قلب اللوز الاقتصادي و الناجح من مطبخي

[nihal159]

صباح الخير حباباتي، ليوم جبتلكم قلب اللوز ، ان شاء الله تجربوه و أكيد تنجحو فيه لان الوصفة ساهلة و مضمونة و مجربة لعدة سنوات لأنها بكل بساطة وصفة أمي لي معتامدتها من نهار دارت الدار ههههههه
المقادير 3 كيلات سميد خشين، كيلة و نصف سكر، كيلة ماء الزهر، كيلة زيت، رشة ملح خفيفة
الشاربات معروف أنو كمية من السكر مع ضعفها ماء نخلوهم فوق النار لما يوصلو لدرجة الغليان نبدا نحسب15 دقيقة تم نضيف فنجان ماء زهر و نطفي النار.
بالنسبة لتحضير العجين في قصعة نخلط جميع المكونات مع بعض، نتركها لمدة نصف ساعة ترتاح تم نقسمها الى نصفين، نضع النصف الأول في صينية الفرن نذرذر فوقو لوز مرحي تم نضيف الكمية المتبقية من العجين، نقسم العجين بواسطة سكين الى مربعات و كل مربع نزينه بحبة لوز ، ندير السينيوة فالفرن، بعد 20 دقيقة تقريبا نخرج السنيوة من الفرن نعاود نقسم الحبيبات تاع قلب اللوز بالسكين و ندهن وجه قلب اللوز بالسمن الذائب باش يحمار مليح.و نعاود نرجعها للفرن باش تحمار مليح
لما نشوفو ان الحلوة تاعنا طابت نخرجوها و نسقوها بالشاربات البارد، نعوموها مليح و نرجعها للفرن و نقصو درجة حرارة الفرن لأضعف درجة، لما تشوفوها شربت كامل هذاك الشاربات خرجوها، غطوها و خلوها تبرد، لازم تغطوها
https://b.top4top.net/p_506tkw4v0.jpg (https://up.top4top.net/)
خرجتها من الفور درتلها السمن و عاودت قسمت الحبيبات و نعاود نرجعها للفرن باش تحمار مليح
https://a.top4top.net/p_50681m4n1.jpg (https://up.top4top.net/)
بعد ماخرجتها من الفرن سقيتها بالشاربات
https://b.top4top.net/p_506pjj6y0.jpg (https://up.top4top.net/)
https://b.top4top.net/p_506ognpb0.jpg (https://up.top4top.net/)

[حالمة برفقة النبي]

بارك الله فيك

[nihal159]

بارك الله فيك

وفيك بارك الرحمن؛ راني نحط فالصور نتمنى تذخلي مرة أخرى باش تشوفيهم

[محتاجة لعفو الله]

الله يبارك اختي خرجلك روووووعة بارك الله فيك و جزاك الله خيرا

[nihal159]

و فيك بارك الرحمن؛ شكرا لمرورك و تشجيعك

[fati13]

يعطيك الصحة ختي

[nihal159]

الله يسلمك؛ شكرا لمرورك

[سحابة باردة]

كنت نحوس عليه راح نجربوا ان شالله ينجحلي ونعتمدو في رمضان نقطة ضعفي قلب اللوز ههههه
ميرسي نهولة جاك روعة الصور عاتنطق الله يبارك يالحبيبة
وسلميلي على الميمة ربي يحفضها

[nihal159]

ربي يحفظلك كل عزيز و غالي؛ شكرا سحابة؛ جربيه و الله ماتندمي

[حياة نور الدين]

بارك الله فيك نهال وفي ميمتك العزيزة

[نور الصباح]

بارك الله فيك وربي يحفظ الميمة

[دنيا الامل 18]

رووووووووووعة شكرا

[om wafaa]

مشكوة ختي مي مخليتيهاش تحماااااار غايا راهي خارجالك تهبل

[بيلسان91]

نهال بربي نشالله نجرب الوصفة واحد المرة جربت تع ام اماني صلحلي ومن تم مصلحش من نعاودو ميجيش مليح
نشالله تاعك تجيني مليحة

[Rose yassamine]

بارك الله فيك ورب يحلي ايامك
رمضان كريم

[nihal159]

بارك الله فيكن مروركن أسعدني كثيرا؛ إن شاء الله تجربوها و تدعولي بالخير

[هديل د]

شكرااا لك وبارك الله فيك كنت احتاج الوصفة بشدة لاني اريد تجربته في رمضان ان شاء الله

[nihal159]

شكرااا لك وبارك الله فيك كنت احتاج الوصفة بشدة لاني اريد تجربته في رمضان ان شاء الله

إن شاء الله تجربيه و تنجحي فيه؛ أسعدني مرورك

[ام زهر]

كيلة اختي ماشي بزاف يعني

[nihal159]

كيلة اختي ماشي بزاف يعني

الكيلة تختلف حسب السنيوة لي عندك؛ إذا السنيوة نتاعك كبيرة عبري بكيلة شوية كبيرة؛ إذا السنيوة نتاعك صغيرة عبري بالغرفية نتاع لحليب

[أم رقية نسرين]

يعطيك الصحة نهال راهي تسخف
ربي يحفظلك الوالدة و يطول في عمرها

[nihal159]

الله يسلمك مريومة، ربي يحفضلك كل عزيز و غالي.أسعدني مرورك

[Nadjla05589]

الله يحفضلك الوالدة الكريمة وشكرا على الوصفة

[RCR_48]

ربي يخليك و صح رمضانك

[أم سيفاكس]

يعطيك الصحة نهال
خرجلك هايل

[nihal159]

الله يسلمك أم سيفاكس؛ مرورك أسعدني