وصفات باستعمال الخبز اليابس / البايت / الصابح ............. زُخْرُفَةٌ [الأرشيف]

مشاهدة النسخة كاملة : وصفات باستعمال الخبز اليابس / البايت / الصابح ............. زُخْرُفَةٌ

zokhrofa

2017-05-22, 18:18

السلام عليكم البنات

حبيت يكون هذا الملف نجمعو فيه انا و نتوما كامل الوصفات لي نقدرو نستعملو فيها

الخبز اليابس

http://www.up.djelfa.info/uploads/149547354749911.jpg

هذا باش نشجعو النساء على عدم رمي الخبز كي يبقالهم

و باش ما نلقاوهش كيما كل عام مرمي في القمامات و دايرلنا التبهديل

خاصة في شهر رمضان الكريم

هيا شكون تبدا بسم الله و تقوللنا على وصفة نقدرو نديرو فيها الخبز اليابس

ربي يكتبهالكم في ميزان حسناتكم ان شاء الله

و مشكورين سابقا

قانون الموضوع : ارجوكم لا تشاركو بوصفات غير مجرّبة لتعّم الفائدة

فايزة1207

2017-05-22, 18:37

بارك الله فيك انا عندي وصفات هزيتهم من الفايس اذا تحبي نحطهم

zokhrofa

2017-05-22, 18:48

اذا جربتيهم اهلا وسهلا

خاطش ما نحبش النقل انا آسفة يعني معليش اذا جربتيها و ما عندكش صورة حطي صورة تاع الفايس لكن اذا ما جربتيهاش من الاحسن لا

او على الاقل نوضي ضرك جربي وحدة خفيفة و حطيهالنا ههههههه

سحابة باردة

2017-05-23, 10:22

الخبز اليابس أنا نستعملو في كيكةخبز تونس ابعد نحط الوصفة ودايما نستعملو مع الفيونداشي والمقبلات

zokhrofa

2017-05-23, 10:36

صحيتي اختي سحابة انا في انتضار خبز تونس خاطش عندي الخبز اليابس راني مخبياتو

conductrice

2017-05-23, 11:14

وعليكمـ السلامـ
شكرا على الإطراء اختيـ زخرفة
بالنسبة للخبز الصابحـ أو البايتـ انا ندقهـ ونديرهـ فيـ علبة كيـ ندير معقودة ولا كورات الروز نمرمدهمـ فيهـ ونقرصـ بيهـ لخبز يجيـ مقرمشـ
مراتـ نرميـ 2 مغافـ كبار فالمسكوتشوا
ونعقلـ على ماما كانت تقطعـ روندالـ وتفوتهـ فالبيض وتقليهـ يمـ يمـ يااااامـ بنة لا متيلـ لها سيتها مرة وما نجحتليشـ
نتمنى يزيدونا العضواتـ بعضـ الأفكار

محتاجة لعفو الله

2017-05-23, 11:17

و عليكم السلام و رحمة الله و بركاته

أنا الخبز البايت نيبسو ممبعد نحمرو شوية في الكوشة و نرحيه و نستعملو شابلوغ في المعقودة و همبرغر ....الخ و مرات كي ميكونش عندي مرحي نسكرفج كمية منو مباشرة في الوصفة اللي رايحة نديرها يزيد بنة وخفة

بارك الله فيك على الموضوع و جزاك الله خيرا

محتاجة لعفو الله

2017-05-23, 11:48

هادا موضوع للاخت remadna فيه عدة وصفات بالخبز اليابس انا مازال ما جربت منهم بصح عدة اخوات في المنتدى جربو منهم و نجحولهم
100/100

وصفاتي الخاصة بالخبز القديم و اليابس (حلويات) متجدد بإذن الله (http://www.djelfa.info/vb/showthread.php?t=549476&highlight=%D1%E3%D6%C7%E4%C9)

و هادي بعض الاقتباسات لتطبيقات العضوات

راني طبقت عدة وصفات و اللي دارت حالة في وسط العائلة و زميلات العمل هي طارطة الكراميل راهي ولات مشهورة بارك الله فيكي

عندي استفسار فيما يخص طارطة الموز راني خايفة نعاودها لانها ما نجحتليش بقات لاسقة في المول و كي حبيت نحيها تفتفتت لميتها و صبيت عليها القلاصاج تاع الشكولاطة مي جات عحينة

