أختي في الله لا تتزوجي لهذا السبب

[دكتورة حبيبة]

نصيحتي لكل بنت شارفت على 30 سنة ولم تتزوج لا تتزوجي فقط لكي لا يقال عنكي بايرة رحمت ربي واسعة فكري ثم فكري وزيدي فكري متقدميش تنازلات تندمي عليها من بعد تولي كيما الاعب لي مارك بيت في الدقيقة 90 و من بعد أعتزل

[kacimo.samy]

نصيحتي لكل بنت شارفت على 30 سنة ولم تتزوج لا تتزوجي فقط لكي لا يقال عنكي بايرة رحمت ربي واسعة فكري ثم فكري وزيدي فكري متقدميش تنازلات تندمي عليها من بعد تولي كيما الاعب لي مارك بيت في الدقيقة 90 و من بعد أعتزل

كلمة بايرة كلمة دخيلة علينا
لا اعلم سبب كثرة استعماها ولا حظت النساء يستعملنها اكثر
المهم
يقال يفوتك قطار الزواج احسن من تركب في واحد خطأ وفي الاخير يعمل حادث
ربي يرزق بنات الجزائر ولاد حلال ومعيشة كريمة

[lina18258]

ممكن توضحيلنا ما هي التنازلات التي لا ينبغي ان نقدمها حتى نستفيد اختي

[دكتورة حبيبة]

تقعدي فالدار و تسمحي في خدمتك و المستقبل تاعك تتزوجي من غير ولايتك وتسافري بعيد على أهلك تسمحي في حباباتك يعني طفي روحك متزيديش تباني

[أثيلة]

السلام عليكم ورحمة الله وبركاته
شكرا لك اختي و فعلا صدقتي
لكن التنازلات التي ذكرتها بعضها هاطئ مثل البفاء بالبيت و التخلي عن العمل هذا امر لا يعتبر تنازل لان المراة عملها بيتها و تخرج للعمل في استثناء واحد وهو لما يكون زوجها غير قادر علئ توفير ضروريات الحياة لها و رجاءا ركزوا على كلمة ضروريات يعني مش تروح تخدم وتقول السبب مثلا ماعنديش طونوبيل من نوع رونج تاعي راهي قديمة



شكرا للموضوع مرة اخرئ

[سَامِيَة]

السلام عليكم

بايرة أو عانس هي كلمة جددددددددد قاسية على من تعاني من تأخر سن الزواج حتى وإن تم التعامل بها بعفوية إذ أنها تعني عدم الصلاحية ولو أن كل شخص يبادر بحذفها من قاموسه سنقضي عليها. ......والزواج حاله حال الصحة المال الذرية كلها أرزاق من عند الله...كما ان هناك تنازل آخر هو أشد وقعا من التنازل في الأمور التي تفضلت بها أختي ولا يؤثر فقط على الفتاة بل على المجتمع ككل ألا وهو التنازل في القيم والمبادئ والأخلاقيات من أجل تحقيق حلم الزواج.

بارك الله فيك

[عبدالنور.ب]

أسأل الله أن يهديك
تترك الزواج وهي في الثلاثين بحجة :
ترك العمل!!!!
والزواج من خارج الولاية !!!!

هذا هو الجنون

أسأل الله أن يهدي اخواتنا للتمسك بدينهن وعفتهن ,آمين

[دكتورة حبيبة]

السلام عليكم راني نهدر عن تجربة باش طفلة تتخلى على احلامها في الحياة والنجاح بعد مشوار دراسي طويل ويعيي حاجة صعيبة و الهدرة ساهلة و التنازلات أنا مديت أمثلة القائمة طويلة و الأمر أنها بعد زواج متتهناش تولي كلي مسافر في سفينة في وسط البحر و الناس لي رايح معاهم مكاش كيفاش يكمل السفر معاهم يولي لاهو حاب يكمل لا هو قادر يهبط

[عبدالنور.ب]

السلام عليكم راني نهدر عن تجربة باش طفلة تتخلى على احلامها في الحياة والنجاح بعد مشوار دراسي طويل ويعيي حاجة صعيبة و الهدرة ساهلة و التنازلات أنا مديت أمثلة القائمة طويلة و الأمر أنها بعد زواج متتهناش تولي كلي مسافر في سفينة في وسط البحر و الناس لي رايح معاهم مكاش كيفاش يكمل السفر معاهم يولي لاهو حاب يكمل لا هو قادر يهبط


الحمدلله أن المرأة الجزائرية المسلمة الأبية لا زالت متمسكة بدينها بعيدا عن ما تقولين ,فالإسلام أكرمها ورفع من شأنها وأوصى عليها أشد الوصاية....
فالشاذ لا يقاس عليه كما يقول ’والاصل أن المرأة قرارها في البيت كما جاء ذلك في كتاب رب العالمين ,ويجوز لها الاخلال بالأصل لضرورة أصابتها ومع ذلك تخرج بشروط قد قررها غير واحد من أهل العلم .
فكفاكم بارك الله فيكم من طرح هذه الافكار المشبوهة الدخيلة ,فسوف تسألين عنها غدا فأعد للسؤال جوابا.

[imaneima]

sah okhti khatebeha wahad o galeha 3andi 2 akhawati fi dar o dar ta3 papah o heya 3andeha 40 ans wache raykom

[kacimo.samy]

تقعدي فالدار و تسمحي في خدمتك و المستقبل تاعك تتزوجي من غير ولايتك وتسافري بعيد على أهلك تسمحي في حباباتك يعني طفي روحك متزيديش تباني


انتي متزوجة ؟؟ ومتهنية والحمد الله
وحابة تُجرِي على الباقي
يعني من أحسن تبقى في المنزل هذا رأيك
وشكون قالك ما تخرج من دار و و و و ...

