ماشي الفهامة اللي ما يفهمش..!!!

[muhibbat rrasoul sws]

[/SIZE][/u]بسم الله و الصلاة و السلام على رسول الل و على آله و صحبه و من والاه

السلام عليكم و رحمة الله و بركاته

يا أخوات، هناك مواضيع جدا مهمة لكن أحيانا لا أفهم ما يُكتب، مرات تقعد الكلمة أيام في راسي تدور أو أكثر حتى نلاقيها في موضوع آخر فيتضح المعنى....
يا أخوات اللغة الفرنسية و غيرها من اللغات الأوربية أخذت كثيرا من لغتنا العربية و نحن اليوم نترك لغة فيها ملايين الكلمات لنأخذ أحيانا كلمات عربية معوجة فنزيدها اعوجاجا، و الله عيب، لغات فيها بضع عشرات الآلاف من الكلمات إلى ما هو أقل من عشر ما في العربية.

زد إلى ذلك، هناك عربيّات أو قارئات بالعربية يدخلن المنتدى فلماذا نضيق عليهن و نجعل علينا طوقا فلا يفهمنا أحد؟! إذا أنا جزائرية أجد صعوبة في الفهم فما بالكن بغيري من العربيات؟!

فقط سؤال لماذا؟

لابات : العجينة
البلا : السنيوة، السينية ( حنا عندنا البلا ما يرادفه البلاء لغة)
لي مول: القوالب
لا كريم : الكريمة
لا صوص : المرق ( هدي أول ما سمعتها من مصري، و الله صادفني و ضحكت، أول ما فهمت على صيصان الدجاج و الله!!)
تومات : طماطم!!!!!!!!!!!!!
مي : لكن، بصح
الباتور : الضراب اليدوي
بوش إيدوي ( هادي و الله بقيت معاها مدة طوييييييييلة باش فهمتها) : كيس / قرطاس ( تزيين) الكريم و المعجنات، الأقماع ( آخر ما يركب في الكيس)
الميكسور : الخلاط/ الخلاط اليدوي

الكوزينة : المطبخ
الفور : الكوشة/ الفرن
الموطأرد : الخردل
الفرشيطة : الشوكة ( يا ناس تنجيكم طبيعي نقولوا الكوييرة و إلا اللوشة؟! هذا من نفس القبيل)[/SIZE]
رابي : مسكرفج ( هذه الكلمة تكاد تختفي )، مبشور
ديسيرفيات : ما علاباليش اذا فهمتوا بصح معناها فوطة/ منديل ( الطاولة)
قاطو : حلوى/ حلويات
بودرة : مسحوق
بورت مونجي : علبة حفظ الأكل ( هادي و الله قالتلهم أرقدوا)
الرولو : الحلاَّل ( عند ناس العاصمة)
البانسو : الفرشاة أو فرشاة المعجنات
الشابلوغ : فتات الخبز، البقسماط
الفرماج : الجبن ( الذائب، الأبيض، الرومي ...)
ميلفاي : الألف ورقة
سوطي : محمّر :)
صاشي/ساشي : شكارة، كيس (صاشي مكتوبة تفكرني بكلمة صايش عدم المؤاخذة)
جوطابل : للإستعمال مرة واحدة ( هذه حقيقة ما استنيتهاش)
رافيطايمو : العولة
البول : الغرفية ( هنا تصروا وحدة تكتب مثلا نحط البيض في البول، و ناخد بول زيت، واش راح يكون التساؤل الفطري لأي متكلم بالعربية؟ ما دامها بدأت بالبول فبما ستكمل يا ترى؟!)
جامي : أبدا، عمري...
البرا : الخلاط اليدوي ( هادي يا أخوات لوكان يقراوها العربيات من غير تاع المغرب العربي أو حتى الجزائريات المغتربات راح يتصادفوا! علاه؟bra= الصدارة!!!!)


ملاحظة: لما أجد كلمات من تراثنا أضعها و لما لا أجد ( لأن قاموسي ضعيف كوني تربيت في مدينة و كلامنا في البيت كان جدا مفرنس) أضعها بالعربية الفصحى،و لو تنبهني الأخوات أرجع و أعدل، نحن المغاربة عندنا لغتنا الخاصة الجمبيلة التي لا نكاد نجدها اليوم إلا في القواميس.


يتبع إن شاء الله

[سحابة باردة]

مساء الخير موضوعك هادف وجميل
ههههههه ضحكتيني على الصيصان والبوش ادوي ياختي

المشكل اللذي تطرحينه قديم ولا ينحصر في المطبخ فقط بل في كل كلامنا وتعاملاتنا اليومية

وسبب معروف نحن بلد استعمر اكثر من قرن فطبيعي اختلاط اللغة وتاثيرها على الشعب عامة

ونا معاك لغتنا غنية ولا تحتاج مصطلحات اجنبية نغنيها بها ولاكن للاسف صعب نغير من كلامنا فجأة

شكرا لطرحك المميز

وان كنتي من محبي الكلام العربي الاصيل يمكنكي زيارة موضوعي في دردشة لشعر والخواطر

[zokhrofa]

والشابلوغ ؟ la chapelure هههههههههههه

[شمس 15]

صح عندك الحق كما قالت الاخت ماشي غير في المطبخ .....
انا ساعات نفضل العربية مكسرة على الفرنسية ساعات نتلاقى مع ناس يعلمو ولادهم غير الفرنسية تقول مراهم عرب...
انا كي نبعث لحباباتي ميساجات تلقاي 3 لغات نستعملهم العربية،الفرنسية،الانجليزية...
بصح عندي مدة راني نحارب في روحي باش نكتب لغة وحدة..

