حسبي الله ونعم الوكيل

[ام حمزة22]

السلام عليكم ورحمة الله وبركاته

ان شاء الله تكونوا كلكم واهلكم بالف خير

اول مرة اشارك بهدا القسم لم اكن اعلم ان يوجد قسم اولياء التلاميد

اشكر كل القائمين على هدا القسم بارك الله فيكم

اخواني اخواتي وضعت هدا العنوان لانه اول جملة قالتها ابنتي المقبلة على امتحان شهادة البكالوريا بعد ما تطلعت على مواضيع شهادة التعليم الابتدائي
لقد اصيبت ببعض من التوثر رغم انها تراجع ليلا نهارا
قالت لي عبارة خلاتني اقلق عليها وهي ( حسبي الله ونعم الوكيل ......صغار ما رحموهمش حنا صحاب الباك رايحين يرحمونا.... )
حبيت نعرف لمدا اصبحنا في هدا الضغط والتوثر ............ ابني الاكبر وابني لي بعدو مرو على مراح الابتدائي والمتوسط و الثانوي وبدون ضغوط وفي احسن الاحوال والان واحد تخرج والاخر يدرس بالجامعة والحمد لله
راني مستعجبة واش راه صاري فالمدارس وبالخصوص المدرسة لي فيها بنتي تصورو طول مدة تدريسهم اي في 3فصول والمعلة والمديرة يهددو فيهم ويقولولهم لي مايخدمش مليح ما يتحصلش على الشهادة وما ينتقلش للمتوسطة لمجرد خطا قامو بيه او ما قموش باحضار اي غرض من ادواتهم
طول السنة الدراسية وبنتي خايغة من كابوس امتحان اخر السنة ولي زاد الطين بلة الامتحنات التجريبية لي مرت في 3فصول على اساس ان التلاميد يوالفو اجواء الامتحنات وهدا زاد توثر التلاميد وحتى الاولياء
في نهاية الفصل الاول قامت المديرة باستدعاء اولياء التلامبد لان نتائج الفصل كانت كارثة حتى المتفوقين كانت نتائجهم غير مقبولة لان الخوف سبقهم
قبل اجتياز الامتحان التجريبي للفصل الاول كانت معلة ابنتي تقوللهم ( المفتش هو لي راح يختار اسئلة الامتحان وراح تكون صعبة على اسئلتي ) حتى ولو كانوا التلاميد يعرفو الجواب يقلك هدي اسالة اامفتش صعبة وما نفدرلهاش مثل ماكانت حالت ابنتي ولي كانت مركزة اكثر على المقاطعات لي كان يشرف عليها المفتش :mad::confused::rolleyes:
المهم حاولت قدر المستطاع نزع الخوف لي كان عند بنتي وقدرت تروح جوز بدون خوف وكانت مستعدة للامتحان وخدات كل وقتها فالاجابة
كنت حابة نعرف اجابتها على الاسئلة لكن للاسف المسودة كانت تقطع من طرف المعلمات وهدا بامر المديرة
كنت دايما اقوم بالتصحيح لاولادي من خلال المسودة وكنت مرتاحة البال والنتيجة لي نعطيهالهم هي نفسها لي ياخدوها فالامتحان

سامحوني الا طولت عليكم بالكلام هدا ماكان بداخلي لاني متوثرة نوعا ما على نتيجة بنتي صغيرة واكثر ثوثرا على بنتي الكبيرة لي راهي تحضر للبكالوريا
ربي يكون في عون ااممتحنين و اوليائهم



املي ان يتحسن مستوى التدريس لانه في تدهور مستمر و في كل الاطوار



تحياتي

سلاااام

[karime amrs]

سلام سيدتي
المشكلة سيدتي عندك في البيت في تربيتك للبنت لابد ان تخففي عنها التوتر و ربما انتم في البيت ربما تعطون الامتحانات اهمية مصيرية و تصورو للطفل على ان الامتحان نجاح او العقاب
طبيعي الطفل يخاف من عقاب الوالدين لان في عقله صوتو له ان الامر عظيم و دخلتو الخوف لقلبو
او احتمال ثاني
انكم ما قمتم اقصد انت و الزوج الكريم بمتابعة ابنكما يعني المعلمين سامحهم الله يخوفو الاطفال و هذه طريقة خاطئة في التعليم و انتم كنتم في انشغال عن اطفالكم لهذا تولد الخوف و الارتباك في بنتك
الحل انقولك حاولي تخففي من التوتر عند بنتك و قوليلها حتى ولو لم تنجح ماشي مشكل و ان الامر بسيط للغاية و انك بجانبها مهما كان
هذا واش نقدر انقولك سيدتي و ربي يوفقك

[محتاجة لعفو الله]

و عليكم السلام و رحمة الله و بركاته

يا اختي الضغط و التوتر يلزم حنا الأولياء نحاولو كيفاه نحوه لودلادنا و المشكل أنو يبقى حتى بعد الامتحان أنا ابني جوز شهادة التعليم الابتدائي و مازالو متوتر تلقايه يقولي زعمة يحسبولي عنوان النص و الشرح تاع يدوس يحسبوهولي و لا لالا .. و لوكان ندي النقطة هادي في اللغة ندي المعدل 9 تخمامو كامل في المعدل خايف انو يهبط و ما يديش امتياز تلقايه يدعي و يقول معليش ياربي و ندي برك 9 بزاف عليا و الله حتى تحيري رغم انو في الريضيات و الفرنسية كل اجاباتو صحيحة و الحمد لله بقات اللغة برك وحدها راهي دايرتلو ضغط .
بصح كيما قالي زوجي يلزم حنا انحولو الضغط كي يجي يقولنا هاد لكلام يلزم نخلوه يحس بالراحة و الاطمئنان يلزم نقولولو عادي مش مهم شحال اديت حتى و لو جبت 5 مش مهم رايحين نفرحو بيك و بنجاحك و نعملولك حفلة لانو هادي مرحلة فايتة ومش هي اللي رايحة تحدد قدراتك .. ما زالت الايام القادمة و تكون احسن باذن الله