[دكتورة حبيبة]

مكاش حتى واحد من الموجودين الرجال قال هذي المرا راهي تحث البنات باش يتزوجو صغار و ميخلوش روحهم حتى 30 سنة و بعدها يطيحو على راسهم شحال تضنوالسوء لي يسمعكم يقول الإسلام نزل عليكم الله يهدينا أجمعين ويثبتنا يوم السؤال

[ansari halim]

لاحول ولاقوة الا بالله.............احبابي اتقو الله كل شىء مكتوب والانسان يعيش واش كتب له ربي كتير من البنات تبغي توفق بين الخدمة والزواج لكن توجد روحها في حالة صعبة لازم نخممو مليح بان الزواج رباط مقدس وهو سنة النبي محمد عليه الصلاة والسلام فعلينا بالترغيب فيه لاالترهيب وربي يجيب الخير
شكرااااااااااااااااااا لكل الاعضاء بدون استناء

[kacimo.samy]

مكاش حتى واحد من الموجودين الرجال قال هذي المرا راهي تحث البنات باش يتزوجو صغار و ميخلوش روحهم حتى 30 سنة و بعدها يطيحو على راسهم شحال تضنوالسوء لي يسمعكم يقول الإسلام نزل عليكم الله يهدينا أجمعين ويثبتنا يوم السؤال
والله ي اخت

انا اجبت حسب ما طرحتي
الم تقولي تبتعد عن دار و تحبس الخدمة وطفي ضوء

اين الحث في هذه جملة

يا بنات يجيكم واحد مليح متدين ويخاف ربي
غير ادوو حتى لو كان من قندهار

انا اريد زواج من خارج ولايتي
حتى انا من ولاية واسكن في ولاية ودرست في ولاية اخرى و زوجت اخي من ولاية اخرى

والحمدالله

انا لا انتمي للاي ولاية
وين نلقا راحتي وعملي او زوجتي تلك ولايتي

وكلمت بايرة او عانس
نكرها اشد كره ماهذا ..؟؟

[ع.عيسى]

تقعدي فالدار و تسمحي في خدمتك و المستقبل تاعك تتزوجي من غير ولايتك وتسافري بعيد على أهلك تسمحي في حباباتك يعني طفي روحك متزيديش تباني

هل تسمي هذه تنازلات تهدد مستقبل المراة؟؟؟؟؟ وفوق هذا تنصحيها انها تقعد بلازواج افضل من هذه التنازلات ؟؟ يا اختي اخطاؤك لا تقدميها على شكل نصائح للاخريات ، باينة عليك فايتة 30 وتخطبتي 1000 مرة وما قبلتيش.
اولا : تقعدي في الدار .......علواش تحوسيها تقعد في الزنقة ؟؟ اعلمي ان في الجزئر 85% من المتزوجات قاعدات في ديراهم ومتهنيين وبوليداتهم ، الحمد لله ما سمعوش هذه النصيحة القيمة والا لاصبح 99% من النساء عوانس
ثانيا: ما تسمحش في خدمتها ؟؟.....واذا كان الزوج خدمتوا مليحة وراتبه يكفي علواش تتمسك بالخدمة ؟؟ والخدمة هاذي رايحة تسترها وتجيب منها الذرية ؟؟
ثالثا : لا تتزوجي من غير ولايتك ؟؟؟ ولي تزوجوا بعيد واش صرالهم ، الحمد لله وسائل التواصل كاينة ، النقل كاين ، ..حاسبة روحك عايشة في القرن الاول .
وفي الاخير ، ..كل وحدة وظروفها ، كاينة لي ما هيش متهنية في دار باباها وكي تتزوج بعيد افضل ليها ....كاينة لي ما هيش حابة تخدم ....كاينة لي عندها ضغوط كبيرة في العمل المشاكل وتكسار الراس ، تتزوج وتريح خبر ....وكاينة وكاينة ...
الرفض وعدم تقديم التنازلات يكون في الاتي ، اذا كان الرجل ماهوش قادر على تحمل المسؤولية هنا على المراة ان لا تتنازل ، ااو اذا كان الرجل غير متدين لاصلاة لا ذكر الله و حاشاك سكير ونتاع نسوان هنا المراة ايضا ان لا تتنازل . اما اذا كان الرجل قادر على تحمل المسؤولية ، ومريقل ، فمسالة ترك العمل او الزواج خارج الولاية لا تعتبر تنازلات وانما اختيار شخصي حسب الظروف وفقط .

[دكتورة حبيبة]

يا خاوتي انا من العاصمة و تزوجت لولاية داخلية الرجال فيها يقولو على المرا حشاكم و علاش تقدرو تفهموني علاش يزيدو كلمة حشاكم للمرا

[فاطمة شلف]

السلام عليكم ورحمة الله وبركاته
كلامك دواء ومنطيقي تشفي به العقول
وانا مريت بتجربة وخسرت نصف عمري في العذاب بسبب تنزولات
تنازلت عن العمل لكن ندمت كثيرا لاني لم استقر في حياتي تعذبت تالمت
والان قضيت نفس العمر ولن اتذوق طعم الحياة
مشكورة دكتورة على الطرح

[ع.عيسى]

يا خاوتي انا من العاصمة و تزوجت لولاية داخلية الرجال فيها يقولو على المرا حشاكم و علاش تقدرو تفهموني علاش يزيدو كلمة حشاكم للمرا

انا من ولاية داخلية ، وما نقولوش على المرا حاشاكم ، وخاصة الجيل الجديد ، واذا فشل زواجك هذا لا يدعوا للتعميم ...ربي بفرج عليك

[دكتورة حبيبة]

انا من ولاية داخلية ، وما نقولوش على المرا حاشاكم ، وخاصة الجيل الجديد ، واذا فشل زواجك هذا لا يدعوا للتعميم ...ربي بفرج عليك

