بنات العز يروحو للدز

[*سندوسة*]

السلام1

يقولوا ناس زمان
بنات العز روحو للدز وبنات الدز يروحو للعز

تقولوا مكتوب ربي سبحانه وهدا الكلام مكانش منه
لكن فالمجتمع وفالحياة الزوجية خاصة تخلينا نطرحوا عدة تساؤلاات


علاه بنات الفاميليا يتمرمدو مع رجال؟ قصدي ازواجهم

علاه راجل كي يعيش تجربة زواج فاشلة ينتقم من زوجته الجديدة بالرغم انها نعمة زوجة بإعتراف منه ومن اهله؟

علاه الزوج مايعرفش قيمة زوجته حتى بعد مايخسرها كي لا نقول يفقدها؟

علاه الزوج يضغط على الزوجة وخصوصا انها بنت فاميليا والكل يشهد بأخلاقها وحتى هو؟

علاه يوصل الرجل يعيش فتحديات وصراعات بمجرد انه عنده لكلمة ومالازمش طيح يعني تسقط واحيانا حتى على حساب سعادته؟

موضوع للنقاش

[النجمة القطبية]

اولا يا اختي سندوسة الفتاة لا يجب ان تتسرع في الزواج وتعطي نفسها فرصة للاستفسار عن الرجل ومعرفته قبل الزواج
انا مثلا ضد الخطوبة القصيرة او السريعة لكن المرات الواحد يخاف ينصح الناس يقولوا محبلناش الخير لان البعض يشوف ظاهر الزوج فقط ويعتبر الزواج طوق نجاة لكن الحقيقة ليست كدلك
المراة المفروض تكون غير متسرعة وتفكر مرارا وتكرارا اكثر من الرجل نفسه ومتتزوجش بشخص هي غير مقتنعة بيه
ثانيا بالنسبة للرجل المطلق صاحب التجربة السابقة المجازفة تكون اكبر لاسباب لن اعددها الان لان شخصية وسيكلوجية الرجل تختلف عن المراة عموما
وكل رجل مطلق راح يقولك مرتي السابقة ماشي مليحة ولن نعمم
وفي النهاية تبقى قضية المكتوب والقضاء والقدر
واديد ربي اللي يرزق مرة يرزق مرات
بالمناسبة انا ضد المثل اعلاه لان التوفيق من الله سبحانه وتعالى
كاين مثل اخر سمعته من العجائز يقولك زهر الشابة في الحمى وزهر المزعوقة في السما او شئ كهدا
بالتوفيق اختى سندوسة افتقدنا مواضيعك في المنتدى وان شاء الله ربي يكثر افراحك ويحلي ايامك وتجي تقوليلنا المثل مكانش منوا

[ام هدول]

اهلين سندوسة من لي قريت ردك في الكوزينة وانت في بالي ...وبقيت نفكر فيك ....حبيتي الزواج مصير ...يعني تربطي حياتك بشخص ...ووتنوي تتتتبدل حياتك كامل وتبني حياة اخرى مع شخص اخترتيه ...وتحملي معاه الحلوة والمرة ..والزواج ليس فقط فستان ابيض وحنة وهدايا ..و......هو كدللك مسؤولية ...وضغط ..وتحدي كبير ....للاستمررا ....وليس كل ما يتمناه المرء يدركه .....والحياة الزوجية تعلمك حوايج بزااف .....خليك قوية ...وايمانك كبير ..وطلبي ربي يكتبلك الخير ...نتمنالك التوفيق ....من كل قلبي

[*سندوسة*]

اولا يا اختي سندوسة الفتاة لا يجب ان تتسرع في الزواج وتعطي نفسها فرصة للاستفسار عن الرجل ومعرفته قبل الزواج
انا مثلا ضد الخطوبة القصيرة او السريعة لكن المرات الواحد يخاف ينصح الناس يقولوا محبلناش الخير لان البعض يشوف ظاهر الزوج فقط ويعتبر الزواج طوق نجاة لكن الحقيقة ليست كدلك
المراة المفروض تكون غير متسرعة وتفكر مرارا وتكرارا اكثر من الرجل نفسه ومتتزوجش بشخص هي غير مقتنعة بيه
ثانيا بالنسبة للرجل المطلق صاحب التجربة السابقة المجازفة تكون اكبر لاسباب لن اعددها الان لان شخصية وسيكلوجية الرجل تختلف عن المراة عموما
وكل رجل مطلق راح يقولك مرتي السابقة ماشي مليحة ولن نعمم
وفي النهاية تبقى قضية المكتوب والقضاء والقدر
واديد ربي اللي يرزق مرة يرزق مرات
بالمناسبة انا ضد المثل اعلاه لان التوفيق من الله سبحانه وتعالى
كاين مثل اخر سمعته من العجائز يقولك زهر الشابة في الحمى وزهر المزعوقة في السما او شئ كهدا
بالتوفيق اختى سندوسة افتقدنا مواضيعك في المنتدى وان شاء الله ربي يكثر افراحك ويحلي ايامك وتجي تقوليلنا المثل مكانش منوا