هذا هو الشيء الوحيد اللي ما نجحليش الباقي راكي ديتي عليه دعواتي و دعوات الوالدة لاني شبعتهم كريم ديسار ـ حليب الشكولاطة ، طارطات و راني أيضا أفدت الزميلات و الاقارب بوصفاتك

ربي يخليك يا أختي و يجعلها في ميزان حسناتك

بسم الله الرّحمن الرّحيم
السّلام عليكم ورحمة الله وبركاته أخواتي

هذا تطبيقي لقاطو الشكلاطة السّحري بالخبر اليابس المرحي للأخت رمضانة حفظها الله وردّها إلينا سالمة فقد أطالت الغيبة
ماشاء الله جرّبتو شحال من مرّة خفيف وكامل في البيت يحبوه، برك أنا نقصّلو السّكر لأننا في البيت لا نحب الحلوى المسكّرة جدّا

وهذه المرّة حبيت نطبّقو في قوالب السلكون باش يكون الشكل ديالو شباب، وماكاش عندي شكولاطة فزيّنته من فوق بلاجولي تااع أختي أم عبد الله حفظها الله

http://www.djelfa.info/vb/attachment.php?attachmentid=117490&d=1451746365

هذا هو الرابط
http://www.djelfa.info/vb/showthread.php?t=549476
وجزى الله خيرا الأخت رماضنة

سحابة باردة

2017-05-23, 12:00

وصفة خبز تونس لسنية كبيرة نحتاج ستة بيضات كاس زيت كاس ماشي معمرسكر مبشور ليمون وكيس خميرة كاس اللبن او حليب وكاس كوكاو ااو أي نوع مكسرات مكرفج زوج كؤوس خبز يابس ومرحي نخلط الكل نضعه في سنية مدهونة وإلى الفرن الحامي على نار هادة لمدة 40 د أو حسب الفور انتاعك ثم نسقيها بشربات المضاف له عصير الليمون

محتاجة لعفو الله

2017-05-23, 12:04

وصفاتي الخاصة بالخبز القديم و اليابس (مملحات) متجدد بإذن الله للاخت remadna (http://www.djelfa.info/vb/showthread.php?t=681560)

zokhrofa

2017-05-23, 12:39

يعطيكم الف عافية البنات على الوصفات

انا هي رزيقة

2017-05-24, 14:45

موضوع قمة في الفائدة اختي زخرفة ربي يجازيك عليه كل خير ... انا الحمد لله منشريش خبز اكثر من احتياجي انا و زوجي يعني علابالنا شحال ناكلو و نشريو على قد احتياجنا و فقط... والحمد لله و اذا حصل انو بقالي شوية خبز لسبب او لاخر منرميهش ابدا نخليه ييبس تماما في مكان جاف و نطحنو في الروبو ....و ساعات نفوتو في الغربال الخشين و ساعات لا .... و نستعملو كشابلير chapelure لمعقودة البطاطا و الارز و احيانا نزيد ملعقة او اثنين في اللحم المرحي و هكذا... و نحطو في علبة محكمة الاغلاق و نديرو في الفريجيدار و يحكملي مدة طويلة دون اي تغير فيه..... وطبعا عندي صور لعيونكم الحلوين http://www6.0zz0.com/2017/05/24/16/669406401.jpghttp://www6.0zz0.com/2017/05/24/16/719551371.jpghttp://www6.0zz0.com/2017/05/24/16/808349500.jpg

zokhrofa

2017-05-24, 15:31

يعطيك الف عافية اختي رزيقة و الله بارك الله فيك

مع الاسف هذه الخطوات السهلة جدا بعض النساء تعجز عليها

او تشوفها دقة قديمة كيما يقولو

nihal159

2017-05-24, 15:56

السلام عليكم؛ تفكرت وصفة كانت ديرهالنا ماما أيام الشتاء بالخبز الناشف مش اليابس.

