اللهم بلغنا رمضان

[أم رقية نسرين]

السلام عليكم و رحمة الله تعالى و بركاته
اللهم بلغنا رمضان و أعنا على صيامه و قيامه على الوجه الذي يرضيك اللهم اجعلنا من الفائزين اللهم أعنا على شكرك و حسن عبادتك
حبيت نحط هاد الموضوع باه نفيقو مع أنفسنا حنا ملي يقرب شهر رمضان و حنا نوجدو غير للأكل الأكل الأكل واش ندير واش نطيب طبق رئيسي و مقبلة و تحليات ووووووو و ننساو بلي الله سبحانه و تعالى شرعنا صيام هاد الشهر الفضيل باه نحسو بإخواننا الفقراء و المساكين اللي يبدا نهارهم و يخلص و ميلقاوش باه يسكتو الجوع ماشي برك في رمضان و إنما في سائر الأيام
علابالي طرحت الكثير من المواضيع المشابهة بصح مليح كي نفكرو بعضانا رمضان ماشي غير نحوسو على تنويع الأكلات نهار كامل و حنا في الكوزينة نوجدو و بعد الفطور خلااااص نعياو كل دقيقة في رمضان راهي غالية من المفروض انو نقصو من الماكلة ماشي نزيدو حنا رانا كل يوم ناكلو
الصحابة رضوان الله عليهم قبل 6 أشهر يقولو اللهم بلغنا رمضان
أوله رحمة و أوسطه مغفرة و آخره عتق من النار

[أ م ساجد وسيم]

امين والله يغفر لنا تقصيرنا وذنوبنا

[أم رقية نسرين]

آمين يا ربي
بارك الله فيك ختي أم ساجد

[محتاجة لعفو الله]

آمين فعلا أختي صدقت في كل ما قلت و الله غير شيء مؤسف الوقت اللي لحقنا ليه تشوفي الناس في رمضان إلا من رحم الله في النهار ينوعو جميع الأطباق و المأكولات من كل ما لذ و طاب و في الليل بعد الفطور ترمى مختلف الأطباق إلى سلة المهملات و الله المستعاااااان كيما يقولك المتل ياكلو بعينيهم يعني يصومو على كروشهم ربي يعافينا
نتمنى من كل من تقرأ الموضوع من ربات البيوت أن تضع بين عينيها فكرة المائدة البسيطة و المعقولة فرمضان شهر العبادة و الطاعة لا شهر الأكل و الراحة وفقنا الله لما يحبه و يرضاه

بارك الله فيك أختاه على التذكير فالذكرى تنفع المؤمنين

[ام هدول]

https://f.top4top.net/p_499df8gz1.gif (https://up.top4top.net/)

[cha3cha3]

اللهم آمين آمين آمين و أفضل الدعاء الحمد لله رب العالمين

[nihal159]

بارك الله فيك مريومة على الموضوع و الفكرة القيمة؛ عن نفسي من نهار تزوجت و أنا كل رمضان نرفع تحدي مع نفسي؛ رمضان لي فات كان التحدي أني مانرمي و لا لقمة خبز و فعلا رمضان كامل مارميتش فيه حتى فتفوتة؛ و هذا العام؛ صمت أيام في شهر شعبان و عرفت تقريبا الكمية تاع الأكل اللازمة و قدرت نتحكم في نفسي و شهوتي؛ إن شاء الله التحدي هذه السنة رمضان بمائدة بسيطة بعيدا عن التبذير.

[zokhrofa]

صحيتي اختي طالبة

انا صراحة رمضان هو و الشهور الباقية كيف كيف حتى انني لا اخصص ميزانية ليه و لا نشري حاجات على جالو

حتى انني راني محتاجة بعض الامور قلت ما نشريهمش ضرك خاطش كاين انتهازيين انا محتاجتهم و هوما راح يحسابو راح نشريهم زوخ و تحضير لرمضان

ربي يهيدنا كاااااااااااامل

[أم رقية نسرين]