:dj_17:
حنا قلنا هدا مجتمع معيق وماعندناش ثقة في كلام ناس اصلا هاد الانسان لي يعرفوه الكل يشهله بالخير لكن فالبيت انسان اخر
الحمد لله كنا مقتنعين بالرغم من صغر المدة يعني لواحد كي يقولك نخاف ربي هنا لازم العشرة باش تتأكدي منه
والله العظيم مهري كان مصف والخاتم والهدايا هو جابهم انا ماطلبت منه والو وحتى موكب العرس قلتله حابة عرسي يكون مميز واني نركب معاه بفستان الفرح في سيارته البسيطة بالرغم من اني من عائلة مستواها المادي جيد والحمد لله لكن عمري ماحسسته بهاد الامر
كاين لي يقدر واش دير معاه لمرا وكاين لي لا
انا شفت نسا يطلبو مهر غالي ودهي واعراس فافخم صالات وراجل قابل وانا سهلت عليه كلش وفالاخير هادي هي النتيجة

شكرا اختي بارك الله فيك وفرحني ردك

[*سندوسة*]

اهلين سندوسة من لي قريت ردك في الكوزينة وانت في بالي ...وبقيت نفكر فيك ....حبيتي الزواج مصير ...يعني تربطي حياتك بشخص ...ووتنوي تتتتبدل حياتك كامل وتبني حياة اخرى مع شخص اخترتيه ...وتحملي معاه الحلوة والمرة ..والزواج ليس فقط فستان ابيض وحنة وهدايا ..و......هو كدللك مسؤولية ...وضغط ..وتحدي كبير ....للاستمررا ....وليس كل ما يتمناه المرء يدركه .....والحياة الزوجية تعلمك حوايج بزااف .....خليك قوية ...وايمانك كبير ..وطلبي ربي يكتبلك الخير ...نتمنالك التوفيق ....من كل قلبي

:dj_17:
اهلا اختي الغالية ان شاء الله الاحوال بخير
قلتي نتحمل معاه لحلوة والمرة كاين امور لي حدود كي يقولك ونتي عروسة زوجتي ادا كانش نهار جبتلك عروسة جديدة اتقبليها على خاطر عيوني
يمنع عليك الحفافة والحمام ومكياج ويفرض عليك لباس الواسع جدا والالوان الغامقة ويتحكم فكل صغيرة وكبيرة فالبيت ماليش حق التصرف وهو مايغضش البصر
وهو متأكد من اخلاقي الحمد لله وحتى عايلته هنا يصبح ضغط وهدا ضغط يولد الانفجار
واخر مشكلة لي وصل بينا الحال هاكا اني مانتصلش بيه لما يكون فالخارج وانا بعيدة على اهلي قريب 1000 كلم مانروح لناس مايدخلو عليا ناس وبلا امور الاخرى التي لا داعي لدكرهاا
وكيما قلتي زواج ماهوش هدايا وووو انا نقولك حاجة اني في ظرف شهر تعلمت طبخات نتاعهم وهدايا ولا مرة جابلي هدية يقول كاين غير زوج اعياد هاكدا وقلنا ماعليش ومرانيش انسانة متطلبة عمري ماديت من عنده مصروف

شكرا لك حبيبتي الغالية وبارك الله فيك

[kacimo.samy]

اختي حتى حنا الرجال نطيحو ففي نسا يهبلونناا

نتي خيري راجل قد كلمتو يخاف ربي بافعال غير اقوال
افعال صح و ذكورة راهم بزاف

هذا ما يستهالكش و ربي شافلك خير اتفقنا
وكاين لي خير عليه
ليت القلوب على اشكالها تقع

[*سندوسة*]

اختي حتى حنا الرجال نطيحو ففي نسا يهبلونناا

نتي خيري راجل قد كلمتو يخاف ربي بافعال غير اقوال
افعال صح و ذكورة راهم بزاف

هذا ما يستهالكش و ربي شافلك خير اتفقنا
وكاين لي خير عليه
ليت القلوب على اشكالها تقع





