التعدد لمحاربة العنوسة

[mastermaster]

السلام عليكم......يا معشر الرجال...إن العنوسة في بلادنا من أكبر المعدلات في العالم....يجب محاربتها بالتعدد ...تزوجوا مثنى وثلاث ورباع واتقوا الله في بنات بلدنا ...أليس حق شرعي ..بل وواجب أيضا.......مع وجوب الإستطاعة من كل النواحي وخاصة المادية...ونية العدل بين الزوجات........

[مراد سابقا10]

يا خويا صح البنات بزاف في بلادنا

بصح انا بغيت نسقسيك هل ترضى تجيب وحدة كانت مع مدمني المخدرات لدارك

بصح اغلب الفتيات يقمن علاقات غير شرعية والله اعلم بما يحدث ورائها

وتقولي انت ارواح استرها كي تستر روحها لثم نسترها انا

انا نعرف ناس بزاف يحوسوا يتزوجوا وملقاوش الفتاة المناسبة لي يسقسسيوا عليها يلقاوها عندها اذا مكانش 2 صحاب

[ع.عيسى]

بنات الماتريال واللهو ......... ما هم يحوسوا على الزواج او لي يربح فيهم الاجر ، يحوسوا على لي التمسخير واللهو وبلي يمسح بيهم لارض .............الزواج بكري ....، تروح تخطب تنخلع وتشوفك بيريمي ، وكي تروح تقلها حاب نمشي معاك ، تقولك اهلا وسهلا ، .....ما كاين لابنات فاميلا مكاين ذات الدبن ....الا من رحم ربك

[محمد جديدي التبسي]

الزواج في بلادنا بحكم الحلم بسبب الماديات والمظاهر الفارغة فما بالك التعدد

[ابو سليمان10]

يا خويا صح البنات بزاف في بلادنا

بصح انا بغيت نسقسيك هل ترضى تجيب وحدة كانت مع مدمني المخدرات لدارك

بصح اغلب الفتيات يقمن علاقات غير شرعية والله اعلم بما يحدث ورائها

وتقولي انت ارواح استرها كي تستر روحها لثم نسترها انا

انا نعرف ناس بزاف يحوسوا يتزوجوا وملقاوش الفتاة المناسبة لي يسقسسيوا عليها يلقاوها عندها اذا مكانش 2 صحاب

كلام في الصميم....الان من الصعب ان تجد واحدة فما بالك باكثر
انا لم اتزوج بعد ولاكن ما اراه حولي غير مشجعع ابدا....الفتاة اصبحت تعرف من الرجال اكثر مما يعرف الرجل من الرجال...هدا زميل ز هدا جار..و هدا صديق...و هدا حتاجيتوا في قضية..وهدا كان يخدم معايا.....الخ

[mastermaster]

للذين يقولون لا توجد بنات الفاميليا......أقول لهم.......لا تبحثوا عن النساء ...بل ابحثوا عن الرجال.....ففي بيوت الرجال توجد النساء.....

[*سندوسة*]

كن لها عليا تكن لك فاطمة
افطنوا لرواحكم كي تجيبو بنات لفاميليا لدار تحقروهم وكي تدو بنات زنقة تقلشوهم قمة النفاق والانانية

[softech]

يا أخي شاهد قناة الزواج الجزائرية و رد لي الخبر
تلقاها 50 سنة تقولك نرفض التعدد
و تلقاها مطلقة او ارملة تقولك نرفض التعدد
العنوسة سببها تغير نمط حياة المجتمع الذي صار يرى علاقة الزواج لازم تكون عشق ممنوع و مغامرات و السيرك تاع عمار
قديما آباؤنا و أجدادنا رغم الفقر و قلة الزاد كانوا يحسبون للعرض و الشرف الف حساب
المراة سواء كانت بشعة مطلقة ارملة معوقة لا بد لها ان تتزوج
و هي بدورها لا تتشرط
اليوم متزوج و له 200 صديقة في الفيسبوك و في المقابل هي ايضا
التعدد حاضر بقوة لكن في الصداقات و الخيانات و ليس في الحلال.

العنوسة يقضي عليها عودة المجتمع الى دينه.

[mastermaster]

بنت الفاميليا لا ترفض التعدد لأنها تعرفه حق شرعي للرجل........ولي ترفض خلوها تبور.....ويجي النهار تعود تحوس باش تكون هي الرابعة و ما تلقاش.......

[صُبح الأندلس]

أولا التعدد له شروطه و أهمها العدل و قليل من يعدل فأكيد واحدة أصغر من الأخرى أو أجمل و هكذا
ثانيا يقول لك أريد التعدد لستر مؤمنة و بالمقابل يريدها ملكة جمال عزباء لا تتجاوز 20 سنة أو يجب أن تكون عاملة لأنه لا يستطيع أن يفتح بيتين فعلى من تضحكون
ثالثا لأصحاب الردود في بيت كل واحد منكم أخت أو ابنة او حتى زوجة فلا ترمي اعراض الناس ثم من وصفتهن بتلك الأوصاف مع من كانت تخرج مع سكان الفضاء؟أليسوا رجال و ربما بعضكم منهم و لكن حين يتزوج يريدها مريم البتول

[سَامِيَة]

بارك الله فيك أخي صبح الأندلس

[*سندوسة*]

بنت الفاميليا لا ترفض التعدد لأنها تعرفه حق شرعي للرجل........ولي ترفض خلوها تبور.....ويجي النهار تعود تحوس باش تكون هي الرابعة و ما تلقاش.......

