أرز بصلصة الفول ...... على طريقة زُخْرُفَةٌ

[zokhrofa]

السلام خواتاتي


http://www.up.djelfa.info/uploads/149295741448581.jpg

دايما في سبيل نعرفو بالفول انو ما ينتكلش بطرق محصورة هاذي المرة جربت في خاطركم وصفة جميلة و بنينة و سهلة بالفول

نبداو على بركة الله

الطريقة :

تحكمي في كسرونة فيها ماء تحطي كمية تاع حمص مشمخ مسبقا و كان في المجمد او لا المهم مشمخ ماشي يابس

+ كمية تاع حب الفول منزوع القشور

و تخليهم يغلو في الماء دون زيت او ملح

لمدة 30د

بعدها اضيفي ليهم الجزر مقطع مربعات صغيرة يغلي معاهم لمدة 15د

طبعا اثناء ما يكونو يغليو انتي واش تديري ؟

تحكمي كسرونة اخرى و تحكي فيها زيت

+ اسنان ثوم مدروسين في المهراس مع الملح ترميهم يتقلاو في الزيت

و تم تم زيدي 2 مغارف طماطم مصبرة باش تتقلى مع الثوم مالازمش يبقى وحدو يولي مر

+ ثم زيدي فلفل اسود

+ فلفل عكري

+ كركم

+ رند ورقة متوسطة

خليهم يتقلاو مليح

+ من بعد ضيفي الماء ماشي حتى تولي شربة يعني تبقى شوية ثقيلة

بعد ما تبدى تغلي لاصوص تحكمي الخضر لي كانو غلاو لمدة 45د تصفيهم من الماء هذاك

و ترميهم في لاصوص و تنقسي على النار كامل حيث تكوني حاطتها على الكانون الصغير كامل

و تخليها تطيب لمدة 15د او 30د من الاحسن

من بعد طفيها و تخليها ترتاح 15د

و بعدها تسقيها فوق الأرز الابيض لي كنت حطيت طريقتو من قبل في الرابط التالي :

http://www.djelfa.info/vb/showthread.php?t=2052456

[انا هي رزيقة]

امممم جميلة و صحية اختي زخرفة نموووت على هذ النوع من الاطباق ...تسلم ايديك حبيبتي

[zokhrofa]

اهلا اهلا برزيقة زارتني القمرة

نعم انا طيابي غالبا في هذا النوع قليييييل وين نطيب باللحوم كرهتم كامل

[ام هدول]

ياعني عليك زخرفة ....احلى تقققيم واحلى روز من تحت يديك ...راحية نطبقو ...كي نلقى فرصة ..شكرا

[zokhrofa]

الله يسلمك أختي ام هدول هذا شرف لي شكرا اختي

ان شاء الله يلحق عن قريب لي يسمع يقول هذو راهم يهدرو على كاش شخص مهم جاي من الخارج و احنا نهدرو على الفول برك ههههه

[ام هدول]

زخرفة ...لمعلومتك راني في الصحرة العميقة قليل وين يوصل الفول لي طري كما عندكم ....على بيها ...كي نشوفو نسخف ...ماعليش راني نسنى ...خخخخ

[zokhrofa]

هههههههههه ايه ايه راني قريت في الردود بلي راكي فالصحرة و راكي تستناي فيه

علابيها قتلك تقولي راكي تستناي في مسافر

والله غير حرام عليهم مزال ما جابوهولكم

[mohamed khaled]

روووووووووووووووووووووععة شكرا

[zokhrofa]

.......................................

[cilia]

وصفة رائعة و جديدة علينا يعطيك الصحة

[zokhrofa]

اهلا سيليا يسلمك اختي نهار تجربيها اعطيني رايك

[prettylady]

بنين صحي و ساهل يعطيك الصحة زخرفة

[omjoujou]

اممممممممم زخرفة يشهي انا موالفة ندير الروز ونسقيه بالصوص حمرا وفيها الخضرة كيما الجلبانة البطاطا زرودية جريوات ونقطعهم قطع صغيرة لكن الفول جامي سييتو
اكيد المرة الجاية نديرو راح نضيفلو الفول لانو بالفعل شهاني يمي
الله يعطيك الصحة حبيبة

[zokhrofa]

بنين صحي و ساهل يعطيك الصحة زخرفة

احكيلي على الصحي هههه اختي انا وياه صحاب شكرا لمرورك ختي

[zokhrofa]

اممممممممم زخرفة يشهي انا موالفة ندير الروز ونسقيه بالصوص حمرا وفيها الخضرة كيما الجلبانة البطاطا زرودية جريوات ونقطعهم قطع صغيرة لكن الفول جامي سييتو
اكيد المرة الجاية نديرو راح نضيفلو الفول لانو بالفعل شهاني يمي
الله يعطيك الصحة حبيبة

ممممممممممممم شهيتيني ام جوجو انا جامي جربت باطاطا

تعرفيني ننتبه بزااااف للمكونات

بما انو الارز مصدر كربوهدرات و البطاطا كيف كيف من الاحسن تتفادايهم باش ما تثقليش معدة ديالك المرة الجاية ديري كلش ما عدى البطاطا و قوليلي شحال تاكلي راح تاكلي اكثر لكن تحسي روحك خفيفة

[حياة نور الدين]

امممم زخرفة يعطيك الصحة اختي وصفة تشهي بصحتكم

انا نعمل ارز بالفول في الكوكوت ابيض يجي هايل درتوا المرة اللي فاتت مكانتش عندي النت مصورت ما حطيت بصح نعاودوا ونحطلكم الوصفة

[zokhrofa]

ان شاء الله حياة انا في الانتضار

شكرا على مرورك اختي