بوضة المانجا ........ من وصفات زُخْرُفَةٌ

[zokhrofa]

السلام عليكم

هذه الوصفة مهدات الى كل النساء لي عندهم المانجا متوفرة و راهم علابالهم شكون هوما ههههه

بوضة المانجا


الطريقة :


http://www.up.djelfa.info/uploads/149502992718851.jpg

قطعي المانجا مربعات صغيرة حتى تتحصلي على 4 أكواب من المانجا المقطعة

http://www.up.djelfa.info/uploads/149502992721142.jpg

من بعد حطي كل كوب في كيس خاص بالتجميد و حطيها في المجمّد حتى تجمدا كااااااااامل و مليح

http://www.up.djelfa.info/uploads/149502992722613.jpg


ضرك روحي جيبي كسرونة

حطي فيها 1 كوب من السكر + 2 كوب ماء + 1 ملعقة شاي عصير الليمون

http://www.up.djelfa.info/uploads/149503025238151.jpg


حطي الكسرونة فوق النار و حركي بملعقة لي ناكلو بيها ماشي الحطب خاطش تاع الحطب هي لي مرات تسبب تسكار العسيلة

و ابقاي تحركي حتى تغلي الشربات

بعد ما يغلي عاودي نقسي كااااااامل للنار و خليها تغلي 7 دقائق من بعد طفي النار


كي تجمد المانجا خرجيها و خليها تقعد في حرارة المطبخ حتى تقدري تفكيها على بعضاها

http://www.up.djelfa.info/uploads/149503025239442.jpg

حطي نصف الكمية في الخلاط

ملاحظة : ردو بالكم يتكسر الخلاط و تحصلو فيا ههههه لازم يكون عندك خلاط صحيح ماشي تاع الطايوان

الان احكمي نصف كمية العسيلة لي طيبتيها و خليتيها تبرد خارج الثلاجة من بعد دخلتيها تبرد في الثلاجة باش تستعمليها

http://www.up.djelfa.info/uploads/149503025240263.jpg

حطي نصف الكمية على المانجا المربعات لي راهي داخل الخلاط و اشعلي الخلاط

و ابقاي طفي و تشعلي حتى تترحى كامل كمية المانجا لي استعملتيها

http://www.up.djelfa.info/uploads/149503032511321.jpg

الان جيبي حاجة و حطي فيها المانجا المرحية

http://www.up.djelfa.info/uploads/14950303251212.jpg

بعد ما ترحي الدفعة الثانية خلطي ملييييييييييييح مليح الدفعتين بالخلاط اليدوي حتا يتجانسو مليح

http://www.up.djelfa.info/uploads/149503032513253.jpg

غلفي الوعاء بغشاء النايلون و حطيه في المجمد ليلة كااااااااملة

http://www.up.djelfa.info/uploads/149503038177141.jpg

بعدها يولي جاهز للاستعمال

http://www.up.djelfa.info/uploads/149503038178922.jpg

و هذا شكلها الأخير

http://www.up.djelfa.info/uploads/14950303818013.jpg



ملاحظة : هذه الوصفة تصلح ايضا على الفراولة

تطبيق عزيزتي ام سدرة


السلام عليكم ورحمة الله وبركاته
هدا تطبيقي لبوضة المانجا لزخرفة جزاها الله خيرا وهذه الصور بالترتيب

http://www.up.djelfa.info/uploads/149757578874221.jpg

تطبيق اختي الغالية انا هي رزيقة

فراشتنا زخرفة وين راكي ارواحي تشوفي تطبيقي لبوضة المانغا تاعك.... جاتني تحفة و كيما يحب خاطري انتعاش ما بعده انتعاشششششش شوفي حنونة http://www2.0zz0.com/2017/06/14/18/315053584.jpghttp://www2.0zz0.com/2017/06/14/18/494520818.jpghttp://www2.0zz0.com/2017/06/14/18/755840206.jpg

[أم سدرة]

يعطيك الصحة زخرفة نجربها ان شاء الله

[zokhrofa]

ياريت كل خطوة تصوريها باش نحط صور ديالك اذا حبيتي طبعا راح يكونو بتوقيعك

[oumelabedmh]

امم تشهي بصح مش متوفرة المانجا بصح ان شاءالله نجربها في الفراولة

[RIMA.87]

السلام عليكم ،
بارك الله فيك ،
ما شاء الله تبان منعشة

[zokhrofa]

لا كاين المانجا اختي لكن ماشي في كل مكان تتباع في الاسواق الكبرى

[حياة نور الدين]

بارك الله فيبك زخرفة اختي

[zokhrofa]

الله يبارك في أيامك حياة

[ام هدول]

