ظلم الزوجة

[الصادع بالحق]

السلام عليكم

اعرف شخص وهو صديقي اعرف عليه كل صغيرة وكبيرة انسان فيه وعليه كيما كل الناس بصح عموما هو وليد فاميليا انسان طيب متزوج خدام

خاطيه مشاكل كامل

حكالي حكاية صح قاسني بيها

قالي مشكل تاعو مرتو تسوء فيه الظن بزاف قالي وصلت لدرجة تعيطلي فتيليفون بلماسكي ودير روحها مرا وحدخرا ولا تتصل بيا فلفايس بوك تلسق فيا

قالي شغل نهدر على اساس وش تسحقي عندي ولا ولا قالي كي نرجع لعشيا لدار ديرلي سيليما وتقلي انا لي هدرت معاك

هاد السيد نشهد عند ربي بلي خاطيه نسا حتى قبل ميتزوج خاطيه هاد لمشاكل . قالي مرتي تحفرلي حفرة ترميني فيها كي نطيح ديرلي سيليما

حبيت نعرف رايكم فهاد لموضوع وش نقول لهاد سيد نعرفو كيفاش ننصحو .

هي صح من حق المراة تغار على راجلها بصح صدقوني في رايي مرتو خلقت مشكل لعمرها اصلا مكانش كاين

سيد والله غير نعرفو والله غير انسان طيب وابن عايله

رايي مرتو غالطة

هل يعقل انو مراة هي تبتلي زوجها هي تغرو هي تفتنو هي تحفرلو حفرة وتعمل روحها مراة اجنبية هي تغلطو وكي يغلط تبهدلو هل يعقل هدا

السيد والله غير اعرفه معرفه جيده من زمان والله غير انسان طيب تاع صلاة من صغرو صح يخطا ككل البشر بصح ولد فاميليا

غاضني صحبي لاني رايت انه بعد سنتين زواج ولديه ابن قال لي يعلم ربي شحال تحملت هد الامر قالي بصح بدات افقد الصبر

لدرجه هاد الموضوع وهاد المشكل لي مرتي ظل ديرلي فيه قالي خلاص راح افقد صبري ونوصل معاها لوين توصل

ما رايكم في الموضوع وساعدوني كيف انصحه حتى لا تسوء اموره اكثر

[TOFNINE]

احسن حل يعيفها بمعنى كي تتصل ماسكي ما يردش واذا رد
في البيت غير هي تجبد الموضوع يخرج ويخليلها الدار مرة ولا2 ولا3 اذا كانت تفهم راها تراجع نفسها
اذا مافهمتش روحها يهدر معاها على اساس انه لعب مراهقين وينصحها راها كبيرة وتنتظر فيها مسؤوليات واذا خاصها لعب ماعليش يلعبو لعبة يتفقو عليها في 2 اللعب ماشي عيب
هذي موسوسة وتموت عليه كاين نساء مايحوسوش على الراجل خلاص من غير الجيب
الله يهديها ناس تشري لهنا وهي توزع قلة الهنا
قولو الله يزيدك عقل على عقلك مرحلة مراهقة وتفوت اصبر عليها
زوجة خالي في صغرها وبداية زواجها كانت تخبي الدخان عليه باه تصيب طريحة وماتتهنى حتى تاخذها
والان شابت وكبرت وتتذكرها مع شريط طفولتها وتضحك ربي يدوم محبتهم ويبعد الشيطان من بيناتهم .
اللهم تغير عليه ولا تخونه ايهما افضل .

[الصادع بالحق]

احسن حل يعيفها بمعنى كي تتصل ماسكي ما يردش واذا رد
في البيت غير هي تجبد الموضوع يخرج ويخليلها الدار مرة ولا2 ولا3 اذا كانت تفهم راها تراجع نفسها
اذا مافهمتش روحها يهدر معاها على اساس انه لعب مراهقين وينصحها راها كبيرة وتنتظر فيها مسؤوليات واذا خاصها لعب ماعليش يلعبو لعبة يتفقو عليها في 2 اللعب ماشي عيب
هذي موسوسة وتموت عليه كاين نساء مايحوسوش على الراجل خلاص من غير الجيب
الله يهديها ناس تشري لهنا وهي توزع قلة الهنا
قولو الله يزيدك عقل على عقلك مرحلة مراهقة وتفوت اصبر عليها
زوجة خالي في صغرها وبداية زواجها كانت تخبي الدخان عليه باه تصيب طريحة وماتتهنى حتى تاخذها
والان شابت وكبرت وتتذكرها مع شريط طفولتها وتضحك ربي يدوم محبتهم ويبعد الشيطان من بيناتهم .
اللهم تغير عليه ولا تخونه ايهما افضل .

