مادا افعل مع زوجتي (٢)

[مشكلتي]

السلام عليكم
شكرا اصدقائي على نصيحتكم. ربما بعض المشاركات كانت خارجة عن الموضوع الله يهدي كاتبها. الشيء الدي جربته و جربه اي متزوج هو حقيقة ان زين الفتاة له جانب مهم خصوصا في وقتنا، يعني زين الفتاة يعمر الدار. لكن طبعا لا تنسي الجوانب الاخرى مثل اخلاقها. ربما بعض العزاب منكم يقول الجمال لا يهم بل جمال الروح اهم ...صدقني يا خي ستندم على الاقل اختيار فتاة فوق المتوسط دوه اهمال الجوانب الاخرى ولا تسمع كلام بعض البنات بلي الصح الاخلاق و الجمال لا معنى له ما هو الا تنويم مغناطيسي مع كل احترامي. بخصوص حالتي، قبل ان اختار زوجتي كأنني سمعت اصواتكم و اهملت الجمال و الان راني ندمت على الاختيار. لكن الحمد لله مزال عندي الوقت للتصحيح. طبعا لا ظلم المراة لكن سأتزوج بثانية اكيد هدا سيمنعني عن التفكير في الحرام. و ان رفضت هده الفكرة سيكون الطلاق حل مناسب جدا لي و خصوصا معدنا اطفال. اتمنى لكم التفكير الجيد قبل الزواج باش يكون قراركم صح و مش متهور زي حالتي. في اخير شكرا لكم

[*سندوسة*]

كان زواجك الاول مجرد تسوية وضيعة احببت ان تجرب الزواج
وبعد ان جربته انفتحت لك الشهية واصبحت انسان متطلب وغير راض على وضعك
قبل ماتتخذ خطوة حاور زوجتك وقولهالها بصحيح العبارة راني مفتون فالخارج وحابك نتي تكوني كيفهم هنا زوجة تنحط امام امر الواقع يا تدرك الخطر لي راها فيه وتسابق الزمن لتغير من نفسها او تتمرد وتقولك انا هكدا توقع الاحتمالين
ربي يقدملك لي فيه لخير

[نور لاتراه]

السلام عليكم
اتفهم دوما ان يكتب او تكتب العضوية
الجزء ال2 او ال3
من المشكلة
لكن لاينبغي ان نلقي باللوم على الردود
فهي ليست لباسا لتلائم مقاسنا فلكل تفكير
بل فضلوا الكلام على السكوت
لا لشيئ الا للمساهمة في حل
وهذا هدف القسم
يستثنى من ذلك طبعا الردود المخالفة
بالتوفيق

[toulay]

وعليكم السلام ورحمة الله وبركاته
يا اخي من حق كل واحد فينا رجل ولا مراة يتزوج مع شخص يكون مليح فالشكل وانت مين كنتي مهتم بالجمال الخارجي علاش قبلتي بيها من المرة الاولى علاش مصارحتيهاش وقلتيلها معجبتينش لانو يا اخي هاذي راهي حياة الواحد يخمم لبعيد مشي المهم يتزوج برك
بصح انت قبلتي بيها لانها انسانة مربية وبنت ناس الله يبارك ودرك جاي تشكي وندمتي كانت عندك فرصة قبل ماتصرا اي حاجة رسمية تحطلها les points sur les i
صحا قولي لراك تحكي على الزين est ce que انت شباب ولا
يعني مع كل احتراماتي تلقاه هو لا علاقة ويحوس عليها beauté هذا كيما يقولوا it's unfair
ودرك حايب تتزوج عليها
واش نقولك يا اخي la faute فيك انت لانك من الاول معرفتيش تحط الشروط تاعك تهتم بالجمال الداخلي والخارجي حوس على وحدة بالمواصفات هاذو علاش عليك حصلتي بنت الناس معاك ودرك اذا مقبلتش التعدد طلقها
خمم مليح ومتكونش متسرع
بالتوفيق

[ايمان4]

