وضع لا احسد عليه

[مشكلتي]

السلام عليكم و رحمة الله و بركاته
الله يخليكم بكل صراحة انا عمري 37 سنة و مخطوبة قبل سنة و عقدت لكن اكتشفت أمور في خطيبي يا سبحان الله
أشياء في شخصيتو و مؤخرا اكتشفت انو المشكل عائلي يعني كلهم هكذا و الناس الكل تشكي منهم
هل أنسحب ؟؟؟؟ ماذا عن عمري 37 و انا حلمت معاه ببيت و استقرار و أولاد و و و و ؟؟؟؟
انا قبل 6 سنوات كنت مخطوبة و بطلت لانو اكتسفت خطسبي الأول نتاع نساء
اذن الناس ما يرحموش يقلك للمرة الثانية و و و و و بنفس الوقت اني نواصل مع هذا ضرب من الجون واش ندير

[toulay]

السلام عليكم
شوف واش يخرج عليك انت لكان قادرة تتاقلم ولا
كثر من الاستخارة
و تاني ربي يعيشك اخطينا من الناس وهدرتهم لانو صدقني كون تسمعلهم مادير حتى خطوة تبقى في بلاصتك حابسة
بالتوفيق

[محمد جديدي التبسي]

وعليكم السلام ورحمة الله وبركاته
معي في العمل الكثير من النساء في مثل عمرك واكثر حتى لسن الخمسين دون زواج وما يخصهم والو نقعد حاير علاه ما تزوجوش أخلاق وجمال وكل شيء؟ ربما المكتوب ومعاه شوي توسويس ويحسبوا كثير؟!
دايما ندعيلهم ربي يرزقهم بالزوج الصالح لانهم يستاهلو كل خير فعلا
بالنسبة لحكايتك انت ادرى باخلاق هذا الرجل اذا تبين لك انه يمكنك التعايش مع هذا الرجل وتقبل عيوبه فالأمومة لا تقدر بثمن لكن لازم ديري حسابك وتكوني صبورة فالحياة الزوجية لازمها صبر كبير حتى ولو تزوجت أفضل رجل اخلاقا ..استخيري وربي يفتح عليك

[kacimo.samy]

والله يا اخت هم يبكي و هم يضحك

و كلنا ضقنا ضرعا

انا نقلك استخيري مولاك و عمرك لا تدي روحك لتهلكة
يفوتك قطار (زواج) خير ما تركبي فيه و يتقلب في نوص طريق (الطلاق)


ودبري راسك


ادخلي على اساس انت دواء (مصلحة) بلاك ربي كتبلك هكذا

واش نقلك ربي يهنيك ما لقيتش واش نقول


ربي يفتح عليك
(جمل غير متناسقة راني عيان مورلمو وكلش ربي يهنيك اختي)

[هيام ويوسف]

صلي وادعي الله في الثلث الاخير ان يفرج عنك همك هو اعلم بحال عباده

[الداهية كيداهن]

صدقيني يا أختي العديد من المتزوجات يغرقون في الحنين إلى الماضي و يتوقون إلى حضن الوالدين و حياة العزوبية لمرارة العيش مع أزواجهن الذين في معظم الحالات لا يمتون للأخلاق بصلة(أكيد هناك بعض المحظوظات الاتي ظفرن بأزواج في المستوى).

إن كان خطيبك لا يصلي أو غير خلوق فلا أنصحك بالإرتباط به، وإن كانت عيوبه يمكن التعايش معها فوفقك الله و إياه، فلكل منا نقائص.

إستخيري الله عز و جل و لا تكترثي بكلام(العرب) ، مهما كان وضعك لن يتوقفوا عن الثرثرة.

[first first]

خممي في روحك ماتخمميش في الناس

استخري ولعل الامر بسيط اختي وانت مكبرته ................وهل كل المتزوجون ليس بهم عيوب؟؟؟مع هذا انت اعلم بما اكتشفتي

ربي يسرلك امورك يارب

[oumhana]

الناس الناس غير الناس واش تقول مخممتيش ككون عندك مشاكل بعدالزواج. يا ختي إستخيري الحي القيوم لي متخفاه خافية و خليك من الناس و كما قالو اللي يعرفو "قعادها في بيت بوها ولا زواج الفضايح"ربي يوفقك ويرزقك الزوج الصالح

[غزلانْ]

السلام عليكم

و ماذا اكتشفت و هل يستدعي التعجب لا تنسي أنت زوجته
كان ينبغي أن تكوني مقتنعة به
و عن كلام الناس ان وجدتِ كل الناس يشتكون منهم و صدقتهم
فلماذا تقولين كلامهم لا يرحم ان فسخت خطبتك ابني قرارك وفق راحتك أنتِ
لا تبني زواجك مع شخص وتتخذينه جسر عبور و تظلمينه قبل أن أن تظلمي نفسك
و يصبح مثلك وضعه لا يحسد

استخيري

[زبدة ذايبة]

لازم تحددي طبيعة الأشياء اللي اكتشفتيها اولا.

إذا كان مشكل في الشخصية مامداه؟؟؟؟؟.

