الموت البطيئ

[* الحلم سكر *]

السلام عليكم و رحمة الله و بركاته
كنت مخطوبة و مفتحة من عامين و عقدت قبل مدة قليلة
زوجي ماديا قليل مي فحل و كنت فرحانه بيه رغم انا اكبر منو بعامين و تجاوزناها
المهم حبيتو بجنون و هو نطن كذلك ما تشرطش عليه والو و وقفت معاه في عدة محنات و مستعلرف و هو تاني دار معاي غير الواجب و اكثر
دارهم كاين غارو و حسبو انا نتشرط عليه و ضغطاتو و هو يدير في كلش من نفسو لدرجة انا نرفض مي هوما قالوها صراحة راك لاتي غير بيها
عقدنا و فرحنا فرحة العمر مازال على العرس شهر اصبح شكاك لدرجة لا توصف حرم عليا كلش حتى لوكان يعيط لازم نرفد في دقيقتها و الا يشك و و و و و امور خيالية
انا تعبني و تعبت في دارنا صرالي مشكل و نحضر لعرسي وحدي و نخدم و توفى عمي و و و و
المهم جاني نهار هبطني نروح صار يشوف للسيارات الماشيين الكل و يقلي راك تشوفي معاهم من بعد يشوف في عيني يقلي مخبية حاجة و يشكك اني نرقد بالليل و و و و هكذا
بعدها صرت نتفادى نرفد عليه كل دقيقة و ياليتني ما عملتها ثار جنونو و جاني للعمل و لقاني قالقة راح ننفجر
* أمالا راح رفع قضية طلاق و السبب على زعمو خنتو مع شخص اغنى منه و عندو سيارة و انو هو زوالي و فحل و انا ما عرفتش قيمتو و و و و **
راح نجن تعلقت بيه اكثر من روحي بلا بيه نموت متأكدة
و هو كان فحل علاه دار هكا ذ؟؟؟؟؟
انا ياما صبرت معاه و هو قالق
لا و المشكل كاتبلي **تعيش خاين و تموت كافر**عمرك ماكنتي ملكي كنتي ملك غيري **بنت الحلال وراك راجل ماشي مع راجل /**’’’؟؟؟؟
و انا و الله ما عندي غيرو و نخاف ربي
راح نهبل ما بقاليش واش رايكم هو رفض يتكلم معايا و يواجه و يشوف فيا شيطان

ماتقوقوليش اجبدي روحك و انسي راح نهبل بين ليلة و نهار نتفارقو و بالطريقة هاذي ؟؟؟؟؟؟؟؟؟؟؟

ملاحظة ليلة الجلسة الاولى بعثلي مسج *حبيتك و عشقتك لكن قلبي موجوع منك حنين* بعدها رجع يهاجم فيا كأني صح درتها و حنين اسمي كان يناديني بيه قبل ما يصرا لي صرا

[مصطفى_س]

السلام عليكم و رحمة الله
اختي أحسن حل و هو الحوار حاولي تتكلمي معه إتصلي به و حاولي ان تقولي له ما في جعبتك أنه لا يوجد شيء من هذا و أنه هو الرجل الوحيد في حياتك و أنك ستكونين أم أولاده بإذن الله
لا تقولي كرامتي او عزة النفس فأنت هنا تحاولين حل مشكلة و وجب علينا أن نحلها بالتحاور و التشاور

قولي له انك تمرين بفترة صعبة على كل عروس و انك لا تفكرين فيما يفكر و لا مانع في قول انك تحبينه هو وفقط و قد يكون هناك شخص وسوس له و الله أعلم
صحيح أن كثرة الشكوك تفسد العلاقات و لكن دائما هناك حل ،حاولي احتواء المشكل
لا تقلقي أكثر فالقلق ليس بالحل فالحل هو الاستغفار و الجلوس و التفكير في حل يرضي الطرفين
الله يفرج همك و يجمع شملكما

[* الحلم سكر *]

السلام عليكم و رحمة الله
اختي أحسن حل و هو الحوار حاولي تتكلمي معه إتصلي به و حاولي ان تقولي له ما في جعبتك أنه لا يوجد شيء من هذا و أنه هو الرجل الوحيد في حياتك و أنك ستكونين أم أولاده بإذن الله
لا تقولي كرامتي او عزة النفس فأنت هنا تحاولين حل مشكلة و وجب علينا أن نحلها بالتحاور و التشاور

