انصحونى

[مشكلتي]

السلام عليكم ورحمة الله وبركاته
رانى تعبت نفسنيا وجسديا ومعنويا والله والله ما قدرت نفهم واش راه صاري
انا سيدة ابلغ من لعمر 40 سنة اام لى 5 اطفال مشكلتى هيا صبري لي صبرته على امور كثير ما نفعنيش بلعكس ضرنى ووصلت لحد انى منيش نستوعب الامور عشت حياتى نخدم فى اهل زوجى من يوم لى دخلت دارهم عروسة بحكم كنت صغيرة يتحكمو كما حبو المهم مرة السنين وانا على هدا الحال وما نتكلم ونقول نحب نستقر وحدى مع اولادى يرمونى رميت الكلاب عند اهلى وكامل المدة لى نقعدها عند اهلى مكانش لى يسال عليا ولا على اولادى وبرغم من هدا نسمع كلام الوالدين ما يحبوش على كلمة الطلاق ولا على تفريق اولادى عن ابوهم مرت سنين وانا على هدا الحال وحلمى لم يتحقق زوجى ربي يغفرله كان همه الوحيد بقائي نخدم اهله
حتى ووصلت لهدا السن ومزالنى نعانى من هدا الامر وكى نتكلم نسمع ما لا يرضى سامع اولادى كبرو وانا مرضت وحقي ضايع وكلمتى مهيش مسموعة خلاص نسمع غير كلمة ارضي واش كتبلك ربي واصبري حتى نهار لى يكتب وانا نشوف فى بنات صغار تزوجو واستقرو زحدهم ولو يدعولى فى ربي باه يفرجها عليا والله هدا ظلم ولى زادت كواتنى زوجى وين ما يشوفنى مجروحة يزيدنى على جرحى ويتجاهلنى والله ياست فى هدى لحياة شحال من مرة يوعدنى ويخلف وعده واكتشفت عليه شحال من امر يتكلم فيه ومن بعد لا حياة لمن تنادى وكى نقاتحه فى الامر يسمعنى .........................
والله كرهت وما لقيت واش ندير رغم انه شايف بعينه وسامع وعمره ما وقف بجانبي دايما نتهان وهو ساكت ويقولي اصبري
اربي يجازيكم كل خير فهمونى واش رانى صح ولا غالطة والله ما فهمت والو خاصة وانى مليت من حياة تاع الحقرة يحبونى غير واقفة مع شغل البيت ونخدم لعباد وخلاص ونهار نمرض مكاش لى يعجبه الحال وترجع عليا الامور بالمشاكل

[نورسين.داية]

السلام عليكم

عزيزتي لا تنسي أنكي من اليوم الأول تزوجتي هذا الزوج و أنتي تعلمين أنكي سوف تعيشين مع أهله و لا لا ؟؟؟؟
قصدي هنا الزوج لم يخالف أو يناقض ما كنتي تعلمين به عن وضعه الإجتماعي قبل الزواج .....

ثانيا : أنتي لستي مطالبة بخدمة اهل الزوج ووالديه إحسانا للزوج منكي ...........

بالنسبة للحل :

أولا عزيزتي الدعاء ثم الدعاء ثم الدعاء
ثانيا : تضعين حد لهذه المعانات .....بالطلاق ؟؟؟؟؟
ثالثا : أو طالبي بالسكن الإنفرادي ..........
رابعا : المطلقة إنسانة عاشت تجربة زواج و لم تنجح و السلام لا هي جريمة و لا خطيئة يحاسب عليها الله عز وجل ....ماذا سوف يقول المجتمع ....الصراحة هذا لا يعنيهم
خامسا : عزيزتي أنا لا أشجعكي على الطلاق ....لكن بالنسبة لي هذه هي الخيارات المتاحة ....خصوصا مع صمت الزوج يعني ما يهموش أمرك أنتي و الأطفال ...عايش و خلاص .