[zokhrofa]

صحيح المشكل انو الفرق بين الدارجة و الفرنسية المكسرة فارق كبير

لغة الأم هي اللغة لي يهدر بيها ناس بلدة ما

لكن أحنا بلدنا تخلى على كلمة مكاش منها و ولا يقول c'est pas vrai

هذا هو الاشكال الحقيقي

يعني مافيها والو نهدرو بالدارجة لكن بكلمات لغتنا الأم

و الكل يعرف انو لغتنا الام ليست عربية مئة بالمئة لكن ليست بفرنسية ايضا

[muhibbat rrasoul sws]

صح عندك الحق كما قالت الاخت ماشي غير في المطبخ .....
انا ساعات نفضل العربية مكسرة على الفرنسية ساعات نتلاقى مع ناس يعلمو ولادهم غير الفرنسية تقول مراهم عرب...
انا كي نبعث لحباباتي ميساجات تلقاي 3 لغات نستعملهم العربية،الفرنسية،الانجليزية...
بصح عندي مدة راني نحارب في روحي باش نكتب لغة وحدة..

شوفي يا أختي لازم حنا ناخدوا بزمام الأمور و نبدلوا، رانا تبهديلة
تتصوري طالياني يهدر مع وليدو بالشينوية؟!
ناهيك على واش دارت في جدودنا فرانسا، و الله عيب
ساهل، شخصيا نحيت الفرنسية تقريبا كليا من قاموسي رغم أني تربيت عليها تقريبا كلغة أم، حتى كانت عندي أحيانا مشاكل مع زملائي بسببها، عمبالهم نلعبها!
و زاد قريت بيها، يعني مصيبة، بصح اليوم نحيتها، و وليت نتكلم غير العربية، و كي نحب نستعملها للحاجة و فقط نستعملها غير هي ما نخلطش.
و زاد لاحظي يا أختي، فطريا نننجد أنفسنا نحترم أكثر المتمكنين من العربية في حياتهم اليومية و ليس الذين يخلطون.

[أمنية غفران]

عندك الحق أختي الكريمة صح كاين بزاف كلمات نستعملوهم و انا وحدة منهم هههههههههههههه
ان شاء الله نحاول في مواضيعي القادمة تكون واضحة و مبسطة و بكلمات عربية

مشكورة على التنبيه

[كريمة الجزائرية 48]

صح عندك الحق كما قالت الاخت ماشي غير في المطبخ .....
انا ساعات نفضل العربية مكسرة على الفرنسية ساعات نتلاقى مع ناس يعلمو ولادهم غير الفرنسية تقول مراهم عرب...
انا كي نبعث لحباباتي ميساجات تلقاي 3 لغات نستعملهم العربية،الفرنسية،الانجليزية...
بصح عندي مدة راني نحارب في روحي باش نكتب لغة وحدة..


اخت شمس انا انغرست فينا هاذي الهدرسة والدليل في كلامك ميساجات (رسائل) هههههههههه انا تاني كيما هاكا الهدرة هاذي لازم من الصغر ماشي حت نكبرو ومتنزعفيش غير نزعق معاك

[zokhrofa]

صح عندك الحق

شهادة اعتز بها انا ملي دخلت لمنتدى الجلفة وليت كي نهدر مع عايلتي نستعمل الكلمات العربية الفصحى هههه حتى يبقاو يستناو في بقية الحديث

و تامني بربي؟ حتى انا ننخلع نقول ياا كيفاش قلتها بالفصحى

ان شاء الله نزيد نتعلم معاكم الفصحى

[zokhrofa]

اخت شمس انا انغرست فينا هاذي الهدرسة والدليل في كلامك ميساجات (رسائل) هههههههههه انا تاني كيما هاكا الهدرة هاذي لازم من الصغر ماشي حت نكبرو ومتنزعفيش غير نزعق معاك

هههه تامني حتى انا قريتهم و جاتني عادي ميساجات كلي ماشي كلمة فرنسي

ربي يثبتنا

[muhibbat rrasoul sws]

هههه تامني حتى انا قريتهم و جاتني عادي ميساجات كلي ماشي كلمة فرنسي

ربي يثبتنا

صدقت الأخت زخرفة

أنا كذلك تعلمت الكثير من الكلمات الفصحى في مجالات الطب و الطبخ و تذكرت ما نسيت، و و الله صرت متمكنة أكثر في العربية يا حسراه، حتى كييي نهدر ننسى الكلمات اللي كنت نستعملها فطريا بالفرنسية و نحس الناس اكثر اهتماما و إصغاء.

[muhibbat rrasoul sws]

مساء الخير موضوعك هادف وجميل
ههههههه ضحكتيني على الصيصان والبوش ادوي ياختي

المشكل اللذي تطرحينه قديم ولا ينحصر في المطبخ فقط بل في كل كلامنا وتعاملاتنا اليومية

وسبب معروف نحن بلد استعمر اكثر من قرن فطبيعي اختلاط اللغة وتاثيرها على الشعب عامة

ونا معاك لغتنا غنية ولا تحتاج مصطلحات اجنبية نغنيها بها ولاكن للاسف صعب نغير من كلامنا فجأة

شكرا لطرحك المميز

وان كنتي من محبي الكلام العربي الاصيل يمكنكي زيارة موضوعي في دردشة لشعر والخواطر


شكرا على مشاركتك
نحن استعمرنا لكن الشعب الحزائري بقي محافظ على مقوماته إلى حد ما إلى أن طرد فرنسا فحصار يبحث عنها بالريف الناشف
فرنسا حسب حساباتي لعدد سكان البلاد لما خرجت، قتلت ربع سكان الجزائر في سبع سنوات!

