شافني غير انا كي جيت نبيع الحلوة في العيد

[كمال الاسلام]

السلام عليكم



كلمة غير مفهومة مستعد لشرحها لانها بالغة العامية


بسم الله

الموضوع يدور على بلادي

لطبعا نحبها كما تحبوها


بصح ان منيش ظامن راح نبقى نحبها

لان خبثهم عظيم و يخلوك تكره حتى بلادك بل حتى نفسك



الحكاية بدات

كنت مع وليد عمتى كانت عندنا سيارة قديمة

المهم كان ذلك اليوم يوم عيد

وكان عندي شوية دراهم مخبين حولي مليون سنتيم

بعد ان تعبت من البحث عن عمل كرهت و مليت

وبانتلي فكرة نبيع الحلويات في العيد

شريت قيص الدراهم لعندي حطينا ها في السيارة ووقفنا السيارة انا ووليد عمتي دائما في احد الطرق وبدينا نبيعو


و بعد فترة قصيرة و قبل ان ابيع اي قطعة
جاءت فرقة من الدرك الوطني

ظننت ان الامر عادى
حتى هم اوح ان الامر عادى

الا ان نظر احد جنودهم الى ترقيم السيارة فرأها ان ترميزيها 1 وليس 3

اي ان السيارة سياحية وغير نفعية

بدأ يسأل عن سبب قيامي بهذا العمل
فأجبته بما تعلمون

فبدأ برمي السلع على الارض و يعفس فوقها

كرهتو وكرهت لعينو وكرهت عليمن راه يدافع

فبدأت بالحديث مع نفسي
الم يرى هذا الجندي انه هناك امور اعظم عليه ان يهتم بها

و مشافش الشباب يبعوا الخمر ويشربوها في الطرقات

ومعلبالوش بأن المخدرات تباع وتستهلك في مراحيض -جل الله قدركم- الثانويات والمتوسطات / دون الحديث على ما يجري في الجامعات ومراكز التكوين /

وما شافش أولاك المشرادين في الطرقات وخاصة الفتايات في ربيع العمر مرميات في الشارع


و ما شافش وما شافش وماشافش ...........


شافني غير انا كي جيت نبيع الحلوة في العيد





الحمد لله انه كان مجرد حلما وانا لم املك سيارة لا قديمة ولا جديدة
ولم ابع الحلويات يوما


احبك وطني لكن لست اظمن ان كنت سأبقى كذلك لان خبثهم عظيم




يتبع بالنتيجة المستخلصة
ان شاء الله

[•~ندية الجوري~•]

قريب بكيتني عليك و على الشباب اللي كيفك

ما صابو حتى واحد يوقف في جنبهم من بعد تقول حلم .........

حلمكـ هذا ياأخي واقع يعيشه الكثيرين
على العموم بارك الله فيك
و الموضوع كبييييييير و خطييييييييييير

لأن الضياع في زماننا ينتشر كإنتشار النار في الهشيم
كان الله في عون الجميييييييييع

[التواقة للجنة]

السلام عليكم
صار هذا حلم :):)
يا اخي انا صدقت الامر...
لكن الاحلام في غالب الاحيان حقيقة...ربي يوفقك ان شاء الله و تلقى عمل...و ماتعاودهاش امنتك:1::1::1:
بارك الله فيك

.