:dj_17:
في هاد الدنيا مكانش قاع احتياطات وحسابات مع القدر والمكتوب
المهم ربي يجيب لخير
شكرا لك وبارك الله فيك وربي يرزقك بزوجة صالحة لي تهناو مع بعض وتفرحو

[النجمة القطبية]

:dj_17:
حنا قلنا هدا مجتمع معيق وماعندناش ثقة في كلام ناس اصلا هاد الانسان لي يعرفوه الكل يشهله بالخير لكن فالبيت انسان اخر
الحمد لله كنا مقتنعين بالرغم من صغر المدة يعني لواحد كي يقولك نخاف ربي هنا لازم العشرة باش تتأكدي منه
والله العظيم مهري كان مصف والخاتم والهدايا هو جابهم انا ماطلبت منه والو وحتى موكب العرس قلتله حابة عرسي يكون مميز واني نركب معاه بفستان الفرح في سيارته البسيطة بالرغم من اني من عائلة مستواها المادي جيد والحمد لله لكن عمري ماحسسته بهاد الامر
كاين لي يقدر واش دير معاه لمرا وكاين لي لا
انا شفت نسا يطلبو مهر غالي ودهي واعراس فافخم صالات وراجل قابل وانا سهلت عليه كلش وفالاخير هادي هي النتيجة

شكرا اختي بارك الله فيك وفرحني ردك

انا يا اختي سندوسة نعرفك في المنتدى الله يبارك عليك وماشي محتاجة تبرري الف واحد يتمناك اخلاق وادب
علابيها قتلك واحدة كيما انتي لازم تدي وقتها لانوا ماشي الناس كيما انتي كامل
وتاني قضية المهر مصحف انا ضدها مراناش في وقت الصحابة للاسف التنازل يكون بعد الزواج بعد ما تعرفي الرجل وليس قبله
تحتاج المراة لتعرف معادن الناس القضية ماشي قضية غنى وفقر انما اختبار لصبر الرجل وقدرته على تحمل المسؤولية ورغبته في الزواج
بالاك البعض يختلف معي في هدا الامر
وراح نقولك امر الرجل يحب يتعب متصدقيش كلام رجال المنتدى بالعكس الرجل الحقيقي ميحبش الساهل طبعا مرانيش مع اللي تشرط لكن ايضا ماشي مع اللي تتنازل
عموما حبيبتي كل هدا لا يهم انتى الان وكلي امرك لله واصبري اعطيه فرصة حبيبة حتى يحس بقيمتك
وربي يفرحك

[ام كمال]

السلام عليكم
ختى كل ما قلته صح
لكن تجربتي من هدى الحياة لى يتنازل من يوم الاولى النتيجة تكون ظاهرة يعنى تبقي تتنازل الى يوم غير محدود
لى تتنازل على حقها وتسامح وتضحى وتصبر والله والله والله غير تبقي حياتها كلها كما هاك خاصة مع الزوج الغير المبالي خطرش يتعود غلى هدا الامر انا منيش نقول كامل الازواج لكن نقول الاغلبية ربي يهديهم
والوقت لى تحبي تفهمى ما تقدريش يكون فات القطار ما يفهمك حتى واحد وما يحس بمعناتك غير الله سبحانه
اما على العبد ينصحك اصبري وانت صبرتي ما فيه الكفاية وما يحس بالجمر غير لي كواتو





السلام1

يقولوا ناس زمان
بنات العز روحو للدز وبنات الدز يروحو للعز

هدى ماقولة كاين منها

تقولوا مكتوب ربي سبحانه وهدا الكلام مكانش منه
لكن فالمجتمع وفالحياة الزوجية خاصة تخلينا نطرحوا عدة تساؤلاات


علاه بنات الفاميليا يتمرمدو مع رجال؟ قصدي ازواجهم

تعرفى علاه اختى خطرش من نهار الاولى الطاعة الزائد قايمة باهله كما يحب خاطره حتى تحس انها خادمة هيا تتحمل خطرش والدها رباوها على الحشمة والطاعة وخدمة لعباد لى يستهلو ولى ما يستهلوش وفيها امور بززززززززززززززززززززززاف


علاه راجل كي يعيش تجربة زواج فاشلة ينتقم من زوجته الجديدة بالرغم انها نعمة زوجة بإعتراف منه ومن اهله؟


تعرفي علاش شخصته ضعيفة خطرش لو كان جا كل واحد ينتقم على حساب تحربته الفاشلة راه كارثة
ماشى كاع االاصابع كيفكيف وحديث قياس