أسأل الله عز وجل لكي نور البصيرة و الفرج يارب

[اناناسة]

عزيزتي المشكله هي في تعودهم على تنازلك و صبرك الدائم .... يعني لاحظو بانك تتراجعين بعد كلمه سيئه او نقاش حاد لدا لم يعودو يهتمون اذا ما نوهت للموضوع من جديد لانهم يعلمون بانك في النهايه ستتحملين اكثر لذا عليك ان تاخذي موقف صارم مع نفسك اولا ....انا ماذا اريد ؟ هل استطيع تحمل النتائج كيفما كانت ؟ عندها اتخذي قرارا و لا تنضري للخلف .... ليس هناك قانون ينص على خدمة بيت اهل الزوج بل انه احسان منك و دليل على حسن اخلاقك ,,, لكن الامر لا يتجاوز الاحسان لدا عزيزتي لا تنصتي لمن يقولون صبرتي و زيدي اصبري لانك انسانه جئت لهذا البيت لتحترمي و ليس لتهاني ...من حقك الراحه و العمل حسب ما يناسب طاقتك لا تقبلي بوضع لا يناسبك ...لا اقترح ان تتطلقي و لكن توقفي عن ماهو فوق طاقتك او اكثر من واجبك و كوني صارمه لا يهزك اي شيء .... عندها سيضعون لك حسايا و يقدرون كل ما كنتي تفعلينه ....ربي يفرج عليك و على كل من يتالم

[عثمان الجزائري.]

السلام عليكم، المشكل أنتِ المتسبب الرئيسي فيه، أولا تنجبين 5 أولاد و أنت تقولين أنك من الأول صابرة و تعاني، ثانيا خدمة أهله هل تعنين الأب و الأم أم هناك أخوات و إخوة للزوج، البيت هل هو عبارة عن طوابق أو بيت صغير مدايرين فيه تويزة، هل وافقت على هذا الشرط منذ البداية، هل زوجك مكتفي ماديا، الشرع يقر بإستقلالية المرأة بمنزل و هذا الأفضل، أما إن تنازلت من الأول فهذا صعب بعض الشيئ... هناك بعض العائلات عندها مثل هذه العادات سائدة كأن يجبر الإبن على السكن مع أبيه...لم تذكري لنا نوع المشاكل التي عانيتها ذكرت لنا فقط أنك صبرت...المهم أخطيك من قضية الطلاق فالآن أنت بخمسة أولاد و ستنتقلين من جحيم إلى جحيم

[محمد جديدي التبسي]

هناك معي في العمل من بلغن الاربعين وأكثر دون زواج ولا ابناء عايشين هكاك وخلاص ومنهم من تصرف على اسرتها
انظري لمن هو دونك لا زواج لا ذرية واشكري نعم الله عليك
ماذا لو بقيت لهذا السن دون زواج ولا أطفال هل ستكونين افضل حالا؟؟!!
العيش في سعادة او حزن هي اختيار شخصي قبل ان تكون بسبب مؤثر خارجي
الحياة صعبة ان عشناها بسلبية مستسلمين للآخر لابد من الجهاد والصبر وتغيير كل ما له أثر سلبي فيها
تقربي لله أختاه والجئي اليه بالدعاء وتعلمي دينك فهو نجاتك وستتغير نفسيتك لا محالة لديك ابناء استثمري فيهم وتوكلي على الله في كل شؤونك وربي يفتح عليك

[ام رضوان]

السلام عليكم
ربي يفرج عليك اختي ويهنيك اميييين
واش رايحة الديري اختي
هما صح ربي يهديهم على حساب واش راكي تقولي راهم كلاولك صحتك بصح انت صبرتي كل هذه السنين وذرك كي كبرو وليداتك وطاحت صحتك تحوسي على الحل
الهدرة هذي كون خممتي فيها قبل هاذو السنين مش تقعد لذرك
وثاني نقولك والله كاين اهل ربي يهديهم برك علاه خافو من الطلاق وماخافوش على بنتهم ووقفو معاك
ننصحك اذا كنتي مريضة داوي ونهار تعودي مش قادرة ارقدي
والله مالقيت واش نقولك غير اصبري لربي وادعيه هو صاحب الفرج
ربي يفك كربتك وهاذي الدنيا ماكانش فيها المتهني اصبري واحتسبي عند ربي