زواجي لم يفشل يا أخ ولن أتركة يفشل إن شاء الله أنت رجل من ولاية داخلية مراحش تحس بواش راني حاسة مستحيل تفهمني

[دكتورة حبيبة]

السلام عليكم ورحمة الله وبركاته
كلامك دواء ومنطيقي تشفي به العقول
وانا مريت بتجربة وخسرت نصف عمري في العذاب بسبب تنازلت
والان قضيت نفس العمر ولن اتذوق طعم الحياة
مشكورة دكتورة على الطرح


الحال من بعضو نشالله البنات لي جايين للدنيا ميفوتوش واش فوتنا وميطيحوش على راسهم و الله أنا قصدي الخير وتنوير العقول مرانيش نحرض على خروج المرا من دارها شكون فينا لي تحب تتعب كي تلقى الخير و الدلال الميزيرية صعيبة و الأصعب أنك متكونيش حاس بلامان مع لي راكي عايش معاه

[بشـرى]

أختي الكريمة لو قلتِ البقاء بلا زواج أحسن من الإرتباط برجل ( سكير ، بعيد عن الله ، لا يصلي ، لا يحترمها ، ....... ) سأوافقك وأبصم بالعشرة ..
أما أن تقولي ، البقاء بلا زواج أحسن من الإرتباط برجل من ولاية أخرى أو يشترط عدم العمل فهذا غير معقول !!!
لا تجعلي تجربتك الفاشلة شيئا مسلما به تنصحين به غيرك ...

[kacimo.samy]

أختي الكريمة لو قلتِ البقاء بلا زواج أحسن من الإرتباط برجل ( سكير ، بعيد عن الله ، لا يصلي ، لا يحترمها ، ....... ) سأوافقك وأبصم بالعشرة ..
أما أن تقولي ، البقاء بلا زواج أحسن من الإرتباط برجل من ولاية أخرى أو يشترط عدم العمل فهذا غير معقول !!!
لا تجعلي تجربتك الفاشلة شيئا مسلما به تنصحين به غيرك ...

صدقتي
لي يسمعها يقول جاربت كل رجال وكل الولايات
والله ربي يهديك
شحال ولاية حوستيها..؟؟؟

انا جامي سمعت كلمة حشاك على المرا ؟؟

[أم أسماء وعبد الرحمن]

السلام عليكم ورحمة الله
ياأختي علاه هذا التشاؤم الزواج بغض النظر عن ماقلت تنازلات و و هو سترة للمرأة كيما يقولو ماينفع المرا غير دارها وولادها والوالدين ماهمش تامين وهذا هو الزواج كل وحدة وكيفاش كتبلها ربي كيفاش تعيش والمرأة تتزوج فالعشرينيات أفضل من الثلاثينيات وفالثلاثينيات أفضل من الاربعينيات وفالاربعينيات أفضل من الخمسينيات وهي رايحة
المهم مانقيسوش تجربة فاشلة على باقي التجارب.
وأنا نقول لأخواتي الي ماتزوجوش المجتمع مايرحمش فارحمي نفسك واقبلي الستر كيما كاين تجارب فاشلة كاين تجارب ناجحة
وماذا تفضلين كلمة حاشاكم ( أنا لا أؤيد هذه الكلمة لانها من إنسان جاهل) أم كلمة بايرة؟

إن شاء الله ربي يفرج عليك ختي ويفرج علينا كامل

[rabia99]

مشكوووووووووووووووووووووووووووووووووووورة اختي وبارك الله فيك

[ايمان4]

ربي يثبتنا ان شاء الله مشكورة على الطرح الله يفرجها عليك الاخت ....

[دكتورة حبيبة]

ربي يثبتنا ان شاء الله مشكورة على الطرح الله يفرجها عليك الاخت ....

أمين يارب ولك بالمثل

[ام رضوان]

السلام عليكم
ربي يفرج على كل مكروب والله العالم بالحال
بصح نقولك اختي ربي يهديك
يعني المراة مولات 30سنة ماتتزوجش لانو راح تعيش في مشاكل؟
يااختي السيدة خديجة رضي الله عنها تزوجت بالرسول صل الله عليه وسلم وهي في سن40 سنة وانجبت له من البنين والبنات
وهناك من العلماء من يشجع المراة على الزواج حتى ولو بلغت سن الياس كما يقول البعض.
تاتي انت وتنصحي بهذه النصيحة؟
يعني في بالك المراة اللي تتزوج صغيرة راح تعيش متهنية ؟
مكانش دار بدون مشاكل هاذي حطيها في بالك
حاولي توضحيلنا اكثر

[دكتورة حبيبة]

السلام عليكم
ربي يفرج على كل مكروب والله العالم بالحال
بصح نقولك اختي ربي يهديك
يعني المراة مولات 30سنة ماتتزوجش لانو راح تعيش في مشاكل؟
يااختي السيدة خديجة رضي الله عنها تزوجت بالرسول صل الله عليه وسلم وهي في سن40 سنة وانجبت له من البنين والبنات
وهناك من العلماء من يشجع المراة على الزواج حتى ولو بلغت سن الياس كما يقول البعض.
تاتي انت وتنصحي بهذه النصيحة؟
يعني في بالك المراة اللي تتزوج صغيرة راح تعيش متهنية ؟
مكانش دار بدون مشاكل هاذي حطيها في بالك
حاولي توضحيلنا اكثر

واش حاب نوضحلك يا أختي عندي 3 سنوات زواج نقدر نألفكتاب تع العذاب و الألم

[فاطمة شلف]

السلام عليكم ورحمة الله وبركاته
اختي الدكتورة واش حبيتي نقلك 28 سنة زواج الفت فها قصائد وخواطر
اكثر من الكتاب عذاب والم خداع ونفاق
سال المجرب وماتسال طبيب
والالاف اكثر منا
الله يوفق الجميع الى مافيه الخير والرشاد
مشكورة