علاه الزوج مايعرفش قيمة زوجته حتى بعد مايخسرها كي لا نقول يفقدها؟

هدى هيا اختى اي انسان ما يعطيش قيمة لانسان حتى يفقده لكن بعد فوات الاوان


علاه الزوج يضغط على الزوجة وخصوصا انها بنت فاميليا والكل يشهد بأخلاقها وحتى هو؟


يخاف تعرفي علاش كما قالتى ديجا راه خارج من زواج فاشل يقول فى هدى نبين شخص ويضغط ويضغط والزوجة الثانية تخلص فاطورة تاع الاولى بصح هنا راه يدمر فى روحه ما عاشة وتهني مع الاولى وراه يدمر فى الثانية دايما هم الخاصر ربي يهديه

علاه يوصل الرجل يعيش فتحديات وصراعات بمجرد انه عنده لكلمة ومالازمش طيح يعني تسقط واحيانا حتى على حساب سعادته؟

قتلك هدا النوع من الرجال يدمرو فى حياتهم الزوجية بلا ما يشعرون ونساو انا الزوجة بكلمة واحدة ترض وتسمع وطيع بلا عنف
موضوع للنقاش

[first first]

والله يااختي سندوسة مكاتيب
والدنيا واش صاير فيها؟؟؟كاين كلش
بنات العزيروحو للدر
وبنات العز يروحو للعز
وبنات الدز يزيدو يروحو للدز
وبنات الدز يروحو للعز

ماتفتحيش باب للشيطان لانها اقدار

ربما لنا جزء او دور بسيط(او كبير ) في رسم هته الاقدار ولكن للتخفيف عن النفس حتى اخطاؤنا اقدار
المهم في الحكاية مادرتيش حرام او منكر .....................وشدة وتزول لعل الايام القادمة تجبر بخاطرك

وكيما يقولو هذه الدنيا يوم لك ويوم عليك غير الجنة لي مكانش فيها الميزيرية والتعب

تفرج باذن الله.

[محمد جديدي التبسي]

كل ما يحدث للانسان من خير وشر هو من قضاء الله وقدره يعني مكتوب
لكن لا ينبغي ان نعلق أخطائنا وفشلنا على المكتوب
بل لابد من محاسبة النفس اولا والحرص على عدم تكرار الأخطاء داتها كل مرة
في الحياة الزوجية الأمر أخطر لأن حياتنا ترتبط بطرف آخر
ما يهم في هذه الحياة هو ان تكون النية صافية وكل طرف يسعى للعطاء أكثر من الأخذ والا فان المعاناة ستكون مضاعفة ولن يعيش المرء متعة الحلال كما ينبغي
أما الفروق المادية بين الزوجين فليست مشكلة ان كان كل طرف يؤدي دوره و راضي ومقتنع ويفهم معنى الزواج.
بالعودة لموضوعك مجتمعنا تعود على ان التضحية تكون من المرأة أكثر لذلك دائما تُنصح بالصبر لانها المتضررة الأكبر من الانفصال مما جعل الرجل يستغل هذه النظرة المغلوطة للمجتمع ويظلم ويقصر في حق زوجته للاسف!
قضية مساعدتك لزوجك وتيسير مهرك هذا الامر تفعلينه بنية صادقة لله اولا وليس من اجل الرجل فقط
صحيح هناك من ينكر هذا الجميل ويعتبر من تساعده ميته ع الزواج ووو
لكن هذا لا ينفي ان هناك رجال يقدرون ذلك ويعلمون علم اليقين ان المرأة التي تغالي في مهرها غير صالحة للزواج وفارغة من الداخل تهتم للمظاهر فقط وغدا لو افتقر زوجها او احتاج ستخلعه مباشرة... وما اكثرهن في مجتمعنا تبيع نفسها بعرض من الدنيا.
ربي يصلح الاحوال.

[سَامِيَة]

ياك يقولو الزواج كيما الدلاعة كل واحد وزهرو فيها...هي كاين هاك وكاين هاك وهاذ الدنيا فيها السعداء وفيها البؤساء واذا كان كل واحد منا يتمنى ان يعيش سعيد وحياتو كاملة من كل جهة من سيعيش إذا في الحالة الأخرى...ربي رحيم بعبادو ونشاله كلما يحرم واحد من حاجة يعوضو بحاجة أخرى

[kacimo.samy]

ياك يقولو الزواج كيما الدلاعة كل واحد وزهرو فيها...هي كاين هاك وكاين هاك وهاذ الدنيا فيها السعداء وفيها البؤساء واذا كان كل واحد منا يتمنى ان يعيش سعيد وحياتو كاملة من كل جهة من سيعيش إذا في الحالة الأخرى...ربي رحيم بعبادو ونشاله كلما يحرم واحد من حاجة يعوضو بحاجة أخرى


اول مرة نسمعها هههه

[قرويجة]

السلام عليكم ورحمة الله وبركاته اختي أنا أوافقك الرأي في هذا المثل الشعبي و ازيدكي علما هذه عدالة إلاهية فبنت العز تذهب للدز كما يقول المثل لتجرب الشقاء و بنت الدز تذهب للعز لكي تترتاح و تللك الأيام نداولها بين الناس

[ع.عيسى]

لان بنات العز يشرطوا العز و يحوسوا على المادة ، يجيهم بن الفاميليا يقولولوا روح العب بعيد.

