يتهمني كذب و تحول الى شخص اخر ؟؟؟؟

[مشكلتي]

السلام عليكم و رحمة الله و بركاته .. الله يخليكم نوروني كنت مخطوبة قبل سنة و نصف متفقين جدا جدا حنون يخاف عليا و وقفت معاه و معترف الا انو كان غيور جدا و متحسس من الفارق الثقافي بيننا قبل شهر قررنا العقد المدني و العرس في الايام القادة المفروض عقدنا كانت فرحة لا توصف لكن انا بعدها مريت بايام متعبة جدا جدا لاحظ عليا اني متعبة و هو كذلك زادت غيرتو صار يشكك في كل شيئ حتى النوم يقلي بالاك ماكنتيش راقدة اي بالاك نحكي في الليل تهاوشنا و تعبني صرت احيانا حتى ما نردش عليك لانو صار عدواني و شكاك و انا متعبة من عدة ظروف خاصة تحضيرات العرس مي قلت درك تفوت المهم بعد العقد يأيام فاجأني راح لخويا قالو اختك عندها راجل في حياتها تخون فيا و راح حط عريضة طلاق ....؟؟؟؟؟ هو يعرفني خاطيني الهم هذا الكل بيه و الا بلا بيه هذي العلاقات مستحيلة بالنسبة لي قالك شفتها ركبت في سيارة نهار فلاني و هو لي كان معايا و و و و و كلام كلو كذب بالدليل المشكل هو انسان طيب علاه دار هكا ؟؟؟؟ اذا هو دارها سبة يبطل علاه راه متأثر حتى هو و تعبان و قالق ؟؟؟؟ يعاود في كلمة أنا زوالي بصح ذكي و انتي ما عرفتيش قيمتي ؟؟؟؟؟؟؟؟ عمري لا حسستو و اصلا وضعو مليح ماشي زوالي وو بالعكس كنت نشجع فيه و هو معترف بفمو واش رايكم راح نهبل خاصة الرجال ؟؟؟؟ كان يخاف عليا من ابسط الامور يتهمني هكا ؟؟؟؟؟؟؟؟؟؟؟؟؟؟

[عبدالنور.ب]

هذا سببه الهاتف يا أمة الله، فكثيراً ما ينصحنا الشيخ فركوس بترك المكالمات بالهاتف حتى وإن عقدت عليها، الشيخ قال لا أقول لكم حرام (بعد العقد) لكن انصحكم أن تتركوه، فكثيراً ما يقع الطلاق بعد العقد بسبب الهاتف.... فالرجل أو المرأة التي تكون بجانبك ليس هو عبر الهاتف..

فلنعتبر بحالة الأخت، والله المستعان

[mokhtaro]

ربما شبهك بأخرى أو وصله خبر كاذب من شخص ما
هناك الكثير من الحساد والمغرضين وهذا مألوف ويحدث كثيرا
أنا أرى أن المواجهة والصراحة هي أفضل حل فان كانت لديك الادلة فيجب ان تواجهيه بها وتبيني له مدى ظلمه وخطورة اتهامه
الغيرة أمر محمود لكن الكذب والطعن في الأعراض أمر غير مقبول تماما
أرجو أن يزول سوء الفهم وتعود المياه الى مجاريها

[زبدة ذايبة]

هذا الرجل عندو مشكلة

أقل مايقال عنه أنه مضطرب

ماتقلقي روحك ماتبكي

هناك ربي

الحمد لله اللي انسحب في هذا الوقت قبل ماتتزوجي بيه

لو كان دارلك لفضايح قدام الناس

فترة الخطوبة اللي استمرت لهذ الوقت كنت أنت سببها وليس هو

يعني قدمتيلوا أكثر من اللي يستاهل

لو كان جات أخرى لو كان راه ياحسراااااااااه من فسخ الخطوبة

هناك ربي منو

ترتبطي بشخص مريض نفسيا مشكلة كبيرة

والدليل تعبه وقلقه من قراره بالفسخ

ربي يعوض عليك ويخلف عليك بأحسن منه.