يعطيك الصحة زخرفة ..اكيد نجربها وخاصة بناتي راييحين يستمتعو بيها ...شكرا الف شكر

[zokhrofa]

اهلا اهلا راح يكون شرف لي و مااااااااا تنسايش الصور

[انا هي رزيقة]

امممم فعلا جميلة اختي زخرفة و الله مغرية يعطيك الصحة... تستحق التجريب .... فقط سؤال فضولي هل الصور ليك اختي لانو في هذه الحالة من الضروري تحطي توقيعك عليهم لانها فعلا جميلة

[zokhrofa]

يعطيك الصحة على مرورك رزيقة توحشناااااااااااااااااااك لا اختي

[conductrice]

يعطيكـ الصحة

[zokhrofa]

الله يسلمك اختي اهلا بيك

[نور الصباح]

شكرا على الوصفة نقدر نديرها بفواكه اخرى ام لا الفرولة مانحبهاش

[nihal159]

يعطيك الصحة فعلا تبان منعشة

[zokhrofa]

اهلا صباح تحبي البنان ؟ باش نوريلك وصفة اخرى

اهلا نهال ان شاء الله تجربيها

[سحابة باردة]

شابة ومنعشة كي نشري المانجا أن شالله نجربها

[zokhrofa]

و بعثيلي سحابة حقي ههههه

[أم رقية نسرين]

رووعة و منعشة تهبببل يعطيك الصحة
وجربتيها بالفراولة ؟

[zokhrofa]

لا اختي مزال ما جربتهاش

[mosta*limoges]

أممممممم يا زخرفة يعطيك الصحة شكرا جزيلا على البوضة و صحا رمضانك

[zokhrofa]

اهلين اختي العزيزة رمضان كريم

تصومي بالصحة و العافية يا رب

[zokhrofa]

ان شاء الله تكونو جربتوه و دعيتولي بالخير

[ام سراج وملاك]

يعطيك الصحة اختي زخرفة ان شاء الله نجربها

[zokhrofa]

اهلا اختي ام سراج اذا ما عندكش مانجا جربيها بالفراولة

[هاجر 76]

راهي تشهي الله يبارك ونظن الوصفة تنفع مع سكريطو، إن شاء الله نجربها
شكراااا حبيبتي 😍

[zokhrofa]

اهلا اختي هاجر واش هو سكريطو ؟ ههههه اعذريني ما فهمتش

[هاجر 76]

اهلا اختي هاجر واش هو سكريطو ؟ ههههه اعذريني ما فهمتش
صباح الخير سكريطو هو الشمام هكذا نسميه هههه:d

[zokhrofa]

ههههههههههههههههههه الكانطالو

فكرة شابة و الله راه عندي هيا شكون تجربها الاولى هههههه انا ولا انتي

[اسمهان79]

امممممم بصحتكم لحبيبة انا من عشاق المانجا
احلى تقييم

[أم حمزة السلفية]

يعطيك الصحة أختي زخرفة تبان هايلة ربي يخليك لينا

[zokhrofa]

امممممم بصحتكم لحبيبة انا من عشاق المانجا
احلى تقييم

اهلا اهلا سمحولي شهيتكم هههههههه في رمضان

[zokhrofa]

يعطيك الصحة أختي زخرفة تبان هايلة ربي يخليك لينا


امين اختي ام حمزة و يخليكم ليا يا رب

[هاجر 76]

ههههههههههههههههههه الكانطالو

فكرة شابة و الله راه عندي هيا شكون تجربها الاولى هههههه انا ولا انتي
هههههه صحة فطورك :mh31::mh31::mh31:
اصبري نشريه ونجربه ولكان عندك ديريه و قوليلي كي خرجلك انا اليوم درت تارتولات فواكه :19:
وقلب اللوز :19:

[zokhrofa]

صح فطورك

قوليلي كيفاش خرجلك قلب اللوز و واش من وصفة درتي ؟

[هاجر 76]

صح فطورك

قوليلي كيفاش خرجلك قلب اللوز و واش من وصفة درتي ؟
صباح الخير والبركة 🌷 خرجلي كي نتاع برى دوق وشكل الله يبارك سرها في العجن إن شاء الله نعاودها نحطلكم الصور :mh31::mh31:
مع هدي الوصفة بطلت نشري من برى :19:
ولي تحب نمدلها الوصفة

[zokhrofa]

اهلين
واش راكي ؟

هاتي الوصفة ارجوووووووووووك

[هاجر 76]

