عندي طلب من فحلات تبسة

[لجين وفاء]

السلام عليكم أخواتي
عندي طلب منكن أخواتي التبسيات رأوه عندكم جاري يعني شربة فريك تهبل حابة الوصفة الي تعتمدوها لطبخ الجاري تاعكم
رآه داقوا راجلي في رمضان تاع عاملول لما خدم في تبسة ودالو عقلوا وأنا حابة نطيبهولو في رمضان المعظم لكان حيانا ربي
أرجوكم لاتبخلو عليا بشربتكم العسل كيما قال راجلي

[rabia99]

بارك الله فيكي أختي

[أ م ساجد وسيم]

في انتظار الوصفة نستفادو معاك

[لجين وفاء]

أنا في انتظار كن اخواتي

[لجين وفاء]

96مشاهده ولا رد يعني مادخلت حتى تبسية؟
أنا في انتظاركن أخواتي فلا تبخلن عليا

[لجين وفاء]

التفضلو شاهدو وزيدو شاهدو راني ننتظر فيكم حتى تخلصو وتحنو علينا

[طيور الجنان]

ان شاء الله يفيدوك و نستفادو احنا تاني شوقتينا

[أمنية غفران]

مرحبا أختي لجين و الله غي تمنيت نساعدك الله غالب

بصح راني حوست لك و لقيت موضوع مشابه لموضوعك تفضلي شوفيه بالاك تلقاي ضالتك راهم حراير الجلفة كفاو و وفاو ربي يهنيهم

http://www.djelfa.info/vb/showthread.php?t=1808648


تحياتي

[prettylady]

هيا التبسيات ادخلو اعطونا وصفة الشربة شوقتنا ليها لجين

[لجين وفاء]

مشكورة اختي أمنية غفران الله يجازيك الخير هدرو بزاف على الحمص بصح راجلي قالي مافيهاش الحمص

[امال العروبة]

السلام اختي انا من تبسة وجاري لفريك نتاعنا صح يهبل اولا اختي تجيبي لحم الخروف تعلي زيت الزيتون والبصل والكرافس تقليهم مع بعض ثم تضيفي طماطم مصبرة والملح والفلفل الاسود والثوم والفاح والفلفل الاحمر وتمرقي بشوي ماء وتضيفي الفريك نتاعك وتخليه شوي تقلى معاهم وتضيفي الحمص المشمخ وتمرقي بالماء وتخليه يطيب وبالشفاء ارجو انك فهمتيني ونتمنى منك دعوة نتاع خير برك

[لجين وفاء]

ربي يجازيك بالخير اختي آمال العروبة
أنا معولة من غدوة نبدى نجرب في قداه من وصفة تاعك والي قريتهم في الرابط الذي وضعته الأخت أمنية غفران ونشوف حتى يقلي راجلى هادا هو بدات
مشكوووووووووورة حبيبتي

[لجين وفاء]

اختي آمال العروبة إذا طيبتو بزيت الزيتون مايبانش فيه الطعم تاعو ولا يبان

[صابرين أنا]

سلام
انا من تبسة
نقولك كفاش نطيبو انا باسكو يقولولي كامل بنين احم احم ههههه
نقطع البصله وشوية ثوم مي منكثرش نحطهم يتقلاو في شويه زيت مع شويه توابل وملح ونعناع يابس وبعدها نحط اللحم معاهم يتقلاو شويه نروح في صحن نحط شويه طماطم مصبره وهريسة نحلهم بشوية ما حتى تولي كصلصة ونحطهم على اللحم ونقفل عليه واحد 10 دقايق وبعدها نصب الما السخون حتى نغرق اللحم ونخليها طيب وبعدها كتكون قريب للطياب نزيد الفريك ونخليها على نار هاديه وفلخير نقدمها وفوقها دبشة ونعناع
ان شاء الله تكوني فهمتي علي

[لجين وفاء]

مشكوره أختي ربي يجازيك بالخير

[مختارية الوهرانية]

شوفي وصفة ام اماني

[وصال1996]

اعتقد ان زوجك مفتش تربية وطنية

[sanfoura:k]

السلام عليكم اختي حنا في تبسة نديروا اللحم يتقلا في الزيت و مبعد نحطوا البصلة و شوية ثوم حتى تذبال البصلة نفوحوها بالتوابل و الفلفل لكحل و الملح و نزيدولها الطماطم المصبرة و شوية كرافس مقطعة او نعناع يابس تتقلى شوية و نحطوا الفريك نحوكوها شوية و نمرقوا بماء مغلي و نقفلوا عليها حتى طيب و بالصحة و العافية و صح رمضانكم و ربي يهنيكم

[tayma bourennan]

اختي انا تبسية وشربة لفريك تاعي مشهورة في العائلة نتمنى دعوة الخير برك ......شوفي ندير زيت في القدر واللحم غنمي نخليهم بتفلاو بياااا منبعد نحط البصل والحمص ونمرقهم غير شوويييي برك نخليهم يتقلااو ملييح حتان بتكراميلا هداك لبصل ونضيف مغرف كبير طماطم مصبرة +ثوم+البهارات ندير شوي برك منكثرش باه ميجيش قاوي + حمص ونمرقو ونضيف فنجان فريك + نص فنجان شعير وكي يطيب ارمي قرن فلفل وقصي فيه الدبة وورقة رند راح يجييك راائعع صدقينييي