حديقة في الفرن .......... طبق زخرفة

[zokhrofa]

السلام عليكم

طبق الخضر في الفرن

نتمنى يعجبكم

http://www.up.djelfa.info/uploads/14954506131491.gif


الطريقة :


تقطعي كامل الخضر لي عندك : بطاطا + طماطم بدون زريعة + قرعة او كوسة + بصل + زوج سنات ثوم بدون ما تنقيهم اغسليهم برك

تضيفي عليهم : زيت زيتون + خل + ملح + كركم + فلفل اسود او ابيض + كمون + زعيترة + زعتر + اكليل الجبل + رند

خلطي الكل بيديك حتى تقيس التوابل كل الخضرة لي عندك

جيبي كيس فرن لي نحمرو فيه الدجاج

حطي فيه الكمية بحيث ما دكسيهش بزاف يالوكان ديري 2 اكياس

بعدها تجيبي طبق الفرن و تحطي فيه الكيس و تستفيه يعني توزعي الكيس بحيث ياخذ شكل الطبق

بعد ما تشوفي انو طابت الخضرة مليح

خرجي الطبق

قطعي الكيس من الفوق فقط

عاودي دخلي الطبق في الفرن و اشعلي من الفوق حتى تتحمر الخضرة

و خرجيه و سقي في طبق الاكل

و رافقي في الطبق بصلصلة الطماط التالية :

طريقة التقديم :

لكن ما تسقيش فوق الخضرة

جيبي طاسة الشربة و سقي فيها الصلصة

بحيث لي حاب ياكل يغمس في الصلصة ثم ياخذ الخضرة بالخبز لي غطسو في الصلصة

http://www.up.djelfa.info/uploads/149545068318381.gif

الطريقة:

في كسرونة حطي زيت + 3 سنات ثوم مهروسين + ملح + 2 ملاعق طماطم مصبرة + قصبر + فلفل اسود

خلطي حتى يتجانسو بعد 2 د مرقي

خلي الصلصة طيب حتى ينقص الماء و تلوي كثيفة حسب الذوق

ملاحظة : فكرة الخل هي فكرة اختي أم البراء يعطيها الصحة

الاكياس البلاستيكية تعتبر غير صحية من. الافضل استعمال طبق الفرن بالغطاء

[محتاجة لعفو الله]

الله يبارك راهي تشهي بارك الله فيك و جزاك الله خيرا

[zokhrofa]

اهلا اختي ربي يجازيك الخير

[ام كادي]

زخرفه تعيشي حابة صوص تصلح مع لابوري تكون بالدجاج

[رحمة2016]

راهي باينة بنة عظيمة يعطيك الصحة زخرفة

[zokhrofa]

زخرفه تعيشي حابة صوص تصلح مع لابوري تكون بالدجاج

اهلا اختي ام كادي

شوفي الصوص ديري نفسها راهي تصلح

في اول الخطوات ديري الزيت و الثوم مدروس مع الملح و طماطم منزوعة القشور و الزريعة و مقطعة مربعات صغيرة في نفس الوقت و خليها حتى تشوفيها ذبالت مليح

من بعد اضيفي الطماطم المصبرة و فلفل اسود و قصبر و حركيها تدخل في بعضها

من بعد زيدي الماء ماشي ترجعيها شربة ههههه

من بعد 15د تغلي كي تشوفيها نقص الماء و ولات كثيفة طفي عليها من الاحسن طفي و تخليها تريح 15د او 30د تولي احسن

[zokhrofa]

راهي باينة بنة عظيمة يعطيك الصحة زخرفة

ههههههههه رحمة زيديه للقائمة

[ام كادي]

اهلا اختي ام كادي

شوفي الصوص ديري نفسها راهي تصلح

في اول الخطوات ديري الزيت و الثوم مدروس مع الملح و طماطم منزوعة القشور و الزريعة و مقطعة مربعات صغيرة في نفس الوقت و خليها حتى تشوفيها ذبالت مليح

من بعد اضيفي الطماطم المصبرة و فلفل اسود و قصبر و حركيها تدخل في بعضها

من بعد زيدي الماء ماشي ترجعيها شربة ههههه

من بعد 15د تغلي كي تشوفيها نقص الماء و ولات كثيفة طفي عليها من الاحسن طفي و تخليها تريح 15د او 30د تولي احسن

merciiiiiiiiiiiiiiiiiiiiiiiiiiii قيد التطبيق

[zokhrofa]

حسنا راني نستنا ان شاء الله تعجبك

[نور الصباح]

ياااااااااااااميي باين بنين

[&ام ايوب&]

ممممممممممم تشهي حبيبتي
سلمت يداكِ

[muhibbat rrasoul sws]

زخرفة، ربي يهنيك، واشنو هادو أكياس الشواء؟
ما نشفاش انتبهتلهم يتباعوا...
و كي حوست في الشبكة لقيتهم يبانو بلاستيك .....