بارك الله فيك اخي على مشاركتك

صحبي هدا انسان يحشم بزاف من جهة مهوش من صنف لي يهدر مع نسا ولا يخالط نسا حتى قبل زواج

وايضا يحشم ميحكيش مشاكلو باش وصل وحكالي هاد لمشكل حب يقول راح ينفجر

لبارح مسكين عيطلي على 11.30 تاع ليل لقيتو كي لمهبول مزعاف حتى خفت يترتقلو كاش عرق في مخو حكالي حلاص ولا كي لمهبول

زعف مهاد لمشكل قالي لكان غير جيت تاع نسا وتزعف مني من حقها قالي تتهمني بحجه اصلا خاطيني قالي قبل منتزوج خاطيني نسا كيفاش تتهمني ونا

مزوج

وهو ساكن مع دارهم قالي قلبنا شمبرة بلعياط دار كامل سمعو لعياط قالي كان يسمعو دار بهاد تهمة ونا مدرتهاش مشي تبهديله

مسكين قالي كان عندي جواز سفر نشري تدكرة سفر لاي دولة نروح منزيدش نولي قالي كرهت ملمشاكل هدو

قالي لحمد لله حجه مخاصتها معايا ولا مع دار قالي علاش تخلق في مشكل اصلا مكاش

قالي نكون قاعد في اامان الله هي جي تحفرلي لحفرة هي تغرني هي توسوسلي على اساس مرا منعرفهاش قالي نليكيديها مندير والو

بصح ندخل لدار تتهمني قالي منهار تزوجتها عام ونص تهمتني وحد عشرين مرة مجرد شكوك عمرها لقاتني بدليل صح درت حجه


صح غاضاتو عمرو قالي سكت نصحت هدرت نفس لمشكل ديما

لي راهي تحرق في قلبو قالي خطيني نسا هي تحفرلي حفرة وترميني فيها وتقيم عليا دنيا

هي تخلق لمشكل مشكل مكاش كاين اصلا هي خلقاتو

[الصادع بالحق]

لحجه لي راني مقتنع بيها

غلطة كبيرة راهي دير فيها هد المراة

نقلكم علاش

عمرك شفتي راجلك دار خيانة

علاش تروحي تجربيه ؟؟؟؟؟؟؟؟؟؟

مشكل هدا معندكش المفروض تحمدي ربي

علاش تروحي تسيي تشوفي ايلا راجلك ايلا ممكن يخونك ولا لالا ؟؟؟؟؟؟؟؟

والله عجيب امرها

كي حكالي لمشكل تاعو مع مرتو وواش راهي ديرلوا تدكرت الاية الكريمة

( يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ وَإِنْ تَسْأَلُوا عَنْهَا حِينَ يُنَزَّلُ الْقُرْآنُ تُبْدَ لَكُمْ عَفَا اللَّهُ عَنْهَا وَاللَّهُ غَفُورٌ حَلِيمٌ )المائدة/ 101

هدا والله اعلم

[*سندوسة*]

نصيحتي هي ان الزوجة هادي لازملها قرصة ادن حنا مادرنا والو وازواجنا قساو علينا وين عاد توصل لمرا تتبلى على زوجهااا

[Asmaa.B]

هاذي لازم يربيها و يقوي شخصيتو معاها برايي عليه بداية ان يهددها بانه ان افتعلت هذا الموضوع من جديد يروح و يخليلها الدار و ان فعلت نفذ الامر بغيابه عن البيت لايام و لعلها تندم

[ايمان4]

هههههه هادي مريضة بالغيرة المرضية او الحب المجنون الله يعينه تحبه فوق الحق

[فاطمة شلف]

السلام عليكم ورحمة الله وبركاته
اخي الكريم للغيرة حدود واذا تمت على هذه الحالة تصل بها الى الطريق مسدودة وتصعب الامر على حياتها الزوجية
الناس الاولة تقول لي يحوسو علينا مايصبونا ولي نحوسو عليهم مانصبهم
وهذه هي سنة الحياة
رجل مثل هذا الرجل المراة لا تلقاه لهذا يجب عليها المحافظة على زوجها
واذا اخطات تطلب منه الاعتذار ولاتكرر ماصارالمهم كسب ود زوجها
واذا طاعته تدحل الجنة
كما قالت الاخت الكريمة رانا ديرين غير المليحة وما لقيناش المليحة
مابلك المراة التي تتصرف بطريقة غير لائقة مع زوجها
انا ضد المراة اذا اخطات
وضد الرجل اذا اخطا
الله يهدي من خلق
نصيحتي له بصبر عليها
تحذيرها من هذه الاعمال
اي وضع حد لهذه التصرفات الغير لائقة
بعض النساء سمحهن الله يرمين بانفسهن الى التهلكة وهدم بيوتهن بايدهن حتى ولو كنت انا امراة
ربي رزقها بنعمة لكن لاتصون هذه النعمة التي بعض النساء محرومات منها
وهي نعمة الزوج
اخواني اخواتي الزواج مسؤولية وليس متعة
الزواج عشرة واولاد وليس بي لعبة عندما يمل منها الطفل يرمها
سواء المراة او الرجل
ايتها الزوجة الكريمة قد وهبك الله هذه النعمة فاصونها
اسال الله ان يوفقنا الى مافيه الخير والرشاد ويبارك لنا في ازواجنا
فهم لنا ونحن لهم
بتوفيق للجميع

