قصتي مع شهادة التعليم المتوسط في الموسيقى

[آيـــات]

السلام عليكم
اليكم قصتي مع بيام موسيقى
نحكيلكم بالتفصيل
نضت الصباح على 8 صليت شربت الحليب
حفظت التعاريف والاغاني اما النغمات الموسيقية كنت بالجمعة ورالي خويا كل نغمة وين بلاصتها احفظتهم هذا مكان
على ال 11 ونصف جاء لي اخي الذي يكبرني بعام
قال لي ياسارة على قداه تروحوا قلت له على 12 ونصف قالي اه مسكينة انت بقالك ساعة برك
ثم
جاو عندي صحاباتي على ال12 و 20
ركبنا فالسيارة ورحنا فالطريق قريت اية الكرسي سبحان الله
لحقنا على ال12 و 35 للمتوسطة
نزلنا سلمنا على لبنات وفتحوا الباب قالونا اجبدوا الاستدعاءات جبدناهم ودخلنا
اداونا لواحد المدرج ثم الذكور قلبوها بداو يخبطوا الطوابل يصفروا وبعض لبنات كانو يزغرتوا
كانو صحاباتي مخلوعين كل وحدة واش راها تقول
قلتلهم سما ف 4 جوان واش راح اديروا
ثم جاو بعض الاساتذة لي جامي شفتهم فحياتي بداو يهدروا وينصحوا فينا ويقولونا
اعطوا صورة حسنة لمتوسطتكم ولاساتذتكم وبداو يعيطوا بلاليست
واخيرا لحق اسمي كنت فالورشة الثانية
دخلت لقيت استاذتي تاع الموسيقى قالت لي عرفيلي الة عرفتلها الكلارينات قالتلي اقرايلي سلم موسيقي اقريتلها الاول فيهم كان يبان سهال انا كنت حافظة اماكن النغمات قاعدة نخمم حتى لقيتهم قاع كاش خمس ثواني قريتولها جبتهم اصحيح قالتلي روحي للقاعة الاخرى عندك 12/12 خرجت من عندها رحت لقاعة اخرى
تلايم الفوج تاعي
كنا 10 جاء واحد الراجل قال لنا تفاهمو على اغنية تغنوها وراح
اخاه هنا بدات التعافريا وحدة تقول قسما ووحدة تقول يحياو ولاد بلادي والاخرى يا حسراه عليك يا الدنيا والاخرى يا المقنين الزين الحمد لله لقيت زوج كيما انا حافظين من اجلك يا وطني وواحد الطفل قالنا انا ماراني حافظ والوا واش غنيتوا ندخ بيناتكم ونحرك شفتاي كشما كاين راني نغني بلعقل
تفاهمنا على من اجلك عشنا يا وطني
على كاش 10 دقائق رجع لينا
غنيناهالوا قالنا رراحتلكم شوية فالايقاع زدنالوا قسما قالنا راحتلكم السكتة مدرتوهاش
زادت وحدة الطفلة يحياو ولاد بلادي وعاونها شوي
ثم قالنا سلكتكم وجه الخير هاذي لي غنات يحياو ولاد بلاي
ثم بدا يعيطنا بلاليست لي يسمع اسمه يوقف ويقولو الشيخ الله يسهل
لعشية نتلاقاو فالحومة راني جاركم ورحنا
خرجت
ستنيت صحاباتي لي جبتهم معايا قصرت شوي مع لبنات وعيطت لباب باش يجي يردنا
جا بابا ركبنا فالسيارة ورجعنا للحومة وافترقنا
وفالمساء جات عندي صحبتي اخرى احكينا مع بعض على هذا اليوم وقالت لي حسيت براحة نفسية مي كي نتفكر ال 4 جوان نفشل
هذه قصتي مع بيام الموسيقى
ماذا عنكم شاركونا قصصكم مع بيام موسيقى او رسم

[_خولة_]

السلام عليكم سارة ............................... اممم قصة رائعة ........................ الحمد لله اللي فوتيه على خير
*
*
*
*
*عقبال للنجاح في الشهادة غاليتي

[آيـــات]

شكرا ايتها الغالة خولة على المرور
وفقنا الله واياكم
ماذا عن قصتكي
الن ترويها لنا

[_خولة_]