[mokhtaro]

ما شاء الله أنت متزوجة ولديك أولاد استثمري فيهم كما قال الاخوة هناك نساء يتمنون فقط ان يتزوجو وهناك متزوجات يتمنين ان يرزقن بولد واحد فقط
أنا لا أقصد التغاضي عن المعاناة التي تتكلمين عنها لكن لا يوجد أحد يعيش حياة مثالية
حالتك هي حالة أغلب النساء الجزائريات خاصة اللواتي يتزوجن الابن البكر فعادة ما يبقون مع الوالدين
أنصحك بالحفاظ على عائلتك والابتعاد عن الطلاق قدر المستطاع
اما بالنسبة لصحتك فمن حقك الحفاظ عليها والتوقف عن اي عمل يهددها فهذا أمر لا يمكن السكوت عنه
(فكما نقول بالعاميةاذا خطاوك رجليك ماكانش لي يرفدك ) كل شيء والصحة
وفقك الله لما فيه الخير

[abder03]

السلام عليكم ورحمة الله وبركاته
رانى تعبت نفسنيا وجسديا ومعنويا والله والله ما قدرت نفهم واش راه صاري
انا سيدة ابلغ من لعمر 40 سنة اام لى 5 اطفال مشكلتى هيا صبري لي صبرته على امور كثير ما نفعنيش بلعكس ضرنى ووصلت لحد انى منيش نستوعب الامور عشت حياتى نخدم فى اهل زوجى من يوم لى دخلت دارهم عروسة بحكم كنت صغيرة يتحكمو كما حبو المهم مرة السنين وانا على هدا الحال وما نتكلم ونقول نحب نستقر وحدى مع اولادى يرمونى رميت الكلاب عند اهلى وكامل المدة لى نقعدها عند اهلى مكانش لى يسال عليا ولا على اولادى وبرغم من هدا نسمع كلام الوالدين ما يحبوش على كلمة الطلاق ولا على تفريق اولادى عن ابوهم مرت سنين وانا على هدا الحال وحلمى لم يتحقق زوجى ربي يغفرله كان همه الوحيد بقائي نخدم اهله . انت سيدة فاضلة محترمة - فخار القديم - قمت بواجبك و زيادة، تفانيت في عملك، و لكن العربي لا يثمر فيه الخير- لا حول ولا قوة بالله- انت مثال المراة الصالحة، خدمة، تفاني، صبر و ام ل5 اطفال الله يخليهملك.
انت انسانة بمعني الكلمة، في قمة مشاكلك و غضبك تقولين 'زوجى ربي يغفرله' قمة الطيبة، قمة الصلاح، قمة الناساملاحية. الله الله عليك يا أختاه. الحل ليس الصبر و لا طلاق
اربي يجازيكم كل خير فهمونى واش رانى صح ولا غالطة - انت على الصواب و الله سيعطيك من فضله اما في الدنيا او الاخرة. والله ما فهمت والو خاصة وانى مليت من حياة تاع الحقرة يحبونى غير واقفة مع شغل البيت ونخدم لعباد وخلاص ونهار نمرض مكاش لى يعجبه الحال وترجع عليا الامور بالمشاكل الحل مع من لا يقدرون الانسان و لا الخير هو قطعة قماش تتظاهرين ان يدك تالمني و اذهبي لطبيب و كبري الموضوع و قولي ان الطبيب طلب عدم ..... فتخففين العبأ عليك. حيلة قد تخفف عليك. اقول تخفف وليس تتوقفي، التوقف عن العمل سيفتح باب مشاكل اكبر مما انت فيه.
الحيلة هي الحل رغم ان طبعك اكيد اكيد اكيد لا يعتمد على الحيلة. اما المشكلة الاخرى، فانت و هو تعشان فب بيت العائلة، هم يعتبرون انهم دايرين فيكم مزية كبيرة و لهم الحق بخدمتهم و هذه العقلية العربية الفاسدة منتشرة في مجتمعنا الا من هداه الله.