قولي له انك تمرين بفترة صعبة على كل عروس و انك لا تفكرين فيما يفكر و لا مانع في قول انك تحبينه هو وفقط و قد يكون هناك شخص وسوس له و الله أعلم
صحيح أن كثرة الشكوك تفسد العلاقات و لكن دائما هناك حل ،حاولي احتواء المشكل
لا تقلقي أكثر فالقلق ليس بالحل فالحل هو الاستغفار و الجلوس و التفكير في حل يرضي الطرفين
الله يفرج همك و يجمع شملكما
و عليكم السلام و رحمة الله و بركاته فعلتها اخي و تحدثت مع اهله كذلك لكن هو المشكل صار عدواني جدا و كأنه يحقد علي حقد جنوني كأني فعلا فعلتها و يرفض الحوار ثقة منه انو على صواب

[مصطفى_س]

الاهل اجيانا نلجأ اليهم عندما تقفل كل الابواب
قد تكون هذه هي (عقليته) و قد يكون تغير بسبب ما لذا اذا تغير وجب عليك محاولة معرفة اسباب التغيير
ان كنتي تحدثت مع اهله فما كان ردهم و هل تكلمت انت ام ناب عنك اخوك او اباك فلكل مقام و طريقة كلام
الاب مثلا له هيبة و حكمة و الاخ قد يكون ناصحا حكيما

[* الحلم سكر *]

الاهل اجيانا نلجأ اليهم عندما تقفل كل الابواب
قد تكون هذه هي (عقليته) و قد يكون تغير بسبب ما لذا اذا تغير وجب عليك محاولة معرفة اسباب التغيير
ان كنتي تحدثت مع اهله فما كان ردهم و هل تكلمت انت ام ناب عنك اخوك او اباك فلكل مقام و طريقة كلام
الاب مثلا له هيبة و حكمة و الاخ قد يكون ناصحا حكيما
تحدثت انا معه فكان اجابته اني اخونه و لا داعي ان انكر و لم يشأ التفصيل
اهله انا من تحدثت اليهم في بادئ الامر اعطوني الحق و طلبو مني السماح و من اهلي لكن بعدها لما وضع صور انو مظلوم كانو يواسوه كأنهم اقتنعو انو مظلوم
امه مسكينه تحبني جدا و دائمة البكاء علي لكن هو حجرة
اخي تحدث معه هو و اخوه و المشكل اخوه هذا كان يدعمه عندما شك بي اما عندما لم يجدو على حد قولهم دليلا اخي اعطاهم درس في الاخلاق و خلاها للمحاكم و حلف يتابعو قانونيا
انا لي يهمني علاه تغير 180 درجة كان ينحي من روحه غير باه يرضيني و انا كذلك و بشهادة العائلتين كنا متعلقين و نخافو على بعضانا خوف غير طبيعي

[زبدة ذايبة]

يا أختي الأمور ماتجيش بطريقة فجائية


كاين الكوارث الطبيعية فقط اللي تجي تقلب الدنيا من حال إلى حال

ومن لحظة للأخرى

لكن في قوانين البشر تكون مقدمات للنتائج اللي نوصلوا ليها

هذا الرجل له حالتين

يا إما كان من الأول بهذا الشكل وكان يستغل فيك حتى يدي وش يسحق ويخرج من الأزمات اللي كان يمر بيهم

وانت ماكنتيش منتبهة ليه ولتصرفاته وصدقتيه

بالتالي هذا خداع وتخدعتي فيه

ماعندك علاه تبكي عليه

يا إما كاين شيء ثاني وهو سحر التفريق

لازم تهدروا معاه يحب ولا يكره

جندي رجال الأسرة تاعك ويروحوا ليه

باش يعرف هو وأهله أنك لست إمرأة رخيصة

ماتسكتيش كيما قلب عليك الدنيا اقلبيها عليه

ماتخليش الأمور في السكات وفي المجهول

إذا كاين من أهله اللي تسبب في هذا الشيء يتفضح أمرهم

وإذا خسرتي الرجل ماتخسريش سمعتك

يولي اللي جا يهدر فيك

قال فلانة شهر قبل العرس طلقها يادرى علاه ؟؟؟؟؟؟؟

كانت تشكر فيه وتقول وليد فاميليا . لو كان جات صالحة مايخليهاش ؟؟؟؟؟؟

هذي أبسط الجمل اللي رايحين يقولوها الناس

وماتقوليش مايهمونيش وش يهدروا

كاين هدرة تاع الناس ماتهمش

وكاين نوع ثاني مهم جدا

وفي حالتك انت مهم جدا دافعي على نفسك

وعامل الزمن عنده دور كبير جدا

ماتخليش الوقت يروح ويبرد الموضوع ويولي في خبر كان

الرسول صلى الله عليه وسلم في حادثة الإفك تاع عائشة

ارفدها لدار باباها قعدت شهرين حتى نزل القرآن بتبرأتها من سبع سماوات. مع أنه صلوات ربي وسلامه عليه بيته بيت الشرف وزوجاته الشريفات العفيفات