شكرا ايتها الغالة خولة على المرور
وفقنا الله واياكم
ماذا عن قصتكي
الن ترويها لنا


:1::1:
*
*
*
*
*
الاثنين مساء ان شاء الله ....................... عندما اعود ساحكي لكم قصتي مع شبح الرسم
*
*
*
*
عندما تفتح مكارم اريد ان اسئلها بعض الاسئلة في المادة :19::19:

[آيـــات]

:1::1:
*
*
*
*
*
الاثنين مساء ان شاء الله ....................... عندما اعود ساحكي لكم قصتي مع شبح الرسم
*
*
*
*
عندما تفتح مكارم اريد ان اسئلها بعض الاسئلة في المادة :19::19:


وفقنا الله واياكم
نعم
خذي زادكي فذ هذا العدو
فانت ستواجهين شبح حقيقي
وفقكي الله
لا تنسي زادكيب غاليتي
في انتظاركي وانتظار قصتكلي ضد هذا الوحش
ستتغلبين عليه باذن المولى وتوفيقه

[sousouh06]

:1::1:
*
*
*
*
*
الاثنين مساء ان شاء الله ....................... عندما اعود ساحكي لكم قصتي مع شبح الرسم
*
*
*
*
عندما تفتح مكارم اريد ان اسئلها بعض الاسئلة في المادة :19::19:


kifkif mais ana le jedie
rabi ysabarna nchalah
j'ai vraiment peur

[rania_chaghi]

حنا فوتنا على ال7 تاع الصباح ههههه هذاك النهار ناننساهش جاوني صحاباتي و فالطرريق و حنا رايحين للاكمالية لي راح نعقبو فيها جا ورانا مهبول نشفا من الخلعة قريب دخلنا للقهوة ï؟½ï؟½ï؟½ï؟½ و كي وصلنا بهدلتنا المديرة تاع هاذيك الاكمالية خطراكش قعدنا نغنيولها فلاكوغ مي فات على خير الاسئلة جاو ساهلين و الاستاذ هو لي خيرلنا واش نغنيو قالنا غنيو المقطع الرابع و الخامس من قسما فريناها و جينا مروحين ههههه ايامات البيام مكانش كيفهم هايلين

[imane miranima]

هههههههههههههههههههههههههههههههههه قصتي مع البيام انا طويلة بزااااف
البارح رقدت ختى 11 ههههه ودرت المنبه على 5ونص , نضت مع 6 , وجدت روحي وشربت قهوة الصباح ومين جات 7 و 10 خرجت مع اختي الكبى من الدار في هاد اللحظة حكمتني الدوخة وقلبي حبست هههههه استغفرت وقريت شويا قران وقل نتوكل على الله مين وصلت لمتوسط كانت 7 ونص تلقيت بصحاباتي حتى 8 دخلونا وحتا 9و30 عاد جزنا حنا هههههه كتلتنا الشمس
وبلا منحكيلكم على الخلعة لي حكمتني كي وحد البنت داخت و تغاشت
المهم واخيرا جا دوري ادخلت كانت الاسئلة بزااااااااف ساهلة 3 غرف وكل غرفة اقل من 5 ثواني
الغرفة الاولى تقولي صح وخطا
الغرفة الثانية العلامات الموسيقية
الغرفة الثالثة قسما , هههههههههههه قالي غير كم هي عدد مقاطع قسما ..............
هههههه كنت حاسبة راح يكون تعريفات وزيد لي خرجو من مؤسسات الاخرى يخوفونا حتى تغاشت وحد البنت لكن هو اسهل اسهل اسهل مايكون
ان شاء الله لعقوبة للبيام يكون هكذا

[الحمزاوي متصرف]

انا اليوم جوزت الرسم والحمد لله كان لاباس

[ﻓرَۑدَ]

من فضلكم اعطونا اغنية
صوتي غليظ قليلا وليست جيدة مع اللحن

[آيـــات]

كي تجي تغني دائما خفض صوتك اي غني بصوت متنخفض اوموا يجي صوت يبان مليح انا كنت نقرا نورمال كي جيت نغني خفضت صوتي وزيد غنينا جماعيا في 10 صافي مبانش صوتي

[bem 2017]

hambokom khoti li daro dessin ya3toti sujet svp

[Aridj jilane]