[سحابة باردة]

صح كي راحت فرنسا ولاو يحنو ليها
لازم كل واحد يبدا بنفسه من اجل الحفاض على لغة الاسلام
فنحن بربر عربنا الاسلام وهذا فخر لنا والحمد لله

[zokhrofa]

صح صح هذه حقيقة للأسف الكثير لا يعترف بها

[روعة الصحراء]

صح عندك الحق حضرت مرة في خطبة الجمعة وقال الامام كي تتكلمو بالعربية وتكتبوها بالفرنسية هذا اعتداء على اللغة العربية واعتداء على لغة القران اللغة العربية لازم نحافظو عليها ربي يهدينا وشكرا ليك

[أم عبير]

نعم صحيح لكن حبذا لو غيرتي اسم عضويتك الى العربية يكن اجمل و احسن فانت ايضا تشاركين في هذا خاصة صلى الله عليه و سلم لا تكتب sws كما تكتبينها اتمنى ان لا تفهميني غلط اختى شكراااا

[muhibbat rrasoul sws]

والشابلوغ ؟ la chapelure هههههههههههه

شكرا لك أختنا الحبيبة، راني زدتها و اللي تفكر حاجة تفكرنا نزيدوها في الصفحة الأولى

[muhibbat rrasoul sws]

نعم صحيح لكن حبذا لو غيرتي اسم عضويتك الى العربية يكن اجمل و احسن فانت ايضا تشاركين في هذا خاصة صلى الله عليه و سلم لا تكتب sws كما تكتبينها اتمنى ان لا تفهميني غلط اختى شكراااا


السلام عليكم و رحمة الله و بركاته :)

لالا ما نزعفش و الله راني نبتسم بصدر رحب.
عندك الحق، و تآمني ؟ كنت نستنى فيها!

و الله لا أدري لماذا تركته بالاتينية ربما عدد الحروف، سأحاول تغييره الآن.

يا أختي فقط الآن حاولت فلم أستطع، لا توجد أيقونة تغيير الإسم!

تقبلي تحياتي

السلام عليكم و رحمة الله و بركاته

[ام هزار]

الحديث ذو شجووووووووووووووووووووون. بارك الله فيك ....عاد اللي يتكلم باللغة الفصحى يعتبرووووه متخلف و ميش مثقققققققققققققققققققف . ربي يجيب الخير . امين يا رب العالمين :

[muhibbat rrasoul sws]

عندك الحق أختي الكريمة صح كاين بزاف كلمات نستعملوهم و انا وحدة منهم هههههههههههههه
ان شاء الله نحاول في مواضيعي القادمة تكون واضحة و مبسطة و بكلمات عربية

مشكورة على التنبيه

نورتي الموضوع أختنا أمينة غفران

و الله وحدة بالثقل تاعك في المنتدى راح تغير الكثير و الكثير.

ربي يجازيك على كل وصفاتك الرائعة بمعنى الكلمة و طريق إيصال المعلومة و على مجهوداتك مع لغة المسلمين .

[muhibbat rrasoul sws]

اخت شمس انا انغرست فينا هاذي الهدرسة والدليل في كلامك ميساجات (رسائل) هههههههههه انا تاني كيما هاكا الهدرة هاذي لازم من الصغر ماشي حت نكبرو ومتنزعفيش غير نزعق معاك

أختنا الحبيبة كريمة، لا أوافقك الرأي، أنا عن تجربة شخصية أقولها لك ممكن جدا جدا التغيير برك كسر حاجر " لا أستطيع" هو اللي انغرس فينا منذ الصغر.
جربي أسبوع نحي شي كلمات و تشوفي شحال ساهلة و شحال شابة.

[أمنية غفران]

نورتي الموضوع أختنا أمينة غفران

و الله وحدة بالثقل تاعك في المنتدى راح تغير الكثير و الكثير.

ربي يجازيك على كل وصفاتك الرائعة بمعنى الكلمة و طريق إيصال المعلومة و على مجهوداتك مع لغة المسلمين .

ربي يهنيك و يجازيك بكل خير على غيرتك على لغتنا الأم و مشكورة على الاطراء و هدا من لطفك


تقبلي تحياتي و مروري :mh31:

[zokhrofa]

الحديث ذو شجووووووووووووووووووووون. بارك الله فيك ....عاد اللي يتكلم باللغة الفصحى يعتبرووووه متخلف و ميش مثقققققققققققققققققققف . ربي يجيب الخير . امين يا رب العالمين :

والله صح عندك الحق كل هذا غرسته فرنسا على انه تخلّف و للأسف لقات ناس يامنو بهذا الشيء و يحشمو بأصلهم

حتى تلقاي بزااااااف لي من منطقة نائية يحشم يقول انا من تلك القبيلة

و لكن السبب ليس فيه فقط

بل في المجتمع لي الى حد 2017 مازلنا عندنا مشكل الطبقية و مشكل الجهوية

اذا تلقاي اصحاب الوسط الجزائري ما يقبلوش اصحاب الشرق و اصحاب الشرق ما يحبوش اصحاب الجنوب و اصحاب الجنوب ما يحبوش اصحاب الغرب

و العلاقة علاقة تعدّي ههههههه

يعني في خلاصة القول

انا وخويا على وليد عمّي و انا ووليد عمي على البرّاني

والله عيييييييب

مع كل الثقافة لي نكتاسبوها في قرايتنا و في حياتنا اليومية

مازلنا تحت حمّى العنصرية

متى سنقبل بعضنا بعض ولا نحكم على الآخرين بمجرّد ما ينطق و دون ما يكمل حتى جملته

لذلك تلقاي واحد غير ينطق الكلمة الاولى يقولو ااااااااه هذا من الجلفة اااااااااه هذا من العاصمة

و من هذا المنطلق كلامه راح يحكم عليه بالاعدام حتى ولو كان صحيح

ان شاء الله مع مرور العصور تنقص هذه الظاهرة

ادعو ربي

[محتاجة لعفو الله]

https://pbs.twimg.com/media/CWYJ8oxWsAAblAd.jpg
و عليكم السلام و رحمة الله و بركاته