اهلين
واش راكي ؟

هاتي الوصفة ارجوووووووووووك

شوفي نعطيك الوصفة مع الشرح بصح لازم تتبعي الخطوات جيدا وإن شاء نزيد نحطلكم الموضوع
500 غ سكر حرش، لازم يكون حرش ،200 غ سكر عادي والي تحبها حلوة بزاف تزيد 50غ، مغرف أكل ماء الزهر رشة ملح القليل من الفانيليا ،،100 غ زبدة دائبة
تخلطي بالملعقة وتتركيها 12 سا ،درتها في الليل والغد طيبتها
ضيفي 80 سلل ماء الزهر فقط وحطيها في البيتران تتعجن حتى تطلق مليح لازم يبيض اللون وترجع معجنة مليح هذا هو سر نجاحها :19:
حطيها في مول مدهون غير شوية وديري خطوط ودخليها تطيب حتى تحمر
سيرو ديري 500 سكر مع لتر وشوية ليمون وغير يبدى يغلي احسبي ربع ساعة وطفي
لازم سيرو يكون ساخن مين تخرجيها من الفرن ترميها
صاحبة الوصفة جزائرية مقيمة في كندا ،شهيوات فاطمة delice Fati ben Fatima
للأمانة لازمني ندكر إسمها
وللحشو 3 كأس صغير مكسرات 3/4 سكر 2 ملاعق ماء الزهر رشة قرفة وخلطي إما تخلطيهم مع العجينة ولا بين العجينة
جربتها وردلي الخبر ،انا رايحة نعاودها

[zokhrofa]

قصدك سميد حرش لالا ؟ ولا سكر حرش

[zokhrofa]

ضيفي 80 سلل ماء الزهر فقط وحطيها في البيتران تتعجن حتى تطلق مليح لازم يبيض اللون وترجع معجنة مليح هذا هو سر نجاحها

شكون هاذي لي نحطها تتعجن في العجانة ؟

قصدك العجينة بعد ما تبات نحطها في العجانة ؟

و اذا ما عنديش عجانة واش ندير ؟

[هاجر 76]

ضيفي 80 سلل ماء الزهر فقط وحطيها في البيتران تتعجن حتى تطلق مليح لازم يبيض اللون وترجع معجنة مليح هذا هو سر نجاحها

شكون هاذي لي نحطها تتعجن في العجانة ؟

قصدك العجينة بعد ما تبات نحطها في العجانة ؟

و اذا ما عنديش عجانة واش ندير ؟

الخليط نتاع السميد والمكونات الي تبيتيهم ،للغد حطيهم في العجانة مع 80 سلل فقط ماء الزهر ،واذا معندكش عجانة معليش غير بيديك المهم بنفس طريقة العجانة ،انا استعملت يديا ،
والسميد حرش يعني نوعية الغليظة :19:
نسيت نقولك غير تشرببها سيرو راح يبقالك قد كأس منه
وخليها شعال من ساعة باش تقدميها :19:
صحة فطوركم ��

[zokhrofa]

و الكاس لي يبقى واش ندير بيه تاع الشربات ؟

صح فطورك

[هاجر 76]

و الكاس لي يبقى واش ندير بيه تاع الشربات ؟

صح فطورك

الله يسلمك وصحة فطوركم 🌹
الكأس الي بقالي دسيته و كي طيبت بسبوسة تركية للأخت أم أماني شربتها فيها :19:

[zokhrofa]

ممممم حسنا فهمت

بارك الله فيك هاجر اختي ان شاء الله نجربها حطيلنا الصورة ربي يسترك

[هاجر 76]

ممممم حسنا فهمت

بارك الله فيك هاجر اختي ان شاء الله نجربها حطيلنا الصورة ربي يسترك

نهارك مبروك :mh31:
وربي يبارك فيك، إن شاء نعاودها ونحطلكم الصورة :19:
صحة فطورك :mh31::mh31:

[جنة الفردوسْ]

مممم باينة تشهي ..... يعطيك الف عافية

[zokhrofa]

ان شاء الله اختي هاجر

شكرا جنة اهلا بيك اختي

[zokhrofa]

تم وضع تطبيقات ام سدرة و انا هي رزيقة للبوضة

[Mouna Amrani]

44444444444

[Mouna Amrani]

ya3tik 1000....sa7aaaa

[zokhrofa]

عفواااااا اهلا اختي

[Rozitta]

شكرا جدااا

[zokhrofa]

شكرا اختي لمرورك

[ام براء عبيدة]

باينه بنينه ومنعشه بارك الله فيك على الوصفة

[zokhrofa]

شكرا على مرورك ان شاء الله تجربيها

[ليمونة مجنونة]

مشكورة اختي وكيما العادة مبدعة زخرفة الله يجزيك خير

[zokhrofa]

شكرا اختي اهلا