زوجي

[مشكلتي]

السلام عليكم لقد ضاقت بيا الدنيا حسبي الله و نعم الوكيل لمن ياخد بنات الناس و يعدبها و هي لي صبرت معاه
مشكلتي انو زوجي يتكلم مع النساء في الفايس فلهاتف و مسجل في مواقع التعارف و يبعت و يبعتولو الصور و الكلام المعسول و انا يلا تصدقو هداك لكلام عمري ما سمعتو منو و لا حتى قبل الزواج و وصل حاب يروح يلتقيهم باش نوصلكم الفكره يتكلم مع اوروبيات و هو اصلا مغترب بصح رجع لبلاد يسكن و يروح مره على مره المهم انا واجهتو و كانو ما دار والو قالي ما بيناتنا والو و أنا نفوت فلوقت برك و هو اصلا ما يكلمنيش كي يخرج اسمحولي راني مخلطه و كرهت راني دايرتلو كلش و الحمد لله انا جميله و أيضا لي راه يحكي معاهم نفس صفاتي يعني ماشي حب يبدل ما فهمتش علاش و درك راه زاد لقا امراه أخرى راه يحكي معاها و وعدها انو يروح عندها كيفاه ندير ما شكيتش رايح يتبدل اسمحولي مره اخرى بصح راني متوتره و ما حساش بالأمان معاه لي يسقسي على الأولاد ما عندناش

[toulay]

وعليكم السلام ورحمة الله وبركاته
قولها وعاودها هاذي حسبي الله ونعم الوكيل
ربي ياخذ فيه الحق ان شاء الله لانو انسان خداع وخائن كيفاش عندو مراة فالدار ويزيد يدردشلي فارغ شغل تاع الصح هذا
وتاع هاذي يفوت فالوقت معجبتنيش حطوا فالامر الواقع يا انت يا هوما حصلوا مع دارهم بلاك يحشم منهم ومع انو مشكيتش بلي هذا من الصنف ليحشم كون صح عندو ذرة حشمة ورجولة متكونش عندو الجراة يقول انا نفوت فالوقت برك
استغل استغل درك تلقى وحدين يجوا يقولولك اصبر وهذا ابتلاء ووووو بصح كون جيتي انت الخائنة ولظل تحكيلي فالفاايسبوك و par exemple زوجك لحط المشكلة مباشرة طلقها واش دير بيها وكاين غيرها ووووو
ربي يفرج عليك ان شاء الله
بالتوفيق

[ايمان4]

حسبي الله و نعم الوكيل ....شوفي الاهل نتاعك ابوه امه كبار العائلة لي يحشم منهم باش يتسقم المهم ما تديريش الغلطة نتاع تسكتي خاطرش ما تحصي شا يجيبلك السيدا و لا ما نعرف الله يعافينا ....تجملي و ما علابالكش بيه يعني ما تببقايش غير سمعا و طاعة و شكري في روحك ممكن راه يشوفك قل منهم خاطرش كاين نوع من الذكور غير التراب لي يملا عينيهم ما دامه اتزوج يرتب و يشد داره ... ما ننصحكش بالطلاق راكي عارفة حالة المطلقات ...

[أثيلة]

السلام عليكم و رحمة الله و بركاته
أختي صح الموقف صعب للغاية و ربي يكون في عونك
أختي صح نقولك اصبري لكن مش الصبر وحدو لازم أيضا تحاربيه و تواجهيه في كل مرة و إذا زوجك مش يحكي معاك بكلام رومنسي كيما يحكي معاهم انتيا اجذبيه ليك و خليه يشوف بلي انتي افضل منهم بالف مرة و نزيد نقولك صح انا مانعرفكش مي ممكن انتيا راكي مش مهتمة بيه لدرجة لي راه حابها هو و لازم تكوني أكثر من لي راه متوقعو
يحب يحكي مع بنات اخرين انتيا بدليه أولا بالدعاء فالصلاة و قيام الليل و علميه يصلي لانو بصراحة لي يصلي يخاف ربي و مايديرش امور كيما هادو أبدا أبدا و ادعي ربي يهديه للطريق الصحيح
و راني عارفة و مش نقولك بلي انتيا الغالطة هو تاني غالط مئة بالمئة و لكن في نفس الوقت مانحملوهش كامل المسؤولية شوفي روحك و خممي مليح واش راكي منقستيلو
واذا حبيتي حاولي معاه لدرجة افتحي انتيا تاني ايمايل و راسليه و احكي معاه بالطريقة لي يحكو معاه البنات و اعرفي واش راه حاب بالضبط هكا تفهي و تعرفي تتعاملي معاه