بارك الله فيك على موضوعك الجد هاااااام و الله كلامك صحيح مئة بالمئة لازم على كل واحد فينا ان يعود للغة القرآن ما نظنش انو كاين أحسن منها و ما نبقاوش نتحججو بأنو الاستعمار هو السبب لأنه الشهداء رحمة الله عليهم و المجاهدين الي قدموا كل ما عندهم من أجل محاربة فرنسا لم يحبو يوما لغتها و كانو متمسكين بلغتهم و هويتهم و دينهم رغم كل محاولات فرنسا لمحاربة ذلك لكنها لم تستطع كي نولويو لناس بكري في لباسهم و في عاداتهم مش فقط لغتهم كانو حرصين على هاد الشي شديد الحرص هاذا كلو حدث بعد خروج فرنسا و هذا من سياسة فرنسا بعد خروجها كيما يقولو ناس بكري خلات ولادها هوما الي خرجو حرية ما حرية و متخلف و متقدم و الله المستعان
و الله شيء مؤسف و عيب علينا هاد الشيء يلزم كل واحد يبدأ بروحو هاكا حتى نصلح الخطأ أنا الحمد لله عندي مدة طويلة ملي تخللى اللغة الفرنسية في كلامي و رجعت للغة العربية و الحمد لله والفت الآن ربي يهدينا كامل خاصة شباب اليوم تشوفيهم في لباسهم في عقليتهم في كلامهم و الله شيء يحزن القلب وين رايحين بيها و الكلام يطووووول و يطوووول مهما قلنا ما نوفيوش للموضوع حقو.

و في الأخير لا يسعني إلا أن أذكر نفسي و أخواتي بما قاله العلامة عبد الحميد بن باديس رحمة الله عليه


شَعْـبُ الجـزائرِ مُـسْـلِـمٌ وَإلىَ الـعُـروبةِ يَـنتَـسِـبْ
مَنْ قَــالَ حَـادَ عَنْ أصْلِـهِ أَوْ قَــالَ مَـاتَ فَقَدْ كَـذبْ
أَوْ رَامَ إدمَــاجًــا لَــهُ رَامَ الـمُحَـال من الطَّـلَـبْ
يَانَشءُ أَنْـتَ رَجَــاؤُنَــا وَبِـكَ الصَّبـاحُ قَـدِ اقْـتَربْ
خُـذْ لِلحَـيـاةِ سِلاَحَـهـا وَخُـضِ الخْـطُـوبَ وَلاَ تَهبْ
وَاْرفعْ مَـنـارَ الْـعَـدْلِ وَالإ حْـسـانِ وَاصْـدُمْ مَـن غَصَبْ
وَاقلَعْ جُـذورَ الخَـــائـنينَ فَـمـنْـهُـم كُلُّ الْـعَـطَـبْ
وَأَذِقْ نفُوسَ الظَّــالـمِـينَ سُـمًّـا يُـمْـزَج بالـرَّهَـبْ
وَاهْـزُزْ نـفـوسَ الجَـامِدينَ فَرُبَّـمَـا حَـيّ الْـخَـشَـبْ
مَنْ كَــان يَبْغـي وَدَّنَــا فَعَلَى الْكَــرَامَــةِ وَالـرّحبْ
أوْ كَـــانَ يَبْغـي ذُلَّـنـَا فَلَهُ الـمـَهَـانَـةُ والـحَـرَبْ
هَـذَا نِـظـامُ حَـيَـاتِـنَـا بالـنُّـورِ خُــطَّ وَبِاللَّـهَـبْ
حتَّى يَعودَ لـقَــومــنَـا من مَجِــدِهم مَــا قَدْ ذَهَبْ
هَــذا لكُمْ عَـهْــدِي بِـهِ حَتَّى أوَسَّــدَ في الـتُّـرَبْ
فَــإذَا هَلَكْتُ فَصَيْـحـتـي تَحيـَا الجَـزائـرُ وَ الْـعـرَبْ
تحيا الجزائر و العرب ..... تحيا الجزائر و العرب ....تحيا الجزائر و العرب

بارك الله فيك و جزاك الله خيرا و وفقك لما يحبه و يرضاه

[محتاجة لعفو الله]

والله صح عندك الحق كل هذا غرسته فرنسا على انه تخلّف و للأسف لقات ناس يامنو بهذا الشيء و يحشمو بأصلهم

حتى تلقاي بزااااااف لي من منطقة نائية يحشم يقول انا من تلك القبيلة

و لكن السبب ليس فيه فقط

بل في المجتمع لي الى حد 2017 مازلنا عندنا مشكل الطبقية و مشكل الجهوية

اذا تلقاي اصحاب الوسط الجزائري ما يقبلوش اصحاب الشرق و اصحاب الشرق ما يحبوش اصحاب الجنوب و اصحاب الجنوب ما يحبوش اصحاب الغرب

و العلاقة علاقة تعدّي ههههههه

يعني في خلاصة القول

انا وخويا على وليد عمّي و انا ووليد عمي على البرّاني

والله عيييييييب

مع كل الثقافة لي نكتاسبوها في قرايتنا و في حياتنا اليومية

مازلنا تحت حمّى العنصرية

متى سنقبل بعضنا بعض ولا نحكم على الآخرين بمجرّد ما ينطق و دون ما يكمل حتى جملته

لذلك تلقاي واحد غير ينطق الكلمة الاولى يقولو ااااااااه هذا من الجلفة اااااااااه هذا من العاصمة

و من هذا المنطلق كلامه راح يحكم عليه بالاعدام حتى ولو كان صحيح

ان شاء الله مع مرور العصور تنقص هذه الظاهرة

ادعو ربي

آمين الله يهدينا أجمعين كلامك سليم كترت هاد الظاهرة بزاف في وقتنا هادا بكري كانو يد وحدة و اليوم ....الله المستعان
و الله الحل الوحيد هو الرجوع إلى الله و إلى تعاليم ديننا و قرآننا و سنة بنينا لا للتعاليم الغربية و الحرية الديمقراطية هي السبب في كل ما يحدث فباسم حرية الراي أصبح المسلم يجرح أخوه المسلم بالكلام و بالجهوية كيما قلتي و الله المستعان

قال تعالـى : [ ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ...]