علابالك الجمال لا يخضع لمقاييس ممكن ما تراه قبيحا يراه غيرك جميلا فاتنا ... اشريها المكياج و اللبس و اخسر عليها شوية تتحول هههه راهم يبيعوا لعجب خاطرش هادي لي راك تشوفها برا شابة كي تجيبها للدار تولي غير كيفها كي لخرى مكاش فرق و خصوصا عند الاستيقاظ يا اخي راه كاين لعجب تتبدل .... انت و دراهمك دركا الزين ... الله يصلحلك احوالك ...
بنات الناس ماشي لعبة حسرتها حياتها

[غزلانْ]

السلام عليكم

من خلال موضوعك الأول ليس هناك خروج عن الموضوع استوعبنا هدفك و هو ما كتبته هنا
أردت من يساندك كتدعيم للتعدد كتعويض عن الجمال
نصيحتك الزين يبني الدار و قد يخليلك دارك اذا غابت الأخلاق
وجهة نظرك متقبلة فالجمال متطلب لا اعتراض و معك حق لكن من باب النصح لغيرك
و أما عنك فلا ارضى بما كتبه الله لك فهناك جمال خفي لا يظهر يُكتشف و لا يظهر
عليه خارجيا ما عليك الا البحث فيه عن زوجتك
ورغم الزامية الجمال فما نفعه ان غاب الجانب الأخلاقي فهو الأساس
مشكلتك وجدت من جذبتك بتمكيجها من من تصاف و يا ليته مكياج و كأنها في كرنفال فبعد أن يزول
تجدها أبشع من التي لم تعجبك زوجتك
من تعتبر لا اعتبار لها و من لا تعتبر فلها كل الاعتبار
بالتوفيق

[**د لا ل**]

أظنك أخي قد نسيت شيئا مهما

ماذنبُ زوجتكَ الآن بعد اختيارك لها .....بعد ان بنيتَ لها بيتا من الأحلام واستقرت فيه معك

يا أخي أحاسيس البشر ليست لعبة في يديك ....فاتقي الله

[حبيبة زوجها]

غاضتني بنت الناس هذا ماكان

[زبدة ذايبة]

يعني انت شباب !!!!!.

ماتسحق حماير تشريه ماتسحق حتى حاجة

بقالك برك تتزوج بلونجة بنت السلطان

النهار الأول ماشفتهاش

وكي تزوجتها وليت دور في رقبتك يمين وشمال

وبان بأنها ماشي شابة !!!!!!!!!!!!!!!!

لو كان تجي هي تكتب عليك كنت تعرف حقيقة نفسك.


الحقيقة أنك شخص أناني جدا

وسطحي جدا

وتشوف وتحكم على الظواهر والمظاهر فقط

مع أنك نهار ماقصدتها للزواج كنت راضي

الجديد صرالك بعد ماتزوجت

وفي الأخير جيت تكتب هنا باش تشهدنا على باطل

وتحوس على ناس يعطولك ok حتى تكمل مخططاتك

هذا عطالك رب العصمة في يدك وليت تلعب ببنات الناس.

إعمل ماشئت فإنك كما تدان تدان

[first first]

من اي المعادن انت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
والله عيب عليك ماتكتب .........................كنت طلقت سكاتي افضل واكرم لرجولتك ولبنت الناس


قالك الجمال يعمر الدار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟اي والله الزي والجمال قد يهم................مي ماشي هو لي يعمر الدار

كنت قبل ماتزوج تشوف بعينيك وتقيم ؟ماشي جيبها ولي تخزر في الاخريات؟؟؟؟
ناكدلك كاين لي يعرف قيمتها اذا ماعرفتش قيمتها
ربي يهذيك.

