مادا افعل مع زوجتي

[مشكلتي]

اني عايش مع زوجتي حمد لله ميخصها والو اخلاق رايعة و تحترمتي و تقدرني و ربة بيت جيدة بصح جمالها اقل من متوسط و احيانا ليست جميلة و اصبحت غير مقتنع بها شريتلها مكياح و كلش بصح هي متعرفش دير و غير معتادة و الله حشمت نقلها ديرو مكياج راكي مش جميلة خفت على مشاعرها و ايضا خايف نهار نتفارقو على هدا الامر. واش رايكم

[نور لاتراه]

السلام عليكم
فجاة ودون سابق انذار
اصبحت الزوجة المطيعة ذات الاخلاق الرائعة
بشعة
سبحان الله على الاقل هي بريئة
لم تخدع خلق الله فهكذا كونها
من واجب الزوجة الاهتمام بالمنظر
وما قمتم به رسالة لااعتقد انها لن تفهمها
لكن غاب عنكم شيئ هناك طرف ثالث دخل على الخط
او ظهر بعد زمن من الغياب
امتلك ماتمتلكه هذه الزوجة وتفوق بالمنظر الخارجي
فوقعت النفس في المقارنة
وهذا مااخشاه
وادعو الله ان يجمل زوجتكم في نظركم
فالجمال الخارجي جزء مهم لكنه ليس الاهم
فقد غفل عنكم ان الطرف الثالث لربما كانت لديه مزية اخرى يفتقدها
وربما لا
فحافظوا عليها جيدا وتذكر ان الذي خلقك على هاته الشاكلة بلاحول منك ولاقوة هو نفسه من صور هذه الزوجة
وكم من زوج تكون زوجته في نظره احسن من غيرها بالرغم من ان غيره قد لايرى ذلك
اذن فالمسالة هي اعمق من مجرد مظهر فمع الوقت تعتاد النفس وتبحث عن شيئ جديد
لم تره العين
الا وهو جمال الروح المكنون
ولعل العشرة بينكما تؤلف

[softech]

قصتك يا اخي فيها حلقة مفقودة

ياك نهار رحت خطبتها يخي شفتها و اذا ما عجبتكش كنت في ذيك اللحظة تتوقف

لكن فجأة اصبحت ليست جميلة؟ هناك شيء تغير فيك!

ضع في عقلك انه مهما بلغ جمال من تراها في الشوارع او في العمل فهو محرم عليك

و ان زوجتك هي حلالك تتمتع بها و تؤجر عليها

" قل لا يستوي الخبيث و الطيب ولو أعجبك كثرة الخبيث" صدق الله العظيم.

[kacimo.samy]

حلك سهل

غض بصرك
يا اخي الفاضل
جمال المرأة لا يرى، إنه يكتشف!

كلؤلؤة وجمالها مكنون...

وطول العشرة هو سينسيك في ملامحها

يوجد شخص تزوج امرأة عن طريق أمه
لاتملك من الجمال شئ يسير يشفع لها (حسب راوي اعني هو)
كان لا يطيق نظر اليها واكراما للأمه صبر عنها ولكن
مع الوقت رأى اشياء عجيبة و مع مرور الزمن اصبح يحبها
حتى انه اصبح يدعي الله بأن يتزوج منها مرة ثانية في الجنة

[مراد سابقا10]

انت صراتلك كيما واحد صاحبي

كي نحكي معاه يقولي وجه المراة ماشي كيما اديتها النهار الأول تبدل

ولا يشوف فيها ناقصة بارابور للنساء لي في برا

ولا يخمم يتزوج وحدة ثانية نصحتوا قتلوا لالا متخربش بيتك

هو لقى امراة ثانية ونوى يخطبها

السيد حكموا السكري فجاة قالي بطلت على المراة الثانية ونخلي امراة وحدة برك

علابالوا واش جايوا .

ارضى بما قسم الله لك

ولكن اذا خفت تقع في الحرام عندك الحق في زوجة ثانية

بصح اعرف حاجة مهمة منعرف الثانية هذي لي رايحة تجيبها منعرف واش من فيلم جاي معاها

يعني اذا قررت الزاوج مرة اخرى فتحمل مسؤوليتك كاملة في اي جانب سلبي للزواج الجديد

مادام تقول ان زوجتك ذو اخلاق عالية وين تلقى امراة ذو اخلاق عالية في زمان العهر والرذيلة وزوال الحياء عن النساء

[ام رضوان]

احمد ربي اللي اعطاك زوجة بهذه المواصفات الاخلاقية اللي ذكرتها
الجمال مش هو اللي يجلب السعادة
تخيل كون جات زوجتك فاتنة بجمالها ودينها واخلاقها صفر
واش يكون احساسك
ياولد الناس الرجال الصنادييد راهم يحوسو على المراة الصالحة بشق النفس
في وقتنا هذا بنات الصالحات عادو يتعدو عد
وزيد الكمال لله
تحوس تدي كلش؟
والله وجعني قلبي من مشكلتك
كي جيت تخطب ماشفتش؟
ونقولك اخي حاجة
ان لم تغض بصرك والله وتكون متزوج ببدر البدور غير تشوفها شعشبونة
امالا اتهلى في الدرة تاعك وحافظ عليها وادعي ربي يحفظكم لبعضكم
والعن الشيطاااااان يروووح علييييييك