و قال عزو جل: يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ[2].
http://xa.yimg.com/kq/groups/73017548/sn/1693500692/name/28184_1156360769.jpg

[muhibbat rrasoul sws]

صح عندك الحق حضرت مرة في خطبة الجمعة وقال الامام كي تتكلمو بالعربية وتكتبوها بالفرنسية هذا اعتداء على اللغة العربية واعتداء على لغة القران اللغة العربية لازم نحافظو عليها ربي يهدينا وشكرا ليك


صدق الإمام العربية ليست كسائر اللغات من غير علوها على غيرها في البيان فهي ذات مرتبة لا تضاهيها لغة و كسرها تعدي على لغة القرآن.

جزاكي الله خيرا

[muhibbat rrasoul sws]

https://pbs.twimg.com/media/cwyj8oxwsaablad.jpg
و عليكم السلام و رحمة الله و بركاته

بارك الله فيك على موضوعك الجد هاااااام و الله كلامك صحيح مئة بالمئة لازم على كل واحد فينا ان يعود للغة القرآن ما نظنش انو كاين أحسن منها و ما نبقاوش نتحججو بأنو الاستعمار هو السبب لأنه الشهداء رحمة الله عليهم و المجاهدين الي قدموا كل ما عندهم من أجل محاربة فرنسا لم يحبو يوما لغتها و كانو متمسكين بلغتهم و هويتهم و دينهم رغم كل محاولات فرنسا لمحاربة ذلك لكنها لم تستطع كي نولويو لناس بكري في لباسهم و في عاداتهم مش فقط لغتهم كانو حرصين على هاد الشي شديد الحرص هاذا كلو حدث بعد خروج فرنسا و هذا من سياسة فرنسا بعد خروجها كيما يقولو ناس بكري خلات ولادها هوما الي خرجو حرية ما حرية و متخلف و متقدم و الله المستعان
و الله شيء مؤسف و عيب علينا هاد الشيء يلزم كل واحد يبدأ بروحو هاكا حتى نصلح الخطأ أنا الحمد لله عندي مدة طويلة ملي تخللى اللغة الفرنسية في كلامي و رجعت للغة العربية و الحمد لله والفت الآن ربي يهدينا كامل خاصة شباب اليوم تشوفيهم في لباسهم في عقليتهم في كلامهم و الله شيء يحزن القلب وين رايحين بيها و الكلام يطووووول و يطوووول مهما قلنا ما نوفيوش للموضوع حقو.

و في الأخير لا يسعني إلا أن أذكر نفسي و أخواتي بما قاله العلامة عبد الحميد بن باديس رحمة الله عليه


شَعْـبُ الجـزائرِ مُـسْـلِـمٌ وَإلىَ الـعُـروبةِ يَـنتَـسِـبْ
مَنْ قَــالَ حَـادَ عَنْ أصْلِـهِ أَوْ قَــالَ مَـاتَ فَقَدْ كَـذبْ
أَوْ رَامَ إدمَــاجًــا لَــهُ رَامَ الـمُحَـال من الطَّـلَـبْ
يَانَشءُ أَنْـتَ رَجَــاؤُنَــا وَبِـكَ الصَّبـاحُ قَـدِ اقْـتَربْ
خُـذْ لِلحَـيـاةِ سِلاَحَـهـا وَخُـضِ الخْـطُـوبَ وَلاَ تَهبْ
وَاْرفعْ مَـنـارَ الْـعَـدْلِ وَالإ حْـسـانِ وَاصْـدُمْ مَـن غَصَبْ
وَاقلَعْ جُـذورَ الخَـــائـنينَ فَـمـنْـهُـم كُلُّ الْـعَـطَـبْ
وَأَذِقْ نفُوسَ الظَّــالـمِـينَ سُـمًّـا يُـمْـزَج بالـرَّهَـبْ
وَاهْـزُزْ نـفـوسَ الجَـامِدينَ فَرُبَّـمَـا حَـيّ الْـخَـشَـبْ
مَنْ كَــان يَبْغـي وَدَّنَــا فَعَلَى الْكَــرَامَــةِ وَالـرّحبْ
أوْ كَـــانَ يَبْغـي ذُلَّـنـَا فَلَهُ الـمـَهَـانَـةُ والـحَـرَبْ
هَـذَا نِـظـامُ حَـيَـاتِـنَـا بالـنُّـورِ خُــطَّ وَبِاللَّـهَـبْ
حتَّى يَعودَ لـقَــومــنَـا من مَجِــدِهم مَــا قَدْ ذَهَبْ
هَــذا لكُمْ عَـهْــدِي بِـهِ حَتَّى أوَسَّــدَ في الـتُّـرَبْ
فَــإذَا هَلَكْتُ فَصَيْـحـتـي تَحيـَا الجَـزائـرُ وَ الْـعـرَبْ
تحيا الجزائر و العرب ..... تحيا الجزائر و العرب ....تحيا الجزائر و العرب

بارك الله فيك و جزاك الله خيرا و وفقك لما يحبه و يرضاه


جزاكي الله خيرا أختنا الفاضلة، مشاركة قيمة جدا جدا،
الله يرحم الشهداء و الله يرحم ابن باديس، لم يركعوا لغير الله

الشعب الجزائري متعدد الأعراق فينا العرب و البربر و أقليات أخرى من روم و أتراك و سود و أظن حتى فرس، يوحدنا دين الإسلام و لغته، و الله يرحم بن باديس و الأجداد من قبله، أكبر المدافعين عن العروبة ليسوا عربا، و هذا من فضل الله، أخوة الدين فوق كل شيء.