[نورسين.داية]

من حقك الزواج و الله عز وجل أحل مثنى و ثلاث و رباع لكن الذي حيرني هذا الجمال كنت قد رأيته قبل الزواج .....؟؟؟؟ ما هو الشيئ الذي إختلف بعد الزواج ؟؟؟

عموما ربي يكافيك على قدر نيتك بالتوفيق

[مُحمد رازي]

السلام عليكم
لي قالّك من قبل بأن المشكل فيك نتا ما كانش غالط لأنّه كل واحد و كيفاش يشوف للجمال
ممكن تلقا شاب وسيم متزوج بفتاة هو يشوفها جميلة و غيره يحير كيفاه قبل بيها
أو العكس تلقى فتاة آية في الجمال و متزوجة بشخص كي تشوفه تستغرب تقول هادي كيفاه قبلت بيه
فكل واحد كيفاش يشوف الجمال في الآخر
يعني كاين لي ترتكز نظرته و تتمحور على الكاركاس
و كاين لي نظرته تخترق و تغوص في الأعماق و يقدر يشوف الجمال الحقيقي المكنون
أكيد الواحد ما ينكرش حديث الرسول صلى الله عليه و سلم " وإن نظر إليها سرّته "
بصّح هاد الشي كان لازم يكون في البداية يعني من الأول إدا كنت تحوّس على الجمال اختار لي يعجبك شكلها و تسرّك
أما باش تختار بطريقة عشوائية أو يختارولك و أنت غير مقتنع
أو من بعد يبدو ملكات جمال الدوّار وحدة تبان أدروات و لخرى أغوش
حتى في الأخير تقعد تعضّ في صباعك و ندمان و تتحسّر
هاد الشي غير لائق
و لا يمكنك بأي حال من الأحوال أن تخاطبنا كعزّاب بأن جمال الروح و الأخلاق مجرد تنويم مغناطيسي
لأنه كما سبق و قلت النظرة تختلف من شخص لآخر
و الجمال الخارجي نسبي و ما راهوش ثابت
قادر واحد يشوف فتاة بأنها فاتنة الجمال و غيره يشوف جمالها عادي
و ممكن واحد يشوف فتاة بأنها قبيحة و غيره يشوف جمالها عادي أو مقبول و غيرها من الحالات
أضف لذلك قادر ديك الجميلة غدا تنحرق في وجها و لاّ ما رانيش عارف واش راح يصرالها و راح تتشوه و مايبقاش جمال
بصّح الجمال الداخلي جمال الروح و الأخلاق ثابت لا يتغير أبدا مهما تغير الشكل الخارجي
و نتا هاد المخلوقة ما عندكش معاها أولاد لدا لقيتها أوكازيون شابّة
ارمي عليك و حوّس على ملكة جمال الدوّار هاديك !!
و بما أنّك حديث عهد بالزواج أعتقد ، راك حاس روحك أنّك تسرّعت
لكن ما فهمتش ؟ زوجتك هادي اعطيتها فرصة حتى تتدارك الأمر و تهتم بشكلها ؟
أو أنك خلاص قنّعت روحك أنّها حتى و لو كان دير عملية تجميلية ما راحش يتغير شي !!
و على حساب كلامك تظهر بأنّك متحمّس باش تليكيديها
فقط راك حاب شكون لي يشجعك
و يقولك الشي لي راك دير فيه راه صواب
بصّح زوجتك هادي كيفاش راح تعتبرها ؟ خطأ مطبعي في حيايتك أو واش ؟
و باعتبارك راك تقول بلّي راه عندك الوقت للتصحيح !!!
هي تاني بنادم و تحسّ و ممكن راح تظلّ طول حياتها و هي تدعي عليك
ثم زعما ما تكونش أنت صاحب هذه المشكلة ؟
http://www.djelfa.info/vb/showthread.php?t=2066799
و بما أنك ذكرت من جديد أنّك تخاف من الوقوع في الحرام لهذا تبحث عن الجمال و بصياغة أخرى
يعني ما زلت تلحّ حتى تلقى شكون لي يدعمك و حتى لا يؤنبك ضميرك في حالة اتخاذك للقرار
ممكن نكون غالط و لكن نرجع و نقول بأن زوجتك هذه ستقهرها قهرا
وخصوصا إدا جاء قرارك للزواج من جديد بدون أن تمنحها فرصة وبدون أي سابق إنذار
... / .