حنا نقراو رسم
في يوم السبت كنت حافظة من قبل معلياش كي وصلت 18.00 سجيت روحي و بديت نحفظ حفظت كلش واش كاين في الكراس و شفت مليح مع الرسومات تاعي و حليت وضعيات .... و اليوم الاحد
نضت صباح على 6.30 سجيت روحي مليح و عاودت شفت مع الكراس تاعي جا بابا داني ب سيارة ... مع شوية خوف مي كي لقيت البنات و شفتهم رايحين وحدهم بدا الخوف يروح و كانت المتوسطة لي عقبنا فيها قريبة من منزلنا المهم وصلنا و لقيت بزاف زملائي و زميلاتي و تلاميذ من مدرسة اخرى لا نعرفهم التقيت ب صديقاتي و زميلاتي و نحن نتبادل المعلومات و مسرورين بزاف و نضحكوا قعدنا بزاف قدام المتوسطة و المكان يضج بالتلاميذ اه يا له من جو رائع
و فجاة رن الجرس و دخلنا مثنى مثنى كل واحد يهز الاستدعاء تاعو و يشوف الرقمين الاخرين و يشوف الكلاسة لي طاح فيها و كل وحدة تقول ل لاخرى انتي وين تقلها انا هنا و انتي وين انا حجرة 4 انا حجرة 6 هههه
و فجاة جاو لينا قالونا المدرسة فلانية تروح منا و المدرسة الفلانية تروح منا
و طلعنا و كل واحد راح الكلاسة تاعو و زدنا قعدنا بزاف قالونا حتى 8.30 باه تبداو و بقاو هاذوك الدكورا الطوايشيين ههه مع استاذة رياضيات لا نعرفها و لا تعرفنا استاذة رياضيات حنونة و لطيفة جدا و اعطونا نصائح و رن الجرس و شرعنا في الاختبار كان جد سهل و في متناول الجميع رائع رائع انهيناه بسرعة و خرجنا نتبادل الاجوبة كانت سهلة جدا جدا كنا جد مسرورين و بعدها التقيت و انتظرت زميلاتي و دهبنا لنتجول هههه حقا انه يوم رائع ولا اورع
بداية جميلة و رائعة اتمنى ان تكون كل الايام هكذا و اتمنى ان تكون شهادة التعليم المتوسط هكذا وفقنا الله و اياكم

[اكرام براءة]

الحمد لله

أنا كان يوم عادي كباقي الأيام

لا شيء مميز فيه =)

شكرا سارة على الموضوع

[_خولة_]

قصتي مع ****شبح الرسم *****


استيقظت فجرا ... صليت ثم راجعت قليلا التعاريف و التقنيات ووووو .........

عندما اصبحت السادسة و النصف .... قمت لبست ملابسي رتبت الاقلام الاوراق الالوان بطاقة التعريف و الاستدعاء........... شربت القهوة

حتى اصبحت السابعة الا عشر دقائق و جاءت صديقتي عندي لكي نذهب مع بعضنا

توكلنا على الله و انطلقنا حتى وصلنا الى محطة الحافلات و كنا قد اتفقنا مع جمييييع تلميذات الرابعة متوسط ان نلتقي هناك على الساعة 7 كنا الاوائل في المحطة لكن بعد قليل بداو بالمجيء ثم ركبنا الحافلة علة 7 و عشرين و عند 7 و 35

نزلنا في محطة اخرى .... وهنا يبدا الارهاق هههههه

مشينا و مشينا و مشينا و مشينا و مشينا و مشينا و مشينا و مشينا و مشينا و مشينا و مشينا و مشينا مدة 15 دقيقة حتى اصبحت السابعة و 50 دقيقة وصلنا الى المتوسطة

قعدنا نتحاكاو عن التحضيرات و نحضرو انفسنا الى ان طلب منا الدخووووووول كل واحد اظهر استدعاءه


ثم حضرنا تحيةالعلم و بعدها بداو ينادو بالقائمة و كنت في القاعة 5

دخلت الى القسم جلست في مكاني اخرجت الادوات و اعطونا المواضيع بدات في الحل

و كان سهلا جدا جدا جدا

الحمد لله انهيت و خرجت ........... انتظرت صديقاتي و عدنا بنفس الطريييييييييق

*

*

*

ان شاء الله نتائج مرضية

*
وفقكم الله

[دعاء2]

