غايضتني عمري

[مشكلتي]

مساء الخير

غايضتني عمري ماتزوجتش
اصغر ممننيي تزوجو
نتاجاتي تزوجواا
اكبر منني تزوجوا
صاحباتي تزوجوا
اللهم لا حسد واغبطهن
لي يجي يتقدملي يرفضوه اهلي بحجة مش لايق بيا وناقصه دراهم
من بعد كي كبرت ونعدموا الخطاب اصبحت احاسب واتهم اني انا السبب في عنوستي
لازم نخرج للعراس لازم نخرج برا باش يشوفوني ويخطبوني
اصبحت مهتمتي نفركس على عريس او رجل
وشا ذنبي انا الموافقة على الزواج بيد الاهل
دك المجتمع اصبح مادي .يفرضوا عمل المراة بالقوة لو تبقى بلا عمل يقلك كيفماه راكي قاعدة
قعدت في الدار ماني في ربح خرجت نخدم يقلك دك يجيك واحد طامع فيك
كرهت المجتمع كرهت العائلة
فرضوا قيود غبية على المراة
وزيد نظرات الشفقة تاع ماتزوجتيش
هانا وشادخلني
الحب حرام
يجيك راجل من الباب فقير مايقبلوش بيه
ولي تقلق يتهموا المراة تتقلش وتتشرط
اذا اهلها ماديين وشا ذنبها هي؟؟
نحير في المتزوجات يشيكو من رجالهم
انا مشتاقة رجل فقط لانني فعلا تعبت تعبت
لا استطيع العيش بدون رجل لا استطيع

[جمال6]

السلام عليكم
رزقك الله الزوج الصالح عاجلا غير اجل المهم لا تقنطي من رحمة الله فهذا ابتلاء والله لم يبتليك الا كونه يحبك فصبر الصبر الجميل

[karimtito]

ربي هب لها من لدنك زوجا صالحا

[لمسة ابداع]

اصبري يا اختي مكتوبك برك مازال مجاش لاسباب يعلمها الله
اصبري و اصبري و اصبري ماشي كل متزوجة متهنية في دارها
ربي يرزقك زوج صالح طيب كريم عاجلااااااااااااااا

[salamsi]

ربي يفتح عليك بزوج صالح

[أم أماني أريج]

لا تقنطي من رحمة الله أختي و ربي يرزقك من فضله
رمضان على الأبواب اغتنمي الفرصة و ابداي توجدي روحك من ضرك باش تصوميه إيمانا و احتسابا و ادعي الله يوفقك لقيام ليلة القدر حيث الدعاء مستجاب و ربي يفرحك بعد رمضان مباشرة ............آمين ..............

[محمد جديدي التبسي]

كلنا غايضتنا عمرنا وحايرين كيفاه نتزوجو في هذا المجتمع المادي المنحل
النساء تشكي والرجال تشكي!
المفروض انت تصارحي والدتك وتقبلي بالخاطب ولو كان فقير
هذا الموضوع لا ينبغي السكوت والخجل منه فهو حقك تتزوجي وتكوني أسرة
ربي يرزقك الزوج الصالح

[الرميصاءْ]

ربي يرزقك الزوج الصالح عاجلا غير اجل

[رحمة2016]

ربي يرزقك الزوج الصالح ان شاء الله ويفرحك بيه

[abder03]