آمين فعلا أختي صدقت في كل ما قلت و الله غير شيء مؤسف الوقت اللي لحقنا ليه تشوفي الناس في رمضان إلا من رحم الله في النهار ينوعو جميع الأطباق و المأكولات من كل ما لذ و طاب و في الليل بعد الفطور ترمى مختلف الأطباق إلى سلة المهملات و الله المستعاااااان كيما يقولك المتل ياكلو بعينيهم يعني يصومو على كروشهم ربي يعافينا
نتمنى من كل من تقرأ الموضوع من ربات البيوت أن تضع بين عينيها فكرة المائدة البسيطة و المعقولة فرمضان شهر العبادة و الطاعة لا شهر الأكل و الراحة وفقنا الله لما يحبه و يرضاه

بارك الله فيك أختاه على التذكير فالذكرى تنفع المؤمنين

وفيك بركة ختي
صح الإنسان كي يعود صائم يتشهى كل شيء و يقول يلحق برك المغرب و ناكل كلللل شيء حتى الخبز يشري قداه من نوع في يوم واحد و بعد الفطور كيما قلتي تاكلو سلة المهملات
و الله كون نحطو في بالنا قيمة أيام هاد الشهر المباركة منضيعوش اكثر وقتنا في الكوزينة
نورتي الموضوع شكرا لكي

[أم رقية نسرين]

https://f.top4top.net/p_499df8gz1.gif (https://up.top4top.net/)

اللهم آمين
نورتيني أم هدول

[أم رقية نسرين]

اللهم آمين آمين آمين و أفضل الدعاء الحمد لله رب العالمين
جزاكي الله خيرا

[أم رقية نسرين]

بارك الله فيك مريومة على الموضوع و الفكرة القيمة؛ عن نفسي من نهار تزوجت و أنا كل رمضان نرفع تحدي مع نفسي؛ رمضان لي فات كان التحدي أني مانرمي و لا لقمة خبز و فعلا رمضان كامل مارميتش فيه حتى فتفوتة؛ و هذا العام؛ صمت أيام في شهر شعبان و عرفت تقريبا الكمية تاع الأكل اللازمة و قدرت نتحكم في نفسي و شهوتي؛ إن شاء الله التحدي هذه السنة رمضان بمائدة بسيطة بعيدا عن التبذير.

الله يبارك عليك و ربي يثبتك ربة البيت لازم تكون حكيمة في إدارة شؤون بيتها باه ربي سبحانو يبارك في الرزق
بارك الله فيك نهولة نورتيني

[أم رقية نسرين]

صحيتي اختي طالبة

انا صراحة رمضان هو و الشهور الباقية كيف كيف حتى انني لا اخصص ميزانية ليه و لا نشري حاجات على جالو

حتى انني راني محتاجة بعض الامور قلت ما نشريهمش ضرك خاطش كاين انتهازيين انا محتاجتهم و هوما راح يحسابو راح نشريهم زوخ و تحضير لرمضان

ربي يهيدنا كاااااااااااامل

آمين يا رب
بارك الله فيك و كون جينا بكل نخمو هكا ميكونش هناك هاد الإرتفاع الرهيب في كل شيء و تروحي تشوفي كيفاه الناس تقضي و تخمل تقولي يا لطيف الدنيا رايحة ترحل
ربي يوصلنا و يعيشنا ليه و نصوموه كيما يحب ربي راهي الموت تكثر بزاااااف قبل رمضان
شكرا لكي زخرفة نورتيني

[zokhrofa]

انتي المنورة اختي

ان شاء الله تنتشر هذه العقلية بين الناس انو تقدري تشري على مدار العام كل مرة شوية حتى يلحق رمضان تلقاي روحك عندك كلش

هكذا مول الحانوت ما يفيقش بيك هههههههههههه

حتى لحقو يخبو الحاجة الشابة لرمضان انتي تخرجي قبل 4 اشهر تلقاي ماعن كامل ماشي شابين غير يلحق رمضان تنخلعي منين جابوهم

و هوما كانو غير مخبيينهم

ياااااااااااااااااااا رب النساء يفطنو لهاذو الخداعين ربي ان شاء الله يكون وكيلهم

[محتاجة لعفو الله]

انتي المنورة اختي

ان شاء الله تنتشر هذه العقلية بين الناس انو تقدري تشري على مدار العام كل مرة شوية حتى يلحق رمضان تلقاي روحك عندك كلش

هكذا مول الحانوت ما يفيقش بيك هههههههههههه

حتى لحقو يخبو الحاجة الشابة لرمضان انتي تخرجي قبل 4 اشهر تلقاي ماعن كامل ماشي شابين غير يلحق رمضان تنخلعي منين جابوهم