[moussabm]

سمحلي نقلك انت انسان سطحي تخمم غير عند رجليك ماتخممش لقدام
تعلم اولا القناعة او مبعد لكل حادث حديث
نتا انسان اصلا لست صالحا للزواج او تحب تزيد تزوج الثانية

[بشـرى]

ربي يكون في عون الزوجة المسكينة ...

[النجمة القطبية]

انت يا اخي مند البداية كنت حاب اللي يشجعك على مخططاتك ويقولك انت مسكين ومظلوم ومن حقك تطلقها او على الاقل تجيب الثانية وتدير فيها مزية ادا بقات معاك بحجة معندهاش اولاد معندك ما تخسر !!!!!!
وكانها كيس بطاطا معجبكش تبدلوا عادي ما تحس ما تتالم ما عندها راي ولا اية قيمة
انت مستغني عنها تماما بدليل قولك في اما الثانية او نطلقها !!!
مفكرتش حتى تعطيها فرصة او تخسر عليها شوية دراهم وتقدر تتحول الى حسناء لان المكياج في وقتنا يعمل العجب ولانك رجل بالاك متعرفش الفرق
ما فكرت انك تجلس معاها جلسة حوار وتصارحها بما تريد وما لا تريد
انت اخترت اسهل الطرق واكاد اجزم ان لديك البديل !!!
ولكن مادا لو وجدت في الثانية عيب ولم تجدها كما تريد هل سترجع مرة اخرى لتطلقها ام تبقى تجرب من زهرة الى زهرة ام انك لم تفكر في هدا الاحتمال على اساس ان الثانية ستكون فاتنة رغم ان فتنة الشكل تزول بعد فترة من الزواج كما هو معلوم ويبقى الحب بين الزوجين والاخلاق والمعاملة
وعند دلك ستعود لنقطة الصفر في اعطلاق العنان لعيناك والمقارنة ووو
عموما انت حر وانت من سيتحمل مسؤوليتك كاملة ولكن لا تطلب منا مساعدتك على الباطل وتشجيعك على طلاق تلك المسكينة
وبالنسبة للجمال نعم هو مهم لكن للمراة والرجل على حد سواء والاهم اسلوب الرجل فالرجل الدكي يحول من المراة العادية الى حسناء بمعاملته واهتمامه وعنايته
اما الرجل الغبي فهو يحول الفاتنة الى شمطاء بشعة من شدة الاهمال والدل اللي يعيشها فيه فاسال نفسك من اي النوعين انت

[سَامِيَة]

السلام عليكم

الجمال مطلوب عند النساء


والرجولة مطلوبة عند الرجال

[محمد جديدي التبسي]

حيروني اللي قالو الجمال مطلوب في الرجل ايضا ومن ينظر للواقع ابشع واحد يتزوج اجمل فتاة المهم يكون جيبو معمر وأحيانا يكون ضعف عمرها
يا أخي صراحة الجمال يبهر الرجل لكنه زائل يعني لو تتزوج فتاة جميلة ثم يحدث لها شيء يحترق وجهها تطلقها من اول يوم انت؟؟؟
انظر لايجابيات زوجتك وغض بصرك وارضى بما كتب الله لك وتأكد أن الظلم ظلمات يوم القيامة .. صحيح من حقك التعدد لكن لايد ان توفر شروطه اولها السكن المستقل والعدل ولا أظنك ستعدل ان تزوجت فتاة ثانية جميلة وأغلب الظن انك ستعض اصابعك ندما فأكثر الجميلات متعجرفات غير مطيعات مغرورات تكرهلك حياتك بعقلها الفارغ وتفكيرها المحدود لا يتعدى اهتمامها ما تجلبه لها من السوق أكل وتحواس ومستحضرات التجميل.

[محمد ايوب طيب]

نعم أنت في مرحلة قوة ؟؟؟
لقد وجدت الحل تتزوج بالتانية وترمي الأولى بهده السهولة يااخي اتقي الله
هل أصبح الزواج مجرد عقد إيجار او بيع.
لنفترض أنك تزوجت التانية فحتما ستطلب أمور أخرى غير الجمال؟ ؟؟؟؟؟؟؟

[sohaibdz]

شكون تقبل بيك و انت متزوج