ننصحك انك تعلمي بنتك انها ما تخافش من الباك و حاولي تبسطيهولها و قوليلها انو التوفيق من الله هي تقدم الأسباب فقط تراجع دروسها بلا ما تضغط على روحها و تمد لنفسها وقت راحة باه مخها يرتاح و تقدر تركز و تتكل على ربي و اللي يكون تاقي مولاه ربي يوفقو في دنياه و آخرتو و فهميها انو حتى و لو ما جابتوش مش نهاية العالم المهم تجتهد و تبذل جهد و الباقي على ربي

نتمنى لبناتك التوفيق و النجاح في أعلى المراتب

[ام حمزة22]

سلام سيدتي
المشكلة سيدتي عندك في البيت في تربيتك للبنت لابد ان تخففي عنها التوتر و ربما انتم في البيت ربما تعطون الامتحانات اهمية مصيرية و تصورو للطفل على ان الامتحان نجاح او العقاب
طبيعي الطفل يخاف من عقاب الوالدين لان في عقله صوتو له ان الامر عظيم و دخلتو الخوف لقلبو
او احتمال ثاني
انكم ما قمتم اقصد انت و الزوج الكريم بمتابعة ابنكما يعني المعلمين سامحهم الله يخوفو الاطفال و هذه طريقة خاطئة في التعليم و انتم كنتم في انشغال عن اطفالكم لهذا تولد الخوف و الارتباك في بنتك
الحل انقولك حاولي تخففي من التوتر عند بنتك و قوليلها حتى ولو لم تنجح ماشي مشكل و ان الامر بسيط للغاية و انك بجانبها مهما كان
هذا واش نقدر انقولك سيدتي و ربي يوفقك

وعليكم السلام سيدي
اولا اشكرك على الرد بارك الله فيك
تانيا انا عمري ماضغطت على ولادي وعمري ما عاقبتهم لانهم كانو من المتفوقين والحمد لله
كنت مسطرة برنامج لاولادي مند السنة الاولى حتى السنة الثالثة ثم نخليهم يتكلو على رواحهم بدون اي صغط
والخوف لي راهم فيه بناتي منبعه من المدارس والمعلمين وكدالك من بعض زملائهم
ربي يجيب الخير وينجح كل وليدات المومنين

[ام حمزة22]

و عليكم السلام و رحمة الله و بركاته

يا اختي الضغط و التوتر يلزم حنا الأولياء نحاولو كيفاه نحوه لودلادنا و المشكل أنو يبقى حتى بعد الامتحان أنا ابني جوز شهادة التعليم الابتدائي و مازالو متوتر تلقايه يقولي زعمة يحسبولي عنوان النص و الشرح تاع يدوس يحسبوهولي و لا لالا .. و لوكان ندي النقطة هادي في اللغة ندي المعدل 9 تخمامو كامل في المعدل خايف انو يهبط و ما يديش امتياز تلقايه يدعي و يقول معليش ياربي و ندي برك 9 بزاف عليا و الله حتى تحيري رغم انو في الريضيات و الفرنسية كل اجاباتو صحيحة و الحمد لله بقات اللغة برك وحدها راهي دايرتلو ضغط .
بصح كيما قالي زوجي يلزم حنا انحولو الضغط كي يجي يقولنا هاد لكلام يلزم نخلوه يحس بالراحة و الاطمئنان يلزم نقولولو عادي مش مهم شحال اديت حتى و لو جبت 5 مش مهم رايحين نفرحو بيك و بنجاحك و نعملولك حفلة لانو هادي مرحلة فايتة ومش هي اللي رايحة تحدد قدراتك .. ما زالت الايام القادمة و تكون احسن باذن الله

ننصحك انك تعلمي بنتك انها ما تخافش من الباك و حاولي تبسطيهولها و قوليلها انو التوفيق من الله هي تقدم الأسباب فقط تراجع دروسها بلا ما تضغط على روحها و تمد لنفسها وقت راحة باه مخها يرتاح و تقدر تركز و تتكل على ربي و اللي يكون تاقي مولاه ربي يوفقو في دنياه و آخرتو و فهميها انو حتى و لو ما جابتوش مش نهاية العالم المهم تجتهد و تبذل جهد و الباقي على ربي

نتمنى لبناتك التوفيق و النجاح في أعلى المراتب

اختي الفاضلة والله بنتي تقرا وحدها عمري ما ضغطت عليها كانت من المتفوقات وكانت عندها احسن المعدلات خصوصا فالرياضيات والفيزياء كانت جيب من 18 الى 20 من عشرين لكن في اول فرض الفصل الاول من هده السنة تعترت وما قدرتش تحل تمرين بسيط فالفيزياء قعدت تبكي امام ورقة الامتحان وما عرفتش تحل التمرين بعد ما شافت التصحيح استعجبت من عدم حل التمرين وهو ساهل
هي مومنة بالقداء والقدر وقالتلي الا ماجبتوش بمعدل جيد نعاودو
اليوم قلتلها ريحي شوية من المراجعة بزاف عليك قالتلي مانقدرش راني حاسة لي نحفضو ننساه
والله راني خايفة على صحتها اكثر من دراستها
المهم ما نكثرش عليك اختي ربي ينجحلك وليدك وبالمعدل لي راه حاب وينجح بناتي وينجح جميع وليدات المومنين

تخياتي