[abdellah36]

الرسول صلى الله عليه و سلم يقول الارواح جنود مجندة ما تشاكل منها ائتلف و ما تناكر منها اختلف ,,,,,,,,,,,,يعي ان هناك ارواحا لا يمكن ان تتفق نظرا للاختلاف الموجود بينهما ,,,,,, فكيف يعرف الاتفاق من الاختلاف بدون حديث بينهما ,,,,,, هذا بافتراض انهما على مذهب واحد و عقيدة واحدة و التزام واحد ,,, فكيف لو كان احدهما ينافق كمن يدعون السلفية و السلف منهم براء ,,,,,,,, قد يقول قائل ان الرجل سال عن مخطوبته ,,,و الجواب ان الناس لا يحدثون عن الخاطب و المخطوبة الا بالاشياء العامة الظاهرة المعروفة ,,,,,,,,اما مكنونات الشخص و عقليته و نفسيته فهذه الاشياء لا يمكن كشفها الا بالحديث اما عن وجها لوجه او عن طريق الهاتف ......فالذي يمنع المخطوبين عن الحديث في الهاتف مراده ان يستسلم كل واحد منهما لقضاءه و قدره و ان يستعد لقبول شريكه على اي حال كانت بعد النظر اليه و السؤال عنه,,,,,,,,,,,و مع اني لي لا املك دليلا شرعيا على بطلان هذا الراي الا ان ظاهر الضعف و الله اعلم

[نورسين.داية]

في رأي مادام قدم عريضة الطلاق خلاص ربي سهل (إنسان شكاك راه غير يتعبك معاه خصوصا إذا كنتي موظفة ...)، و إذا أنتي متسمكة به حاولي تسوية الوضعية في جلسات الصلح

ملاحظة فقط : إنتبهي الى مسألة نطق مصطلح الطلاق ، قصدي هل صرح به لكي مباشرة أو وصلت لكي الرسالة عن طريق الأخ ....لأنكما في الوقت الحالي أنتما زوجان شرعا و مدنيا ......و السيد نوى الطلاق ....أنتبهي لهذه المسألة عزيزتي

بالتوفيق

[abder03]

هذا الرجل يتعالى عليك و يعتبر نفسه أحسن منك لأنه رجل، أحسن منك دينيا و أحسن منك عقليا و احسن منك......الدليل: أنا زوالي بصح ذكي و انتي ماعرفتيش قيمتي.
انا زوالي :مخاتنيش أطلع فوقك و اتكبر عليك و أتعالى أيتها ألأمه.يا امرأة. يا دون الرجل.
بصح ذكي: يشعر انه ذكي و أحسن منك حتى و لو كنني أحسن منه مستوى
ما عرفتيش قيمتي: له قيمة و أنت لا ترينها، رجل ذكي يحق لي أن يتكبر عليك. أنت خلقت فقط لتخدميه و ترضيه هكذا يراك.
أنت المسكينة تحبينه لطيبته و تدينه
هو يراك تحته، امه،خلقتي لترضيه و ترضين غرائزه و لم تخلقي لغير هذا
الواقع: أنت أحسن منه مستوى و أعلى درجة و هذا ما يؤرقه و يقلقه. و هذا ما يفسد كبره و تعاليه عليك،فأنت أحسن منه.
قرب الزواج و سيصتدم بالواقع "زوجته أحسن منه ،قد يعيب بهذا ويجد ان كبره و تعاليه يساوي صفر – الزلط و التفرعين- عريان و بيده خاتم من ذهب. كيف العمل لسحبك و جرك إلى الأسفل حتى تكوني تحته و تحت أقدامه و يكسر تقدمك عليه في العلم و الدراسة و بهذا بضربك في عرضك، يريد أن يقسم ظهرك و لو بالكذب والافتراء. لا حولا و لا قوة الا بالله. هذا المستوى موجود في فئة متدينة بل متدنية.
اختاه، احزني و ابكي و لكن سيأتي يوما تحمدين في الله انه لم يكن زوجك. لا تخافي عليه سيجد ضالته وقريبا. امرأة خلقت لتخدمه، و ترضيه، لا يرها أحدا إلا هو و سيحبسها، و تتكبرعليها، و هي صاغرة، و يتزوج عليها وهي صاغرة. هذا النوع المتكبر لا يكفيه أن يتكبرعلى واحدة بل يتكبر على عدة زوجات . أنا الرجل و انتن الإماء حتى ولو كنتن متعلمات. الله يهدينا

[الحنون الجزائري]

[

معليش نحكي معاك بالدارجة وبالمفردات المتداولة بين صفوف المجتمع

اولا معظم الجزائريات لما يشوفوا راجل طيب وحنين معاهم مايقيموش النعمة لي راهم فيها ويبداو القرون يطوالو .. حاجة معروفة بين الرجال
علابيها الرجل الجزائري مايحبش - يحلب - المرا الجزائرية بزاف