من اتقى الشبهات استبرأ لدينه وعرضه

(جزء من ردي في قسم مشكلتي )

ماتسكتيش

وماتستسلميش

وماتزيديش تعاودي كلمة الموت البطيء

لازم تنتفضي

رب يفرج عليك

[مصطفى_س]

اختي كما تكرمت الاخت زبدة ذايبة في تدخلها انه شيء من الاثنين انه كان هكذا شكوك كثيرا او الامر الثاني و هو السحر
الامر الاول صعب جدا انه يعالج في مثل هذا الوقت و لكن لم اقل انه لن يعالج لان والله لكل مشكلة حل لذا لا تقلقي و انا شخصيا استبعد انه كان هكدا لانك انت تقولين انه تغير و لم تلاحظي ابدا على انه كان يشك فيك اذا والله اعلم قد يكون سحر والله اعلم انا اتحدث من منطلق ما قرأت و هذا رايي
ارقي نفسك انت و ابعدي شك السحر يبقى هو كيف يرقي نفسه اظن يحاول والدك التكلم معه لكي يحاول معالجة نفسه بالرقية و قد يرجع كما كان فلنتفائل خيرا ان شاء الله و ترجع المياه الى مجاريها
حاولوا بعدة طرق لكي لا تندمي مستقبلا

[GOOD.MAN]

حسب كلامك أختي باينة كاين سحر ولا عين، ولا بالاك عندك مس من جنية عاشقة، لأنها كل أعراض الجنية، مهما يكون الرجل لو رأى أمه تبكي على فتاة خصوصا أنه يحبها سيتأثر، وبما أنكم كنت معروفين في العائلة بالحب و التفاهم و أنكم تخافون على بعضكم،


يوجد من تكون قلوبها حسودة حقوودة و معيانة، الأفضل أنك ترقي نفسك ، و قد تكون أنت أصبت بسحر او مس عاشق فيصبح يراكي زوجكي كقردة عفوا على الكلمة لكن هذا يراكي من يصاب بالمس الجني العاشق، أو السحر، يراكي أسوء النساء خلقاً،

لا أضن أن أصابته وساوس من الناس أو شكوك فقط، إذا كان كذلك فسيكون هو أيضا متردد لكن شبه مجزم فالأمر واضح ياإما رأي شيئ او سحر ، قد يصل أن يصور له الجني العاشق صورتك في صورة فتاة أخرى ، و يراها تركب سيارة ،


المهم بإختصار لا تسكتي و دافعي على سمعتكي و دافعي عن نفسك و حاولي أن توصلي له خصوصا لأمه أن به سحر أو ما شابه و يحاول رقية نفسه ، في نفس الوقت لا تسكتي على حقك كما أخبروك الأخوات، رأس مال المرأة هو شرفها و أخلاقها .


و إنزعي من رأسك فكرة أنني لا يمكنني العيش بدونه، هي فقط بسبب التعلق و الإدمان التواصل و الكلام معه و هي أعراض كأي إدمان آخر كإدمان المخدرات و إدمان التدخين ، فالمدخن أو مدمن المخدرات لا يمكنه أن يعيش بدون التدخين حتى يشفى فأتركي كل شيئ للزمان و تقربي من الله أكثر و قومي بقراءة القرآن حتى تعوضي حبه بحب الله و كتابه


و كل شيئ يمر ، و فكري بعقل و أخرجي من هذه الحادثة بأقل الأضرار أقلها يظهر هو الأحمق لأن فرط فييك، و أنت شريفه طاهرة و أنت أدرى بنفسك

[ايمان4]

ممكن طماع و كي دا الدراهم و كلش صايي راه يليكيدي فيك ... او بانتله وحدخرى و راه يتسببلك بلعاني او الاحتمال الثالث هدرو فيك عليه ... اري معاه يعكيط سبب مقنع و اقلبي عليه الدار .... باش يتعلم المرة الجاية ما يتمسخرش ببنات الناس ... الححقيقية انا ف مكانك نقطع الاتصال و منزيدش كامل نهدر معاه حتى وحده يندم و تذا ما ندمش نعرفه بلي عمره و ايلا حبني و الله ياخذ فيه الحق

[* الحلم سكر *]

ادعولي و اعطوني رايكم لانو عقلي حبس .....