[redhasp]

السلام عليكم



كلمة غير مفهومة مستعد لشرحها لانها بالغة العامية


بسم الله

الموضوع يدور على بلادي

لطبعا نحبها كما تحبوها


بصح ان منيش ظامن راح نبقى نحبها

لان خبثهم عظيم و يخلوك تكره حتى بلادك بل حتى نفسك



الحكاية بدات

كنت مع وليد عمتى كانت عندنا سيارة قديمة

المهم كان ذلك اليوم يوم عيد

وكان عندي شوية دراهم مخبين حولي مليون سنتيم

بعد ان تعبت من البحث عن عمل كرهت و مليت

وبانتلي فكرة نبيع الحلويات في العيد

شريت قيص الدراهم لعندي حطينا ها في السيارة ووقفنا السيارة انا ووليد عمتي دائما في احد الطرق وبدينا نبيعو


و بعد فترة قصيرة و قبل ان ابيع اي قطعة
جاءت فرقة من الدرك الوطني

ظننت ان الامر عادى
حتى هم اوح ان الامر عادى

الا ان نظر احد جنودهم الى ترقيم السيارة فرأها ان ترميزيها 1 وليس 3

اي ان السيارة سياحية وغير نفعية

بدأ يسأل عن سبب قيامي بهذا العمل
فأجبته بما تعلمون

فبدأ برمي السلع على الارض و يعفس فوقها

كرهتو وكرهت لعينو وكرهت عليمن راه يدافع

فبدأت بالحديث مع نفسي
الم يرى هذا الجندي انه هناك امور اعظم عليه ان يهتم بها

و مشافش الشباب يبعوا الخمر ويشربوها في الطرقات

ومعلبالوش بأن المخدرات تباع وتستهلك في مراحيض -جل الله قدركم- الثانويات والمتوسطات / دون الحديث على ما يجري في الجامعات ومراكز التكوين /

وما شافش أولاك المشرادين في الطرقات وخاصة الفتايات في ربيع العمر مرميات في الشارع


و ما شافش وما شافش وماشافش ...........


شافني غير انا كي جيت نبيع الحلوة في العيد





الحمد لله انه كان مجرد حلما وانا لم املك سيارة لا قديمة ولا جديدة
ولم ابع الحلويات يوما


احبك وطني لكن لست اظمن ان كنت سأبقى كذلك لان خبثهم عظيم




يتبع بالنتيجة المستخلصة
ان شاء الله





راهي خادمتلك فقط عندك هموم
ها>ي صرات وصرات اكثر كاين واحد فاميلتي ريبولو فيلا 20 سنة وهو يبني فيها
ربي يفتح علينا يا اخي الكريم

[كمال الاسلام]

قريب بكيتني عليك و على الشباب اللي كيفك

ما صابو حتى واحد يوقف في جنبهم من بعد تقول حلم .........

حلمكـ هذا ياأخي واقع يعيشه الكثيرين
على العموم بارك الله فيك
و الموضوع كبييييييير و خطييييييييييير

لأن الضياع في زماننا ينتشر كإنتشار النار في الهشيم
كان الله في عون الجميييييييييع

امــــــــــــــــين يارب

بارك الله فيك اختي وفاء



اخبرك اني

انا بكيت صح اختي وفاء

[كمال الاسلام]

السلام عليكم
صار هذا حلم :):)
يا اخي انا صدقت الامر...
لكن الاحلام في غالب الاحيان حقيقة...ربي يوفقك ان شاء الله و تلقى عمل...و ماتعاودهاش امنتك:1::1::1:
بارك الله فيك

.




وعليكم السلام


ان شاء الله اختي فاطمة الى حلم اخر:1:



جزاك الله خيرا اختي فاطمة

[عابر . سبيل]

لنقل لنا رب اسمه الكريم ...

[أنين الفجر]

احمد ربي خويا لعزيز

انت شفت الشي هذا فالحلم

مي كاين اللي صراتلو صاح

ربي يرحمنا و يهدينا





سلامي لك.......