[muhibbat rrasoul sws]

الحديث ذو شجووووووووووووووووووووون. بارك الله فيك ....عاد اللي يتكلم باللغة الفصحى يعتبرووووه متخلف و ميش مثقققققققققققققققققققف . ربي يجيب الخير . امين يا رب العالمين :


و فيك بارك الله أختنا الحبيبة

و الله هذه أفكار في عقول البعض و فقط، شخصيا أرى العكس، المتمكن في العربية عندو إصغاء أكبر من الناس لما يتكلم لا أدري إن كان جمال اللغة أم كونه لا يخلط يخلي الناس تتشوق للمزيد لقوة الرصيد اللغوي.

جزاكي الله خيرا على الإطلالة الطيبة

[zokhrofa]

آمين الله يهدينا أجمعين كلامك سليم
قال تعالـى : [ ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ...]

و قال عزو جل: يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ[2].



اختي ينصر دينك

راكي اختصرت عليا كلام كبير بهذو الآيات

بدون تعليق راهم يقولو كل ما يدور في ذهني

[ام هزار]

لا فض فوك زخرفة :19:والله صح عندك الحق كل هذا غرسته فرنسا على انه تخلّف و للأسف لقات ناس يامنو بهذا الشيء و يحشمو بأصلهم

حتى تلقاي بزااااااف لي من منطقة نائية يحشم يقول انا من تلك القبيلة

و لكن السبب ليس فيه فقط

بل في المجتمع لي الى حد 2017 مازلنا عندنا مشكل الطبقية و مشكل الجهوية

اذا تلقاي اصحاب الوسط الجزائري ما يقبلوش اصحاب الشرق و اصحاب الشرق ما يحبوش اصحاب الجنوب و اصحاب الجنوب ما يحبوش اصحاب الغرب

و العلاقة علاقة تعدّي ههههههه

يعني في خلاصة القول

انا وخويا على وليد عمّي و انا ووليد عمي على البرّاني

والله عيييييييب

مع كل الثقافة لي نكتاسبوها في قرايتنا و في حياتنا اليومية

مازلنا تحت حمّى العنصرية

متى سنقبل بعضنا بعض ولا نحكم على الآخرين بمجرّد ما ينطق و دون ما يكمل حتى جملته

لذلك تلقاي واحد غير ينطق الكلمة الاولى يقولو ااااااااه هذا من الجلفة اااااااااه هذا من العاصمة

و من هذا المنطلق كلامه راح يحكم عليه بالاعدام حتى ولو كان صحيح

ان شاء الله مع مرور العصور تنقص هذه الظاهرة

ادعو ربي

[تزيرية]

السلام عليكم و رحمة الله و بركاته

موضوع في القمة يعطيك الصحة.


شخصيا أنزعج كثيرا من الخلط في اللغة إلى درجة أني أترك الوصفة للبحث عنها في مكان بلغة سليمة و لا وجع الراس في تخمين المعاني.

نتمنى أن تجد مبادرتك الآذان الصاغية و حبذا لو ثبت الموضوع...

السلام عليكم و رحمة الله و بركاته

[**وحدها غريبة **]

موضوع جد قيم اختي بارك الله فيك
صدقتي هذ الحدث صرالي شحال من مرة نلقى كلمات ونحير في معناهم
نجيب شحال من مدة باش نعرف
في الاول ظنيت لهجة منطقة العضوة ولكن مع الوقت فهمتها فرنسية مكسرة
بصراحة تعجبني المواضيع اللي تكون بلهجة صاحبة الوصفة من اي قطر من الجزاير نحس هذ الشي يخلينا نعرفو الكثير ولو صادف الشخص يزور المناطق على الاقل يفرحو بيه اهل المنطقة يعرف ويفهم عليهم
اما ما قصدتي ف الله المستعان

اختي بخصوص تغيير الاسم ماكاش خاصية تغير الاسم في لوحة التحكم عليك مراسلة مشرفة الاعلام وهي من تقوم بتغيره
وفقك الله لم يحبه ويرضاه

[muhibbat rrasoul sws]

موضوع جد قيم اختي بارك الله فيك
صدقتي هذ الحدث صرالي شحال من مرة نلقى كلمات ونحير في معناهم
نجيب شحال من مدة باش نعرف
في الاول ظنيت لهجة منطقة العضوة ولكن مع الوقت فهمتها فرنسية مكسرة
بصراحة تعجبني المواضيع اللي تكون بلهجة صاحبة الوصفة من اي قطر من الجزاير نحس هذ الشي يخلينا نعرفو الكثير ولو صادف الشخص يزور المناطق على الاقل يفرحو بيه اهل المنطقة يعرف ويفهم عليهم
اما ما قصدتي ف الله المستعان

اختي بخصوص تغيير الاسم ماكاش خاصية تغير الاسم في لوحة التحكم عليك مراسلة مشرفة الاعلام وهي من تقوم بتغيره
وفقك الله لم يحبه ويرضاه

شكر لك الأخت " وحدها غريبة" و جزاكي الله خيرا

فقط الآن راني نفهم المشكل وين راه.

