مشكلتي مع البيتزا أرجو المساعدة

[عبدالودود13]

مرحبا بكم اخوتي و اخواتي

مشكلتي دوما مع البيتزا و عجينة البيتزا التي لم تنجح لي على الاطلاق لا ادري لمادا مع اني جربت جميع الطرق الموجودة على يوتيوب دون جدوى

العجين دائما اضع 500 غرام فرينة زائد كوب من الماء الدافئ و زيت عادي مع بيضة و خميرة و سكر و ملح

و في الاخير لا تنجح لي العجينة و عند طبخها لا تنتفخ و لا تصبح لينة مثل البيتزا الى تصعن في المحلات الجزائرية

لا ادري لمادا مع اني اضعها لدرجة 180 درجة الرحارة . و الفرينة استخدم الفرينة العادية

ارجو المساعدة لو سمحتم جربت المرة التاسعة و للأسف فشلت فيها

[widada111]

أخي أناالعجينة المعتمدة عندي و الله تجي بنينة و هشة 3 كيسان فرينة مغرف كبيرة خميرة الخبز الملح
مغرف كبيرلة سكر و حبة بيض و مغرف كبيرة لحظة
الطريقة أنك تحل الخميرة و السكر في كأس ماء دافئ و تخليهم بجيه مدة دقيقة
تخلط الفرينة مع الملح و اللحظة و البيض و تزيد ليهم الماء لي فيه الخميرة و السكر و تلم و تزيد الماء حتى تتحصل على عجينة تتلصق من بعد زيد 2مغارف زيت هذا هو السر انك تضيف الزيت حتى الأخير و تدلك العجينة نتاعك مليح مليح و تخليها ساعة تخمر في مكان دافئ
و بغيت نعطيك ملاحظة برك أنا البيزا كي ندخلها للفور نشعلها من الفوق و التحت مدة5 دقايق حتى تشد روحا من بعد نزيد نخرجها و نزيد ليها لاصوص و االفرماج و الزيتون و نردها للفور مدة 5 دقايق برك و انشاء الله نكون أفدتك
:19::19::19::19:

[عبدالودود13]

أخي أناالعجينة المعتمدة عندي و الله تجي بنينة و هشة 3 كيسان فرينة مغرف كبيرة خميرة الخبز الملح
مغرف كبيرلة سكر و حبة بيض و مغرف كبيرة لحظة
الطريقة أنك تحل الخميرة و السكر في كأس ماء دافئ و تخليهم بجيه مدة دقيقة
تخلط الفرينة مع الملح و اللحظة و البيض و تزيد ليهم الماء لي فيه الخميرة و السكر و تلم و تزيد الماء حتى تتحصل على عجينة تتلصق من بعد زيد 2مغارف زيت هذا هو السر انك تضيف الزيت حتى الأخير و تدلك العجينة نتاعك مليح مليح و تخليها ساعة تخمر في مكان دافئ
و بغيت نعطيك ملاحظة برك أنا البيزا كي ندخلها للفور نشعلها من الفوق و التحت مدة5 دقايق حتى تشد روحا من بعد نزيد نخرجها و نزيد ليها لاصوص و االفرماج و الزيتون و نردها للفور مدة 5 دقايق برك و انشاء الله نكون أفدتك
:19::19::19::19:

شكرا ليك اختي الكريمة و ماهي النوعية نتاع الفرينة لي تخدمي بيها انا نخدم بفرينة عادية الموجودة في شكارة 25 كيلو هل هنالك فرينة دات نوعية جيدة ممكن اسمها لأن العجينة دائمة تكون جيدة و في النهاية لما تخرج تجيني مثل الخبز و مو طرية و هشة لا ادري لمادا

[widada111]

أنا نخدم بفرينة عادية 50 كغ اسمها طرشي و الله نوعية هايلة أخي

[هانية2]

عجينة بيتزا رائعة :
أكثر بقليل من نصف كأس حليب فاتر
نحطلو مغيرفة كبيرة خميرة الخبز ونخلط
ثم نضيف مغيرفة كبيرة سكر ونص ملعقة صغيرة ملح ونخلط
ثم نضيف ربع كاس زيت ونخلط
ثم نضيف الفرينة بالتدريج حتى تلتم العجينة وتكون طرية ماشي يابسة
نحط الاناء اللي خدمنا فيه العجينة داخل كيس ونغطيه بسربيتة ونخليه يخمر
يخمر بسرعة حوالي نص ساعة
نحل العجينة بالحلال رقيقة لانها رايحة تنتفخ كي طيب فالفرن
من بعد ندهن السنيوة بالزبدة ونرش بالفرينة ونحط العجينة
نحط الصوص والى الفرن

[اميريم19]

انا نستعمل وصفة ام وليد جربتها عدة مرات سهلة وناجحة

http://www.m5zn.com/newuploads/2017/04/26/png//m5zn_28ead77d33a150c.png

بالتوفيق اختي واصلي المحاولة وتنجحي باذن الله

[عبدالودود13]

شكرا لكم اخوتي المشكلة كانت في العجينة عندما اطبخها كنت اضعها سميكة شوي و انا احبها تكون رقيقة و تنتفخ اكثر .