اختاه، يا أختاه، لن اقول لك اصبري لان الصبر قد هرب من قوة صبرك. لا يحس بالجمرة الا من هي بيده. اختاه يا ختاه، حقك كامراة رجل و حق الرجل امراة. لا اريد ان اقسم، لن يقف و للاسف الشديد احدا لجانبك و لا حتى اقرب الناس اليك. يتاثرون و يتاسفون لحالتك و لكن لا احد يمد يده لك. انا لا اكذب فواقعنا مر مر مر مر و نحن لا نحمل من ديننا الحنيف الا القليل القليل. انت في كربة و الكثرون مثلك. طريقك صعبة جدا و اخره صعب.
اختاه اختاه، ساعدي نفسك بنفسك مادمتي قادرة على ذلك، لا تكرهي اهلك و لا المجتمع و لكن تجاهليهم نهائيا. هذا الذي لم يحس بك و ضيع عليك فرصة الستر و الزواج تجاهليه الان، يجب ان تتجاهليهم. لديك الانترنات و لديك مواقع التعارف، ليس عيب ان تبحثي على عريس، ليس عيبا ان تتمني ان تكوني أم و لديك اولاد و ما احى ذلك الشعور. يدزو معاهم الذين يرون انك خاطئة. حقك رجل فابحثي عنه و لكن في الحلال بما يرضي الرحمان.
الله ربي و ربك و رب العالمين هو الوحيد الذي يحس بك و بمعاناتك. الوحيد الوحيد، اتخذيه مصدرا تشكين له همك، كلميه كما تكلمين اختك، كلميه، ولا تستعملي كلمة - وعلاش انا - فهذا يقلل احترامك للمولى. لمحي في كلامك و لكن لا تقوليها ابدا. الجئي له خاطبيه اشكي، ابكي عنده، اذا رفعت صوتك اطلبي السماح، اقتربي منه ليس بصلاة ولا بالصيام بل بمجرد المكالمة و الخطاب. سترتحين و سيريحك و سيلتفت اليك و سيساعدك متى هو يشاء. جربي اختاه يا اختاه لن تخسري شيء، مجرد محادثة و شكوى دون ان تطلبي دون ،ان تطلبي دون ،ان تطلبي ما تريدي. ارمي الحمل عليه ولن يخيبك الرحمان الرحيم القادر الكريم رب العزة رب الارباب، الله.

[lilia88]

يا اختي الدنيا دار ابتلاء كاين لي مارزقهاش الزواج وكاين الدرية وكاين لي حياتها كامل تداوي في المستشفيات وكاين لي تزوجت وعايشة في مشاكل تقلك والله لوكان يرجع بيا الوقت مانتزوج نوصيك اختي على حاجة متعمريش راسك بكلام الناس وعيشي حياتك عادي ومتربطيهاش بالزواج برك وادعي ربي يرزقك الزوج الصالح وانت موقنة بالاجاية

[sohaibdz]

يا اختي بصراحة و بلا مثاليات ننصحك تحوسي على عمل لان العمل يزيد فرصتك في الزواج ان شاء الله ، لانك اول حاجة تحتكي بالناس يعني مثلا ممكن تتعرفي على صديقة في العمل تزوجك بخوها و تاني كيما تلتزمي بالاخلاق و تمدي صورة مليحة عليك ممكن يخطبوك زملائك في العمل و اخر حاجة مع الاسف العاملة مرغوبة اكثر في مجتمعنا ،،، و كثري من الدعاء و الاستغفار و قراءة سورة البقرة يوميا تمدلك طاقة غريبة و الصبر و تم الصبر
و بالتوفيق العاجل ان شاء الله

[nihal159]

ربي يفرج عليك إن شاء الله و يرزقك بالزوج الصالح؛ لكن ياختي لازم تتكلمي مع أمك و تمدي رأيك فلي يخطبك؛ مش تبقاي غير تلومي في أسرتك و المجتمع في صمت.
أمك عندها تأثير على الوالد نتاعك؛ و أنتي عندك تأثير على أمك؛ خاطبيها و أحكي معاها و بيني وجهة نضرك.
أيضا؛ إذا تعرفي نساء عندهم إخوة في سن الزواج ؛أعرضي نفسك عليهم؛ مافيها حتى عيب؛ لازم فقط تكون الطريقة صحيحة.

[salamsi]

ربي يرزقك الزوج الصالح

[ridha34]

ربي يرزقك زوج صالح.

[حالمة برفقة النبي]

رب يفتح عليك ويرزقك لي فيها الخير

[سَامِيَة]

بداية ربي يرزقك الزوج الصالح ويعوضك خير عن صبرك.

