بيتزا تاع الدار / pizzz maison ........ على طريقة زخرفة

[zokhrofa]

السلام عليكم

حبيت نشاركم بيتزا تاع الدار اقتصادية و بنيييييينة بزاف

http://www.up.djelfa.info/uploads/149743691382511.jpeg



الطريقة:

ديري ثلاث كيسان فرينة ملح ثلاث معالق سكر مع ملعقة تاع خميرة الخبز مع ثلاث ملاعق كبار لحظة زيد زوج مغارف كبار تاع زيت الزيتون زيد حبة بيض و خلطي بالماء الدافي حتى تولي عجينة

خليها تخمر حتى تولي الضعف

في هاذ الوقت احكمي اسكرفجي الطماطيش حب و ثوم و معدنوس و ملح و فلفل اسود و زعيترة خلطيهم و حطيهم بجيه اذا حابة الحار قطعيه معاهم

كي تخمر العجينة في سنيوة ديري زيت و حلي العجينة تم و اثقبيها كامل بالفرشيطة

و حطي الطماطم لي قتلك فوقها و دخليها طيب

كي تخرجيها حسب الذوق يا اما ترشيها بزيت عادي يا اما بزيت الزيتون

ملاحظة قد ما كانت الطماطم بزاف خير خاطش تجي بنينة و مشمخة

[&ام ايوب&]

اييييه يا زخرفة يعطيك الصحة على الوصفة تخيلت شكلها يكون شباب
صح سحورك

[zokhrofa]

اهلين ام ايوب

شكلها بحال لي يبيعها الخباز ماشي لي يبيعوها الفاست فود

يعني تجي مربعة و تنتكل باردة ماشي سخونة ممممممم

[أم رقية نسرين]

يعطيك الصحة
راهي بنييينة

[zokhrofa]

اهلا طالبة اختي كاش نهار جربيها و قوليلي رايك

[جنة الفردوسْ]

مممم نموت عليها....يعطيك الصحة

[zokhrofa]

الله يسلمك و ديريها ولا تموتي عليها برك ؟ ههههه

[zokhrofa]

عفوا اختي اهلا بيك

[هدى المتفائلة]

يعطيك الصحة اختي

[zokhrofa]

يسلمك اختي اهلا بيك

[nihal159]

اممممممممممم مش غير بنينة؛ تقتل بالبنة؛ حتى أنا نديرها بنفس طريقتك؛ أقصد الصوص؛ بالنسبة للعجين أنا مانديرش فيها البيض؛ نجرب طريقتك بإذن الله و نرجعلك بالخبر

[zokhrofa]

نهولة البيض للقرمشة فقط

[conductrice]

يعطيكـ الصحة زخروفتيـ

[ام هدول]

يم يم ندي طرف بيتزا ونزيد فوقو هريسة حارة هههههه ياخي عادي

[ام هدول]

يم يم ندي طرف بيتزا ونزيد فوقو شوية هريسة حارة ههههه ياخي ماعليش زخرفة ولا واش قلتي

[zokhrofa]

عفوا اختي كونديستريس


ام هدول ههههههه معليش و اعطيني ندير انا تان وااااع في هاذي اللحظة بدات راه قاتلني الجوع