و انا من تلمسان كنت ابحث عن عجينة دات نوعية جيدة

[bella12]

ديري تاع الهام هنا في لنتدى لحد الان مالقيتش عجينة خير من تاعها تجي كيما تاع براا

[ريحانة24]

شوفي اختي لا تحتاري ابدا جربي بيتزا تاع زينب 83 راها احسسسسسسسسسسسسسسسسسسسسسن الموجود ومضمونة جدا جدا جدا واستعملي فرينة سيم او ماما والطربقة موجودة في الدروس الماضية للشيف زينب كما قلت لك وبالتوفييييييييييق

[RIMA.87]

السلام عليكم ،
تفضل هذه الوصفة لي معتمدتها للأخت chez biba جزاها الله خيرا،قمة في الروووعة و ممكن تعملها بدون اعشاب عطرية اذا لم توفر عندك
https://d.top4top.net/p_506lf39r0.jpg (https://up.top4top.net/)

و هذا تطبيقي و عجبت كل العايلة .
https://d.top4top.net/p_5064dxu20.jpg (https://up.top4top.net/)
https://e.top4top.net/p_506cbjtt1.jpg (https://up.top4top.net/)

ملاحظة :
البيتزا كيفها كيف جميع المخبوزات الطهي ديالها يكون في فرن مسخن مسبقا و طيابها على درجة حرارة عالية 200°حتى 250°،
و انت قلت انك طيبها على 180° :confused: لهذا لا تنجح معك ،

ربي يوفقك و تنجح فيها .

[السعادة قرار]

البيتزا من اسهل الوصفات ان لم تنجح لكي اختي جربيها بالعجينة السحرية او بيتزا ام كوثر اكثر من رائعة و نصيحة انك تخليها تخمر ال مرة في كيس نيلون لما يتضاعف حجمها ديغازيها ثم ابسطيها و خليها تطلع شوي ثم ضعي عليها الحشو الي لازم يكون بارد و ناشف شوي و البيتزا ممكن كاس لكل حبة لانها تجي رقيقة يعني ما تديش الفرينة بزاف نهار تخرجي عليها تولي تتفنني فيها نشالله

[هيام ويوسف]

البيتزا من اسهل الوصفات ان لم تنجح لكي اختي جربيها بالعجينة السحرية او بيتزا ام كوثر اكثر من رائعة و نصيحة انك تخليها تخمر ال مرة في كيس نيلون لما يتضاعف حجمها ديغازيها ثم ابسطيها و خليها تطلع شوي ثم ضعي عليها الحشو الي لازم يكون بارد و ناشف شوي و البيتزا ممكن كاس لكل حبة لانها تجي رقيقة يعني ما تديش الفرينة بزاف نهار تخرجي عليها تولي تتفنني فيها نشالله


انا جربتها بهاذ الوصفة و نجحت

[mirou.19]

ختي كاينة حاجة جامي تحطي الملح مع الخميرة ديما ديري الخميرة و السكر و مبعد زيدي الملح لأو الملح ما يخليش الخميرة تتخمر على عكس السكر يساعد على التخمير

[هبة ام عبدو]

سلام اختي
انا مدلك وصفى ناجحة 100بالمىة أسهل منها مكانش
إليك المقادير
كأس حليب دافئ زيديرلو مغرف ك خميرة الخبز
ربع كأس زيت حبة بيض وخلط المقادير ثم رشة ملح
وبدأي تضيف في الفرينة غير بالشوية حتى تولي عجينة
تلصق في يدين هادا هو سر يلزم تبقى طرية متنشفيهاش ودريها تخمر حوالي 30د وجدي
لصوص كسريلا الخمور وخبزيها رقيقة في الصينية وعادي خليها تخمر حوالي35 د حتى توشفي حجمها تضاعف ديريها لصوص وإلى الفرن
فرن تكوني شاعلتو من قبل 10د على أعلى درجة 280 ماديش وقت بزاف في طياب حوالي 15 د
هذي عجينة السحرية نستعملها في كل المملحات هايلة وناجحة جربها وردية خبر