رُبْ التمر الجزائري او دبس التمر الشرقي ........ تعرّفو على الفرق مع زُخْرُفَةٌ

[zokhrofa]

السلام خواتاتي لعزاز صحاب الكوزينة الزينة و الطياب البنين

حبيت اليوم نهدرو على وحد الظاهرة لي اسمها دبس التمر

http://www.up.djelfa.info/uploads/149382711496251.jpg

شفت بزاف خواتاتي الزينات في المنتدى يقولولو دبس التمر مع انو هذا الدبس كان موجود منذ القدم في الجزائر و اسمو رُبْ التمر

معليش مافيها والو كي نغلطو لكن اذا عرفنا الحقيقة و بقينا نقولو راح تنقرض الحضارة تاعنا و نولو نبانو حنا ما نعرفو نديرو والو صح ولا لالا ؟

اذا الطريقة :

تحكمي التمر لي ماشي شباب يعني شفتي مرات نشرو تمر و ما يعجبوناش شي حبات

او تشري التمر الرخيس في السوق

خاطش هو الرب ما يندارش بالتمر المعسل

نقيه من العلف و اغسليه و حطيه يغلي حتى تتحصلي على الماء يولي لونو احمر داكن

وحد 2 سا ولا 3 سا فوق النار هادية

تحكمي تصفيه و تخليه يقطر بعقلو

تحكمي هذاك السائل الاحمر الداكن و ديريه في كسرونة و تخليه يزيد يطيب لكن بشرط تكون النار قليلة حتى يعقد خاطش لوكان تزيدي للنار راح يولي كاراميل و تروح بنة التمر

كاين لي يديروه جاري بزاف يوصل لدرجة غليان 105° و كاين لي يديروه عاقد يوصلوه حتى 108° او 110°

ضرك انتي و واش حابة

و هذا طيبيه كي يكون موسم التمر باش نهار يخرج التمر في جانفي فيفري مارس و افريل هاذو كامل ما فيهمش التمر تاكلي الرُبْ

مع الطعام

مع الخبز

ديرو بيه الشربات زيديلو الماء البارد عليه

و حبيت نبه تاني لحاجة هو ماشي دواء هو فقط مادة غذائية مليحة للجسم اذا ردو بالكم يخدعوكم

و الرُبْ تقدري تديريه بأي فاكهة بنفسك الطريقة

مثلا الرمان

التفاح

الايجاص

العنب

[أمنية غفران]

بارك الله فيك زخرفة و مشكورة على الموضوع

انا الرب نحبو بزاف بزاف و حنا في منطقتنا ناكلوه بالمطلوع من بعد ما نخلطوه مع الدهان الحر امممممممممممممم

و شحال بنين خاصة كي يكون ايام البرد و الثلج يا يمى شحال بنين

كانت اختنا الأمنيات دارت طريقة صنعه هاوليك الرابط

http://www.djelfa.info/vb/showthread.php?t=1891842

هو يستعمل بتمر اسمه تـــمــر الـــحــمــيـرة ما يجي يابس بزاف ما يجي طري و ما يجي معسل يجيبوه من منطقة الساورة الي هي ادرار و بشار وتندوف

https://ar.wikipedia.org/wiki/%D8%A7%D9%84%D8%B3%D8%A7%D9%88%D8%B1%D8%A9

هاوليك صورة تمر الحميرة

https://img1.ouedkniss.com/photos_annonces/10451177/Photo2.jpg

https://static.yabiladi.com/files/articles/50f604185bbce7b1f8f8832c8b16a65b.jpg


ان شاء الله كل أخت تدخل و تقول لينا اسم تمر الي يستعملوه للرب

هاد الرابط لقيت فيه أخ يحكي على الرب شوفو

http://www.djelfa.info/vb/showthread.php?t=1429953

تحياتي

[zokhrofa]

صحيتي اختي امينة على المعلومات انا ماكنتش نعرفها نتمنى الاخوات يستفادو من هذا الموضوع

لي الهدف تاعو ماشي طريقة التحضير و انما تصحيح مفاهيم خاطئة او تسميات خاطئة لاشياء صنعها الجزائريون منذ القديم

لكن كي ابتعدنا على تقاليدنا و عدنا نشرو كل حاجة بدلولنا التسميات و غلطونة

[امّ اياد]