ماعليش تصوريلي واحد مع الغلاف تاعو ؟
باش مخدومين؟

[zokhrofa]

اهلا صباح اهلا ام ايوب صحيتو

اختي محبة ايه بالبلاستيك ادخلي لعند مول الحانوت قوليلو اعطيني الاكياس تاع لي نحمرو فيهم الدجاج

شوفي من ناحية الصحية انا ما نستعملهمش بزاف يعني مرة في الشهر او اكثر يعني مراحش يكونو مضرين

[muhibbat rrasoul sws]

اهلا صباح اهلا ام ايوب صحيتو

اختي محبة ايه بالبلاستيك ادخلي لعند مول الحانوت قوليلو اعطيني الاكياس تاع لي نحمرو فيهم الدجاج

شوفي من ناحية الصحية انا ما نستعملهمش بزاف يعني مرة في الشهر او اكثر يعني مراحش يكونو مضرين

و الله كي قلتي بلاستيك أنا نخافهم، أما عن قولك ماشي مضرين، فيجب دراسة، تصوري بناتك راهم ربما مازالو ما علاباليش بالحفاظات، اللي هي تسرب مكونات تشبه الأستروجين و نفس الشيء البلاستيك، يعني رانا نخلخل الهرمونات عندم و عندنا حنا تاني، نعشيو في حالات سرطانات و عقم لا قبل لنا بها....

شخصيا عندي غير الزجاج، بيركس، أغلى لكن أدوم يعني يخرج أرخص... و أصح

ربي يجازيك ختي زخرفة

[zokhrofa]

اهلا اهلا محبة اختي كي نطيب حاجة كيما هاذي ما نمدهالهمش

نعطيك مثال هذا الطبق انا خليتلهم منو و من بعد درتو يطيب في طنجرة صدقيني جا بنين على كي درتو في الكيس هههههه

شوفي خلاصولي و نوعدك اني ماراحش نزيد نشريهم باذن ربي نشري طبق الفرن لي فيه غطاء خاطش راه خاصني واحد

[muhibbat rrasoul sws]

اهلا اهلا محبة اختي كي نطيب حاجة كيما هاذي ما نمدهالهمش

نعطيك مثال هذا الطبق انا خليتلهم منو و من بعد درتو يطيب في طنجرة صدقيني جا بنين على كي درتو في الكيس هههههه

شوفي خلاصولي و نوعدك اني ماراحش نزيد نشريهم باذن ربي نشري طبق الفرن لي فيه غطاء خاطش راه خاصني واحد

وربي يجازيك على الإجابة
ماعليش نقولك على تجريبتي البسيطة بالاك تنفعك:
أول ما شريت للفرن طنجرة stainless steel هو أرخص شيء من بين الأمور الصحية، الله غالب غيرو نكسرو :) شريت ماركة كوريماز التركية، يعني طنجرة كلها حديد بالغطاء كنت نستعملها للقرن و للطبخ، جاية ماشي غامقة بزاف مثل سينية الفرن، لكن فيها عيب واحد ، لكان ننسى بعد ما نخرجها و منحطش عليها منشفة أو قفازات نتحرق، صارتلي بضعة مرات و الله تفكرت جهنم :)
الزجاج عن تجربة، بايريكس أحسنهم جميعا رغم سعره، علاش؟ يتحمل درجات الححرارة العالية، أذكر واحد تفتت لما خرجتو من الفرن بعدما انفجر! و واحد تطرطق في الفرن!

الله يجازيك زخرفة، راني نولي مدمنة على أطباقك

الله يحفظك

[حياة نور الدين]

يعطيك الصحة باين بنين انا نحب كل الوصفات اللي فيهم صوص

[zokhrofa]

هههههههههه ادمني وزيدي راهم صحيين ان شاء الله و كي نكون غالطة مذابية تقولولي باش انا تان نعدّل

اه نعرفو شفتو شحال من مرة

لكن انو الزجاج يطرطق هل تأكدتي انو مكانش كاين un choc thermique ؟

خاطش كي تخرجيه و تحطيه فوق الرخام يكون بارد يطرطق

و اذا دخلتيه و الفرن سخون بزاف و هو بارد خاصة في فصل الشتاء يطرطق

[zokhrofa]

حياة ههههه راكي كيما انا نحب بزاف الصلصلة الحمرا

[muhibbat rrasoul sws]

هههههههههه ادمني وزيدي راهم صحيين ان شاء الله و كي نكون غالطة مذابية تقولولي باش انا تان نعدّل

اه نعرفو شفتو شحال من مرة

لكن انو الزجاج يطرطق هل تأكدتي انو مكانش كاين un choc thermique ؟

خاطش كي تخرجيه و تحطيه فوق الرخام يكون بارد يطرطق

و اذا دخلتيه و الفرن سخون بزاف و هو بارد خاصة في فصل الشتاء يطرطق

واحد اتطرطقلي في يدي غير خرجتو، و ما كنتش في القطب الشمالي :)
و الآخر طلبت فيه الخبز، و هو يطيب الإستعمال الثالث ربما حتى سمعت طق!

[zokhrofa]

ههههه ضحكتيني على القطب الشمالي بصح تقدري تكوني رفدتيه بحاجة كانت مشمخة ولا انتي ترفدي بيديك من الفرن مباشرة ياااا ويلي

مممم اذا صح النوعية ماشي مليحة