[بنت الحجاج]

و انا الي كنت الخمم في رد نصبرك شوية وراح نحكيلك على الماساة التاعي باش غير نصبرك وراحا نحكيلك على لا جون تاوعنا الي راهوم يسوفريو وراحا...........و راحا..........الخ
خويا ربي يهديك على هذا المقلب الي حطيتني فيه
نقلبوهالك انشاء الله عن قريب

[طيبة القلب]

السلام عليكم
اخي كمال في كثير من الشباب يعانون من نفس المشكل لي هو البطالة ولات الخدمة قليلة بزاف حتى عادوا يتخرجوا من الجامعات حاملين الشهدات مي ميلقاوش خدمة واش تحب الدير الخدمة ولات قليلة بزاف ولا كلش بالمعرفة
المهم ربي يهون عليك خويا كمال انت وكامل الشباب لي كيفك
سلام الله عليكم

[كمال الاسلام]

راهي خادمتلك فقط عندك هموم
ها>ي صرات وصرات اكثر كاين واحد فاميلتي ريبولو فيلا 20 سنة وهو يبني فيها
ربي يفتح علينا يا اخي الكريم



عارف بلي صرات وتصراى يوميا

وهي من واقيعنا اخي الكريم

ربي يخليك اخي


وربي يعوض ذلك الشخص

[كمال الاسلام]

لنقل لنا رب اسمه الكريم ...


الحمد لله انا ربي هو ربي وهو الكريم

شكرا اخي الكريم

[الـ^ـسَّــآآحِـ^ــرْ ،]

بالتوفيق في حياتك كمال أيها المتشائم . هههههههه

[كمال الاسلام]

احمد ربي خويا لعزيز

انت شفت الشي هذا فالحلم

مي كاين اللي صراتلو صاح

ربي يرحمنا و يهدينا





سلامي لك.......

اووووووووووووووووووووووو


انين الفجر هنا

هذا حلم ثاني او ماذا :confused:


اهلا اخي محمد واش من هذه الغيبة اخي العزيز

[melissa73]

ههههه والله تخلعت

[كمال الاسلام]

و انا الي كنت الخمم في رد نصبرك شوية وراح نحكيلك على الماساة التاعي باش غير نصبرك وراحا نحكيلك على لا جون تاوعنا الي راهوم يسوفريو وراحا...........و راحا..........الخ
خويا ربي يهديك على هذا المقلب الي حطيتني فيه
نقلبوهالك ان شاء الله عن قريب

مهوش مقلب اختي مريم


هو حقيقة تجسدت في حلم تلك هي حياتي الحقيقة لا عمل لا شغل لا منصب

يوم يشبه الخوه


بارك الله فيك

[كمال الاسلام]

السلام عليكم
اخي كمال في كثير من الشباب يعانون من نفس المشكل لي هو البطالة ولات الخدمة قليلة بزاف حتى عادوا يتخرجوا من الجامعات حاملين الشهدات مي ميلقاوش خدمة واش تحب الدير الخدمة ولات قليلة بزاف ولا كلش بالمعرفة
المهم ربي يهون عليك خويا كمال انت وكامل الشباب لي كيفك
سلام الله عليكم

وعليكم السلام


ربي يحفظك اختي طيبة القلب

ويستجيب لدعائك


بارك الله فيك

[كمال الاسلام]

بالتوفيق في حياتك كمال أيها المتشائم . هههههههه


ربي يخليك يا متفائل :19:

[بنت الحجاج]

واش نقولك خويا كمال هذي حال الشعب كامل باستثناء (راك تعرف واش نقصد)
ويقولك المثل المصيبة اذا عمت خفت ...........
علابالي راح تقولي وين خفت
وانا نقول عندك الحق هذا كلام نظري برك
بصح دير في بال انو الارزاق بيد الله والناس اكل يسوفريو في البداية
برك شوف في الي راهم اسوا منك
اه نسيت حاجة ..
انت مالزمش تكره البلاد لانو لبلاد ما تتجسدش في هذو السراقين والظالمين
اللبلاد هي حنا.. ولاد الشعب ..وولادها و واش نخدموا فيها
المهم ربي يوفقك ويسرك باش تدير واش تحوس ويوفق جميع الشباب

[كمال الاسلام]

