سؤال عن قدر الفخار

[البدرية]

السلام عليكم ورحمة الله وبركاته

من فضلكم أخواتي لقد اشتريت قدر فخار لأطبخ فيه شربة هل عندكم نصائح استعمال قدر الفخار لأول مرة القدر مسبوغ من الداخل

صاحب المحل قال يجب أن نضع القدر ليلة كاملة في الماء ونستعمله مباشرة وأنا قمت بهذه الخطوة

هل لديكم رأي آخر أنتظر الجواب منكم فضلا لا أمرا

[تالا تسنيم]

أهلا اختي نعم تقدري تستعمليه الان بعدما درتيه ليلة كاملة في الماء و بصحتكم أحلى شربة

[zokhrofa]

اختي الديري فيه الان حليب و خليه على نار هااااااااااادئة حتى يغلي و طفيه

اما على النصائح الاخرى هي انك ما تطيبيش بيه على نار قاوية ابدا

و لازم غير تحطي المكونات تضيفي شوية ماء ماشي كيما الاينوكس تتقلى الحاجة باش تضيفي الماء

يعني كي تحطي البصل و الزيت ضيفي ملعقتين ماء

و كي تمرقي لازم ماء سخون ماشي بارد و الا يطرطقلك

و كي تكملي الطياب و تستحقي الكانون حطي القدرة فوق طرشونة ناشفة ردي بالك تحطيها فوق البوطاجي راهي تطرطقلك

و نسيت نقوللكم انو لازم تشرو الطين لي ماشي مصبوغ بالفارني vernis خاطش راه ماشي صحي مع الوقت الفارني يولي يتقشّر و تولو تاكلو فيه مع الاكل و هذا يسبب تسممات في الجسم

الى حد الان هذا هو لي لازم

بالباركة عليك اختي راكي درتي احسن حاجة كي شريتي الفخار

[عطر الياسمين الاصلي]

السلام عليكم كان عندي نفس السؤال شكرا لكي لانك فتحتي الموضوع وبارك الله في الاخت زخرفة لانها كفات ووفات اسال الله ان يحقق لها كل ماتتمنى ويحفظها من كل شر امين

[شمس بريكة]

خالتي عندها وحدة واش نقولك ذيك البنة وذاك الطياب تجبدها الا في رمضان و طيب على نار هادية وبصحتكم

[البدرية]

أهلا اختي نعم تقدري تستعمليه الان بعدما درتيه ليلة كاملة في الماء و بصحتكم أحلى شربة

السلام عليكم كان عندي نفس السؤال شكرا لكي لانك فتحتي الموضوع وبارك الله في الاخت زخرفة لانها كفات ووفات اسال الله ان يحقق لها كل ماتتمنى ويحفظها من كل شر امين

خالتي عندها وحدة واش نقولك ذيك البنة وذاك الطياب تجبدها الا في رمضان و طيب على نار هادية وبصحتكم


جزاكن الله خيرا على المساعدة أخواتي استفدت منكم

[zokhrofa]

السلام عليكم كان عندي نفس السؤال شكرا لكي لانك فتحتي الموضوع وبارك الله في الاخت زخرفة لانها كفات ووفات اسال الله ان يحقق لها كل ماتتمنى ويحفظها من كل شر امين

الله يسلمك أختي هذا شرف لي انك تدعيلي بالخير و ان شاء الله ربي يعطيك كل خير انتي ايضا

[zokhrofa]

و نسيت نقوللكم انو لازم تشرو الطين لي ماشي مصبوغ بالفارني vernis خاطش راه ماشي صحي مع الوقت الفارني يولي يتقشّر و تولو تاكلو فيه مع الاكل و هذا يسبب تسممات في الجسم

[امّ اياد]

اختي كيما جاوباتك زخرفة كفات وفات وكن تشريلها حديدة تكون مثقبة تعزلي نار عليها باش متشقش

[Oum Chanez et alaa]

Merci beaucoup zokhrofa