[ام العبدين]

اولا يا اختي سندوسة الفتاة لا يجب ان تتسرع في الزواج وتعطي نفسها فرصة للاستفسار عن الرجل ومعرفته قبل الزواج
انا مثلا ضد الخطوبة القصيرة او السريعة لكن المرات الواحد يخاف ينصح الناس يقولوا محبلناش الخير لان البعض يشوف ظاهر الزوج فقط ويعتبر الزواج طوق نجاة لكن الحقيقة ليست كدلك
المراة المفروض تكون غير متسرعة وتفكر مرارا وتكرارا اكثر من الرجل نفسه ومتتزوجش بشخص هي غير مقتنعة بيه
ثانيا بالنسبة للرجل المطلق صاحب التجربة السابقة المجازفة تكون اكبر لاسباب لن اعددها الان لان شخصية وسيكلوجية الرجل تختلف عن المراة عموما
وكل رجل مطلق راح يقولك مرتي السابقة ماشي مليحة ولن نعمم
وفي النهاية تبقى قضية المكتوب والقضاء والقدر
واديد ربي اللي يرزق مرة يرزق مرات
بالمناسبة انا ضد المثل اعلاه لان التوفيق من الله سبحانه وتعالى
كاين مثل اخر سمعته من العجائز يقولك زهر الشابة في الحمى وزهر المزعوقة في السما او شئ كهدا
بالتوفيق اختى سندوسة افتقدنا مواضيعك في المنتدى وان شاء الله ربي يكثر افراحك ويحلي ايامك وتجي تقوليلنا المثل مكانش منوا
فترة الخطوبة اختي ليست لها علاقة بمعرفة الزوج على حقيقته وقد اثبتت التجارب ذلك فهناك من عاش سنوات قصة حب وخطوبة وبعد الزواج انتهت القصة بالطلاق فالرجل حينما يكلم خطيبته او يخرج معها لن يظهر الا الوجه الجميل له وان رجعنا لشرعنا الحنيف فما يحصل بين الخطيب والخطيبة كله حرام فلا يجوز التكلم معه الا في حدود ما نص عليه الشرع بوجود محرم طبعا اما الاتصالات والنزهات وووو فكل ذلك حرام والزواج نصيب فكل امراة ونصيبها لكن اخذ الاسباب ضروري وذلك بالسؤال عنه في حيه مقر عمله

[ام العبدين]

:dj_17:
حنا قلنا هدا مجتمع معيق وماعندناش ثقة في كلام ناس اصلا هاد الانسان لي يعرفوه الكل يشهله بالخير لكن فالبيت انسان اخر
الحمد لله كنا مقتنعين بالرغم من صغر المدة يعني لواحد كي يقولك نخاف ربي هنا لازم العشرة باش تتأكدي منه
والله العظيم مهري كان مصف والخاتم والهدايا هو جابهم انا ماطلبت منه والو وحتى موكب العرس قلتله حابة عرسي يكون مميز واني نركب معاه بفستان الفرح في سيارته البسيطة بالرغم من اني من عائلة مستواها المادي جيد والحمد لله لكن عمري ماحسسته بهاد الامر
كاين لي يقدر واش دير معاه لمرا وكاين لي لا
انا شفت نسا يطلبو مهر غالي ودهي واعراس فافخم صالات وراجل قابل وانا سهلت عليه كلش وفالاخير هادي هي النتيجة

شكرا اختي بارك الله فيك وفرحني ردك

فعلا هذه هي المشكلة رجال لا تعرفي حقيقتهم الا بعد العشرة كل من يدعي ما لا يعمله منافق وانت لا تغيري من نيتك الحسنة سيسخر الله من يقدرها فالرجال الحقيقيون اتكلم عن الرجال لا الذكور لا ينسون اي موقف وقفته زوجته معه

[ام العبدين]