ههههه والله تخلعت

ههههههههههه

علاش اختي فاتن حسبتي راح يوني للحبس

[melissa73]

منحبش عليك خويا

[كمال الاسلام]

واش نقولك خويا كمال هذي حال الشعب كامل باستثناء (راك تعرف واش نقصد)
ويقولك المثل المصيبة اذا عمت خفت ...........
علابالي راح تقولي وين خفت
وانا نقول عندك الحق هذا كلام نظري برك
بصح دير في بال انو الارزاق بيد الله والناس اكل يسوفريو في البداية
برك شوف في الي راهم اسوا منك
اه نسيت حاجة ..
انت مالزمش تكره البلاد لانو لبلاد ما تتجسدش في هذو السراقين والظالمين
اللبلاد هي حنا.. ولاد الشعب ..وولادها و واش نخدموا فيها
المهم ربي يوفقك ويسرك باش تدير واش تحوس ويوفق جميع الشباب

بارك الله فيك اختي مريم

متخميش مراحش نكره الشعب لاني واحد منهم وانتم منهم

بصح كرهتهم هوما برك


والحمد لله على نعمه التي لا تعد ولا تحصى

اللهم كتبنا مع الصابرين



جزاك الله خيرا اختى على مدخلتك القيمة

[بنت الحجاج]

خويا كمال الرد التاعد للاخت مليسا بخصوص الصورة راه اعجبني وحسيتك كاخ راه ينصح في اختو
ربي يبارك فيك وتقبلني كاخت تنتظر النصائح من اخيها
ربي يكثر من امثالك في المنتدى وفي الدنيا
اسمحلي ماهيش بلاصتها
بصح كون ما قلتهاش كون ترتقت
بالتوفيق

[كمال الاسلام]

منحبش عليك خويا


عارف اختي فاتن

نضحك برك

[سلاف26]

هذا كابوس و للأسف الكثيرون ممن عايشوه في الحقيقة يا أخي الظلم و الحقرة كثرت و ربي يسترنا و يبعد علينا ولاد الحرام
مشكور أخي كمال على الموضوع و ربي يفرج على الجميع
ما عندنا غير ربي لي نشدو فيه

[كمال الاسلام]

هذا كابوس و للأسف الكثيرون ممن عايشوه في الحقيقة يا أخي الظلم و الحقرة كثرت و ربي يسترنا و يبعد علينا ولاد الحرام

مشكور أخي كمال على الموضوع و ربي يفرج على الجميع

ما عندنا غير ربي لي نشدو فيه



للاسف


لكن الحمد لله
الله موجود ويرى



بارك الله فيك اختي سلاف

[كمال الاسلام]

خويا كمال الرد التاعد للاخت مليسا بخصوص الصورة راه اعجبني وحسيتك كاخ راه ينصح في اختو
ربي يبارك فيك وتقبلني كاخت تنتظر النصائح من اخيها
ربي يكثر من امثالك في المنتدى وفي الدنيا
اسمحلي ماهيش بلاصتها
بصح كون ما قلتهاش كون ترتقت
بالتوفيق


هي اخت اختي مريم


وهذا شعوري تجاه جميع العضوات


وهذا واجبي

اهلا وسلا بك اختي مريم

بارك الله فيك

[نسيم الجبل]

السلام عليكم

مالا حلم :confused: وانا حنبكي عليك بعد , وانا نقرا في الموضوع تفكرت موقف صرا قدامي ان واحد الشيخ يبيع السمك وكنت كل صباح نشوفوا كي نعود رايحا نقرا واحد النهار عدات الشرطة وشافتوا جاو وقلبولوا الطابلا تاعوا واحد ماقدر يهدر والشيخ مسكين ولا يلم فالسمك وفرات واحد الشرطي جاني شغل غاضو الشيخ ولا يحكي معاه بشوي
لا حول ولا قوة الا بالله يعني ربي يهديهم وفرات