تعرفي، شغلت النساء البنة و ما يسمعن من مدح على الطاولة و في المنتدى، فأضعن الأمانة ، ليس للعربية اليتيمة من يدافع عنها، هي ليست طبق يؤكل فتحارب عليه ربات البيوت، و لا هو حلوى لذيذة " تفرح " بيها العايلة الأطفال الكبار و الصغار، هي فقط لغة جدود ماتوا و قرآن مهجور، هادا ماكان.

[muhibbat rrasoul sws]

حسبي الله و نعم الوكيل على من تحذف الاحتساب

أين المخالفة؟

[السعادة قرار]

هذه تدعى حريات شخصية و كل انسان حر في نفسه لا يمكننا فرض ما نريد على كل الناس ان كنتي تجيدين العربية هناك مثلي من يعصر مخه لايجاد الكلمات

[muhibbat rrasoul sws]

هذه تدعى حريات شخصية و كل انسان حر في نفسه لا يمكننا فرض ما نريد على كل الناس ان كنتي تجيدين العربية هناك مثلي من يبحث يعصر مخه لايجاد الكلمات

أعتذر أختي لكن هذا منتدى للجزائريين و العرب و من قوانينه العربية، يعني تقولي يعصر مخو، وين كان عايش؟
أنا من مدينة كبرى من بيت متفرنس و أحاول جهدي أن أتكلم لغة سليمة، هذا من حرمة اللغة، ألا ترين يا أختي أن الناس تستحي تتكلم رومية بالعوج؟! لماذا لا نقلب الآية و قد بدأت حقا تنقلب؟

أنا لست أفرض رأيي على أحد و لست أر كيف وصلت لهذه الخلاصة حقيقة؟
لكن يجب التوصل إلى طريقة تواصل محترمة، و في الوقت الحالي هناك خالوطة لا ترقى حتى لما يسمى لهجة، و ليس للحر فخر في استعمالها كون كثير من معجمها من أصول من سمانا البونيول.

[muhibbat rrasoul sws]

السلام عليكم و رحمة الله و بركاته

موضوع في القمة يعطيك الصحة.


شخصيا أنزعج كثيرا من الخلط في اللغة إلى درجة أني أترك الوصفة للبحث عنها في مكان بلغة سليمة و لا وجع الراس في تخمين المعاني.

نتمنى أن تجد مبادرتك الآذان الصاغية و حبذا لو ثبت الموضوع...

السلام عليكم و رحمة الله و بركاته

شكرا لك على مرورك القيم و جزاكي الله خيرا على غيرتك على لغة القرآن

[أم عاكف ( الأم المعلمة )]

السلام عليكم ورحمة الله
موضوع أكثر من قيم أختي محبة الرسول
والله أنا مثلك أنزعج كثيرا من الذين يستعملون المصطلحات بالغة الفرنسية
وهناك حتى من يتباها بأنه يعرفها هكذا أحسن من أن يعرفها بالعربية
والله كارثة بكل المقاييس أن نتعلم لغة المستعمر ونعجز عن تعلم لغة ديننا
شكرا على جهدك المبذول في ايصال المعلومة
ان شاء الله تجد الأذان الصاغية والاستجابة من طرف العضوات خاصة
تقبلي مروري أيتها الروح الطيبة

[zokhrofa]

نعم نعم

و حبيت نقول حاجة ايضا ربما لم تصل للكثير الفكرة من الموضوع

العيب ليس في كتابة كلمات دارجة جزائرية محضى العيب في كتابة كلمة فرنسية بحروف عربية

حتى انا مرات بغير وعي مني اكتب كلمة فرنسية بالعربية مثل jamais جامي

لكن نحاول قدر الامكان اعادة قراءة ما كتبت لعلي اصحح

حتى و نكتب بالدارجة ما يهمنيش فهذا لا اعتبره عيب و لا اشتكي منه انا جزائرية و لغتي الام غنية بكلمات عربية جزائرية

لكن احترم اللغة العربية جدا حتى ولو لا استعطيع الكتابة بها

مرات نقول ربما لّأنني لا اجيدها و مرات نقول انا خريجت جامعية و قريت بالعربية المشكل ليس في انني لا اجيدها

الامر يكن انني احب الكلام بالعامية فقط و احس انني عبرت بشكل احسن عن ما يجول في خاطري

لكن هذا لا يجعلني في اي وقت من الاوقات بحاجة الى خلط كل اللغات و جعلها بحروف عربية

نستطيع كتابة موضوع بالعربية و الاستعانة بكلمة فرنسية و حروف لاتينية

[muhibbat rrasoul sws]

السلام عليكم ورحمة الله
موضوع أكثر من قيم أختي محبة الرسول
والله أنا مثلك أنزعج كثيرا من الذين يستعملون المصطلحات بالغة الفرنسية
وهناك حتى من يتباها بأنه يعرفها هكذا أحسن من أن يعرفها بالعربية
والله كارثة بكل المقاييس أن نتعلم لغة المستعمر ونعجز عن تعلم لغة ديننا
شكرا على جهدك المبذول في ايصال المعلومة
ان شاء الله تجد الأذان الصاغية والاستجابة من طرف العضوات خاصة
تقبلي مروري أيتها الروح الطيبة


و عليكم السلام و رحمة الله و بركاته

مرحبا و أهلا و سهلا بك مشرفتنا العزيزة، أنت و الله عزيزة على قلوبنا.