يعطيك صحة زخرفة على روب حنا نخدموه بالتمر لي يجي فالبطانة وكي يطيب نحطو فوق كسكاس كتان تاع شاش ونعصرو هداك تمر لي طاب ومبع نرجعو نعقدوه ومرات نديرو خبزات بالفرينه نرقوهم مليح مليح ونرموهم في هداك رب باش يزيدو يعقدوه اكثر ومبعد نحوهم هدوك الخبيزات ناكلوهم ورب نصفوه ونخبوه ويتكل مع مطلوع ودهان الحر

[أمنية غفران]

صحيتي اختي امينة على المعلومات انا ماكنتش نعرفها نتمنى الاخوات يستفادو من هذا الموضوع

لي الهدف تاعو ماشي طريقة التحضير و انما تصحيح مفاهيم خاطئة او تسميات خاطئة لاشياء صنعها الجزائريون منذ القديم

لكن كي ابتعدنا على تقاليدنا و عدنا نشرو كل حاجة بدلولنا التسميات و غلطونة

يا حنونة الرب معروف منذ القدم عندنا في الجزائر احنا غي تقولي الرب مباشرة نعرفو بلي نتاع التمر و ادا كانو اخواننا العرب مسمينه دبس التمر الله يسهل عليهم عندك الحق نسمو الأمور بمسمياتها عندنا و ماكان لاه نتبعو تسميات غيرنا الحمد لله بلادنا معمرة بالتقاليد من جميع النواحي ماشي غي في المأكولات و هادا فخر لينا و لله الحمد و المنة

مشكورة أختي

[zokhrofa]

يعطيك صحة زخرفة على روب

حنا نخدموه بالتمر لي يجي فالبطانة
وكي يطيب نحطو فوق كسكاس كتان تاع شاش ونعصرو هداك تمر لي طاب
ومبعد نرجعو نعقدوه
ومرات نديرو خبزات بالفرينه نرقوهم مليح مليح ونرموهم في هداك رب باش يزيدو يعقدوه اكثر
ومبعد نحوهم هدوك الخبيزات ناكلوهم
ورب نصفوه ونخبوه ويتكل مع مطلوع ودهان الحر

ها يعطيك الصحة على الطريقة انا شخصيا نحب هذه الاشياء خاصة انو يجي حلو لكن بدون سكر تخيلي مممممممم

[zokhrofa]

يا حنونة الرب معروف منذ القدم عندنا في الجزائر
احنا غير تقولي الرب مباشرة نعرفو بلي نتاع التم
اخواننا العرب مسمينه دبس التمر
عندك الحق نسمو الأمور بمسمياتها
عندنا و ماكان لاه نتبعو تسميات غيرنا الحمد لله بلادنا معمرة بالتقاليد من جميع النواحي ماشي غي في المأكولات و هادا فخر لينا و لله الحمد و المنة

مشكورة أختي

الله يخليك اختي امينة راكي فهمتيني واش حابة بالضبط انو نسمو الاشياء بمسمياتها

[أمنية غفران]

هاوليك زخرفة الرب بدهان الحر الللله مع المطلوع سخون اممممممممممممممممممممم تفضلي

و نقول لك دوري الكرة الأرضية بكمالها محال تلقاي البنة كيفه يا دلالي

https://f.top4top.net/p_488nmk2u1.jpg

[zokhrofa]

و كيفاش ندير انا ضرك هههههههه حابة تقتليني شفتو عوارو عينيا يا يما هذاك الخبز الزين و الرب قدامو يسواو الدنيا بما فيها

[أم رقية نسرين]

بارك الله فيك
ممكن السبب انو يخدموه في منطقة دون الأخرى على هاديك منعرفوهش انا وحدة مكنتش نعرفو عرفتو فقط منذ مدة قصيرة دخلتو في غذاء بنتي لانها متاكلش مليح نحطهولها مع الحليب

[zokhrofa]

اهلا أختي طالبة

ربما جداتك تعرفو كان سقسيتي امك او هكذا ناس كبار في السن اكيد يعرفوه

صح كيما راكي تقولي يعرفوه بالمنطقة لكن كل منطقة عندها الرب ديالها يعني كاين لي معروفين بتاع التمر و كاين لي معروفين بتاع العنب الخ