[mokhtaro]

الله يوفق ويجيب اللي فيه الخير

[صفاء الروح]

قوليلو يعطيك الدليل
هاتو برهانكم ان كنتم صادقين
خلي هك تتوضح الامور
ميخسرلكش سمعتك بدون دليل

[محمد جديدي التبسي]

أظن الاشكال الذي حصل للرجل بسبب ضغوط الزواج ماهوش موالف بالضغظ
وربما اقول ربما عامل السن بما انك اكبر منه بعامين هذا يطرح اشكال لدى الرجل
خاصة ان كان له اصدقاء متزوجين بفتيات صغيرات يشوف روحو غلظ بقبول فتاة تكبره سنا
انت في حاجة لوقفة مع نفسك انا اشهد لك بالرزانة والحكمة من خلال مشاركاتك باسمك القديم وقد كنت متابع لكثير من مشاركاتك ولا أدري كيف وصلت الحال بهذا الشخص ليتهمك هكذا؟؟
المفروض ان شعر بالندم او اراد فسخ الخطبة يخرج من الباب الواسع ويكون واضحا وصريحا ولا يختلق هذه التهم ويفسد سمعتك...ربي ييسر امورك استخير وادعي ربي ورمضان على الابواب.

[امرأة]

يطفروها في بنات الناس ومن بعد يحصلوها في السحور ' درك تشوفي كيفاش بلخف يجدد حياته مع وحدة اخرى وكان بنات الناس سلعة رخيصة' يا اختي دموعك غالية و مع مر الزمان رايحة تندمي على كل لحظة بكيتي فيها عليه ' وهذا ماهوش جنة وغيره كثير بل وافضل منه بكثير. من اعطاك عذرا زائفا للرحيل اعطه الف شكر لعدم البقاء و رافق كل من اراد الخروج من حياتك الى الباب و ودعه بابتسامة وتأكد من أنك أغلقت الباب جيدا' هذا الشهر الفضيل فرصة لتجديد حياتك وعيشي هانية مرتاحة البال والضمير على خاطر مش انت السبب في تدمير هذه العلاقة ' قوي علاقتك بالله وادعيه بيقين أن يبدلك خير منه لأن الله لا يأخذ أشياءنا إنما فقط يستبدلها بأشياء أجمل

[ali du treize]

من المستحيل انه يتحول هكا بلا سبة حسب رايي هناك سببين محتملين : 1 كاش وحدة م عائلتيكم عمرتله راسه غاية الغاية .ولا 2 داروله سحر باش تتفرقو انتم الاثنين و قادرا لي دارتله سحور وحدة تبغيه و باغية يكون ليها باي طريقة ....... . المهم الحل : رقية شرعية ليك و ليه . و تاني روحو لكاش بلاصة كااااالم و احكي معاه بالتي هي احسن و قوليله باللي نتي وقفتي معااه و تحبيه ...... ويلا كان كمل هكا راح يهدم كلش ويندم وقت لاينفع الندم والله يصلح احوالكم اختاه

[* الحلم سكر *]

من المستحيل انه يتحول هكا بلا سبة حسب رايي هناك سببين محتملين : 1 كاش وحدة م عائلتيكم عمرتله راسه غاية الغاية .ولا 2 داروله سحر باش تتفرقو انتم الاثنين و قادرا لي دارتله سحور وحدة تبغيه و باغية يكون ليها باي طريقة ....... . المهم الحل : رقية شرعية ليك و ليه . و تاني روحو لكاش بلاصة كااااالم و احكي معاه بالتي هي احسن و قوليله باللي نتي وقفتي معااه و تحبيه ...... ويلا كان كمل هكا راح يهدم كلش ويندم وقت لاينفع الندم والله يصلح احوالكم اختاه
قلتهالو كامل و فكرتو لي بيناتنا و لي فوتناه والو تقول مخو تمسح و رفض يحكي وجها لوجه و السحر حكيت مع أختو قاتلي راني شاكين فيه مسحور مي ماعندنا حتى واحد يجري عليه -ماشي حابين يجرو- جاتهم عادي
لي يهمني نفهم بقيت في حيرة كبيرة و الله لي عندو دعوة مليحة يدعي معايا نفهم لي صرا و تفرج باللي فيها الخير و الحمد الله اللهم لا اعتراض