[kacimo.samy]

السلام عليكم ورحمة الله وبركاته
اختي الدكتورة واش حبيتي نقلك 28 سنة زواج الفت فها قصائد وخواطر
اكثر من الكتاب عذاب والم خداع ونفاق
سال المجرب وماتسال طبيب
والالاف اكثر منا
الله يوفق الجميع الى مافيه الخير والرشاد
مشكورة


الحل سهل اطلبي طلاق ؟؟

ربي اجازوو
انتم خيرتو زوج ؟؟ وقبلتو بيه

حتى رجال كاين لي يدخل لدار في ليل و يخرج صباح للخدمة في ليل
غير باه ما يسمعش تنقنيق تاعها
حسب كلامكم انتم من الجنة

راني حاير كيفاه تحكو في رجالكم ؟؟
حنا رجال جامي نحكو في نسانا ( لست متزوج بصح ما نهدروش)
ربي يصلح امركم وامرنا

اختاري رجل او عيشي عزباء

[جالب الخيرات]

السلام عليكم راني نهدر عن تجربة باش طفلة تتخلى على احلامها في الحياة والنجاح بعد مشوار دراسي طويل ويعيي حاجة صعيبة و الهدرة ساهلة و التنازلات أنا مديت أمثلة القائمة طويلة و الأمر أنها بعد زواج متتهناش تولي كلي مسافر في سفينة في وسط البحر و الناس لي رايح معاهم مكاش كيفاش يكمل السفر معاهم يولي لاهو حاب يكمل لا هو قادر يهبط

راكي تقولي عن تجربة .................................................. .........واش من تجربة....................................هل قاسيت هل ضربت هل حقرت هل تزوجت و لم ينجح الزواج؟...............................كل هذه الأسئلة تتبادر في الذهن إذا ما قلت عن تجربة........................................المهم ليس الحال كما يتمنى و لكن نسأل الله التوفيق و عليه نتوكل................................خواتاتي المهم المرأة تبني دارها و تسيي سعدها .........................و الباقي على ربي............................و ما نظنش أنو المتزوجات كاملين راهم يخموا في كلمة بايرة و الله عانس........................................المهم المكتوب يغلب كلش..............................................ش كرا أختي على هذا الموضوع ..........................و ربي يسعدك............................

[دكتورة حبيبة]

راكي تقولي عن تجربة .................................................. .........واش من تجربة....................................هل قاسيت هل ضربت هل حقرت هل تزوجت و لم ينجح الزواج؟...............................كل هذه الأسئلة تتبادر في الذهن إذا ما قلت عن تجربة........................................المهم ليس الحال كما يتمنى و لكن نسأل الله التوفيق و عليه نتوكل................................خواتاتي المهم المرأة تبني دارها و تسيي سعدها .........................و الباقي على ربي............................و ما نظنش أنو المتزوجات كاملين راهم يخموا في كلمة بايرة و الله عانس........................................المهم المكتوب يغلب كلش..............................................ش كرا أختي على هذا الموضوع ..........................و ربي يسعدك............................

سلام تقدر تقول كل الكلام لي قلتو صرالي إلا أني مزالت متزوجة و مهدمتش داري نظربت وتهنت و تحقرت و تسبيت وتعايرت وطلقت ورجعت لداري و راني صابرة و محتسبة هذا الموضوع فتحت للعبرة مشي باش نحرش لبنات ميتزوجوش حاش لله

[دكتورة حبيبة]

لبنات حتى لوكان تكبرو مترموش رواحكم قبل متعرفو مليح وين رايحين وكيفاش راح تعيشو و هذو الناس لي رايحين عندهم كيفاش دايرين ياك يقولو الخطاب رطاب أتحراو مليح على شريك حياتكم سقسيو الجال و النسا والذراري صغار على الدار لي رايحين ليها باش متندموش

[دكتورة حبيبة]

السلام عليكم ورحمة الله وبركاته
اختي الدكتورة واش حبيتي نقلك 28 سنة زواج الفت فها قصائد وخواطر
اكثر من الكتاب عذاب والم خداع ونفاق
سال المجرب وماتسال طبيب
والالاف اكثر منا
الله يوفق الجميع الى مافيه الخير والرشاد
مشكورة


الله يبارك ياختي 28 راكي قريب تخرجي روترات راه نصحك عصو معانا فالمنتدى باش تطلبي الطلاق واش رايك

[دكتورة حبيبة]

الحل سهل اطلبي طلاق ؟؟

ربي اجازوو
انتم خيرتو زوج ؟؟ وقبلتو بيه

حتى رجال كاين لي يدخل لدار في ليل و يخرج صباح للخدمة في ليل
غير باه ما يسمعش تنقنيق تاعها
حسب كلامكم انتم من الجنة

راني حاير كيفاه تحكو في رجالكم ؟؟
حنا رجال جامي نحكو في نسانا ( لست متزوج بصح ما نهدروش)
ربي يصلح امركم وامرنا

اختاري رجل او عيشي عزباء



نجاوبك بجملة مفيدة يارجال متمثلوش على لبنات باش يقبلو الزواج خاطر كي ينصدمو بالحقيقة راح ينقنقو

[kacimo.samy]

نجاوبك بجملة مفيدة يارجال متمثلوش على لبنات باش يقبلو الزواج خاطر كي ينصدمو بالحقيقة راح ينقنقو

اول حاجة

ذاك ذكر وليس رجل

و حسب الدرسات المرا تحب الكذب

[سَامِيَة]

ربي يعوضك خير ختي يبدو أن التجربة التي مررت بها كانت جد قاسية ربي يعوضك خير...المرأة في كل الأحوال تجد صعوبة في التأقلم مع نمط حياة زوجها فما بالك إن كان الجو العائلي معقد والنفسيات قاسية ربي يكون معاك تهلاي في روحك مليح وخذي حذرك...لا أعلم إن كان زوجك يستحق كل هذا الصبر والتحمل؟!دعي ربي وفرغي زعافك على سجادة الصلاة...أدعي ربي ماراحش يخيبك.