[الداهية كيداهن]

لو كنت طرحت مشكلتك في القرون الوسطى لقام الجميع بمواساتك، لكن أيعقل أن تقبل الزواج من امرأة في زماننا هذا، ثم فجأة تنفر منها كونها قبيحة المظهر، أكيد لم تخفي الضحية وجهها خلال فترة الخطبة. كفاكم لعبا ببنات الناس، فما لا ترضاه لأختك لا ترضاه لزوجتك.
البعض نصحك بزوجة ثانية، أكيد سوف تنتقي الجميلة، اسأل نفسك كيف يمكنك العدل بين زوجة قبيحة المظهر و أخرى فاتنة؟

إذا طلقت زوجتك تكون قد لطخت سيرتها الذاتية بلقب مطلقة و قضيت على أمل حصولها على رجل "فحل" ، فكما يعلم الجميع مجتمعنا ينفر من المطلقة.

نسيت أن أسألك ماذا عن جمالك أنت؟ تذكر أن فاقد الشيء لا يعطيه.في كل مرة يثبت الرجال أنانيتهم، إلا من رحم ربي.

و الله المستعان.

[mokhtaro]

الجمال أمر نسبي ومؤقت, يعني الفتاة التي تراها جميلة اليوم بعد مدة تراها عادية ثم تصبح غير مقبولة تماما وأحيانا يحدث العكس
الفتاة نفسها لم تتغير لكن نظرتنا وتعريفنا للجمال هو ما يتغير
وهذا التغيير يحدث نتيجة الملل أو المقارنة بفتيات أخريات و لذلك أمرنا بغض البصر
لكن من جهة أخرى من واجب المراة التجمل والتعطر لزوجها وتحصينه من الوقوع في الحرام
أنا أرى أنه لا مشكلة في الطلب منها أن تستعمل الماكياج ولكن بطريقة غير مباشرة
يمكن أن تعطيها كتاب حول ضرورة تجمل المرأة لزوجها
أو تقول مثلا هناك زميلة في العمل كانت تبدو عادية لكن منذ يومين لم أكد أتعرف عليها بسبب الماكياج يعني تثير غيرتها لأنه كما هو معلوم لا يوجد شيء يحرك النساء مثل الغيرة
أو تطلب من أحد أن يخبرها بذلك يعني يحثها على التجمل

لكن أخي اخر شيء تفكر فيه هو الطلاق فالمرأة المتخلقة والمتدينة أصبحت نادرة في أيامنا

[rma]

نهار رحت خطبتها شفتها

[toulay]

السلام عليكم
صحا مين عاد معجبتكش علاش حتى خطبتيها وتزوجتي بيها وحصلتيها معاك كون بلاك هكذا تزوجت برجل خلاف ويظل يشكر فيها ويقول زوجتي رائعة زوجتي ماشاء الله ويحمد ربي سبحانه وتعالى على النعمة
في ميزك هاذي هي الرجولة تجي تحكي على الزوجة تاعك وتقول منيش مقتنع بيها وراهي مشي جميلة عيب عليك وانت زعمة artiste ولا واشنو بلاك انت تاني مشي عاجبها وراها ساكتة مسكينة وصابرة قالت المهم يكون ولد فاميليا واش ندير بالزين
خاف ربي واستر على الزوجة تاعك
متعرفش ديرالماكياج مشكل تعرف دير مشكل
ربي يهدينا ان شاء الله
بالتوفيق

[محمد جديدي التبسي]

لا نعرف ان كنت حديث عهد بالزواج ام متزوج منذ فترة
ارجح انك متزوج منذ فترة يسيرة والا فانك لن تطرح هذا التساؤل
الأهم من الجمال الاصطناعي اخي هو جمال الروحي يعني تجد زوجة تجذبك اليها بكلامها وتفكيرها
أحيانا يحيروني بعض المتزوجين لدي زميل متزوج منذ اكثر من عشر سنوات عندما نمر في الطريق على رجل وزوجته تكون بنيتها ضعيفة او جمالها الظاهر قليل يُظهر حيرته من هذا الرجل كيف اختار هذه الزوجة وكيف يعيش معها يعني الزواج لخصتوه في الجسد؟؟ أليس هناك أمور أخرى أهم ؟؟ الا يبحث الرجل عن زوجه عقلها كبير وواعية وتفكيرها مبهر امرأة ونص تكون قدوة لزوجها وبناتها في اخلاقها وعلمها وطاعتها لربها؟؟ ألا يوجد هذا النوع من النساء؟؟
كبر عقلك اخي وصارح زوجتك المفروض هي اقرب شخص لك يعني تفهمك من النظرة وبما ان اخلاقها عالية فقد ربحت الخير كله.