[أمنية غفران]

عزيزتي زخرفة طلعي هاد الموضوع لقسم التحليات و العصائر و لا اتصلي بالمشرفات

[zokhrofa]

انا ما عرفتش وين نديرو امينة هههه درتو هنا

بلاك ضرك يفيقو و يحولوه

[*أم كوثر*]

يعطيك الصحة زخرفة وبارك الله فيكم على المعلومات

[أمنية غفران]

زخرفة هاوليك الموضوع راهو في مكانه المناسب قسم التحليات و العصائر

يعطيك الصحة ام كوثر

[zokhrofa]

صحيتي اختي أم كوثر اهلا

امينة نعم طلبت من الادارة نقله انا ما كنتش علابالي وين نحطو هههه خاطيني الطياب

[عطر و مطر]

شكرا لك
يعطيك الصحة

[zokhrofa]

صحيتي اختي اهلا

[zokhrofa]

السلام لبنات حبيت نبهكم بلي راه وقت التمر ما تنساوش تحضرو الرُّب للشتاء القادم ان شاء الله

[yahia03]

بارك الله فيك

[الفجر القادم]

السلام عليكن اخواتي، بوركت اخيتي على الموضوع القيم.حنا في منطقتنا نخدموه بزاف بتمر الحميرة، و من الافضل انو التمر ما نحيولهش العلفة فقط نغسلوه مليح بالماء البارد و نحيوله الشابو لي فوق و نحطوه يغلي على نار هادئة حتى نشوفو هذاك التمر بياض و من بعد نصفيوه في كسكاس ثم نحكمو شاش و نعصروه مليح مليح ثم نرجعوه يغلي على نار هادئة حتى يعقد.
و هو غذاء صحي و مفيد جدا لفقر الدم و مفيد ايضا للمراة الحامل.

[zokhrofa]

صحيح اختي بارك الله فيك على المعلومات المفيدة

[bienetresurterre]

يعطيك الصحة على الطريقة

[zokhrofa]

عفوا اختي اهلا

[حاملة الشهادة]

يعطيك الصحة زخرفة وبارك الله فيكم على المعلومات

[zokhrofa]

عفوا اختي اهلا بيك في كل وقت

[lwiza2000]

لعلاج

فقر الدم الخاص بنقص الحديد

[zokhrofa]

اختي لويزة شكرا على الرابط لكن فقط تنبيه لا يخلط غذاء غني بالحديد مع غذاء غني بالكالسيوم و هنا الوصفة خاطئة

لأنّ الجسم سيستفيد من مادة واحدة فقط ولي هي الكالسيوم

ذكرت الاخت السمسم لي هو الجلجلان و هو غني بالكالسيوم من الاحسن أكل ملعقة منه قبل النوم

اما العدس من الاحسن استعمال البرتقالي طحنيه حتى يولي غبرة و كوليه مع رب التمر صباح او مخلوط مع عصير الليمون لا اضن يعجبك المذاق لكن من الاحسن عدم خلط الحديد مع الحليب

[مياسم الصمت]

السلام عليكم و رحمة الله و بركاته
ربي يبارك فيك زخرفة و في الاخوات
استفدت من الموضوع كثيرا
كنت شفت موضوع لأختنا أم هدول خدمت فيه مدلان يشهي و استخدمت دبس التمر و درك زادت أمنية غفران شهاتني فيه اكثر
شكرا زخرفة على التوضيح كان عندي لبس في نوعية التمر المستخدم

[zokhrofa]

عفوا اختي مياسم نتمنى انتي تان تجربيه و تعطينا صور التطبيق نزيدو نتشهاوه اكثر

نضن الان راه متوفر بكثرة التمر و بسعر مليح اشريه و جربيه

[ليمونة مجنونة]

مشكورة اختي يعطيك الصحة غير امس خدموتو مع لخبيزات تاوعو ههه

[zokhrofa]

حطيلنا الصور من فضلك

[titan3]

بارك الله فيك

[zokhrofa]

اهلا شكرا على مرورك

[MALIKA06]

شكرا لك يعطيك الصحة

[MALIKA06]

شكرا على الوصفة

[zokhrofa]

اهلا وسهلا شكرا على مرورك

[MALIKA06]

بارك الله فيك

[zokhrofa]

.............................