سامحني طولت عليك مشكووووووووووور اخي وتقبل مروري

[محبة الحياة]

نسأل الله لك أن تجد عمل في أقرب فرصة
امييييييين يا رب

[كمال الاسلام]

السلام عليكم


مالا حلم :confused: وانا حنبكي عليك بعد , وانا نقرا في الموضوع تفكرت موقف صرا قدامي ان واحد الشيخ يبيع السمك وكنت كل صباح نشوفوا كي نعود رايحا نقرا واحد النهار عدات الشرطة وشافتوا جاو وقلبولوا الطابلا تاعوا واحد ماقدر يهدر والشيخ مسكين ولا يلم فالسمك وفرات واحد الشرطي جاني شغل غاضو الشيخ ولا يحكي معاه بشوي
لا حول ولا قوة الا بالله يعني ربي يهديهم وفرات



سامحني طولت عليك مشكووووووووووور اخي وتقبل مروري



وعليكم السلام


بالعكس اختي نسيم الجبل

مشاركتك خفيفة علينا

هذه هي بلادي اختي شيخ ومسلكش

ربي يستجيب لدعائك


بارك الله فيك

[كمال الاسلام]

نسأل الله لك أن تجد عمل في أقرب فرصة
امييييييين يا رب


امين ولكل الشباب العاطل عن العمل


بارك الله فيك اختي الكريمة

[sphn_2009]

ربي يهديه
لو مادخلش للدرك لفعل هو مافعلته هذا ان كان لديه نقود

[كمال الاسلام]

ربي يهديه
لو مادخلش للدرك لفعل هو مافعلته هذا ان كان لديه نقود


وربما يفعل اكثر

بارك الله فيك اخي الكريم


الحمد لله كان مجرد حلم

[حمادة المصرى]

يا ريت يا عم كمال لما تنام تتغطى كويس بغطاء ثقيل
ههههههههههههههههه

[كمال الاسلام]

يا ريت يا عم كمال لما تنام تتغطى كويس بغطاء ثقيل
ههههههههههههههههه


ان شاء الله فهمت كامل القصة اخي حمادة


لان فيها بعض اللهجة الجزائرية




والله هذا هو الواقع عندنا اخي حمادة

وما ذلك الحلم الا صورة يومية تتكرر

[نزار علي]

سلام الله عليكم
كدت تفضحني وأبدأ في البكاء على "زهرك لمعوج خويا "
هههههههههههههههه
" خاطر كنت في سيبر وقدام الناس قريب بكيت "
الحمد لله كونه حلم فقط
تحيات نزار علي الذي " توحشك بزاف" عفوا اشتاق إليك كثيرا

[نورالدين17]

قصة مؤثرة وكنت رايح نكتب رد مطول لولا انك قلت انه مجرد حلم ...........

[كمال الاسلام]

سلام الله عليكم

كدت تفضحني وأبدأ في البكاء على "زهرك لمعوج خويا "
هههههههههههههههه
" خاطر كنت في سيبر وقدام الناس قريب بكيت "
الحمد لله كونه حلم فقط

تحيات نزار علي الذي " توحشك بزاف" عفوا اشتاق إليك كثيرا




وعليكم السلام

ههههههههههههههه
ابكي يا خويا على

وانا كذلك اشتقت لك اخي العزيز


ربي يخليك

[basbousa]

يا اخي مش تكره البلاد الارض ما دارتلك والو العربي لي كيما انت ولد بلادك هو لي شوه الصورة تاع البلاد
و الله كايب عباد حاشاك كلاب تقول ما يعرفش واش هيا المزيرياة
حتي اعوان الدرك ياخي اكثرهم يدخلوا في صفوف الجيش الشرطة و الدرك هروبا من الجوع و الفقر
الله يهديهم و يتفكروا اصلهم

[كمال الاسلام]

قصة مؤثرة وكنت رايح نكتب رد مطول لولا انك قلت انه مجرد حلم ...........