:dj_17:
اهلا اختي الغالية ان شاء الله الاحوال بخير
قلتي نتحمل معاه لحلوة والمرة كاين امور لي حدود كي يقولك ونتي عروسة زوجتي ادا كانش نهار جبتلك عروسة جديدة اتقبليها على خاطر عيوني
يمنع عليك الحفافة والحمام ومكياج ويفرض عليك لباس الواسع جدا والالوان الغامقة ويتحكم فكل صغيرة وكبيرة فالبيت ماليش حق التصرف وهو مايغضش البصر
وهو متأكد من اخلاقي الحمد لله وحتى عايلته هنا يصبح ضغط وهدا ضغط يولد الانفجار
واخر مشكلة لي وصل بينا الحال هاكا اني مانتصلش بيه لما يكون فالخارج وانا بعيدة على اهلي قريب 1000 كلم مانروح لناس مايدخلو عليا ناس وبلا امور الاخرى التي لا داعي لدكرهاا
وكيما قلتي زواج ماهوش هدايا وووو انا نقولك حاجة اني في ظرف شهر تعلمت طبخات نتاعهم وهدايا ولا مرة جابلي هدية يقول كاين غير زوج اعياد هاكدا وقلنا ماعليش ومرانيش انسانة متطلبة عمري ماديت من عنده مصروف

شكرا لك حبيبتي الغالية وبارك الله فيك
عندي بعض التعاليق البسيطة اخيتي فاقبليها بصدر رحب من خلال ردك لاحظت انك مرتبطة بانسان كما يسميه المجتمع ملتزم ومشكلة اغلب الملتزمين انه لا يتفقون مع من يختارونها شريكة لحياتهم وام لابناءهم ويضعون النقاط فوق الحروف فبعد الزواج واحد يشرق والاخر يغرب واتذكر احد جارتنا التي كان يمنعها زوجها من الاعراس ووو وحينما كبرت ابنتها هو يحجبها وهي تنزع لها الحجاب خفية حتى كانت الطفلة هي الضحية واخرى تزوجها مباشرة بعد الزواج فرض عليها ان تنتقب ومنعها من البحر واصبحت تبكي وتحن لنزهات زمانها ولما توفي عنها تركت كل ذلك واعوجت عن الطريق ووو الانسان لا يكره انسان على الاسلام او الاستقامة والالتزام فالحلال بين والحرام بين تبقى التذكرة والموعظة الحسنة فالانسان حينما يريد ان يعيش بدون تلفاز مثلا يبحت عمن تفكر وتعتقد نفس اعتقاده ليحصل توافق في الافكار فهو قد منع عليك بعض الاشياء التي فرضها عليك الشرع حقا وهو ان لم يغض بصره وكان ينظر نظر الشهوة للمراة فانه اثم لكن ليس معنى ذلك ان ما يامرك به خطا والانسان ان اراد الانصاف وزن بالنسبة للزوج او الزوجة ان غلب الخير تجاوز وان غلب الشر انسل ووفقك الله لكل خير

[mounyabiskra]

و الله عندك الحق بنات العز يروحو للدز خلي البير بغطاه يا اختي سندوسة و ديري فبالك بلي واحد مراهو مهني كل واحدة وين جاتها ..... الصبر و خلاص

[*سندوسة*]

بارك الله فيكم
وشكرا لكم على تفاعل في الموضوع
ربي يصلح احوالنا ويثبتنا

[kacimo.samy]

:dj_17:
اهلا اختي الغالية ان شاء الله الاحوال بخير
قلتي نتحمل معاه لحلوة والمرة كاين امور لي حدود كي يقولك ونتي عروسة زوجتي ادا كانش نهار جبتلك عروسة جديدة اتقبليها على خاطر عيوني
يمنع عليك الحفافة والحمام ومكياج ويفرض عليك لباس الواسع جدا والالوان الغامقة ويتحكم فكل صغيرة وكبيرة فالبيت ماليش حق التصرف وهو مايغضش البصر
وهو متأكد من اخلاقي الحمد لله وحتى عايلته هنا يصبح ضغط وهدا ضغط يولد الانفجار
واخر مشكلة لي وصل بينا الحال هاكا اني مانتصلش بيه لما يكون فالخارج وانا بعيدة على اهلي قريب 1000 كلم مانروح لناس مايدخلو عليا ناس وبلا امور الاخرى التي لا داعي لدكرهاا
وكيما قلتي زواج ماهوش هدايا وووو انا نقولك حاجة اني في ظرف شهر تعلمت طبخات نتاعهم وهدايا ولا مرة جابلي هدية يقول كاين غير زوج اعياد هاكدا وقلنا ماعليش ومرانيش انسانة متطلبة عمري ماديت من عنده مصروف

شكرا لك حبيبتي الغالية وبارك الله فيك



حسب هذا كلام انت مرتبطة مع شخص سلفي كيما نقولو
لحد اللحظة لا اعلم من اين يحضرون هذه القوانين ؟؟

كاين امور نجربهم على روحي الا ما قبلتهاش انا كيفاه نسيفها على زوجتي ؟؟
هو ايضا لا يذهب للحفاف والحمام و يقبل على ابيه ان يتزوج على امه و و و...