ربي يكون في عونك
ونتمنى مانكونش تعديت حدود او جرحتك
في أمان الله
اختك في الله
رشا

[KING STAR]

لا حول ولاقوة إلا بالله
ربي هديه كان الأولى بيه يهتم بزوجته وإذا كان هناك مشكل يحلو معاها بالتي هي أحسن
للأسف مواقع التواصل الإجتماعي سلبياتها اكثر من إجابيتها
لأ أدري ما سبب هذا الجفاء بينكما أختي لكن عليك البحث في سبب هذا الجفاء ومنذ متى بدأ هذا الشقاق بينكما
وحاولي إصلاح الأمر معه بالتي هي أحسن أو حاولي حل المشكلة مع أهله خاصة والده أو والدته
وربي يصلح بينكما

[نورسين.داية]

أختي وجب ان تفهمي أصل المشكل ماهو .....واقعنا أصبح فيه الفيس و التواصل عن طريق الإنترنت و خصوصا مع التقنيات المتطورة يوميا أصبحت إدمان والإنسان بطبعو و الرجل بشكل أخص يكره الروتين و خصوصا إذا الإنسان هذا فيه فيس النساء من الصعب أن تتغير هذه العادة نعطيك مثال و الله رجال متزوجين من الصباح للعشية و هو مقصر مع حثالة مثلو ...........و الأمر من دلك لما نطلب منه خدمة في إطار صلاحياته و مكتبه ينزعج علاش لأننا أفسدنا القعدة عليه السيد و الأمر من دلك كله رتبته مفتش يا ربي سيدي مفتش ولائي ...................

بالتالي إذا لم يكن لديه وازع ديني داخلي من الصعب أن يتخلي عن الترفيه اليومي ..................

نطلب من الله عز وجل الهداية و نور البصيرة و خلاص

[رندة.]

ربي يفرج عليك ويهدي زوجك ان شاء الله.

[abder03]

رجلك اتجه الى الفايس الهدام لانه لم يجد ما يبحث عنه في البيت.
أختي ابحثي عن ما يبحث عنه زوجك و افعليه، غيري اسلوبك. زوجك عاش في الخارج، ميلي الى الحياة و الاسلوب الاوروبي في حياتك. عيشي كاوروبية في بيتك تحت كيف دينك. ربي يهدينا جميعا.

[زبدة ذايبة]

هذا زوج ماعندوش الأخلاق والدين.

فاقد الشيء لا يعطيه.

حتى ولا كنت لونجة بنت السلطان كان يديرلك هكذا.

لأنه ذكر وهمه شهواته .


حلال ، حرام لايهم.

المهم أن يستمتع هو.

أنا أسألك على أي أساس تزوجته؟؟؟؟؟.

هل هو الراتب؟؟؟

هل هو المنصب والمكانة الاجتماعية؟؟؟؟؟.

لا أعتقد أن موافقتك عليه لأنه متدين.

كاين مشكلات حلها يكون في البداية.

وكاين مشكلات ماعندها حتى حل

سوى الصبر وانتظار ماسيحصل في المستقبل القريب.

رب يفرج عليك.

[زهرة الاركيد]

في الاصل زوجك أنسان مستهتر
والخطا ايضا في لانكي كم الاول لازم تسالي عليه
بصح سمحيلي نتي مجرد ماقالوك امقري وافقتي

[محارب الحمق]

الزواج الذي يبنى على المصالح لا الدين تكون في الغالب نهايته مأساوية.... ربي يهدي ويفرج عليكم

[abder03]