انا جاني عادي سهل بزااف

الحمد لله تهنيت

[اسماء تيارت]

ههههههه قصصكم رائعة لكني قصتي مختلفة. لانني استيقظت على سابعة راجعت كل كراس الرسم وعندما اصبحت تاسعة الا خمس ارتديت ملابسي وبعدها ناديت اخي لكنه كان عنده شغل وقال لي نرجع وانا ندخل على العاشرة. اذا بها العاشرة. وبدا قلبي يخفق بشدة وبدات الدموع تسقط مني حتى رايته وهرعت مسرعة وعندما دخلت للمتوسطة وحمدت الله للمرة الثانية بعد فاجعة حدثت لي البارحة حتى قالت لي صديقتي اني في القاعة واحد و الحمد لله لم اتاخر ودق الجرس بدات الاستاذة بتوزيع الاوراق. ففرحت كثيرا الان الاسئلة سهلة حتى لاصحاب الموسيقى. فكانت حول تكملة الجملة و صح وخطا و رسم حول ظاهرة التلوث والحمد لله فقصتي كانت مضحكة ولن انساها ابدا وبعد ان خرجت ذهبت انا وصديقتي باه انظروا و اخذنا صور للذكرى ولم ندرس مساء فارتحت

[☆دعـــــــاء☆]

حنـــــا ماعندنا لا رسم لا موسيقـــى ههه

[دعاء2]

حنـــــا ماعندنا لا رسم لا موسيقـــى ههه

كيفاش ؟ الموسيقى ولا الرسم محسوب في البيام

انت وين تسكني؟؟

[*آمنة*]

قصص روعة انا مازال نهار الخميس نديرو

[*آمنة*]

كاش مواضيع ولا سوجيات

[سمية 61]

انا مزلت نهار الاحد اشاءالله
خايفة ولحد الان مفتحتش الي اسموا الكراس لانو هاد السمان مشارجية بالفروض انتم الحمدلله تهنيتوا كي نكمل انشاءاله نهار الاحد نحكيلكم حكايتي

[wail aliouat]

وانا عندي غدوة وراني ملتهي نقرا قصصكم لي عندوا موضوع الرسم من فضلكم بسرعة راح نرقد

[_خولة_]

السلام عليكم
*
*
*
تمرين 1 قالولنا اكمل الفراغات
احمر + ازرق =...........
البرتقالي مكمله هو ..................
اصفر ازرق احمر هي الوان ....................
تمرين 2 اربط
معرض سيارات ................ تقنية
تهشير............................ اشهار صحي
تلقيح ضد شلل..................... اشهار اقتصادي
و الوضعية تلوين ملصق (( لا للعنف )) بالالوان الحارة :19:
*
*
*
وفقكم الله

[wail aliouat]

اختي من فضلك ممكن تعطيني الالوان المكملة لبعضها بسرعة مع جواب التمرين الاول

[_خولة_]

السلام عليكم
*
*
*
تمرين 1 قالولنا اكمل الفراغات
احمر + ازرق =..بنفسجي
البرتقالي مكمله هو ...الازرق ...
اصفر ازرق احمر هي الوان ..اساسية....
تمرين 2 اربط
معرض سيارات ................اشهار اقتصادي
تهشير............................ تقنية
تلقيح ضد شلل..................... اشهار صحي
و الوضعية تلوين ملصق (( لا للعنف )) بالالوان الحارة :19:
*
*

وفقكم الله

*
و الالوان المكملة هي
*
*
ازرق مكمله برتقالي و الاحمر مكمله اخضر و البنفسجي مكمله اصفر بالتوفيييييييييييييييييق

[wail aliouat]

شكرا بالتوفيق لنا في الشهادة

[سمية 61]

السلام عليكم
*
*
*
تمرين 1 قالولنا اكمل الفراغات
احمر + ازرق =...........
البرتقالي مكمله هو ..................
اصفر ازرق احمر هي الوان ....................
تمرين 2 اربط
معرض سيارات ................ تقنية
تهشير............................ اشهار صحي
تلقيح ضد شلل..................... اشهار اقتصادي
و الوضعية تلوين ملصق (( لا للعنف )) بالالوان الحارة :19:
*
*
*
وفقكم الله
ممم نتاعكم ساهل انا عندي بعد غدوا الرسم انشاءالله يجينا ساهل