طلب أسعار كراء منزل لعطلة في جيجل

[بن جابر]

السلام عليكم: اريد معرفة أسعار كراء منزل صغير في مدينة جيجل لشخصين لعدة ايام فقط ؟

[oum razane]

اين اهل جيجل ؟؟!،لماذا لم يفيدونا، فانا كذلك مهتمة بالموضوع .

[softech]

هناك الكثير من المنازل للكراء في جيجل....انا لست من جيجل و لكنني كنت هناك الاسبوع الماضي
المهم ان الكراء يتراوح في هذه الفترة بين 1500 دج الى 5000 دج حسب المنزل المستاجر
الوجود ضمن العائلة هو شرط قبول الكراء.....ناس جيجل ناس حرمة ربي يبارك فيهم

عليك بالدخول الى الموقع: كراء منازل في جيجل (https://www.ouedkniss.com/annonces/?c=immobilier&wilaya=%2Cjijel&keywords=********&prix_unite=2)

باذن الله ستجد مبتغاك.

[Saram Mulyo]

مرحبا أنا من جيجل
الأسعار تتراوح بين 2500 الى 5000 دج لليلة
يتحدد السعر حسب المنطقة وحسب مميزات الشقة كذلك.
أنت أخبرني أين تريد السكن وأنا أدلك

[سامو نور]

السلام عليكم .كما دكر الزميل الدي سبقني الاسعار بين 2500و 5000دج .

[أم عبدوو]

بين 1500 و 5000.ادخل واد كنيس تلقى عروض الكراء

[شمس بريكة]

انا رحت لجيجل في الصيف الي فات دار بعيدة على البحر بنص ساعة 250 لليلة وفيها كلشي
شمبرة كوزينة دوش تواليت الموزينة مقيومة من كلش ماعن فريجيدار كوشة
الشمبرة مفروشة مشكلتها فقط انو بعيدة لازم سيارتك الخاصة ما تقدرش بار ستوب
وككل ماكانت اقرب للبحر كل ما كانت اغلى

[culturel]

الإخوة الكرام.....أنا جيجلي من مدينة جيجل....أسعار الكراء يا خاوتي عرفت ارتفاع رهيب في السنوات الأخيرة و جيجل ليست إستثناء...بسبب الإقبال الرهيب على هاته الولاية الساحلية...فكل صيف يتدفق الملايين من المصطافين على شواطئ الولاية.....و لست أزكي ولايتي...لكن جيجل تحوز على أروع المناطق و المناظر الطبيعية في العالم بشهادة العديد من الأجانب....و فيها مناطق سياحية كثيرة...مثل الكورنيش الجيجلي بشواطئه : شاطئ المنار الكبير....شاطئ لاكريك 1 و 2 ......شاطئ أولاد بونار....شاطئ الصخر الأسود....شاطئ الشالات.....الكاريار.....شاطئ برج بليدة (أوندرو).....شاطئ لابلاج بقلب المدينة....و ما ننساوش شواطئ الجهة الشرقية اللتي تمتد على عشرات الكيلومترات....مثل شواطئ سيدي عبد العزيز و تاسوست 1 و 2 ....الخ....و لا ننسى حديقة الحيوانات اللتي تعتبر من أكبر و أجمل الحدائق على مستوى الوطن بالإضافة إلى مواقع أثرية و سياحية كثيرة.

نعود إلى أسعار الكراء.....مشكلة ارتفاع أسعار الكراء في جيجل تعود لعدة أسباب منها :

* نقص المرافق السياحية في الولاية كالفنادق و مركبات الإستجمام

* استغلال بعض الغرباء عن الولاية لمساكن مؤجرة ليؤجروها مرة ثانية و ثالثة يعني سمسرة مما يرفع الأسعار...فمثلا يستغل بعض سكان الولايات المجاورة لجيجل الطلب المتزايد على الكراء ليستولو على مخزون السكنات و من ثم إعادة تأجيرها مرة أخرى بأسعار خيالية....مالا حاول تكري دايما على وليد لبلاد...باش تلقى سومة مليحة و استقبال مليح.

* بعض الطفيليين و الإنتهازيين...فسدوا سمعة جيجل بتصرفاتهم الرعناء و أسلوبهم الخشن في المعاملة....لذلك نعاود نقولها....حاول تختلط بأولاد لبلاد من الجواجلة لحرار....ماش من و من....راك فاهم.


بالنسبة للأسعار....تتراوح من 3500 دج إلى 5000 دج و حتى 7000 دج على حسب المنطقة و القرب من البحر و مستوى تجهيزات المنزل و مساحته...كالقرب من مركز المدينة أو التوفر على مرآب لركن السيارة.....المكيف....الأثاث....إلخ.

المهم ....جيجل ترحب بكل الولايات و تتمنى لهم إقامة مليحة و شابة عندنا.....و زيد باش تعرف مليح....جيجل من الولايات القليلة اللي مازلت الحرمة فيها.....تقدر تروح للشاطئ مع العائلة بلا حرج....الناس كامل مستورة....و كاين حتى شواطئ خاصة للملتزمين و أصحاب العائلات المحافظة.....زيد باش يكون في علمك.....الجواجلة ما يكروش لي كوبل....لازمك تكون متزوج مولا عايلة....راك فاهمني....أيا بصحتكم و مرحبا بكم عندنا.

[proxy99]

السلام عليكم اخي عندي شقة f4 للكراء في جيجل وسط المدينة مجهز المبلغ حسب الفترة شهر جويلية 5500 د ج مع امكانية الكراء لعائلتين انت و أخوك مثلا رقم الهاتف 0657194892 مرحبا بك في جيجل

[aynechamse]

انا رحت لجيجل في الصيف الي فات دار بعيدة على البحر بنص ساعة 250 لليلة وفيها كلشي
شمبرة كوزينة دوش تواليت الموزينة مقيومة من كلش ماعن فريجيدار كوشة
الشمبرة مفروشة مشكلتها فقط انو بعيدة لازم سيارتك الخاصة ما تقدرش بار ستوب
وككل ماكانت اقرب للبحر كل ما كانت اغلى

ممكن المكان من فضلك

[proxy99]

لا اريد صدمك ولاكن لن تجد منزلا بهدا الثمن في شهر جويليو و اوث 2500 دج هو ثمن ااكراء في شهر رمضان و سبتمبر و اكثوبر

[أ.مغزي أنور]

السلام عليكم ورحمة الله


الأسعار في رمضان تكون أرخص , شهري جويلية و اوت ستشهد إرتفاعا لا محال

الاسعار تتراوح بين 1500 دج الى 7000 دج حسب المنطقة و حسب نوعية السكن و مرافقه

[جهيد منور]

2000. دج في شهر رمضان 2900دج لشهر جويلية في منطقة بلغيموز الشقة مجهزة بكل الضروريات والاهم من ذلك انها نظيفة

[ريهام قنديل]

الاسعار تتراوح بين 1500 دج الى 7000 دج حسب المنطقة و حسب نوعية السكن و مرافقه

[اسحاق 35]

مع حبي لبلدي واحترامي الشديد لاهل جيجل لكن اسبوع في تونس الحمامات تبدو ارخس واحسن من 3 ايام في جيجل والله اعلم

[proxy99]

المشكل في الطلب اكثر من العرض و حتي المصطافون لديهم مطالب ان تكون الشقة مكيفة و يجب ان يكون هناك مرءاب للسيارة ... يرتفع سعر الكراء انا شخصيا و ضعت شقة للكراء ب 4500 دج ادا كنت مهتم