 17 سنة واعيش فيهما جهنم

[الحقيقة ممنوعة]

100 مليون تكفي لبناء الطابق الاول الا اذا اردت التبذير