شكرا على النصيحة الأخيرة احسستها في قمة الصدق ومن قلب محب منكسر.

بارك الله فيك

[دكتورة حبيبة]

ربي يعوضك خير ختي يبدو أن التجربة التي مررت بها كانت جد قاسية ربي يعوضك خير...المرأة في كل الأحوال تجد صعوبة في التأقلم مع نمط حياة زوجها فما بالك إن كان الجو العائلي معقد والنفسيات قاسية ربي يكون معاك تهلاي في روحك مليح وخذي حذرك...لا أعلم إن كان زوجك يستحق كل هذا الصبر والتحمل؟!دعي ربي وفرغي زعافك على سجادة الصلاة...أدعي ربي ماراحش يخيبك.

شكرا على النصيحة الأخيرة احسستها في قمة الصدق ومن قلب محب منكسر.

بارك الله فيك

أمين يا ختي والللله راني ننصح فالبنات من قلبي سقسو مليح على الخطابين متتزوجوش بلا متسقسيو تحت أي ضرف ابعتو رجال يسقسو على الرجال و النسا على النسا متكتفيوش بالشكل الخارجي أنا دارنا نهار سقساو على لفامي تع راجلي قالوله جيرانهم الرجال تاعهم نعم الناس بصح النسا تاعهم مكاش لي يعرفهم من بعد كي تزوجت صارحوني نسا خات راجلي بلي عجوزتي خطبتلو من شحال دار جيرانهم محبوش يمدولها و خطبتلو بنت ختها و محبتش خطرش العجوزة واعرة والله يا ختي نهار جات خطبتني قريب قعدتني في حجرها من الضرافة تاعها و الهدرة الرزينة وهي ربي عالم جات دات مالعاصيمة لخاطرش مكاش لي يعرفها ويعرف أخبارها مخبيش عليك أنا والله فالول توسوست منها خاطر راجلي صغير علي وهيكانت نورمال قابل و فرحان بصح من بعد شبعتني معايرة بهذه الحاجة كل ماتشوفني تقولي الملرا الكبيرة على الراجل مشي مليح ولوكان معجبتكش العيشة عندي كنت تتزجي ففي بلادك ولوكان مداكش ويلدي تبوري راني رافد الهبال ياختي أدعيلي ....

[دكتورة حبيبة]

اول حاجة

ذاك ذكر وليس رجل

و حسب الدرسات المرا تحب الكذب









مفهمتكش المرا تكذب ولا تحب لي يكذب عليها ولا ديرهم بين زوج .....ديجا واش بيك علي ياخو كنت متعاطف معايا و من بعد بديت تهاجم

[فاطمة شلف]

السلام عليكم ورحمة الله وبركاته
اخي الله يهديك
سهل الانسان يطلب الطلاق لكن صعب جدا باه يسمح في خمسة اولاد وين غادي تبات
ثانيا نخسر الف زوج ومانخسر ش واحد من اولادي
مايحس بالجمرة غير لكواتوا او لي عافس عليها
ولي بعيد على الزازة يدير رحو صلاب
ضحيت تعذبت تالمت نضربت تعريت تحفيت جوعت نخدعت تنازلت على كل حقوق
واش راي في ذلك بعدما كنت عاملة تخليت عن العمل من اجل ارضاء زوجي وباش نكبر اولادي ونوصلهم ويولي رجل رجل والمراة مراة
ولي فات عليا محال يفوت على اولادي
انا مانيش من الجنة كما قلت انا مراة عادية محافظة تحب الخير للجميع
بارك الله فيك على التدخل
اللهم اني اسالك العفو والعافية والثبات في الدين

[دكتورة حبيبة]

السلام عليكم ورحمة الله وبركاته
اخي الله يهديك
سهل الانسان يطلب الطلاق لكن مولاة خمسة اولاد وين تبات
ثانيا نخسر الف زوج ومانخسر ش واحد من اولادي
مايحس بالجمرة غير لكواتوا او لي عافس عليها
ولي بعيد على الزازة يدير رحو صلاب
ضحيت تعذبت تالمت نضربت تعريت تحفيت جوعت نخدعت واش راي في ذلك بعدما كنت عاملة تخليت عن العمل بسبب ارضاء زوجي ما الخ باش نكبر اولادي ونوصلهم ويولي رجل رجل والمراة مراة
ولي فات عليا محال يفوت على اولادي
انا مانيش من الجنة كما قلت انا مراة عادية محافظة تحب الخير للجميع
بارك الله فيك على التدخل
اللهم اني اسالك العفو والعافية والثبات في الدين





كلامك دوا الطلاق مشي ساهل تقبلي ترفدي لهبال وبنتك ووليدك ميخصهم والو ربي يعوضك في ولادك خير ياختي بنت الشلف الزينة نشالله متزيديش تنغبني كامل في حياتك

[دكتورة حبيبة]

فظلا ليس أمرا
أخوتي و أخواتي في الله لي حب يعرف أكثر عن قصتي يتفظل يقرا موضوعي في نفس القسم بعنوان لو كان حلالل فعلته

[فاطمة شلف]

السلام عليكم
اللهم امين
شكرا لك اختي الدكتورة
حطيتي كلامك على الجرح يبرى
اولاد ي هم حياتي هم سعادتي وكل شئ في الوجود
اتمنى السعادة لكل المسلمين والمسلمات
حاليا الحمد لله

[ام جبير]