ثانيا السيد كان فرحان بالخطبة ويخاف عليك يعني حبك بصدق وحب يتزوج معاك وقصد داركم

ثالثا لوكان دارها سبة باه يبطل ميتأثرش ومايتقلقش ومايتعبش مثل ماراك تقول !!!! يعني يقلك فيلامان ويروح يخطب الطفلة الجديدة لي دخلت حياته .......... يعني السيد عنده شكوك وصعيبة بزاف باه الشاب يروح بسهولة عند اخ خطيبتو ويقلو شفت ختك مع راجل تخون فيا الا في ثلاث حالات ... الحالة الاولى شافك بعينو ولا شاف تصرفاتك طائشة ولا قالولو على الماضي نتاعك ولو بالكدب ولا خطيبك يعاني من مرض نفسي ربما من تجارب فاشلة وخيانة تعرض لها ولبسو التوسويس

شوفي يا بنتي كاين مثل يقول : التوسويس خيط راشي بصح يجيب الصحيح

الا كاش ماعندك كلام ماقلتيهش في الموضوع الاحسن لو تقوليه

[غزلانْ]

السلام عليكم

تبقي أنتِ أدرى بنفسك فيما يخص اتهامه لك ان لم تكون أنتِ أو أنتِ
ان اتهمك و أخطأ في حقك و قدم عريضة طلاق و أتى لأخاك
و أخبره هنا نقطة انتهى قرار نهائي لا رجعة فيه مهما بلغت مكانته عندك فيسقط
الآن أفضل من أن تكوني مرتبطة به و يتهمك بأن الذي كنت معه
بالسيارة ببيته
بالتوفيق

[oumhana]

ربي يكون في العون ، أنا منقدرنحكم لا عليك لا عليه بصح كاينه حاجة أنا في بلاستك لو كان يوزن روحو بالذهب منتزوج بيه مدام أنا نظيفة و هو شوه لي صورتي قدام دارنا. وماعندي مانوضحلو الله يسهل عليه، اليوم شافك في طموبيل غدوه كتوني عندو يقلك شفت الراجل داخل للدار ـ أعوذ بالله ـ أختي غيرانتي لي تعرفي روحك درتي ـ مدرتيش، ولا درتي تستاهلي ولا مدرتيش ربي يكون معاك و ربي هناك من إنسان موسوس.

[بالقران نرتقي]

والله يا اختي ربي يقويك لانه اصعب حاجة المراة يتمس الشرف نتاعها ادا كان صح ظلمك انا نقولك غير من ضرك خير خطيك بصح حاولي تستفسري اكثر علاه اتهمك هكدا بصح ماتنسايش بالاك ربي شيفلك فيها خير

[الداهية كيداهن]

إن اتهام الناس في أعراضهم ليس بالشيء الهين، بالمختصر بادري بشكر الله تعالى على سقوط قناع زوجك قبل العيش تحت سقف واحد، و لا تتقاعسي على توكيل أمرك لله، رزقك الله بمن هو أفضل منه.

[ام احمد اياد]

اختي هذي تهمة ماشي ساهله البنت لا تماك الا شرفها وهو في اصل اصبح زوجك لازم هو لي يصون عرضك هذا اذا كنت بريئه وكلي عليه ربي

[ايمان4]

هذا كاين احتمالين
** يحب الفتاة الخاضعة كما تفضل الاخ abder03
** اعجب باخرى
و في كلتا الحالتين ربي هناك منه

[abder03]

هذا كاين احتمالين
** يحب الفتاة الخاضعة كما تفضل الاخ abder03
** اعجب باخرى
و في كلتا الحالتين ربي هناك منه
اختاه، هو يريد امراة عبدة، لا امراة مطيعة خاضعة. فعندما لم تقبل هذه الوضعية ظربها في اشرف و اعز ما تملكه المراة الحرة - شرفها و عرضها. اي نوع من البشر هذا الرجل. النبي محمد صلى الله عليه و سلم اوصان بالنساء خيرا و هذا يعمل عكس الوصية. لا حول و لا قوه الا بالله. ما حز في نفسي تلك المسكينة التي احبت هذا الرجل و قدرته و احترمته و تفرح بزيارته و اكيد قلبها يد 120 لوجوده و بماذا يقابلها - طعن في الشرف. اف له و لامثاله اشباه المتدينين .