و هوما كانو غير مخبيينهم

ياااااااااااااااااااا رب النساء يفطنو لهاذو الخداعين ربي ان شاء الله يكون وكيلهم


آمين ربي يهدينا أجمعين و المشكل ماشي برك فاللي خاصينهم ماعن الكارثة أنو تلقاي عندهم ماعن بالزيادة و يروحو يشريو الجديد بحجة الاستعداد لرمضان بينما غيرهم الخبز و مالقاش باه يشريه و الله المستعان عمرو ما كان الاستعداد لرمضان بهذه الطريقة إنما بالتوبة و الرجوع إلى الله و تذكر الفقراء و المساكين بالتصدق عليهم بدل تبذير الأموال و الله المستعان
هدانا الله و وفقنا لما يحبه و يرضاه

[أم رقية نسرين]

انتي المنورة اختي

ان شاء الله تنتشر هذه العقلية بين الناس انو تقدري تشري على مدار العام كل مرة شوية حتى يلحق رمضان تلقاي روحك عندك كلش

هكذا مول الحانوت ما يفيقش بيك هههههههههههه

حتى لحقو يخبو الحاجة الشابة لرمضان انتي تخرجي قبل 4 اشهر تلقاي ماعن كامل ماشي شابين غير يلحق رمضان تنخلعي منين جابوهم

و هوما كانو غير مخبيينهم

ياااااااااااااااااااا رب النساء يفطنو لهاذو الخداعين ربي ان شاء الله يكون وكيلهم


آمين يا رب نوكلو عليهم ربي اصلا التجار هادو إلا من رحم ربي يحوسو على الربح بلا ييشوفو هاد الأموال حلال و لا حررام
الله يهدينا

[أم رقية نسرين]

آمين ربي يهدينا أجمعين و المشكل ماشي برك فاللي خاصينهم ماعن الكارثة أنو تلقاي عندهم ماعن بالزيادة و يروحو يشريو الجديد بحجة الاستعداد لرمضان بينما غيرهم الخبز و مالقاش باه يشريه و الله المستعان عمرو ما كان الاستعداد لرمضان بهذه الطريقة إنما بالتوبة و الرجوع إلى الله و تذكر الفقراء و المساكين بالتصدق عليهم بدل تبذير الأموال و الله المستعان
هدانا الله و وفقنا لما يحبه و يرضاه

آآآآمين يا ختي و الله اليوم خرجت الناس بكل تخمل التوعية غايبة بزااااف و زيد في التلفزيون تشوفيهم يهدرو غير على السخانة في رمضان و يحسبو في السوايع لي يصوموهم المهم ربي يعيشنا ليه و يقدرنا على طاعتو

[سحابة باردة]

مساء الخير اختي مريومة موضوع مهم يعطيك الصحة حسيت بصدق كل كلمة فيه بارك الله فيك عندك الحق صح حنا النسا كي ندخلو للكوزينة في رمضان

مانفقوش برواحنا غير انوعو في الأطباق باش انفرحو العايلة لاكن لازم دايما تتذكر ان رمضان شهر القراءن والإجتهاد في العبادة كما كان يفعل الرسول صلى الله عليه وسلم

أنا عن نفسي لازم يوميا افطار صائم من الفقراء أو عابر سبيل والحمد لله وربي يقدرني ان شالله على هذا العمل كل رمضان

[أم رقية نسرين]

وفيك بركة سحابة ختي و الله شاهد حابة نوليو نعرفو قيمة رمضان الحقيقية باه ماشي حتى يفوت و يخلص نوليو نتحسرو على القيام و قراءة القرآن لانو في رمضان الحسنات مضاعفة و الشياطين مكبلة و ابواب الجنة مفتوحة
و ربي يقدرك على فعل هاد الخير و يثبتك عليه كي تفطري فقير راكي ديتي أجر الصيام تاعو بإذن الله ربي يفتحلنا بيبان الخير و يتقبل منا
نورتيني بحضورك

[سحابة باردة]

النور نورك يالغالية
ومثلما تفضلتي لازم نغتنم فرصة الشهر الكريم لكسب المغفرة والثواب والعتق من النار ان شالله
من يدري هل سنعيش رمضانات أخرى أم لا

[أم رقية نسرين]

إن شاء الله ختي العزيزة

[حاملة الشهادة]

جزاكي الله خيرا