نصيحتي لكل بنت شارفت على 30 سنة ولم تتزوج لا تتزوجي فقط لكي لا يقال عنكي بايرة رحمت ربي واسعة فكري ثم فكري وزيدي فكري متقدميش تنازلات تندمي عليها من بعد تولي كيما الاعب لي مارك بيت في الدقيقة 90 و من بعد أعتزل

عن تجربة كلامك صحيح و ما يحس بالجمرة الا لي كواتو لكن القضية لا تعمم ،لذلك المرأة تأخذ حذرها و تأخذ إجازة بدون راتب حتى تشوف الوضع الا تهنات و كان زوجها مكفيها و قدرت تقعد في الدار الله مابارك الا ماصابتش روحها تتفاهم معاه باه ترجع تخدم و هو اكيد الا مثقف و يحترم زوجته راح يقبل و الا لا ثما القرار يرجع ليها ، انا معاك البعد عن الاهل مع الانقطاع عن العمل و فراق الاحباب ضغط كبير على المراة و في النهاية على حسب شخصيتها و قدرتها على التحمل فهي انسانة في الاول و الاخير
مجرد رأي

[بالقران نرتقي]

اختي ادا كنت انت عانيت فهدا لا يعني انها تعمم انا مثللك من الجزائر العاصمة ومتزوجة في ميلة بصح اني والفتهم صح كاين مشاكل والعادات ماشي كيفكيف بصح عادي لانه ماكانش اللي مافوتش المشاكل قادرة مام لوكان زوجتي في العاصمة ويصرالك ما اكثر لانو كل وحدة ومكتوبها بصح يقعد الزوج هو حياتي وكلش على جالو يهون

[ام احمد اياد]

الزواج قسمه ونصيب في هذه الدنيا مش لازم تضحي بروحك على جال الناس غير باش ميقولوش راهي بارت
ارضي بما كتبلك ربي وربي حنين كريم على عباده ،والزواج صح ستره للمرأه و لكنه ليس كل شيء في هذه الدنيا

[جالب الخيرات]

سلام تقدر تقول كل الكلام لي قلتو صرالي إلا أني مزالت متزوجة و مهدمتش داري نظربت وتهنت و تحقرت و تسبيت وتعايرت وطلقت ورجعت لداري و راني صابرة و محتسبة هذا الموضوع فتحت للعبرة مشي باش نحرش لبنات ميتزوجوش حاش لله

أختي ربي يهنيك................................و يكون في عونك........................و نسأل الله أن يجازيك مثلما جاز آسيا عن صبرها...................فلا يأس مع الحياة و لا حياة مع يأس...................................صبرا .......................فجزاؤك الجنة ان شاء الله.................و الله يهدي من خلق ...

[ابو سليمان10]

القتاة الجزائرية و العربية ادخلوا عليها افكار غربية بهدف تدمير المجتمع
لم تعد تعرف تلك القتاة هل عليها ان تكون اسرة ام يكون لها طموحات مهنية و اقتصادية مثل الرجل او اكثر
لاحظت هنا ردود الحمد لله من طرف اخوات يعرفن الاولويات جيدا
لاكن هناك الكثير حولي ممن يعشن التناقض...تجدها لاهي راضية عن عدم زواجها و حصولها على ابناء كاقرانها...و في الوقت نفسه تقول لك انهاء الدراسة ثم الحصول على عمل اولوية

[ابو سليمان10]

نجاوبك بجملة مفيدة يارجال متمثلوش على لبنات باش يقبلو الزواج خاطر كي ينصدمو بالحقيقة راح ينقنقو

لا يجب التعميم...ليس كل الرجال كما تقولين اختي
في الجهة المقابلة ايضا الخداع...تاتي بها الى منزلك كالحمامة ثم ما تلبث ان تضرم الفتنة في العائلة ...ولاكن ايضا لا نعمم هذا مع انه غالب

[Lola la charmante]

يجب التأني في الزواج و الدعاء بالزوج الصالح

[Boulebda]

راكي غالطة....دكتورة تقول هذا الكلام مالا الجاهل وش يقول

[ايمان4]

ربي يفرج ...

[دكتورة حبيبة]

راكي غالطة....دكتورة تقول هذا الكلام مالا الجاهل وش يقول

راني مجرب و مديت بزاف تنازلات و ضرك راني نخلص

[noeddin]

اساس امشاكل وانعدام التطور اننا بدأنا نقدم حلول لما ثم حله مند قرون ؟؟؟

الزواج في الدين بالنسبة لإختار المرأة للرجل بني على اساسين الدين والخلق وفقط

ادا اختارت المرأة غير هدا فهي المسؤلة وليس المجتمع الدكوري ،

خلق الفشل ومحاولت التبرير اسوء من المشكل نفسه

[محارب الحمق]

المشكل ماش فيكم, المشكل في الرجال اللي يتقدمو لنسا خدامات, لا غيرة ولا رجولة. كون جاو الرجال رجال, كون مايتقدموش أصلا للعاملات, خليهم يتزوجوا بخدمتهم

[دكتورة حبيبة]

اساس امشاكل وانعدام التطور اننا بدأنا نقدم حلول لما ثم حله مند قرون ؟؟؟

الزواج في الدين بالنسبة لإختار المرأة للرجل بني على اساسين الدين والخلق وفقط

ادا اختارت المرأة غير هدا فهي المسؤلة وليس المجتمع الدكوري ،

خلق الفشل ومحاولت التبرير اسوء من المشكل نفسه

للأسف مراناش عايشين في القرن الأول للبعثة

[دكتورة حبيبة]

المشكل ماش فيكم, المشكل في الرجال اللي يتقدمو لنسا خدامات, لا غيرة ولا رجولة. كون جاو الرجال رجال, كون مايتقدموش أصلا للعاملات, خليهم يتزوجوا بخدمتهم