يعني

مريض، عصبي، موسوس، كذاب ، سراق

مايصليش ، يضارب مع الناس في الشارع يتعاطى المخدرات والمسكرات

أو أنه

يحشم بزاف، مايعرفش يلبس، مايخالطش الناس و......

لما تحددي الشيء اللي عرفتيه عليه ، هل هو شيء جوهري أو شيء ثانوي.

إذا ماكانش يمس الأشياء الأساسية في الحياة الزوجية التي ينبني عليها الاستقرار

تقدري تكملي معاه كل الناس عندها العيوب واحد ماراه كامل. الكمال لله وهذا يكون مشكل ثانوي عابر

الناس كامل تختلف عن بعضها البعض

وإذا كان المشكل جوهري ويمس قواعد استقرار الحياة الزوجية.

ماتلعبيش بروحك. تتزوجي وتجي راجعة لداركم وفي يدك شهادة مطلقة.

أنت أقدر وحدة على تحديد المشكلة اللي عندو.

إذا تزوجتي ديري في بالك تدي شهادة زواج طويلة الأجل

وماتكونش شهادة زواج قصيرة الأجل

على جال الناس وهدرتهم

تبقاي بلا زواج في انتظار الأحسن خير ألف مرة من ان تتطلقي

غير أنه وعلى حساب ماكتبتي أن المشكلة وراثية عندهم والدار كامل فيها هذ الصفة.

إذا ماتمسش الدين والأخلاق المتعارف عليها وماتمسش الصحة العقلية والنفسية والجسمية فأرى أنه ماعليك من حرج في إكمال هذا الزواج وإذا كانت الأمور فاسدة غير اخطيك منو.

نتمنالك كل التوفيق

[amina 31]

السلام عليكم،
الزواج رزق و مكتوب، فلا داعي لرمي نفسك في النار من أجل تفادي كلام الناس،
وما عليك إلا بصلاة الإستخارة،
و الله الموفق

[نذير السحمادي]

ماذا اكتشفت؟

[RANIA 3]

وعليكم السلام ورحمة الله وبركاته
معي في العمل الكثير من النساء في مثل عمرك واكثر حتى لسن الخمسين دون زواج وما يخصهم والو نقعد حاير علاه ما تزوجوش أخلاق وجمال وكل شيء؟ ربما المكتوب ومعاه شوي توسويس ويحسبوا كثير؟!
دايما ندعيلهم ربي يرزقهم بالزوج الصالح لانهم يستاهلو كل خير فعلا
بالنسبة لحكايتك انت ادرى باخلاق هذا الرجل اذا تبين لك انه يمكنك التعايش مع هذا الرجل وتقبل عيوبه فالأمومة لا تقدر بثمن لكن لازم ديري حسابك وتكوني صبورة فالحياة الزوجية لازمها صبر كبير حتى ولو تزوجت أفضل رجل اخلاقا ..استخيري وربي يفتح عليك

jawab kafi wafi ya3tik sa7a

[توحيد الجزائرية]

صراحة
كل انسان مقدر له نوع من البشر
يعني
الخاطب الاول او الثاني او العاشر نفس الطينة.......

[مومي23]

يا اختي ادا مشكل خطيبك و عائلته مقلق
اتركيه و ما يهمك اي واحد
ماتفسديش حياتك على كلام الناس
لكن تاكدي

[muslim girll]

اللهم وفقنا للقول السديد والعمل الرشيد
اختي راكي حابة تروحي للبلا برجليك !!
يعني انت استخرت اومبعد ربي كي يبينلك تكملي في الطريق!!
علاش الواحد يستخير !!
باش يختار القرار الاصح
انت امام خيارين احلاهما مر ..هادا مفروغ منو
بصح انت اختاري اهون الشرين
والناس كل واحد يلتى بهمو احسنلو ..شكون الي راهو معافى!!!!!
ماعندهم مايزيدو فيك ولا ينقصو !
انت اللي رايحة تعيشي مع هاداك الراجل وانت اللي ممكن تتميزري ..وممكن تتهناي ..
اكيد هذا يعتمد على وش اكتشفتي فيه .. ايدا حاجة ما تقدريش تتغاضاي عليها ولا لالا ! ايدا هاد الحاجة موجودة عند اغلب الرجال الجزائريين ولا لا!

وايدا كان القِبلة مايعرفهاش وماشي متخلق هادا وش ديري بيه
كي تتزوجي ما يقعد غير التعامل ...
و كي قلتِ الناس تشكي منهم ..هادي ماتفوتيش عليها هكداك !!! ماشي حاجة ساهلة
وايدا انت عايشة مليح في داركم ؟ وخدامة!!!
يعني كاين شحال من امر يؤخذ بعين الاعتبار
وازني وقدري
اختاري اللي فيه اقل الخسائر
ادعي ربي يرزقك بالنفس المومنة
وكرري الاستخارة
ربي يفتحها بوجهك امين.

[Saif al-Islam]

أختي الكريمة


أتوافق مع كلام الأفاضل >> toulay << و >> محمد جديدي تبسي << و >> زبدة ذايبة <<

و كلامهم منطقي و لكي القرار يا أختي الكريمة