بقلاوة من مطبخي المتواضع [الأرشيف] - منتديات الجلفة لكل الجزائريين و العرب

مشاهدة النسخة كاملة : بقلاوة من مطبخي المتواضع

عطر الملكة

2017-04-22, 18:09

السلام عليكم ورحمة الله تعالى وبركاته

اخواتي رواد قسم الحلويات جبتلكم بقلاوة من مطبخي للأمانة الوصفة جبتها و طبقتهامن شهيوات ام وليد ربي يحفظها و يطول في عمرها

نخليكم مع الصور

https://i58.servimg.com/u/f58/11/36/94/18/110.jpg

https://i58.servimg.com/u/f58/11/36/94/18/310.jpg

https://i58.servimg.com/u/f58/11/36/94/18/410.jpg

https://i58.servimg.com/u/f58/11/36/94/18/510.jpg

اميريم19

2017-04-22, 23:34

يعطيك الصحة أختي خرجت رائعة تشهي سلمت يداك

القناعة كنز

2017-04-24, 00:41

امممممم بصحتكم

ام عرفات

2017-04-24, 15:08

:19:خرجتلك تحفة
درتيها تع لابات فيلو الي دارتها ام وليد ولا الاخرى
بصحتك شهيتني مع الي راني صايما اممممممممم
:19:

عطر الملكة

2017-04-24, 19:06

يعطيك الصحة أختي خرجت رائعة تشهي سلمت يداك

مرورك هو الاروع غاليتي الله يسلمك و يحفظك رايكم اسعدني و طلعلي المورال

عطر الملكة

2017-04-24, 19:08

امممممم بصحتكم

يسلمك اختي قناعة الحمد لله كي لقيتك كنت غايبة ما كانتش عندي الانترنت

الحمد لله اللي راكي بخير

عطر الملكة

2017-04-24, 19:13

:19:خرجتلك تحفة
درتيها تع لابات فيلو الي دارتها ام وليد ولا الاخرى
بصحتك شهيتني مع الي راني صايما اممممممممم
:19:

الله يحفظك اختي ام عرفات فغيمون رايك و تشجيعك و تشجيع الاخوات طلعلي المورال

شوفي انا كانت علاقتي بالمطبخ شويا شويا مي مع الحراير الحمد لله رانا نجربو و ندو بالنصائح
نحكيلك عالبقلاوة انا جربت اول مرة البقلاوة بالمشينة و ما عرفتش و خربتلي كامل و من مرتها تعقدت منها قلت ما عادش نزيد نديرها و انا اصلا نتنرفز و ما عنديش صبر و هي من الحلويات اللي يليقلها وقت و صبر
شفت الغاشي يشكر في ام وليد دخلت نشوف في خدمتها بانتلي ساهلة طريقة شرحها جربت نتاع التوريق بالنشا و نفتح بالحلال و كيما راكي تشوفي خرجت لاباس كوحدة مبتدئة نقولو الحمد لله

اشكرك غاليتي

صيام مقبول و ذنب مغفور باذن الله صحا فطورك

أمنية غفران

2017-04-24, 22:02

نجية95

2017-04-25, 01:18

يعطيك الصحة معلييش تقوليلي وين نلقاها ام وليد نسمع بيها بزاااف

عطر الملكة

2017-04-25, 11:47

امممممممممممممممم تشهي الله يعطيك الصحة أختي خرجتلك فـــور

الحق انا راني معتامدة بقلاوة الأخت أم أماني هايلة و علاحساب الحطة تاع ام وليد راهي تشبهلها

هاكي الرابط شوفيها و اعطينا رايك اممممممممممممممممم

http://www.djelfa.info/vb/showthread.php?t=1489789

تحياتي

الله يسلمك حنونة راني شفت بقلاوة الاخت ام اماني اممممممممممممم مورقة عالكيف تقريب كيف كيف نوريك الفرق انا درت كيلة كاملة نتاع مارغارين التوريق درت مارغارين صالحة و الطبقات درت 6 من تحت و 6 من فوق حليتهم كيما ام اماني بالنشا و بالحلال ما استعملتش كامل الماشينة

نجو لام وليد انا درت بقلاوتها مي ما درتش كيما دارت بخصوص المارغارين هي دارت نص كيلة مارغارين و نص زيت انا نكره بنة الزيت فالقاطو ما درتش كيفها هي في وصفاتها دايما تدير الزيت و انا مانيش معاها كامل و النتيجة كيما شفتي الحمد لله مرضية

عطر الملكة

2017-04-25, 12:03

يعطيك الصحة معلييش تقوليلي وين نلقاها ام وليد نسمع بيها بزاااف

الله يسلمك حنونة بخصوص ام وليد تلقايها فاليوتيوب و لا صفحتها عالفيس بوك ديري شهيوات ام وليد في قوقل تخرجلك فيديوهاتها
ضرك نسيي نحطلك رابط اذا خرج موقعها الرسمي

شهيوات ام وليد (http://www.oumwalid.com/)

و هذا رابط الفيديو نتاع البقلاوة

البقلاوة بطريقة سهلة (https://www.dztu.be/watch?v=kvgb_Wr-xrk)

حالمة برفقة النبي

2017-04-25, 12:04

يعطيك الصحة مليحة

ام هدول

2017-04-25, 12:23

يعطيك الصحة ..كمبتدئة ...برافو ..ماعليش ختي لازم الصبر في العمل باش تخرج النتيجة مليحة ...وبالشوية رايحة ترجعي محترفة ...نتمانالك .المزيد من التالق ..