كفاكم غرورااااا

[ايمان4]

ايا صحا غير وفرو المنزل و السيارة للعائلة الاولى + مصروف ثابت و غذاء كامل من لحم و حوت على الاقل مرة ف الاسبوع و اشريو لاولادكم ما يلبسو و قريوهم و حوسو بيهم و ممبعد ساهل الحال .... و يا صاحبي اذا غايضاتك ابدى انت اتزوج شكون حكمك يا اخي اتزوج حتى اربعة كامل تحت 15 سنة يا سيدي يلا قبلو بيك و بركانا من صداع الراس

[ابو سليمان10]

أولا التعدد له شروطه و أهمها العدل و قليل من يعدل فأكيد واحدة أصغر من الأخرى أو أجمل و هكذا
ثانيا يقول لك أريد التعدد لستر مؤمنة و بالمقابل يريدها ملكة جمال عزباء لا تتجاوز 20 سنة أو يجب أن تكون عاملة لأنه لا يستطيع أن يفتح بيتين فعلى من تضحكون
ثالثا لأصحاب الردود في بيت كل واحد منكم أخت أو ابنة او حتى زوجة فلا ترمي اعراض الناس ثم من وصفتهن بتلك الأوصاف مع من كانت تخرج مع سكان الفضاء؟أليسوا رجال و ربما بعضكم منهم و لكن حين يتزوج يريدها مريم البتول

لا يجب كدلك اتهام الرجال...فليس كل الرجال يتخدون صديقات و خليلات
ولاكن حتى من لا يفعل يتعرض للتحرش من قبل النساء في محيطه .....

[fathbb]

رمضان كريم .....لك الثواب من عند الله أخي ،نصيحة تؤجر عليها....لكن ما لفت انتباهي ردود الرجال الغريبة سامحهم الله وكأن أغلب النساء صرن بلا أخلاق ....مازال في أمة محمد العفيفة الشريفة و...........................ما أكثرهن...شكرا أخي على الموضوع.

[سليمة 60]

ردود الرجال الغريبة سامحهم الله وكأن أغلب النساء صرن بلا أخلاق ....مازال في أمة محمد العفيفة الشريفة و.

[أنس_26]

ياخي راك مليح في عقلك الشباب اليوم براسهم ماهمش لاحقين وانتا جاي تقولنا يامعشر الرجال ديرو تعدد الواحد زوجة واحدة خايف يضلمها ويضلم حقوقها فمابالك باثنين
+ موضوعك يفتح مجال هنا لكي يشمت ويقذف بنات بلادك كي تقولي لواحد مكانش بنات فاميليا حب ايقول حتا احنا مشي رجال ..يا اخي حنا ماشي ملائكة او هما تاني مشي ملائكة او كل واحد راح يتحاسب على الامتحان ديالو يا ناجح يا راسب اللهم اجعلنا من ناجحين
يا اخي رحت تخطب او رفضاتك البنت اين مشكل ان شاء الله رفضوك عشر بنات اين المشكل هل يقلل هذا من رجولتك
زواج قبول بين طرفين ماشي بسيف ولاكن هذا ليس عذر لكي تقلل او تشمت من جميع البنات وهذه ليست من صفات المسلم و نحن صائمون
كل يعلم ان تاخر زواج هو بسبب البطالة و السكن و غلاء المعيشة و (جراد الي تعرفوهم انتوما ال مصو دم شعب )

[ام العبدين]

الاخ ما قال شيء مجرد اقتراح لمن يقدر على ذلك بشروطه طبعا فالقول الواحد لا يقدر على واحدة ومصروفها ليس على العموم وايضا بعدم وجود ااصالحات ليس على العموم بل الغالب فراس الامر واساسه الرجوع الى الدين

[kacimo.samy]

واش من تعدد ؟؟
شباب موش لاقي خدمة باه يتزوج وانت جاي بقصة تعدد لمكافحة العنوسة؟؟
اخلقو مناصب عمل لشباب ومبعد ساهل
لي رايح تتعدد بيها عاون شاب يتزوج
الا حاب نجيبلك 30 شاب خصتو خدمة برك و يتزوج
قالو تعدد ناس
حبسو علينا من مواضيع عقيمة
زوجو شباب ومبعد حوسو على تعدد
وين راكم عايشين
نسا خدامة ورجال بطالة
ونتا جاي بتعدد
لي صح راجل كل شخص لي حاب يعدد يعاون واحد حاب يتزوج
كي يخلاصو روحو عددووووو