تحظر مرقة بالخضار و قطع دجاج حسب الموجود لكن الأصل في الوصفة هي الخضار لازم تكون بزاف راني قلتلكم هذي وصفة تاع الشتاء ههههههههه

و تقطع الخبز بالسكين إلى مربعات تقريبا 3 سم*3 سم و تفورو فالكسكاس؛ بعد مايفور ديروه في صحن كبير و دهنوه بقطعة زبدة و سقوه بالمرقة لي حضّرتوها من قبل؛ و الله أن بنة الخبز مع المرقة و الزبدة رهيييييييييبة؛ جربوها مستحيل تندمو عليها.

أما بالنسبة ليا؛ نديرو فالكوشة ينشف و من بعد نرحيه و نديرو شابليغ.

zokhrofa

2017-05-24, 17:40

هههههههههههه نفس وصفة امي نهال لكن ما رانيش شافية عليها مليح من بعد نسقسيها و تعطيني الوصفة

صح بنّة مكاش مثلها

حياة نور الدين

2017-05-25, 01:48

زخرفة موضوع هااايل
انا كي يبقالي الخبز نقطعوا ونحطوا في صينية ونخليه ييبس ونرحيه ويرجع شابلوغ ونستعملها في الكروكات وفي الدولمات وبعض الاطباق

كاين وصفة السفيرية وهي نشمخوا الخبز ونعصروه مليح ونضيفولوا معدنوس وفرماج وبصل وملح وفلفل اسود ونقلوه خبزات ونطيبوا مرق دجاج بالحمص ونسقوا به السفيرية

نقطعوا ايضا وندخلوا الفرن وناكلوه مع القهوة بالزبدة والمربى وبناتي يموتوا عليه

نقطعوا دوائر ونجوزوا في الحليب والبيض ونقليه ونرمده في السكر

كانت يما بكري ديرهولنا شخشوخة هكا نسموها نطيبوا مرق كما تع الشربة ويرموا فيها الخبز مقطع مربعات يغلي ويطفوا ويقدم بصح كي كبرنا رجعنا منحبوش ناكلوها

نستعملوه في كرامبل بالتفاح نستفوا الخب من تحت وننسقوه بكاس حليب وقرفة ونحطوا من فوق تفاح مقطع مسوتي في المقلة بالزبدة والقرفة والى الفرن

نستعملوه في خبزة تونس
ديري كيلة بيض نفسها خبز يابس ونفسها كاوكاو ونفسها سكر ونفسها دهان وزوج خمارة الحلوى ولفاني او زاست والى الفرن والشاربات نفس الكيلة سكر وزوج ماء

نتمنى انه افدتكم

zokhrofa

2017-05-25, 09:14

صباح الخير

حياة وصفات والله هاااااااااااااايلين ربي يسترك و فكرتيني في السفيريات نديرها مالا في رمضان ان شاء الله

oumhana

2017-05-25, 09:50

السلام عليكم
["]] أنا كيبقالي الخبز: نغلي حبة بيض و نقطعها طريفات و نقطع الخبز دوائر متوسطين و نحكم صحن غامق نحط فيه مغرف هريسه+ 2مغارف زيت و فنجال كبير ماء ونخلهم حتى تذوب لهريسه و ناخد مغرف تاع الماكلة و نرفد هاد لا صوص و نشمخ بيها دوائر الخبز من بعد نستف فوق كل دائره شويه بيض و شويه تون و زيتون مكسر و هلمو اللخراني ميلحقش.
ملاحظة : وجدي كلش قبل ما تشمخي الخبز( مشي كتجيك مرنخة تحصلي فيا)
إذا بقات عندك سلاطة فلفل من البارح تقدري تحطيها تاني و أنت واش عندك(recyclage manarmi walou)
ماتخافوش مجيش حارة الماء و الزيت راح يبردوها.

الله غالب منقدرش نحط تصاور[ f
رمضان مبروك على أحلى ناس و أحلى صحبه وأحلى منتدى

zokhrofa

2017-05-25, 10:17

اهليييييييين بالغالية ام هناء اختي والله فكرة هايلة

لكن ما فهمتش واش قلتي ماشي كي تجيك مرنخة تحصلي فيها ؟ كيفاش يعني واش لي راح يرنخها ؟

oumhana

2017-05-25, 10:48

اهلين بيك زخرفة يعني نشمخو الخبزمشي حتى ترنخ juste ce qu 'il faut باش ميتعجنش، صدقيني البنه هايله مع ريحة لهريسه مممممم