لست وحدك من تعاني من تأخر الزواج هناك الملايين من الفتيات الصالحات والطالحات الجميلات والقبيحات..وربما تكون ظروفك احسن من ظروف أخريات بكثير...هناك فتيات أحاطت بهن الهموم من كل جانب لا جمال ولا مال ولا تعليم ولا صحة ولا إخوة يعتمد عليهم ولا حتى....زوج لكنهن يعشن حياتهن في حدود ما قدر الله لهن..أنتي على الأقل هناك من تحملينه مسؤولية تأخر زواجك بينما هناك من لا تجد تفسيرا لعدم زواجها.

كيف أنك لا تستطيعين العيش من دون رجل...ماذا لو لم تتزوجي. ..ماذا ستفعلين بنفسك؟!...حقيقة هو إحساس مؤلم أن يبقى الإنسان يبحث عن نصفه الآخر ويتوق إلى لقائه إذ أن تلك هي الفطرة التي فطرنا الله عليها....لكن إن لم يتحقق المراد ما على المرء إلا التسليم بقضاء الله وقدره.

لا تحصري نفسك في زاوية واحدة...الحياة كثيرة اهتماماتها وإياك والتركيز على الحلقة المفقودة في حياتك حتى تفقدك الإستمتاع بالنعم الأخرى التي لديك...اذ أن من طبيعة الإنسان أن لا يحس بقيمة الأشياء حتى يفقدها.

اعلمي أنك بحزنك وسخطك من عدم زواجك تعرضين نفسك لمواقف ونظرات أنت بغنى عنها فلا تتركي للآخرين الفرصة في النظر إليك بنظرة الشفقة والدونية والتمسكين وإياك والعزلة بالعكس عيشي حياتك في حدود ما يحبه الله ويرضاه واجعلي الناس تتساءل عن سر ابتسامتك وثقتك في نفسك رغم عدم زواجك...الهموم اللي في قلبك خليها في قلبك وعمرك ولا تخلي هاذ المسألة نقطة ضعفك.

[اسعى لرضى الله]

شوفي ختي ننصحك نصيحة نتمنى تعملي بيها نصحتك كيعاد حسيت بحالتك شوفي اختي من حقك تزوجي ومن حقك تبني بيت مسلم وتجيبي اولاد وهدا حقك واحد ميقدر ينحيهولك ياربي لا نتي تنازلتي عليه ختي والديك هدو لي يرفضو في الخطاب راح يدومولك؟ لالا ميدومولكش صح والدين على الراس والعين واحترميهم مي في هدي ختي احكي معاهم وفتحي الموضوع ومتحشميش عبري على رغبتك في لحلال وقوليلهم انا بغيت نتستر ونزوج وقولهم بلي كي يجيك يخطبك واحد اخر باذن الله ودك يجيك قولهم نقبل بيه كون يتوفرو فيه شروط لي قال الرسول صل الله عليه وسلم الدين والخلق قولهم اما المال والدراهم راهم يجيو ويروحو . كم من فقير اغتنى بفضل الله وكم من غني افتقر متخليش روحك تضيعي في جرة المظاهر لي دارهم مجتمع وهدا حقك اختي لازم تريكلامي وتخبريهم بلي راكي كبرتي وبغيتي تزوجي واني قتلك من حقك كيعاد من غدوة واحد ميوقف معاك ولا يكون بجنبك صدقيني ومتقنطيش كيما جاوك خطابة من قبل يزيدو يجيوك باذن الله قومي اليل ودعي ربي وقولي ياربي ومتخافيش باذن الله تزوجي وطيحي في راجل ولد فاميليا ويهنيك ويعوضك على شي لي فات

[mirry mirna]

ربي يرزقك بزوج صالح ان شاء الله

[عادل عبد الله]

ربــي يرزقك الزوج الصالح والذرية الصالحة إن شاء الله .