ط²ظˆط¬طھظٹ ط؛ظٹظˆط±ط© ط¬ط¯ط§ ط¬ط¯ط§ ط¬ط¯ط§ ظ„ط¯ط±ط¬ط© ظ„ط§ طھط·ط§ظ‚

[تجاعيد الزمن]

السلام عليكم
كنت في مرحلة خطوبة لمدة عام ونصف
ثم عقدت (عقد مدني + شرعي )
والعرس بقي له 5 أشهر
لاحظت أن زوجتي في المدة الأخيرة تغار غيرة مفرطة
أنا عندي محل مواد التجميل ، أصبحت كل دقيقة تطلبني في الهاتف وتريد أن أترك الهاتف مفتوح كي تسمع كل كلمة اقولها
وعندي زبائن المحل كلهن نساء واي فتاة تقول لي مثلا " واشراك " والا " صحيت فلان "
تصرخ باعلى صوتها وتقلي انت منين تعرفها واعلاه راهي تقلك هاك وانت لي تداخص فيهم اعليك انت زير نساء
اذا ماهزيتش اعليها البورطابل تنوض تبكي وتقلي وين كنت واحلفلي بلي كنت في البلاصة لي قتلي اعليها
ومرة عرضتني على لغدا في دارهم وكان مقابلني التلفاز ،قاعد نتفرج عادي ، وكانت مرا تغني " قالتلي عجباتك راك لاصق عينيك فيها " وضربت ساعة كاملة وهي تزن عليا ، انت نتاع نسا ، وانا مامليتلكش عينك
أقسم بالله غير تعبت ، ولي حكيتهولكم هو جزء يسير
خفت نقلها نديك لطبيبة نفسانية تقلب عليا الدنيا
أنا نحبها ، وتزوجت بيها ، لأني اول مرة نقابلها قلتلها نوعدك نتزوج بك ، ووفيت بوعدي
مي تعبت ، تعبت ، في البدية ماكنتش تغيير بزاف
مي الـ 3 شهر الاخيرة تبدلت طووول

[تجاعيد الزمن]

ارجو من الادارة تصحيح العنوان
" زوجتي غيورة جدا جدا جدا وأرهقتني "

[yako02]

حاول تهدر معاها و قلها انك اخترتها من بين كل هذو لبنات لي يجو عندي للحانوت انتي اخترت تكوني شريكة حياتي و ام لاولادي و الزوجة الصالحة التي تمنيتها اكثر عليها من هذا الكلام و حاول تقنعها اذو غيرتها لا معنى لها الغيرة مليحة و لكن في حدود مشي حتو توصل للاختناق من الشريك و نقلك حاجة حاول انت تغير عليها و تعامل معاها كيما هي ديرلك كي تغير عليك و شوف ردة فعلها لما انت تزعف و تغير مع الوقت رايحة تنقص غير كي راكم جدد اظن
ربي يسهل اخي و اصبر عليها متقلقش منها

[ام جبير]

حط النقاط على الحروف و إلا راح تتعب معاها

[ايمان4]

كاين احتمالين :

الاحتمال 1 : بينت عليك خيانة و مقاتلكش لكن وصلها الخبر و شدت الصحيح و من شدة حبها ليك مبفاتش تصارحك بيها لكن تغيريت لانك خنت الثقة في هذه الحالة راجع نفسك و اعترف لها و اوعدها و كونك صريح مع روحك انك ما تكررهاش

الاحتمال 2: عندها غيرة مرضية و معندهاش ثقة فيك و ممكن عندها حب التملك و في هاته الحالة رايح تتعب معاها اذا وضحتلهاش من الاول ووضعت حد لهاته التي اسميها انا مهزلة شيء عادي تقلك صحيت قلها تشري عليا و تسكت ؟؟ ما تبقاش تساعف و قلها هادي هي خدمتي اقلتي اقبلتي ما تقبليش كاينين الرجال و كاينين النسا و الله يسهل بلاك تراجع تصرفاتها الصبيانية

[تجاعيد الزمن]

كاين احتمالين :

الاحتمال 1 : بينت عليك خيانة و مقاتلكش لكن وصلها الخبر و شدت الصحيح و من شدة حبها ليك مبفاتش تصارحك بيها لكن تغيريت لانك خنت الثقة في هذه الحالة راجع نفسك و اعترف لها و اوعدها و كونك صريح مع روحك انك ما تكررهاش

الاحتمال 2: عندها غيرة مرضية و معندهاش ثقة فيك و ممكن عندها حب التملك و في هاته الحالة رايح تتعب معاها اذا وضحتلهاش من الاول ووضعت حد لهاته التي اسميها انا مهزلة شيء عادي تقلك صحيت قلها تشري عليا و تسكت ؟؟ ما تبقاش تساعف و قلها هادي هي خدمتي اقلتي اقبلتي ما تقبليش كاينين الرجال و كاينين النسا و الله يسهل بلاك تراجع تصرفاتها الصبيانية

شكرا أختي
من نهار عرفتها ما عرفتش غيرها
عندي ماضي للأسف (غير مشرف ) وكاين بنات يحبو يفسدو العلاقة
مي هذاك ماض وانتهى الى غير رجعة باذن الله ، وماعنديش كيفاش ندير
هي ديما يعمرو فيها يقلولها راهو كان وكان مي الحمد لله تبت الى توبة نصوح
أنا حاس انها عندها غيرة مفرطة تقريبا مرضية ، وتعبت معاها لدرجة انها قالتلي حبس الخدمة ودير بروجي آخر
انا مش حاب نفرط فيها لأنها الآن زوجتي على سنة الله ورسوله ، لكني أريد ايجاد حل لغيرتها (الوساوس )

[محمد جديدي التبسي]

الأفضل تغير عملك اخي غير لائق هذا العمل خاصة ان اغلب مستعملي سلعتك يفتنون بها الرجال في الشارع
صحيح هو مشروع مربح لكن الأفضل لك تغييره لأنك معرض للفتنة يوميا وهذا أمر صعب جدا
او على الاقل ضع فتاة متخلقة ومحتاجة للعمل تبيع في المحل وانت شوف حاجة اخرى
ربي يفتح عليك