الحمد الله دينا يسر وليس عسر

انا جيراني 3 أئمة مساجد و واحد عميد ائمة
و نحكي معاهم و ناكل عندهم جامي شوفت هكذا مام بناتهم و زوجاتهم يجو لدار
لباسهم عادي محترم


ربي يعينك

[*سندوسة*]

حسب هذا كلام انت مرتبطة مع شخص سلفي كيما نقولو
لحد اللحظة لا اعلم من اين يحضرون هذه القوانين ؟؟

كاين امور نجربهم على روحي الا ما قبلتهاش انا كيفاه نسيفها على زوجتي ؟؟
هو ايضا لا يذهب للحفاف والحمام و يقبل على ابيه ان يتزوج على امه و و و...

الحمد الله دينا يسر وليس عسر

انا جيراني 3 أئمة مساجد و واحد عميد ائمة
و نحكي معاهم و ناكل عندهم جامي شوفت هكذا مام بناتهم و زوجاتهم يجو لدار
لباسهم عادي محترم


ربي يعينك


السلام عليكم
اول سؤال طرحته عليه قبل الارتباط به هو هل انت سلفي كانت اجابته النفي وقال بأنه ليس متشدد وانه يعيش حياة عادية ولم يكن يبدي هدا الوجه في بادئ الامر
هو طبعاا مهتم بلبسه واناقته وحتى لحية مايديرهاش ولا يلبس مثل السلفيين حتى مشط يحمله معه في السيارة :cool:
الحمد لله لبسي كان في بيت اهلي محترم وماشي حتى يجي هو يعلق عليه ويفرض عليااا حوايج متشددة

[محمد جديدي التبسي]

[QUOTE]حسب هذا كلام انت مرتبطة مع شخص سلفي كيما نقولو
لحد اللحظة لا اعلم من اين يحضرون هذه القوانين ؟؟
هذه ليست قوانين هذا شرع الله لمن كان يقرأ ويتعلم ويسعى للتفقه في دينه

كاين امور نجربهم على روحي الا ما قبلتهاش انا كيفاه نسيفها على زوجتي ؟؟
هو ايضا لا يذهب للحفاف والحمام و يقبل على ابيه ان يتزوج على امه و و و...
الحكم الشرعي للحمام معروف أخي
سواء للرجل او المرأة
والمرأة في حالتها اشد لانه ورد حديث يحرم على المراة ان تضع ثيابها في غير بيت زوجها
كما انه لا يخفى عليك اخي ان عورة المرأة بالنسبة للمرأة ليست كعورة الرجل بل لابد ان تستر كل شيء عدا وجهها وكفيها وشعرها وما يحدث في الحمامات من اظهار للعورة محرم بلا شك

الحمد الله دينا يسر وليس عسر
الدين يسر نعم لكن ذلك لا يعني التساهل في المحرمات او البحث عن الرخص في كل أمر
بل الواجب ما قام عليه الدليل
انا جيراني 3 أئمة مساجد و واحد عميد ائمة
و نحكي معاهم و ناكل عندهم جامي شوفت هكذا مام بناتهم و زوجاتهم يجو لدار
لباسهم عادي محترم
الحجاب الذي تتوفر فيه شروط الحجاب الشرعي يعتبر جلباب
اما تغطية الوجه وما الى ذلك يعتبر مستحب وهناك علماء قالوا بالوجوب خاصة لذات الجمال

عذرا على التعقيب اخي
وكان الله في عون صاحبة الموضوع

[*سندوسة*]

[quote=kacimo.samy;3996845424]
هذه ليست قوانين هذا شرع الله لمن كان يقرأ ويتعلم ويسعى للتفقه في دينه

الحكم الشرعي للحمام معروف أخي
سواء للرجل او المرأة
والمرأة في حالتها اشد لانه ورد حديث يحرم على المراة ان تضع ثيابها في غير بيت زوجها
كما انه لا يخفى عليك اخي ان عورة المرأة بالنسبة للمرأة ليست كعورة الرجل بل لابد ان تستر كل شيء عدا وجهها وكفيها وشعرها وما يحدث في الحمامات من اظهار للعورة محرم بلا شك