ياليت كتبت الرد المطول

لاني بحاج اليه اخي نور الدين


ذلك الحلم ليس مجرد حلم بل واقع معاش

[كمال الاسلام]

مسكين .......راك تغيظ

وقيلا كان عندك سيارة ( إركات ) r4

واش نقول ولوكان نولي نهدر مانكملش


راني هنا ومستعدة نشريها كامل



ايه باباك جنرال انتي

معليش اشريلي وحدة جديدة اذا حبيتي تعونيني

[حمـ 0418 ــزة]

بلادي نحبك و نعزك......
لكن ما تلومينيش ادا رحت و خليتك
خويا كمال احنا كانو عندنا زوج حيوط و زادو ريبوناواحد
يقاني غير حيط نديرو عليه لاشان
ههههههههههههههه
سلام

[نعمة القدوس]

إيييييييييييه واشي هذا ؟؟
والله موضوع يجبد الما !!
كل ماندخل نشوفو بالصح ماندخلوش
كنت مترددة مع أني كنت متأكدة بلي الموضوع مليح
بالصح ماضنيتوش هكدا
واليوم شبحت على روح وقلت ندخل قبل مايفوت الأوان
وبالفعل دخلت وكانت المفاجأة
والله حرت فيه ... صراحة أخي كمال موضوعك في القمة ويكي على معانات الشعب الجزائري

وصدقتو بلي صراتلك مناه أنت دايما في مواضيعك تبين بلي
صراولك مغامرات عديدة .. يعني نصدق السيف عليا .. وخاصة طريقة سردك للموضوع

وفي الأخير تقوللنا حلم؟؟

قول الصح هاذي كامل صح شفتها في الحلم ولا حكيتها من مخك؟؟

هيا لازم تقر بالحقيقة ولا نجيبلك الجدارمية ... من اللي كان حلم يرجع حقيقة !! ههههه


تقبل مروري والله الموضوع أعجبني واسمحلي لما ترددت في الدخول إليه من قبل

[كمال الاسلام]

يا اخي مش تكره البلاد الارض ما دارتلك والو العربي لي كيما انت ولد بلادك هو لي شوه الصورة تاع البلاد
و الله كايب عباد حاشاك كلاب تقول ما يعرفش واش هيا المزيرياة
حتي اعوان الدرك ياخي اكثرهم يدخلوا في صفوف الجيش الشرطة و الدرك هروبا من الجوع و الفقر
الله يهديهم و يتفكروا اصلهم


فعلا اختي الكريمة


هم كان كذلك وعندما تقلدو المنصب نسو حالهم

ان شاء الله ربي كي يرزقنا منولوش كيفهم


بارك الله فيك اختي

[كمال الاسلام]

بلادي نحبك و نعزك......
لكن ما تلومينيش ادا رحت و خليتك
خويا كمال احنا كانو عندنا زوج حيوط و زادو ريبوناواحد
يقاني غير حيط نديرو عليه لاشان
ههههههههههههههه
سلام

ان شاء الله يزيدو يريبو هذاك لبقا باه تروحو تخدمو على روحكم :1:


ربي يجيب الخير اخي في البطالة

موفق لكل خير اخي حمزة

[كمال الاسلام]

إيييييييييييه واشي هذا ؟؟
والله موضوع يجبد الما !!
كل ماندخل نشوفو بالصح ماندخلوش
كنت مترددة مع أني كنت متأكدة بلي الموضوع مليح


علاش التردد اختي
خفتي :confused::confused:

بالصح ماضنيتوش هكدا
واليوم شبحت على روح وقلت ندخل قبل مايفوت الأوان
وبالفعل دخلت وكانت المفاجأة
والله حرت فيه ... صراحة أخي كمال موضوعك في القمة ويكي على معانات الشعب الجزائري







