جيت نشكيلكم همي

[rania17]

سلام خاوتي ملقيثش لم نحكي افففففف كرهت الفصل الثاني انا هبطلي معدلي نتع المان ايا الاستاذ كي خبرنا بالنقاط انا غاظتني بزاف مقارنة مع الفصل الاول ايا زعفت وخرجت الساعة الثلنية كان عندي ساعتين المهم ماقال والو ايا الحصه نتع غدوا من داك كهدرتش قع معاه ومنبعد بدا يقول لي مش حاب يقرا يقعد في الدار ومن هادي الهدرة حتان بدين نبكي ومت بالبكا نهار لي قال زعما بالنقاط لي مديتهم الفصل لول طلعلك المعدل ومننساش هاذيك الجاست قع وقال راني رحت وزدت هبطتلك النقطة ومنبعد حلفت منزيد نهدر معاه ومن هداك النهار حتى البارح اخر حصة ماسامحناش وانا ظمير نتاعي بدى يانب فيا شكون الغالط واقسم بالله ايغلط معاهم قع سامحهم غيرانا والله والله كي نقول خلاص درك نهدر معاه تحكمني البكا عاونوني :sdf:

[المُعادلة الصّعبة]

سلام
تفاهمي معاه بالعقل قوليلو يا استاذ هاذيك الحصه كي قلتلنا النقاط قلقت وطاحلي المورال بيسك هبطت علامتي خرجت الساعه الثانية خاطر ما قدرتش نتحمل
فهميه بلي هذاك انفعال وزعفة على جال النقاط
اهدري معاه بالعقليه واشرحي ليه الموقف ومايهمكش شكون الغالط حتى ولو يكون هو الغالط بصح تفاهمي معاه
عادي يا اختي تجي تشوفيها من منظور اخر تلقايها سنه عابره فايته ، العلاقه بينك وبين هاذ الشخص هي علاقة استاذ وتلميذو هو يشرحلك الدرس ونتي تفهمي و مبعدا يعطيك النقطة ، يعني علاقه في اطار القسم برك كي تخرجوا منو ماتعرفيه ما يعرفك لذلك شيئ عابر فوتيه ببساطه فهميه فالموقف قبل ما يخلاص العام خير من تربحوا العيب مع بعضاكم
صفيوا الحسابات باه ماتبقاش حتى خلفيات ما بيناتكم وكون يقريك العام الجاي وهو غضبان ولا حاجه ممكن ياذيك
روحي تفاهمي معاه واحكيوا وقوللو خلاص غلطة صرات وفرات لحظة انفعال بسبب النقطه وهذا ماكان .. ماكانش حتى حاجه تخليك تبكي وهو يغضب كل هذي المده
مع اني نشوف لا داعي انو يكبرها ويزعف ماشي من حقو اصلا :/
الحل هو انك "تهدري معاه" وان شاء الله تفوت على خير وانا متاكدة انو ما راحش يصرا والو لانك درتي موقف وخلاص فات ما ييبقاش يتعاود وكتبو ربي يصرا فهمتي
ربي يسهلك اختي

[سندس سندوسة]

اختي مهمت يكون هو استاد و انت تلميدة يعني عادي تبعي و فهمي ومعااه و اي احجة ما فهمتياش لازم يعاودلك و يشرحلك يعني خلااص اخااا
نورمال حتى انا صراتلي مع الفيزيك مي نورمال عادي
كوني عادية و فهميه بلي انتي مكنتيش تقصدي تبيني روحك و لا حاجة ديجا انت تلميييدة مجتهدة
صح كيما قالت ريانة كون يقريك العام الجاي واش تاني م اتهدريش معااه
موفقة اختي

[rania17]

بارك الله فيكم خياتي خلاص لعسية نحاول نهدر معاه نحوس عليه ونلقاه ان شاء الله ادعولي

[* قمر*]

ربي يفرج عليك رانيا
مي يلزم نتي اللي تهدري معاه دايما يبقى استاذك

[اَشْرَفْ اَنيِسْ]

هو الغالط ماتهدريش معاه خلاص خلاص و ماتديهاش فيه

[Saram Mulyo]

هو الغالط ماتهدريش معاه خلاص خلاص و ماتديهاش فيه

في أي شيء هو المخطئ ؟؟؟ خروجها من القسم عدم إحترام تام للأستاذ أيا كانت الظروف التي تدفعك لهذا الأمر، وهي المطلوب منها الإعتذار من أستاذها، وكلامك هذا ليس من الأدب والأخلال في شيء.
عليك أن تحترم أستاذك الذي يعلمك مهما كان الأمر، فلا خير في علم تحصل عليه مالم يكن مرفوقا بالأخلاق.

[حكايتي لا تنتهي...!]

نعم كما قال الاعضاء عليك ان تعتذري للآستاذ لانك خرجتي من حصته دون اذنه
فهو يبقى استاذك وبمثابة والدكِ وغادي تجوري البيام note ملاحة في الرياضيات

إانششاء الله

[فآإط♥̨̥̬̩مـ♥̨̥̬̩ة]

واش رانيا سافا

شوفي نتي درك استرجعي قواك ومبعد نهار الاحد نشا الله الا كان عندكم معااه اهدري معاه واشرحيلو قوليلو علاه خرجتي نشا الله يفهمك ربي معااك

[طيف الملاك¤اماني¤]

اهلا غاليتي
لاتتنزعجي من اشياء كهذه
لكن يجب عليك ان يبقى ذاك الشيئ الذي نتمناه جميعنا وهو القدر
انا لدي كينما يقولولي خشمي نزو سيرتو لكن واااحج غلط معايااا
مي نقعد مع روووحي مليح ونطلب منو السماح حتى كون يكون الغالط لانو اولا تحشميه
وتاني امشي حسب مقولة
الغفران والتسامح سمة الاقوياء فالضعفاء لا يسامحوون

[rania17]

والله ياخاوتي حوست عليه العشية وملقيتوش واش نديرررررررر نهار الاحد ادا كنا من الحيين اول حاجه نديرها نقول سماح استاذ وهادي غلطة مني بصح في قلبي حاجة ناقصة اففففففففف

[طيف الملاك¤اماني¤]

كما اخبرتك غاليتي خذي بنثيحتي وامشي بتلك المقولة اعطاني اياها ابي واناامشي بها دائما

[rania17]

مرسي ختيتو والله وادا بقات الشخرة التالية في حيلتي ونحس الكلمة نتع سمحلي استاذ هي التالية لي تخرج من فمي غير نقولها ونهار الاحد نطلب من الاستاذ التفاهم والسماح منعرف هادي الدنيا

[rania17]

واسمححححححححولييبببببب عييتكم معايا ������والله غير عرفت عندي خيات وخاوا في هادا المنتدى وكي يتحل المشكل نخبركم وعد في امان اللةه

[رونق الصبح]

السّلام عليكم ,
حاولي شرح الموضوع له
و اعتذري منه و ستعود المياه لمجاريها ان شاء الله

[طيف الملاك¤اماني¤]

لاداعي للتاسف غاليتي نحن في الخدمة

[rania17]

ربي يخلينا لبعضنا لبعض جمعة مباركة

[طيف الملاك¤اماني¤]

شكرااا لك
وجمعة مبااركة