أرجوكن ساعدوني بخصوص ماكينة brother v3

[أم أسماء وعبد الرحمن]

السلام عليكن ورحمة الله

اخواتي بغيت نشري الماكينة الالكترونية brother innovis v3 وبغيت نستفسر عليها قبل مانشريها مت فضلكن عاونوني
- هل هذه الماكينة الرشامات يجو معاها ولا لازم كمبيوتر نديرو فيه لوجيسيال نتاعها
وهل كل الخيوط تشتغل فيها حتى الفضي والنحاسي ( الشعرة).
- هل تعمل بالفتلة؟
وحاجة أخرى كاش أخت عندها هاذ الماكينة مستعملة وحابة تبيعها ماذا بيها تبيعهالي لأنو الجديدة غالية شوي عليا.
ربي يخليكم ماتبخلوش عليا وربي يجازيكن.

[أم أسماء وعبد الرحمن]

ولا رد؟
.......

[أم أسماء وعبد الرحمن]

لازلت أنتظر الردود منكن ياكريمات

[أم رقية نسرين]

يا ربي تلقاي إجابة شافية

[سحابة باردة]

عدم الرد فقط أختي لا بعني التطنيش إنما خاطينا الخياطة ولا نعرف عن ماكيناتهاا شيئ

[أم أسماء وعبد الرحمن]

بوركتما على إهتمامكما

[أم أيمن الحبيب]

أختي أنا اشتريتها منذ مدة 04 أشهر تعمل بجميع الخيوط خيط الحرير ، العادي، خيط الشعرة لكن طرز فقط وليس فتلة اللوجيسيال أعطاني الممون نسخة لكن للأسف ما قدرتش أنصبها لأنها قديمة وأنا أبحث عن نسخة في المنتديات الرشمات يتباعو وتلقايهم مجانا في بعض المواقع وهناك أفواج في الفيس بوك لتبادل الرشمات
المهم أختي إذا عندك أسئلة تفضلي وسأطرح الموضوع في قسم الخياطة نفيد بتجربتي ونطلب مساعدة اللي سبقوني في المجال
شكرا

[BMJ MOSTEFA]

بكم ثمنها جديدة وهل تعمل بخيط واحد او عدة خيوط في ان واحد

[أم أيمن الحبيب]

اشتريتها ب 34 مليون وتعمل بخيط واحد فقط وتغير اللون حسب الرشمة لكن سعرها في المناطق الأخرى أقل لا يتجاوز 28 مليون خاصة الشرق لكن ماقدرتش نشريها من منطقة أخرى لعدم قدرتي على التنقل

[أم أسماء وعبد الرحمن]

السلام عليكم ورحمة الله
بارك الله فيك أختي أم أيمن على الإهتمام والجواب
كنت حابة نعرف إيلا تخدم الفتلة ولقيت الجواب عندك يعطيك الصحة.
وحاجة أخرى لازم يكون عندك جهاز كمبيوتر باه تزيدي الرشمات؟.

[أم أيمن الحبيب]

السلام عليكم
عفوا ما قريتش ردك الأخت
الماشينة يجو فيها رشمات أكثر من 200 لكن أغلب الرشمات اللي تستعمل تباع ولا تطلعيها من النات كالمنتديات والمجموعات الخاصة بتبادل الرشمات في الفيسبوك ولذلك الميكرو تحتاجيه ومع الوقت ممكن تتعلمي اللوجيسيال اللي يخدمو به الرشمات ويعدلوها...
والماشينةممكن تربطيها باالميكرو وممكن تركبي فيها فلاش ديسك
بالتوفيق

[أم أسماء وعبد الرحمن]

السلام عليكم
عفوا ما قريتش ردك الأخت
الماشينة يجو فيها رشمات أكثر من 200 لكن أغلب الرشمات اللي تستعمل تباع ولا تطلعيها من النات كالمنتديات والمجموعات الخاصة بتبادل الرشمات في الفيسبوك ولذلك الميكرو تحتاجيه ومع الوقت ممكن تتعلمي اللوجيسيال اللي يخدمو به الرشمات ويعدلوها...
والماشينةممكن تربطيها باالميكرو وممكن تركبي فيها فلاش ديسك
بالتوفيق

ربي يجازيك أختي ويعطيك ماتتمناي على الرد
أختي أنا كذلك من ولاية الشلف ممكن تعطيلي عنوان المحل الي شريتيها من عندو؟

[ام ايوب3]

السلام عليكم كاين واحد في باتنة وعاملين تخفيضات والتوصيل لحد البيت فية انواع كتيرة لشتى انواع الماشينات ويشرحولك كل شئء