تسرني جدا مشاركتك في هذا الموضوع المهم، و قد صدقتِ فيما لتتِ.
واش نقولك؟ اللي يتباهى بأنو يعرف الرومية خيرمن العربية و هو مربي في فرانسا نقولو لقد أضعت كثيرا و يكفيك عقابا تفكيرك هذا. أما اللي تربى و كبر في الزاير و ما يعرفش العربية نقولوا رآك تشهد علنا بلي كنت تروح تسخن الكرسي، لأنو من المستحيل تكون تعرف لغة لا مواليك و لا المجتمع يتكلموها بطلاقة و لا تدرسها إلا سويعات في القسم و لا تجيد اللغة اللي قريت بها كل المواد منذ الإبتدائية.
ثم لدي سؤال لهؤلاء: ألا تقرؤون القرآن؟ ألا تطلعون على أمور دينكم؟

يعني بالمختصر المفيد قول صاموئيل جونسون:
"تنبع كل السخافات من تقليد من لا نستطيع التشبه بهم"

[muhibbat rrasoul sws]

نعم نعم

و حبيت نقول حاجة ايضا ربما لم تصل للكثير الفكرة من الموضوع

العيب ليس في كتابة كلمات دارجة جزائرية محضى العيب في كتابة كلمة فرنسية بحروف عربية

حتى انا مرات بغير وعي مني اكتب كلمة فرنسية بالعربية مثل jamais جامي

لكن نحاول قدر الامكان اعادة قراءة ما كتبت لعلي اصحح

حتى و نكتب بالدارجة ما يهمنيش فهذا لا اعتبره عيب و لا اشتكي منه انا جزائرية و لغتي الام غنية بكلمات عربية جزائرية

لكن احترم اللغة العربية جدا حتى ولو لا استعطيع الكتابة بها

مرات نقول ربما لّأنني لا اجيدها و مرات نقول انا خريجت جامعية و قريت بالعربية المشكل ليس في انني لا اجيدها

الامر يكن انني احب الكلام بالعامية فقط و احس انني عبرت بشكل احسن عن ما يجول في خاطري

لكن هذا لا يجعلني في اي وقت من الاوقات بحاجة الى خلط كل اللغات و جعلها بحروف عربية

نستطيع كتابة موضوع بالعربية و الاستعانة بكلمة فرنسية و حروف لاتينية

أهلا و مرحبا بك أختنا الحبيبة زخرفة

شرف لي مشاركتك هذه

و الله لا عيب في كتابة دارجتنازبالعربية و إن هي إلا عربية و قد كان البربر يكتبون أشعارهم بالعربية أيضا.

كما قلت أختنا المشكل ليس في قلة ألفاظ اللغة في معاجمنا على بساطتها إنما في العادة و فقط.
شخصيا درست بالفرنسية و مخالطتي لمن معي كانت بالأقل نصف نصف، لكن هذا لا ينسيني اللغة التي كبرت بها.

العربية عندها درجة أعلى من غيرها كونها لغة القرآن و هي ما اختاره أجدادنا على اختلاف أعراقهم فهي توحدنا عرب و بربر و روم و ترك و سود...

لا أدري إن كنت فهمت ما قلتِه في الأخير لكن فقط إن كان كذلك، ترى هل يقبل الجزائري في مكان مفرنس جدا في بلادنا أن ندخل كلمة عربية في مقال فرنسي ؟
فضلا عن سماح الفرنسي بذلك.

[أم رقية نسرين]

بارك الله فيك ختي والله عندك الحق
فكرتيني في موضوع درتو قبل سنوات لكن بأسلوب مغاير

http://www.djelfa.info/vb/showthread.php?t=973351

[çOk_cuzeL]

ضحكتينا وشر البلية مايضحك فعلا هي من المفارقات الكثيرة عند الجزائريين

[muhibbat rrasoul sws]

بارك الله فيك ختي والله عندك الحق
فكرتيني في موضوع درتو قبل سنوات لكن بأسلوب مغاير

http://www.djelfa.info/vb/showthread.php?t=973351

يعطيك الصحة الأخت الحبيبة، قد اطلعت على موضوعك، و الله ضحكت من قلبي.... رانا نولوا مساكن....

[muhibbat rrasoul sws]

ضحكتينا وشر البلية مايضحك فعلا هي من المفارقات الكثيرة عند الجزائريين

مرحبا بيك شوك كوزيل ( أظن هكذا ينطق) ،
تصوري مازلت نقرا مواضيع : نحط الزيت في البول.
نحطوا كل المكونات في البول و نخلطوا :confused::confused:
أي قارئ يقرأها راح يدي نظرة خاصة على الجزايريين :eek::eek::eek:

[لؤلؤة متفائلة]

الله يعطيك الصحة على الموضوع.. والله معك الف حق

[مريم السامية]

موضوعك يستحق وقفة مع انفسنا
جزاك الله خيرا

[muhibbat rrasoul sws]

الله يعطيك الصحة على الموضوع.. والله معك الف حق

الله يسلمك أختي... سرني مرورك
فلنتعاون أختي على إحياء تراثنا في منتدانا و في حياتنا اليومية، كل واحد ينحي بعد كلمات و يصبر عليهم و يشوف... و الله الإحترام أكثر من المنصتين و من نفسه لنفسه

[muhibbat rrasoul sws]

موضوعك يستحق وقفة مع انفسنا
جزاك الله خيرا

و إياك إختي الحبيبة

.... كلامك يخترق الصدور

يعطيك الصحة

[أم رزان123]

شكرااااااااااااااااااا

[lwiza2000]

فعلا قضية مجتمع
حتى صار من لايستعملها حدثت له العدوى وصار يستعملها
بهذه الطريقة لانوصل المطبخ الجزائري ولا السياح الجزائرية الى اي مكان لان اللغة هي مايتواصل به الشعوب هي هوية وثفافة شعب فمابالك بلغة القرآن التي يستميت الاجانب المسلمين لتعلمها

[asyazidd]

شكرا على النشر جزاك الله

[بنت مسلمة]

التفاتة طيبة

[muhibbat rrasoul sws]

شكرااااااااااااااااااا

عفوا أختي... شكرا على المرور

[muhibbat rrasoul sws]

التفاتة طيبة

شكرا لك...