[قرويجة]

هي تعيش مراهقة متأخرة أحمد الله و الأحرى أن تكون سعيد هناك بعض النساء تضع مشاعرها في ثلاجة و غير مبالية بزوجها

[الوردة الزرقاء]

المرأة التي تغار بفطر تها ولكن مع جمع نساء يعمرو لها رأسها على خير المشاكل الأسرية واخبار الفضائح.. بطبيعتها راح تسبب بطريقه غير مقصودة في هدم بيتها بدل محاولة إسعاد زوجها ونصيحتي ليه اولا الحديث المقنع ليها مع محاولة دائمة لكسب ثقتها ليه.. وإذا استحال هذا الموضع لازم يوضحلها انو طرق الخيانه سهلة وأنها إذا استمرت لمضايقاتو راح يتخلى عنها.. والغيرة الشديدة من الطرفين تسبب مشاكل كبيرة لطرف الآخر. ونحن أسبابها اما الشخص مريض نفسي تعرض من قبل لحادثة أثرت فيه شافها أو تعامل معها شخصيا. أو انو هو في حد ذاته كان مر بحالة طيش حتى لو اصبح شكاك والله اعلم

[oumhana]

من رأي مايروح ما يخليلها الدار ما والو أنا في بلاستو نقوللها وجدي روحك نحطها في دارهم و ننقوللها" كتبراي عيطيلي إذا ماكنتش مشغول أنجي نديك"و منخلي حتى واحد يدخل بيناتنا راني هابل وحدي معاها ،نحل مشكلتي وحدي ،وتم يشوف شحال راح يريح من وجع الراس.كاين حاجات باينه علاش الواحد يضحي بعمرو حتى يولي عندومرض، لالا كاين مشاكل نحلوهم بالحوار و كاين حالات كما la gangrène لازم القطع كمايقول المثل "قطع الراس تنشف لعروق "

[salamandal]

انا متزوج من سنوات وبناءا على ما ذكرت في هذا الموضوع ساضع نفسي في نفس الموقف
ما دامك متاكد يا اخي بانك انسان شريف علاه راك مخليها تنبت القرون
انا رايي من الاول غير يبداو القرون يخرجو تزبرهوملها ولو يصرالي ما راه يصرالك والله و الله والله نعطيها طريحة شارف الكلاب هكذا باه ما يجيش نهار تحصل فيها كيما راك تحكي
لا اقول لك انني مع ضرب النساء ولكن اشعر ان هناك شئ ناقص في الموضوع ما دامت هي تجرب فيك وتعاود اكيد هناك خلل
يجب ان تتفقد تلك المسافة - الحميمية - لا تتركها حتى تصبح هوة .ما دامت زوجتك تغار خليها انت ثاني تحس بلي ماكش ناسيها ما كش بعيد عليها

[الصادع بالحق]

بارك الله في الجميع على اثرائهم الموضوع

قسرت مع حبيبي هدا لي حكيتلكم قصتو ليوم صباح لكلام لي قالهولي قالي دك نزيرها ونحبسلها هاد لجياحات

قالي تزيد تغلط نديها لدارهم ونبهدلها مع دارهم ووين توصل توصل

قالي منحبش نضربها فوجه اهلها ناس ملاح بزاف قالي نجي نتيريها متاقه بصح نتفكر والديها وخاوتها قاتليني بلقدر منحبش نمسها

قالي بصح مرة جايه نديها لدارهم ونعيط لخاوتها كبار ونقلهم هاو وش كاين هاو وش كاين انا كرهت منهاد لعفايس لي راهي دير فيهم نقلهم كان نخليها معايا راني كاش منديرلها

مالا هاكو ختكم ودبرو راسكم بيها

قالي مشكل تاع زوجة تاعي تغير عليا بزاف لدرجه سماطت

قالي وليت نحس روحي زين لحق عندي وحبس ونا انسان عادي بزاف فزين خخخخخ

هو صح وليد فاميليا والله ماراهو خارج تريق في كلش في حياتو بصفه عامة مربي خدام انسان محترم قالي تبهديلة لي راني خايفها كان يسمعو دارنا عيب وعار هاد لكلام

ومنخفيش عليكم كي شفتو راحلو زعاف وراهو عادي عندي مضحكت عليه

شغل اخر حجه انك تتهموا فيها انو تاع علاقات محرمة او متلا تقول عليه انو يشرب خمر شغل افهمو قصدي تتهم انسان بحجه كي تسمعها يغلبك ضحك شغل خاطيه هاداك

الامر كامل. شكت فيه بحاجه اصلا قبل ميتزوج ميعرفش هاد الامور اصلا الله يصلح لحوال وخلاص