[زبدة ذايبة]

قلتهالو كامل و فكرتو لي بيناتنا و لي فوتناه والو تقول مخو تمسح و رفض يحكي وجها لوجه و السحر حكيت مع أختو قاتلي راني شاكين فيه مسحور مي ماعندنا حتى واحد يجري عليه -ماشي حابين يجرو- جاتهم عادي
لي يهمني نفهم بقيت في حيرة كبيرة و الله لي عندو دعوة مليحة يدعي معايا نفهم لي صرا و تفرج باللي فيها الخير و الحمد الله اللهم لا اعتراض

بقالك باب الله عزوجل

هو الأول والآخر ، والظاهر والباطن سبحانه وتعالى

مهما حاولت تفهمي الأشياء التي حدثت ماتقدريش تفهمي

سلمي أمرك لله

واعلمي ان قضاؤه كله خير

رانا في أعظم شهور السنة

ألظي بياذا الجلال والإكرام

وأكثري من الدعاء أثناء السحر وأثناء صيامك

للصائم دعوة لا ترد

والله عزوجل أرحم بنا من أمهاتنا ومن أنفسنا

ماعليك سوى رفع يديك نحوه

وستفرج بإذن الله

رب يفتح عليك ويرفع عنك هذ البلوى التي أصابتك

[karime amrs]

سلام
لكان تقبلي النصيحة اليك كلامي هذا
اياك و الرجل الذي يشك بغير سبب فحتى ولو تزوجتي يبقى يشك فيه و صدقيني عيشة مرة معاه
هناك ربي منو و خيرو في غيرو
كشفو ربي الان قبل فوات الاوان و تطفر فيك
حمدي الله على انو سترك من رجل كيما هذا و اكيد تلقاي ما احسن منو
ربي يوفقك

[toulay]

السلام عليكم
يا اختي راني قتلك ونعاودلك طيش عليييييييييييييييك خلاص فكك منو واش دير بيه انسان موسوس ومشكاك مرة خلاف يكرهلك حياتك وتقول يا ندايمي مالا من درك الهربة تسلك
كيفاش قابلة على روحك هو يتهم فيك بالخيانة ويقولك شفتك طلعتي مع واحد فالسيارة ولقيتك en attente ومنعرف واش وانت راح تهبل عليه
خلي روحك عزيزة
الرجل ميحبش البنت لذل روحها وتبقى تحلل وتترجاه هكذا يزيد يحسب روحو ويدير قرون مالا اقتلوا بالبارد والثقيل
قالك خنتيني قولوا بيناتنا ربي متبقاش تحلف وتقول خاطيني وووووو هكذا راح يزيد يديها في روحو
خمم بعقلك اخطيك من القلب والعاطفة كون منطقية شويا
اصلا هذا السيد راهو بهدل بيك قدام داركم راح طول عند اخوك وحكالوا كل شيء ورفع قضية طلاق بدون تردد واش تستنى من شخص هكذا
قول الحمد الله ربي نجاني وهكذا ولا اكثر
شوف كاين سياد سيادو فالسوق ورد بالك تقول انا نحبو وراح نهبل وبلا بيه منقدرش نعيش علاش هو الاكسجين ولا واش
تعيش لباس بيك كيما كنتي عايشة قبل ماتعرفوا راح تكمل تعيش
باختصار متزيدش تخمم فيه ومين يجي في بالك قول استغفر الله اعوذ بالله من الشيطان الرجيم
وكثر من الدعاء وقراءة القران وتشوف كيفاش تتخلص من le virus هذا
بالتوفيق

[صفاء الروح]

نسيت نقولك حاجة الاخت احمدي ربي على نعمة خاوتك واقفين معاك ومصدقينك كان جاو عندك اخوة لقدر الله يصدقو ويسمعو كلام ناس كان راهي بعيد الشر قتلوك على كذبة كما هاذي
احمدي ربي ختي هكا ولاكثر
قدر الله وماشاء فعل

[mastermaster]

مدة الخطوبة من المفروض ألا تطول....تخلق المشاكل......رب يكون في العون