الدين يسر نعم لكن ذلك لا يعني التساهل في المحرمات او البحث عن الرخص في كل أمر
بل الواجب ما قام عليه الدليل

الحجاب الذي تتوفر فيه شروط الحجاب الشرعي يعتبر جلباب
اما تغطية الوجه وما الى ذلك يعتبر مستحب وهناك علماء قالوا بالوجوب خاصة لذات الجمال

عذرا على التعقيب اخي
وكان الله في عون صاحبة الموضوع


السلام عليكم
اخي نحن ليس لدينا مشكل مع سلفيين لكن لو قال دلك من الاول لفكرت قبل الارتباط به
يعني كاين امور لي ناس تتفق عليها من الاول ماشي يخدع ناس بكلام وبعدها المعاملة تكون بحاجة اخرى
وفقك الله اخي وشكرا لك

[محمد جديدي التبسي]

وعليكم السلام ورحمة الله وبركاته
لاحظت ان الكثير هنا يتهم السلفيين بالتشدد وتعقيد الدين وهذا خطأ
نحن ابتعدنا عن ديننا كثيرا حتى أصبح يبدو لنا الالتزام بأبسط تعاليم ديننا تشدد
أصبح الملتزم غريبا بين أهله مثلا البعض يستغرب اذا وجد شاب لا يسمع الغناء أو لا يشاهد التلفاز؟
كذلك النظرة للمتجلببات أصبحت سيئة من البعض رغم ان الجلباب ينتشر والحمد لله
لذلك الأولى بنا أن نستنكر المعاصي واهلها لا أن نصف السلفيين بالتشدد
وأهم شيء لابد ان نتفقه في ديننا لندرك كم نحن بعيدون عنه
والله أعلم

[kacimo.samy]

[quote=محمد جديدي التبسي;3996845514]

هذه ليست قوانين هذا شرع الله لمن كان يقرأ ويتعلم ويسعى للتفقه في دينه


الحكم الشرعي للحمام معروف أخي
سواء للرجل او المرأة
والمرأة في حالتها اشد لانه ورد حديث يحرم على المراة ان تضع ثيابها في غير بيت زوجها
كما انه لا يخفى عليك اخي ان عورة المرأة بالنسبة للمرأة ليست كعورة الرجل بل لابد ان تستر كل شيء عدا وجهها وكفيها وشعرها وما يحدث في الحمامات من اظهار للعورة محرم بلا شك


الدين يسر نعم لكن ذلك لا يعني التساهل في المحرمات او البحث عن الرخص في كل أمر
بل الواجب ما قام عليه الدليل

الحجاب الذي تتوفر فيه شروط الحجاب الشرعي يعتبر جلباب
اما تغطية الوجه وما الى ذلك يعتبر مستحب وهناك علماء قالوا بالوجوب خاصة لذات الجمال

عذرا على التعقيب اخي
وكان الله في عون صاحبة الموضوع






شرع الله تقول للاسود يا عبد ؟
انا شوفت سلفية عفسو عليها

رادونا حنا كفار و هم قوم الله المنشود

انا لست ضدهم يوجد ناس الملاح صديقي سلفي ؟؟
قرا معيا 5 سنوات لم اره منه الا الخير
لكن بعض سلفية قوانين يجيبو فيها مانيش عارف
يوجد واحد اتفقنا على عمل فيما بياننا و زلاني
لا يرد على اتصالاتي قولي ما نخدملكش و جاي نخدم بدراهمي
هذا هو دين ؟؟
بلاك كي عرفني من متتبعي شيخ وسيم يوسف
غاضو الحال
بصح عمل واتفاق يبقى ساري مفعول

من اخير سلفية بعضهم

يقول تعالى: (إِنَّ الَّذِينَ يَكْتُمُونَ مَا أَنْزَلَ اللَّهُ مِنَ الْكِتَابِ وَيَشْتَرُونَ بِهِ ثَمَنًا قَلِيلًا أُولَئِكَ مَا يَأْكُلُونَ فِي بُطُونِهِمْ إِلَّا النَّارَ وَلَا يُكَلِّمُهُمُ اللَّهُ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌ * أُولَئِكَ الَّذِينَ اشْتَرَوُا الضَّلَالَةَ بِالْهُدَى وَالْعَذَابَ بِالْمَغْفِرَةِ فَمَا أَصْبَرَهُمْ عَلَى النَّارِ) [البقرة: 174-175].
شكرا لك على تعقيبك لكن انا شوفتهم ويأخذون من الدين ما يخدمهم فقط
بعضهم لا نعمم