عطر الملكة

2017-04-25, 12:36

يعطيك الصحة مليحة

اللي يسلمك حنونة اشكر تشجيعك و مرورك العطر

عطر الملكة

2017-04-25, 12:41

يعطيك الصحة ..كمبتدئة ...برافو ..ماعليش ختي لازم الصبر في العمل باش تخرج النتيجة مليحة ...وبالشوية رايحة ترجعي محترفة ...نتمانالك .المزيد من التالق ..

اهلين و سهلين اختي ام هدول واش راكي واش راهم وليداتك ان شالله كامل بخير

بخصوص الحلويات انا لي قاطو ساك ينجحولي عادي ما عندي حتى مشكل فيهم مشكلتي الكبيرة مع الحلويات التقليدية سيرتو البقلاوة كانت مشكل عندي و خاصة اني نحبها مي الحمد لله مزية كاين الحراير عاونونا و سهلو علينا بزاف حوايج ربي يحفظهم و ين ما كانو كل حرة بسميتها

اختي ام هدول الحمد لله الي شفتك و طمنت عليك راهي كانت الكونكسيون ما عنديش و مشغولة بالننوس الصغيور و خاوتو

nihal159

2017-04-25, 12:49

مساء الخير عطر الملكة؛ البقلاوة خرجتلك تشهي؛ ربي يحلي أيامك

wala

2017-04-26, 16:07

جاتك تشهي الله يبارك

عطر الملكة

2017-04-28, 16:04

مساء الخير عطر الملكة؛ البقلاوة خرجتلك تشهي؛ ربي يحلي أيامك

ويحلي ايامك حنونة ربي يحفظك

جاتك تشهي الله يبارك

الله يسلمك اختي ولاء شفتك في موضوع الاخت ام اماني قلتي نخاف نجربها انا ثاني كنت نخاف مي جربي و الله غير تنجحلك ثقي في روحك راه كل شي ساهل الحاجة كي تشوفيها واعرة تبقاي طول خايفة منها سهليها تسهل

amiramira2012

2017-04-29, 19:14

السلام عليكم
شكرا أختي تبان رائعة
أنا نديرها بالسمن لكن هذه المرة غادي نجربها بالنشا
إن شاء الله تخرجلي باهية كيما تاعك

سحابة باردة

2017-04-29, 19:26

عطر و مطر

2017-04-29, 19:28

يعطيك الصحة اختي

naila166

2017-05-01, 17:26

بارك الله فيك بالنسبة للعسل استعملتي لي يتباع او لي دارتو ام وليد و شحال داتلك كمية العسل

عطر الملكة

2017-05-01, 18:00

السلام عليكم
شكرا أختي تبان رائعة
أنا نديرها بالسمن لكن هذه المرة غادي نجربها بالنشا
إن شاء الله تخرجلي باهية كيما تاعك

و عليكم السلام

جربيها و ما تخافيش و الله قا تخرجلك اتكلي على الله

عطر الملكة

2017-05-01, 18:03

مساء النور عطر البقلاة جاتك ناجحة وهايلة يعطيك الصحة
نقولك حاجة انا اول قاطو نجحت فيه بعد الموسكوتش طبعا هوالبقلاوة
راجلي دارلي الكوراج قالي لازم مرتي هي لتخدملي البقلاوة
قلت احوجي
بعد سميت بسم الله وخدمتها منداك ادالوقت ونا نخدمها ونعاود

الله يسلمك اختي سحابة شفتي اول مرة وشحال تكون عندها ذكرى مليحة انا راجلي عكس راجلك يهبط المورال مع انو هو شاطر فالكوزينة

و يبقى الطياب مسالة كوراج

عطر الملكة

2017-05-01, 18:04

يعطيك الصحة اختي

الله يسلمك و يعطيك صحيحتك

عطر الملكة

2017-05-01, 18:07

بارك الله فيك بالنسبة للعسل استعملتي لي يتباع او لي دارتو ام وليد و شحال داتلك كمية العسل

شريت لعسيلة نتاع برا و زدتلها شوية ما زهر داتلي علبة نتاع رطل لانو رطل كوكاو يقابلو رطل عسيلة هكذا قالت ام وليد و خرجت معسلة نورمال يعني هذاك هو انا قلت بلاك ما يكفيش

أم البراء 2017

2017-05-01, 18:33

يعطيك الصحة اختي عطر الملكة
ربي يحلي ايامك

عطر الملكة

2017-05-01, 21:51

يعطيك الصحة اختي عطر الملكة
ربي يحلي ايامك

الله يسلمك و يحلي ايامك غاليتي
اسعدني تواجدك

خوخة02

2017-05-02, 19:41

بصحتك شهيتيني وقيلة نديرها توحشتها