1 : طبق بسرعة البرق ................. زُخْرُفَةٌ

[zokhrofa]

السلام عليكم

كاين بزاف ناس و خاصة لي عندهم اطفال

او هوما خدامين

و ما يكونش عندهم الوقت باش يطيبو

لذلك راح نحط مرة على مرة طبق سريع لي انا شخصيا ناكلو كي نكون مزروبة يعني مستعجلة من أمري

اليوم: طبق البيض و الطماطم

http://www.up.djelfa.info/uploads/14966671547151.jpg

الطريقة :


تقلي البيض عادي مع شوية زيت و ملح و فلفل اسود و شوية ثوم مقطع رقيق

في طبق التقديم طماطم مسكرفجة بدون بذور ولا قشور نضيف عليها خل و زيت الزيتون

نحط فوقها البيض و نمزج الكل بالشوكة


و هذكذا ولات عندنا شكشوكة ولا أسرع

[بيان 5]

يعطيك الصحة
راني بعثتلك رسالة ولاحظت بلي تجاهلتيها
المهم هذا الطبق لذيذ جدا شكرا

[أم سلوى]

هههههههههههه غلبها رمضان...هههه

شكرا زخرفة ..رانا حاصلين في الاولاد واش يأكلوا

[رحمة2016]

ممممم بنينة
انا نطيبها العكس
نقلي الطماطم مع التوم والملح وزيت الزيتون وكي قريب تنشف نكسر عليها بيضات
ولا اروع ههههه بصحتكم

[أم سلوى]

ممممم بنينة
انا نطيبها العكس
نقلي الطماطم مع التوم والملح وزيت الزيتون وكي قريب تنشف نكسر عليها بيضات
ولا اروع ههههه بصحتكم

نعم انا اأيضا..شكرا

[zokhrofa]

اختي بيان احسنو الضن في أي انسان

لماذا اتجاهلها والله العظيم ما شفتها و ربي شاهد على ما أقول

[zokhrofa]

راكي تشوفي ام سلوى بيان حابة تشارشيلي باش انا نغسل الماعن اليوم ههههههههه

[zokhrofa]

رحمة أنا تان اختي نديرها كيما انتي ههههههه اليوم جاتني هذي الفكرة و درتها لبناتي و عجبتهم

[أم سلوى]

هههههههههههه...
رانا نقصرو برك ههه
اختى زخرفة...غسيل الأواني...أحيانا افضل من المسلسلات..لا شيئ يستحق

[zokhrofa]

طبعا والله انا الحمد لله غير نكمل اكل نوض ما نحبش نقابلها خاصة البرامج المنحطة لي راهي تجوز ربي وكيلهم

[حياة نور الدين]

يعطيك الصحة زخرفة فكرة هااايلة انا نديرها كما رحمة بصح قوليلي مجيش فيها بنة طماطم نيئة قصدي كي تكون مرابية ماشي كما ناكلوها سلطة نتمنى وصلتلك الفكرة خخخخ

[zokhrofa]

هههههههههههههههه نعم وصلتني الفكرة يا حيوتة

شوفي الذوق ذوق جميل لكن هل يعجب الجميع والله ما نعرف

نعطيك مثال انا لا احب قلب اللوز هههههههههه مع انو العالم كله يحبه

السؤال يبقى مطروح

هل قلب اللوز ماشي بنين ام انا لي ماشي عادية هههههههه

[أم حمزة السلفية]

واو لا أسرع ولا الذ شكرا جزاك الله خيرا

[zokhrofa]

شكرا اختي ام حمزة اهلا بيك

[nihal159]

طريقتي نفس طريقة رحمة؛ فكرتوني و سخفتوني؛ بالاك نديرها فطوري لليوم؛ تبقاو على خير بالاك مانزيدش نذخل للمنتدى حتى تبرا عيني أو نقدر نحرّك يدّي شوية هههههههههههههههههههههههههه

[zokhrofa]

لا حول ولا قوة الا بالله العلي العظيم

واش بيك نهال ما كنتش عارفة بلي راكي مريضة

[دنيا الامل 18]

شكراااااااااا

[zokhrofa]

عفوا اختي اهلا بيك

[ام جعفر وباسم الحبيب]

تحياتي لكل الاخوات واعتذر ان كنت ساخص اختي زخرفة بتحية خاصة لها فالسلام عليكم يا اختي العزيزة...اعطر النفحات واجملها اتمناها لامراة خلقها الله لاجل ان تكون نعمة على الاخرين ، جعل الله كل ايامك خير وبركة بحق هذا الشهر الفضيل وايامه المباركة...شككككككككككككككرا لكم...

[ام جعفر وباسم الحبيب]

الحقيقة اختي زخرفة لم اتمكن من ان ارسل اليك تحيتي عبر الرسائل ...لازلت ممنوعة من المراسلات...

[zokhrofa]

تحياتي لكل الاخوات واعتذر ان كنت ساخص اختي زخرفة بتحية خاصة لها فالسلام عليكم يا اختي العزيزة...اعطر النفحات واجملها اتمناها لامراة خلقها الله لاجل ان تكون نعمة على الاخرين ، جعل الله كل ايامك خير وبركة بحق هذا الشهر الفضيل وايامه المباركة...شككككككككككككككرا لكم...

ياااااا الله على هذا الكلام الجميل اقسم بالله انك سقيتني بماء بارد مع هذا اليوم الحار بكلامك اخية
.
جعلني و اياكي من اهل الجنة ياااا رب

[zokhrofa]

شكرا لمروركم الطيب