[toulay]

السلام عليكم
ساعفني غير طيش عليك الهم هذا كيفاش هذا مع الضربة بعد عند اخوك مباشرة ويزيد يدير عريضة الطلاق
رانا نشوفوا فيهم متزوجين ومين يصرا مشكل ولا السيد يدي دارهم كامل وشيوخ كبار باش يرجعوا المراة لدارها وهو طف طيح مصبرش خلاص وزيد على حساب ماقلتي راهو غير افتراء
مالا الهربة تسلك اخطيك منو وراهو كاين غيرو فالسوق
نحير انا علاش كاين بعض الرجال الجزائريين عندهم عقدة ونقص من المراة لتكون هاربة عليهم فالمستوى بصح اذا كان العكس يحقرها ويظل يعاودلها كل يوم الاسطوانة تاع انا خير منك ووووو
حلال عليه حرام على الطفلة
بالتوفيق

[om_hadil]

هذي البداية ،،،،زواج فاشل ،،،وربي يعوضك

[* الحلم سكر *]

[

معليش نحكي معاك بالدارجة وبالمفردات المتداولة بين صفوف المجتمع

اولا معظم الجزائريات لما يشوفوا راجل طيب وحنين معاهم مايقيموش النعمة لي راهم فيها ويبداو القرون يطوالو .. حاجة معروفة بين الرجال
علابيها الرجل الجزائري مايحبش - يحلب - المرا الجزائرية بزاف

ثانيا السيد كان فرحان بالخطبة ويخاف عليك يعني حبك بصدق وحب يتزوج معاك وقصد داركم

ثالثا لوكان دارها سبة باه يبطل ميتأثرش ومايتقلقش ومايتعبش مثل ماراك تقول !!!! يعني يقلك فيلامان ويروح يخطب الطفلة الجديدة لي دخلت حياته .......... يعني السيد عنده شكوك وصعيبة بزاف باه الشاب يروح بسهولة عند اخ خطيبتو ويقلو شفت ختك مع راجل تخون فيا الا في ثلاث حالات ... الحالة الاولى شافك بعينو ولا شاف تصرفاتك طائشة ولا قالولو على الماضي نتاعك ولو بالكدب ولا خطيبك يعاني من مرض نفسي ربما من تجارب فاشلة وخيانة تعرض لها ولبسو التوسويس

شوفي يا بنتي كاين مثل يقول : التوسويس خيط راشي بصح يجيب الصحيح

الا كاش ماعندك كلام ماقلتيهش في الموضوع الاحسن لو تقوليه


انا صاحبة المشكلة شكرا على الرد و لوكان عندي كلام اخر او خنته ما نجيش و نتساءل كون راني عرفت الاجابة وحدي
خطيبي اقام الدنيا لانه مؤخرا حصرني بشكوكه و ظنيتها غيرة مثلا ينوضني الصباح من النوم يقلي كنتي تحكي بالهاتف و انا كنت في سابع نومة ثم يعتذر
او يقلي البارح كنا نحكو و رقدتي و هذا رقدتي صح قصدتو لعبتها رقدت و خليتو و رحت
في البداية ظنيتو يتمسخر او غيرة و لما تفاقم الوضع و تعبت و ما رفدتش عليه الهاتف كل دقيقة مباشرة اتهمني بالخيانة للعلم قلهم شفت واحد طلعها في سيارة للعمل و هو لي كان طلعني للعمل و ماشيين ماشي بسيارة و حتى المواجهة رفض يواجهني ووووووو

[قرويجة]

ننصحك تتناساي ما حدث معك

[abder03]

ستموتين وانت واقفة كما تموت الوردة من شكوكه و مظايقاته.
ستذبلين و تمرضين و تتازمين من معاملاته.
انت كامراة تحجاجين من يقدرك و يعززك و يحترمك .
انت على طريق غير طريقك محفر، مدمر، غير معبد، مطبات، حفر.
انظري يمينك ستجدين الطريق الذي تبحثين عليه، معبد مرتب سهل. الله يعطيك من فضله. ليس بالظرورة ان نتزوج اول انسان نحبه او تقدم الينا. ليست سنة ولا واجب.
على فكرة: انت اول من طرح مشكلة ثم تفاعل مع الاجوبة: غريب . في هذا المنتدي تطرح المشكلة و لا اي حس لطاحبها. شكرا على تجاوبك و يدل ذلك على انك حقا تعاني و تبحثي على حل و مؤازرة.