المشكلة التي اعانيها

[الحالمّــة]

السلام عليكم و رحمة الله وبركاته
مشكلتي هي اني احس بالملل و الكسل خاصة في القسم و مرات نسهى لا اعلم لماذا؟ ربما لان قسمي كله في هذه الحالة فعندما تنظر اليهم تراهم بائسين تعيسين كارهين و لاحظوا الاستاذة هذا فينا انتم لستم تلاميذ شعبة رياضيات ماذا افعل؟

[المُعادلة الصّعبة]

انا تلميذة شعبة رياضيات ومجربه اللي قلتيه حرفيا وبلاك انا اتعس منك :') حنا 10 فالكلاسا اك علاابالك وكامل تايهين سامطين باهتين ..الخ معااناة بختصار
وخلاص التجربه هذي والشعور هذا وقفتو عند حدو نقولك كيفاش
ما عمرتش راسي طول بيهم وقلت جايه للكلاسا هاذي باه نقرا وهوما ما عندهم ما يديرولي نقرا لروحي والنتيجه رح نحس بيها غير كي نلقى معدل كبير حالمة بيه
تشوفيني كيفاه وليت هاذ الفصل بالرغم من السخانه والاضرابات لي كنا فيها والجميع كاره مي انا نقرا فالدار
صدقيني القرايه فالدار هي السر ، انا عرفتو الفصل هذا كي قريت فالدار وحضرت دروسي وبحثت فيهم مليح زاد حماسي اكثر للقرايه
نعطيك مثال بسيط
العلوم رحت فالعطلة طبعت ملخصات الدروس تع الفصل هاذا كامل
وانا حابسا فالعلوم
بصح كي حضرت الدروس وفهمتهم وحدي فالدار رحت للكلاسا ؟ ديجا الدرس قارياتو قبل وليت نكمل للاستاذه فالهدرة
وكل ويكند نراجعها؟ كي وصل الفرض لقيت روحي متحفزة باه ندي علامه لانو قسمنا كامل كانوا مش فاهمين ماكانوش مهتمين بالمادة
غير انا ؟ وما حبيتش نبين وقلت خليهم يبهتوا على رواحهم ليسيونسيال انا حابه نجيب معدلي الى متى نبقى نستناهم يديروا لومبيونس هه تفكير غير سليم
كي وصل فرض العلوم لقيت دروسي ديجا اني حافظتهم ومن سهولتهم ترسخولي وكيما قتلك كلاستنا مش فاهمين حاجه انا نشوف فيها بسييييطة جدا
والفرق بيني وبينهم اني قريتها فالدار و فكرت فالفروض والامتحانات والعلامات المليحه
ماتعمريش راسك بكلاستك لانو التخمام هذا ما يوصلكش كل واحد يقرا لروحو وحضري درسك قبل لا تدحلي القسم كيما قتلك بسك تلقاي روحك ديجا عندك عليه افكار وكي يبدا الاستاذ يشرح ماتلقايش صعوبه وتشاركي معاه وتندمجي وتنساي قصة كلاستك طول
وتفكري برك بلي راكي حابه معدل يا والله صدقيني ماكانش شي يردعك ، هذا فقط عذر من ااعذارك الواهيه لي اختلقتيها
هذا لي عندي اتمنى افدتك حبيبتي ايمان موفقه ♥♥

[houda boutabba]

صديقتي دعك من الكسل فهو لم يتبق سوى ايام معدودات فلما لا نستغلها و ننهي المشوار براحة ضمير استغفري و استعيذي من الشيطان و لتكوني قدوة لزملائكي في القسم ايضا فالعام لم ينقض بعد انا انصحك بزرع روح الحماس من جديد دعك من المزاح و اعملي بجد اكثر و ربي يوفقك انشالله و يثبتك ♥

[* قمر*]

رانا كامل مي لازم تتغلبي على نفسك مبقاش بزاف

[الحالمّــة]

شكرا لك من اجاب على الموضوع الان عرفت مشكلتي هي الكسل

[طيف الملاك¤اماني¤]

انا تلميذة علوم تجريبية
لو قالت لي هذا الكلام لقلت لها انك لست في مكاني حتى تتدرسي
حاولي الاكتساب من هذا الفصل