[غزلانْ]

السلام عليكم


لو لم تكن متزوج لقلنا من حقك لكن و أنت متزوج و زوجتك
ذات خلق وتحترمك و تقدرك و تعيش عيشة حسنة فما تريدك
الجمال مطلوب لكن ليس في حالتك و لو كنت تريدها جميلة
لاشترطت الجمال قبل ارتباطك لا بعد أن تزوجت
غض بصرك و لا تجعل من من يصافنك في مقارنة و زوجتك
ما يجب عليك فعله هو أخذها الى الحلاقة و تحل المشكلة و لكن كل يوم يومياا
حينها ستكهره الجمال و ترضى بها كما هي و ان شاء الله تكون جميل
لتطلب الجمال
بالتوفيق

[ام جبير]

احمد ربي على الخير لي عطاك كاين رجال تزوجو بنساء فاتنات و كرهاتو في حياتو و كان صابر و في الاخير طلقاتو و دير خط تحت هذه الكلمة و دات عليه دراهم باه تعاود حياتها شافت ؤوحها خسارة فيه يا أخي ارضى بلي راضية بيك و العن الشيطان

[زبدة ذايبة]

انت النهار الاول ماشي مقتنع بيها.

وزواجك منها كان تسوية وضعية فقط.

وشرائك لأدوات الزينة لزوجتك هو الطلقة الأخيرة من بندقيتك

حتى تقنع نفسك أنها لاتصلح شكلا للبقاء كزوجة لك.

وفي الأخير جيت تكتب هنا حتى تحاول تزيح

الضبابية وبعض الشكوك المتعلقة برأيك في عدم تقبلك لها.

نهاية زواجك كتبتها في آخر الموضوع .

وانت مايهمكش منها لا أخلاق ولا لأنها سيدة بيت ممتازة.

هذ الأمور بالنسبة ليك ثانوية.

أمام شكلها.

إحتمال أن تطلعاتك إلى النساء الجميلات سبب المشكلة.

انت غير مقتنع بها.

لكن هي لا ذنب لها في ذلك.

انت اللي اخترتها

وارتباطك بها كان من خلال الرؤية الشرعية.

وبعد ما درتلها الشيعة تاع الزواج.

راك تخطط للطلاق.

فكر في العاقبة تاعك.

ولا تستبدل الخبيث بالطيب.

وتبدل راحتك بالشقاء.

وعسى أن تكرهوا شيئا وهو خير لكم

[ing.Youcef]

وهل الزواج مبني على جمال الوجه وهل الحياة قائمة على ذلك

ثم ما هو الجمال؟ وما هي حدوده؟

إتق الله وكن رجلا

[ايمان4]

راك تقول فحلة احمد ربي الناس راها تدعي ربي تطيح ف وحدة بنت فاميلية ....

[جالب الخيرات]

من تزوجامراة لجمالها...............................زاده الله قبحا.......................... أظفر بذات الدين تربت يداك.................................اسمعني مليح و ديرها علاقة في وذنك.............................................. ......................ان شاء الله تطلقها و تولي تكسر في اصباعك .....................................ماشي تعض في اصباعك........................................الزي ن ما بنى ديار.............................................. .ما يعجبك زين الطفلة حتى تشوف الخصايل....................و لا يعجبك نوار الدفلة...................... ....................................و الله قاضتني الطفلة.......................... حتى و ما نعرفهاش...........................بصح على حساب ما راك تقول الطفلة متربية و بنت فاميليا و علاه تظلمها...............................عاجبك المنيكور و البريكور و الديكور و ...........الطفلة تخاف ربي و تعرف ربي و انت حابها دير هدى بنتورة على وجها بالكوتو ما تتنحش (حاشى بعض الفحلات اللاتي تتزين لأزواجهن و في ديارهن) ..................الله يهديك و يهدي من خلق..............................

[ام احمد اياد]

الجمال جمال الاخلاق حاول يااخي انك تلمح لها ولك دون ان تجرح مشاعرها

[مصطفى_س]

السلام عليكم

أنت من ذهب لخطبتها
أنت من اختارها من بين كل النساء
هي أيضا اختارتك من بين كل الرجال فما ذنبها ؟

هي لا تعرف وضع الزينة أين المشكل ؟ الحمد لله صالونات التجميل كثيرة خذها لاحدى الصالات و قل لها أنت جميلة الروح أنت زوجتي الحنونة.. تزيني لي أريدك أجمل ..ليس عيبا إطلاقا بل العيب و هو النظر الى النساء في الخراج و مقارنة الزوجة بباقي البنات
انظر لما عندك تسعد، لا تنظر لما عند الغير فتشقى و لو بقيت تنظر الى النساء هكذا فلن تعجبك امراة

أصلح الله حالك و حالنا