وصدقتو بلي صراتلك مناه أنت دايما في مواضيعك تبين بلي
صراولك مغامرات عديدة .. يعني نصدق السيف عليا .. وخاصة طريقة سردك للموضوع


شكرا ختي الكريمة

ربما لاني كتبته بعفوية

وكتبت فقط ما رأيت دون تكليف مني


وفي الأخير تقوللنا حلم؟؟

قول الصح هاذي كامل صح شفتها في الحلم ولا حكيتها من مخك؟؟

ليس من عادتي ان اكتب غير الحقيقة


صدقيني هذا هو الحلم كا رأيته بالضبط

هيا لازم تقر بالحقيقة ولا نجيبلك الجدارمية ... من اللي كان حلم يرجع حقيقة !! ههههه


لالا
غير الجدرمية لالا

مكافاش في الحلم نزيد نلقاهم في الحقيقة

راني مواطن صالح اختي مدرت والو ههههههه



تقبل مروري والله الموضوع أعجبني واسمحلي لما ترددت في الدخول إليه من قبل


بارك الله فيك اختي الكريمة


بصح مزال مفهمت سبب التردد:confused:

[نعمة القدوس]

بارك الله فيك اختي الكريمة



بصح مزال مفهمت سبب التردد:confused:




العفو أخي هذا واجبنا

وماتديرش في بالك على ترددي والله كنت في هذاك النهار نعسانة وقلت في روحي بالاك كاش حكاية برك

خلي ماندخلش يعني التفنيين كان ضاربني

ويعني في الأخير دخلت دخلت

أي حاجة غريبة معايا لازم تشوفها عادية هههههه

[*جوداء*]

حسبت انت خويا كمال كنت رايحة نقولك دورها وبيع الملح

ربي يكون مع الشباب ويرزقهم ...آمين

[كمال الاسلام]

العفو أخي هذا واجبنا


وماتديرش في بالك على ترددي والله كنت في هذاك النهار نعسانة وقلت في روحي بالاك كاش حكاية برك

خلي ماندخلش يعني التفنيين كان ضاربني

ويعني في الأخير دخلت دخلت


أي حاجة غريبة معايا لازم تشوفها عادية هههههه



نعسانة معليش اختي


مادرش عليك

..........................................

تشرفت بمرورك الكريم

بارك الله فيك

[طارق القبطان]

اذا كان هذا بالنسبة اليك مجرد حلم
يا اخ كمال فإنه حدث امور شبية بل وافظع منها مع الكثيرين
وانا واحد منهم
ماحبيتش نحكي من قبل بصح الان نحكي
حنا في مامضى كنا نمارس تجارة قطع غيار السيارات
كنت انا صغيير مع والدي نروحوا بسيارتنا للاسواق خاصة سطيف يوم الجمعة والبرج يوم الخميس
ومن بعد
فتح علينا ربي بمحل
وكانت الامورر تسيير نحو الاحسن
الا ان قام الدرك باعتقال والدي
واغلاق المحل ثم منعنا من ممارسة اي نشاط تجاري
قالك هذا ضمن حملة تجفيف منابع تميل الارهاب
وراح كل شيي
الوالد ضرب عام ونصف في السجن دون محاكمة

[كمال الاسلام]

اذا كان هذا بالنسبة اليك مجرد حلم

يا اخ كمال فإنه حدث امور شبية بل وافظع منها مع الكثيرين
وانا واحد منهم
ماحبيتش نحكي من قبل بصح الان نحكي
حنا في مامضى كنا نمارس تجارة قطع غيار السيارات
كنت انا صغيير مع والدي نروحوا بسيارتنا للاسواق خاصة سطيف يوم الجمعة والبرج يوم الخميس
ومن بعد
فتح علينا ربي بمحل
وكانت الامورر تسيير نحو الاحسن
الا ان قام الدرك باعتقال والدي
واغلاق المحل ثم منعنا من ممارسة اي نشاط تجاري
قالك هذا ضمن حملة تجفيف منابع تميل الارهاب
وراح كل شيي
الوالد ضرب عام ونصف في السجن دون محاكمة