zokhrofa

2017-05-25, 10:58

هههههه طبعا راني مصدقة وإلاّ لماذا اسأل

اه فهمتك يعني هاذيك الصلصلة نطليو بيها الخبز كيما نطلو المعجون ماشي نشمخوه بيها

حاسنا فهمت

تولي كيما البيتزا الصغيرة

مممممممممممم باين بنينة نجربها كي نشري الحار ههههه خاطش انا ما نشريش الهريسة

مسرات

2017-05-25, 16:03

موضووووووع هااااايل جاري التنفييييييذ

zokhrofa

2017-05-25, 16:18

اهلا اختي قوليلنا كي ديري تطبيق

zokhrofa

2017-05-26, 13:05

سكرفجت الخبز اليابس يعطيكم الصحة على الطريقة في الاول كنت نتعذب مع المهراز عندي تاع الحطب و صغير بسيف ما نكمل

اميرة باخلاقي 00

2017-05-29, 12:02

شكرا لكم اخواتي على هده مبادرة بارك الله فيكم

انا خبز يابس اصنع به شابلور و سفيرية و عجيجات و بسبوسة ساضع وصفات لاحقا

وصفة بسبوسة

المقادير
4 حبات بيض
1 كاس سكر
1 كاس زيت
1 كاس حليب
علبة و نصف خميرة كيمياية
فانيلية
و بشور اليمون حسب الذوق
4 كيسان خبز يابس مرحي- شابلير-
القطر
2 كاس سكر, 2كاس ماء, 2 ملاعق ماء زهر
التحضير
نخلط البيض و السكر حتى نحصل على كريمة نضيف الزيت و الحليب و نخلط, نضيف الفانيلية وبعدها نضيف نصف كمية الخبز المطحون و بعدها الخميرة الكيميائية تم نكمل باقي الخليط
نكون قد اشعلنا الفرن نفرغ الخليط في صينية مدهونة و نضعها في الفرن في نفس الوقت نحضر القطر بافراغ مكوناته في اناء و وضعه فوق النار حتى يثقل قليلا
و بعد ان نخرج البسبوسة من الفرن نفرغ عليها القطر
و نقدمها بعد ان تبرد مع الشاي

zokhrofa

2017-06-01, 13:42

لبنات انا راني قريب نكمل الخبز اليابس لي عندي

درت بيه بزاف حاجات منها chapelure

منها في السفيرية

و منها في الفلافل اللبنانية

الطريقة :

بعد ما تكون تشمخت الحمص 24 ساعة ديريها تغلي 45دقيقة

بعدها ارحيها حتى تولي عجينة

زيدي عليها قصبر مفروم

معدنوس مفروم

كمون

كركم

فلفل اسود

قصبر حب مرحي

طماطم بدون زريعة و بدون قشور مقطعة مربعات صغااااار

و اعجني او ديري في الخلاط اما نفضل تعجني

من بعد ضيفي حبة بيض

خبز يابس يكون مسكرفج

و فرينة باش تنطم شوية كيما المعقودة

و من بعد باش تقليها شمخي يديك و كوري و اقلي كيما المعقودة لي وريتهالكم

من بعد نحط الصورة ان شاء الله

mordia

2017-06-02, 10:16

zokhrofa

2017-06-02, 11:24

اضن اختي ام هناء تقصد البيض مغلي يعني هكذا كلش طايب تاكلي بلا ما يطيب

remadna

2020-05-24, 17:38

السلام عليكم
عندي موضوعين هنا واحد حلويات و الثاني مملحات كلها بالخبز اليابس أكثر من 24 وصفة
كنت فتحت الموضوع منذ 9 سنوات تقريب و لم أكمل و لم ادخل للمنتدى لضروف الدراسة
المهم حاليا الخبز اليابس تاعنا يروح غذاء و عشاء لقطوطنا و أصبحنا نشتري من أجلهم الخبز و ياكلو الجديد معانا هههههههههههه
حرفيا في الدار و لا ذرة خبز تروح
على العموم جربو وصفاتي و كي تكملوهم نزيد ابتكر لكم وصفات اخرى
تجدو الروابط في توقيعي

MALIKA88

2020-06-24, 11:51

شكرررررررررررررررررررررررررررررا صراحة موضوع في القمة الله يجزيك