للأسف كاين بزاف فاشلين يحبو يدو مرى ناجحة و خدامة باش يخلوها فالدار و يطفوها وبرى هو يزوخ يالقوامة تاعو وقول ديت مرا خدامة و قعدتها فالدار كأنه دار حاجة مليحة وربي عالم الأغلبية لي تخلي خدمتها تولي عايش في الحضيظ ويزيد يشتكي منها للناس يقوللهم كي ديتها كانت شابة و مليحة و مور لي ضمنت بلي تزوجت خلاص طلقت روحها و هو يشريلها غير صابون الطرف و يحبها تبقى شابة

[محارب الحمق]

للأسف كاين بزاف فاشلين يحبو يدو مرى ناجحة و خدامة باش يخلوها فالدار و يطفوها وبرى هو يزوخ يالقوامة تاعو وقول ديت مرا خدامة و قعدتها فالدار كأنه دار حاجة مليحة وربي عالم الأغلبية لي تخلي خدمتها تولي عايش في الحضيظ ويزيد يشتكي منها للناس يقوللهم كي ديتها كانت شابة و مليحة و مور لي ضمنت بلي تزوجت خلاص طلقت روحها و هو يشريلها غير صابون الطرف و يحبها تبقى شابة
أعيد وأكرر, المشكلة ليست فيكن, المشكلة فيمن يتقدم للمرأة العاملة (سواء طالبها بترك العمل بعدها أو لم يطالبها), نقص في المروءة والرجولة وانعدام للغيرة. القوامة خلقت للرجل ويحق له بل يجب عليه أن "يزوخ" بها, انا نحير في عقلية البطاطا هذي اللي راهي ماشية !!! وعييت نفهم علاش يديها خدامة وممبعد يقلها بطلي, اديها ماكثة في البيت وهني روحك. ويضحكوني النسا, حابين يخدمو, ويتزوجوا الراجل اللي حابينو, وزيد يعيشو كيما حابين, هاذي دنيا, ليس كل ما يتمناه المرء يدركه, وكل ما يقدمه الانسان مما يخالف الشرع (أتحدث بشكل عام لا عنك بالتحديد) سيدفع ثمنه بشكل أو باخر

[fatimabo]

اشكرك صحيح الواقع مر

[سَامِيَة]

.......................

[سَامِيَة]

أختي حبيبة

أدعو الله أن يفرج همك ويرزقك
راحة البال ويعوضك خيرا عن صبرك
وعن خيبة الأمل التي تعيشينها

اعذريني
عن تدخلي
لا لشيئ الا اني فعلا اتاسف لحالك

لدي سؤال
بما أنه في جعبتك الكثير لي تقوليه
كما يظهر جليا أنك بحاجة إلى أن
تفضفضي عما بداخلك
وبحاجة إلى أناس تفهمك
وتنصحك لوجه الله وعن تجربة

لما فضلت طرح مشاكلك هنا ولم
تطرحيها
في قسم النساء -هن- حتى تتكلمي
بأكثر أريحية
فإن لم تقدم لك نصائح فعلية
تجدين على الأقل من يتفهم ما
تمرين به .

ربي يفرج عليك أختي الكريمة

[noeddin]

يا خاوتي انا من العاصمة و تزوجت لولاية داخلية الرجال فيها يقولو على المرا حشاكم و علاش تقدرو تفهموني علاش يزيدو كلمة حشاكم للمرا



حقيقة هده ، انا ايضا استغرب من قول هده الكلمة ؟؟؟

[noeddin]

للأسف كاين بزاف فاشلين يحبو يدو مرى ناجحة و خدامة باش يخلوها فالدار و يطفوها وبرى هو يزوخ يالقوامة تاعو وقول ديت مرا خدامة و قعدتها فالدار كأنه دار حاجة مليحة وربي عالم الأغلبية لي تخلي خدمتها تولي عايش في الحضيظ ويزيد يشتكي منها للناس يقوللهم كي ديتها كانت شابة و مليحة و مور لي ضمنت بلي تزوجت خلاص طلقت روحها و هو يشريلها غير صابون الطرف و يحبها تبقى شابة


اضحكني هدا الرد :ههههههههههههههههههههههه

صابون الطرف

[دكتورة حبيبة]

أختي حبيبة

أدعو الله أن يفرج همك ويرزقك
راحة البال ويعوضك خيرا عن صبرك
وعن خيبة الأمل التي تعيشينها

اعذريني
عن تدخلي
لا لشيئ الا اني فعلا اتاسف لحالك

لدي سؤال
بما أنه في جعبتك الكثير لي تقوليه
كما يظهر جليا أنك بحاجة إلى أن
تفضفضي عما بداخلك
وبحاجة إلى أناس تفهمك
وتنصحك لوجه الله وعن تجربة

لما فضلت طرح مشاكلك هنا ولم
تطرحيها
في قسم النساء -هن- حتى تتكلمي
بأكثر أريحية
فإن لم تقدم لك نصائح فعلية
تجدين على الأقل من يتفهم ما
تمرين به .