لاحول ولا قوة الا بالله


لم اشك لحظة اخي طارق ان ذلك الحلم الا مجرد واقع

بل الواقع اكبر بكثير


اللهم اخلفنا في حكامنا من هم احسن منهم




بارك الله فيك اخي طارق
وشكرا على شجاعتك في كتابة هذا الرد

[كمال الاسلام]

حسبت انت خويا كمال كنت رايحة نقولك دورها وبيع الملح

ربي يكون مع الشباب ويرزقهم ...آمين


الملح و ميخلوناش اختي شيراز


الله غالب


ربي يستجيب لدعائك



بارك الله فيك

[رفقة التلميذة]

الحمد لله يا ربي غي لي جا منام

[نعومة 27]

السلام عليكم
نتمنالك كل النجاح و التوفيق انت تستاهل كل خير

[طارق القبطان]

لاحول ولا قوة الا بالله



لم اشك لحظة اخي طارق ان ذلك الحلم الا مجرد واقع

بل الواقع اكبر بكثير


اللهم اخلفنا في حكامنا من هم احسن منهم




بارك الله فيك اخي طارق
وشكرا على شجاعتك في كتابة هذا الرد

يا اخي كمال
ماتقلقش روحك شويا صبر
راه عمبالي بلي القعاد والبطالة اصعب شيء
ربي يرزقك ويثبتك

[كمال الاسلام]

الحمد لله يا ربي غي لي جا منام


الحمد لله


بارك الله فيك اختي

[كمال الاسلام]

السلام عليكم
نتمنالك كل النجاح و التوفيق انت تستاهل كل خير




وعليكم السلام

بارك الله فيك اختي نعيمة

[كمال الاسلام]

يا اخي كمال

ماتقلقش روحك شويا صبر
راه عمبالي بلي القعاد والبطالة اصعب شيء
ربي يرزقك ويثبتك



امين يا رب


الحمد لله اخي طارق على كل نعمه




بارك الله فيك

[نور]

السلام عليكم و رحمة الله تعالى و بركاته

اهلا اخي كمال
كدت اصدق القصة في البداية لو لم تقل انها مجرد حلم
لان كما قال انين الفجر حدث هذا بل اسوء من هذا حين تأخذ كل الاغراض التي كانت بحوزتك و حبس لمدة يوم ثم يطلق صراحك لكن السلعة لا ترد فقط بحجة ان المكان ليس مناسب للبيع مهملين اماكن الفسق التي اصبح لها تصريح من الدولة و مكتوبة بلخط العريض و في اوساط سكنية ؟؟؟؟؟؟؟؟؟؟؟؟

فعلا يا بلادي لا اضمن ان كنت سأبق احبكي

شكرا اخي كمال
موضوع مهم

تقيبل مروري

[كمال الاسلام]

السلام عليكم و رحمة الله تعالى و بركاته


اهلا اخي كمال
كدت اصدق القصة في البداية لو لم تقل انها مجرد حلم
لان كما قال انين الفجر حدث هذا بل اسوء من هذا حين تأخذ كل الاغراض التي كانت بحوزتك و حبس لمدة يوم ثم يطلق صراحك لكن السلعة لا ترد فقط بحجة ان المكان ليس مناسب للبيع مهملين اماكن الفسق التي اصبح لها تصريح من الدولة و مكتوبة بلخط العريض و في اوساط سكنية ؟؟؟؟؟؟؟؟؟؟؟؟

فعلا يا بلادي لا اضمن ان كنت سأبق احبكي

شكرا اخي كمال
موضوع مهم


تقيبل مروري



وعليكم السلام ورحمة الله وبركاته


بارك الله فيك اختي نور


تشرفت بمشاركتك القيمة