دكتوره زبدة ذايبة
أنا لا اعرف صاحبة المشكلة و لا زوجها و لا حضرتك و لكن اقول انت حكمت على انسان دون ان تعرفيه و دون ان تعرفي التفاصيل الحقيقية و حكمت بحكم شديد و هذا بعضه: ماعندوش الأخلاق والدين. فاقد الشيء لا يعطيه. حتى ولا كنت لونجة بنت السلطان كان يديرلك هكذا. لأنه ذكر وهمه شهواته .
الشهوة موجودة في الجنسين و هذا الزوج حسب ما فهمته لم يزني بل يتواصل في الفايس الهدام. السؤال الحقيقي و العادل هو: لماذا يفعل ذلك؟ ما السبب؟ و هذا السؤال تجيب عليه الزوجة لانها الوحيدة المخول لها ان تجيب. بعض الزوجات سامحهم الله و كذلك الازواج يرون حلالهم عبارة عن وسيلة فقط. اداة فقط؟ اوضح: الرجل يرى زوجتة خادمة له و ترعاه و اولادة فقط. او يراها مصدر شهوة فقط. و الزوجة ترى حلالها مصدر رزق اي مصد فلوس فقط. لا توجد انسانية و لا اخلاق و لا دين و لا احترام. قد اقول قد و الله اعلم ، ان هذا الرجل اراد بعض الرومنسية من زوجته كما كان يراها او عاشها من قبل في اوروبا و لكن الزوجة لم تتربى على هذا ، فنحن قوم نميل الى الخشونة وليس لدينا اللسان الرطب في المخاطبة. و لعل الرجل و الله اعلم و جد ضالته في الفيس الهدام و لم يجدها في بيته. ليس بالضرورة ان تكون الزوجة ملكة الجمال العالمي، يكفيها كلمة او عبارات و اشياء ... رومنسية تجعل زوجها يمشي على راسه و ينسى ان لديه رجلين.

[غزلانْ]

السلام عليكم

ان كان بعيد عن الله فأكيد سيبحر و لا يمكنه الاتزان القرب من الله هو الكفيل باصلاح ذات الشخص
و من لديه زوجة و لا يعتبر وجودها و علنا يفعل فعلة زوجك فعليه الاختيار بين مايملكه أو الطريق الذي يريد اختياره

هداه الله

[salamsi]

rabi yahdih inch ..............

[Dinho]

قال لي أحد أصدقائي وهو متزوح أنه يشتكي فضاضة زوجته حتى أصبح مدمن علاقات محرمة

الحقيقة في قضية ميول الرجل للنساء الأجنبيات هو المغامرة والرومانسية هنا

فالزوجة التي لا تعرف كيف تجدب زوجها وتجعله مجنون بحبها وتتغزل وتتغنج وتبدي كل انوتتها له فهنا الشيطان سيوفر له هاته الامور في الخارج

على الزوجة أن تكون ذكية وهاته الامور لا تناقش على المنتديات

بل تناقش مع أهل الخبرة

شيوخ دين ... اطباء نفسيين ... أشخاص تقة

[nihal159]

بعض الردود تثير الغثيان صراحة؛ يعني واحد يخون في زوجته و نهار كامل و هو كالنحلة من زهرة إلى زهرة و من بلاد لبلاد؛ عوض تستنكرو هذا الفعل ؛راكم تلومو فالمرأة و ملي كانت ضحية زوج مغامر و خائن و يتعدى حدود الله؛ رجعتوها هي المخطئة و هي لي ضلمتو وهي السبب في قلة أدبه.
ربي يفرج عليك أختي.

[cahit997]

لا حول ولاقوة إلا بالله
ربي يفرج عليك ويهدي زوجك ان شاء الله

[beybey]

الراجل لي يكون عوج تقول موته خير من حياتها لكن شخص كما هو ربي سبحانه وتعالى هو لي يساعدك عليه وذلك بالتقرب اليه اكثر بالدعاء قيام الليل وراجلك عامليهم بالتجاهل نفسه لي راه يعاملك بيه وخبري نساه و صحاباته باي طريقة بلي انت مرته ممكن يكون كاذب عليهم في امر الزواج وماتعلجيش وضاعة وانحطاط بوضاعة مثلها تحلي فيس بوك و تحوسي علي واش راه يحوس هدا سورموا راه يحوس على الحرام ما عجبه الحلال لانو مينجمش يطلب منك حاجة حرام عارف بلي ترفض الفكرة جملة لانو لوكان جاء يحوس على حاجة مالقهاش فيك يلقاها في غيرك ماشي كل مرة مع وحدة جديدة او مع 3 او 4 في مرة وحدة سور نيته ماشي صافية مزال الشيطان يلعبلوا بعقله الله يعينك عليه اتقربي لربي سبحانه وشدي فيه

[Lola la charmante]

ربي يصبرك أختي و أدعي ربي يهديه إن شاء الله و آستغفري كثيرا

[زايدي أمحمد]

الله يفرج عليك