ربي يفرج عليك أختي الكريمة

صحيتي ختي على الإقتراح أنا طرحت موضوعي هنا بعفوية فقط شكرا علىالدعاء

[أنس_26]

هذي اصلا اذا لقات راجل يخطبها في هذا الوقت باش تقدم تنازلات شغل رآهم دايرين لاشان
الزواج في الجزائر في سنوات الأخيرة أصبح معقد جدا ...شباب لا عمل لا سكن و لا كان عامل ياربي يقدر يصرف على روحوا او المراءة تتكبر الا مارحم ربي و تزاحم و تخطلط مع الرجال في الإدارات بحجة أنها قرات ونتيجة عنوسة ..طلاق . امراض نفسية.فشل الزواج. خيانات والأطفال يدفعون الثمن

[yousufpo]

سلام ممكن سوال

[lwiza2000]

الزواج مكتوب قسمة ونصيب حبت ام ابت عندما يحين موعد الله لها في الزواج ستتزوج حتى لو انها صغيرة ستتزوج من خارج ولايتها حتى ولو هي صغيرة ولم تصل 30 ستجلس في اليبت وهي ذات الشهادات
العمل للمراة تمرميدة كبيرة واسال مجرب قرينا حياتنا كلها وتزوجنا وتراكمت مصاعب الحياة نهار عمل ليل منزل لايوجد طعم للراحة من قال لك ان ماتريددينه انت تريده الفتيات كل وحدة وش تحب كاين بزاف لتقلولك منخدمش ندلل فالدار وكاين لتقلك منتزوجش من ولايتي كل وحدة وش حبت وكي يكتب ربي حبت ام لم تحب ستتزوج من خارج ولايتها وستمكث في اليت حتى لو لم تتنازل واصرت
انت عانيت من الامر لهذا تعممينه
لكن ليس كل الرجال سواسية كاين الصالح وكاين الهابط

[karime amrs]

من فضلكم اخواتي
فهموني الله يرضى عليكن
حكاية القطار لي فات منين اصلها
و لماذا القطار ياك كاين الطائرة اسرع من القطار لماذا القطار
و ايضا ماهي محطات هذا القطار يعني منين ينطلق و اين يتوقف و على اي محطة يفوت حتى تقولو فات القطار
من فضلكن فهموني
شكرا

[Boulebda]

أعيد وأكرر, المشكلة ليست فيكن, المشكلة فيمن يتقدم للمرأة العاملة (سواء طالبها بترك العمل بعدها أو لم يطالبها), نقص في المروءة والرجولة وانعدام للغيرة. القوامة خلقت للرجل ويحق له بل يجب عليه أن "يزوخ" بها, انا نحير في عقلية البطاطا هذي اللي راهي ماشية !!! وعييت نفهم علاش يديها خدامة وممبعد يقلها بطلي, اديها ماكثة في البيت وهني روحك. ويضحكوني النسا, حابين يخدمو, ويتزوجوا الراجل اللي حابينو, وزيد يعيشو كيما حابين, هاذي دنيا, ليس كل ما يتمناه المرء يدركه, وكل ما يقدمه الانسان مما يخالف الشرع (أتحدث بشكل عام لا عنك بالتحديد) سيدفع ثمنه بشكل أو باخر
شكرا لك يا محارب هذا هو الكلام الصحيح

[Oussama taleb ahmed]

الله يهديك يا الأخت قال الرسول صلى الله عليه و سلم "اذا جائكم من ترضون دينه و خلقه فزوجوه" و نتي راكي تقولي لا تقدمي تنازلات اي تنازلات تحدثتي عنها ؟ اتقي الله

[صمت الرجوله]

سلام ممكن سوال
لا تسال اخي المراة راها متزوجة

[toulay]

السلام عليكم
Pardon اختي بصح انت لرضيتي لروحك الذل والاهانة والمنكر
كيفاش السيد يخون فيك ويزيد يضربك وانت مزالك تحلل فيه وتحوس على رضاه ياو لبحر والشكارة كاين سياد سيادو فالسوق
نقولك ونعاودلك الرجل يكره المراة الضعيفة لمعندهاش شخصية وتبع برك ومتفرضش رايها وتناقشوا
الرجل كون تبقى تحلل فيه وذل روحك ليه راح يدير قرون ويولي حاسب روحو عليك يالوكان راهو تحت الصفر
كنتي في داركم لباس عليك علاش عليك تتنازل
شوف مشي شرط لمريتي بيه راح يمروا بيه نساء خلاف
الواحد يخمم بالعقل تاعو خلينا من العاطفة
كون خممتي لبعيد مشي اللحظة
كون قبل ماقدمتي التنازلات كون تحريتي صح اذا هذا الشخص يستحق التضحية لانو مين تنازلتي المرة الاولى راح تبقى حياتك كاملة تتنازل
وهاذي تاع متتزوجوش خارج الولاية علاش واش فيها عادي جدا
وهاذيك الكلمة تقولها غير لمعندهاش ثقة في ربي وصراحة منحبهاش بكل لانها تدل على التفكير السطحي والمتخلف والبيزنطي
يا اختي الله يبارك راك مثقفة وربي يعيشك متبقاش ذل في روحك سبحان الله بزاف واشي هذا معندكش شخصية ومتقوليش راني صابرة على جال ولدي وووو
هذا الرجل لعايشة معاه متوحش وميخافش ربي وكون جاء رجل ميهزش يدو على امراة
هيا انفض لغبار على روحك وفكك من الذل والبكاء وكونك قوية
ديروا وكانو مشي موجود ثقلوا ثقلوا ثقلوا حتى هو يولي يحوس عليك كيما المهبول
راني نصحتك ونزيد نعاودلك بركااااااااااااااااااااااااااااااااااااااااااااااا اك ماذل في روحك خلاص درك
بالتوفيق

[asalaa]

جزاك الله خيرا

[الأمنيات]

واش دخل ما تتزوجيش بعيد من ولايه اخرى في. كون المرا ترجع عانس
يعني تقعد عانس حتى وجاها مكتوب من ولايه اخرى. سبحان الله
انا من الغرب تزوجت في الجنوب الحمد لله. نجي لاهلي وناسي وصحاباتي عادي. كل ما تسمح الظروف كاين الطائره والكار والطاكسي.
واذا جاها زوج ميسور وقادر على شقاه علاه تقعد تخدم
ربي يهدينا ويستر كل بنت

[dounia el amani]

ربي يرزق جميع البنات الزوج الصالح

[الفارس النبيل 93]

هههههه كلام جد تافه

تركها للعمل تنازل ههههه أمر مضحك مبكي