دبرو عليا في هاذ المناسبة السارة

[شمس بريكة]

http://www.3rbz.com/uploads/38a2e62432cc2.jpg (http://www.3rbz.com/)مركز تحميل الصور (http://www.3rbz.com/)

السلام عليكم

الحمد لله بعد عناء طويل و تمرميد في قطاع التعليم
الحمد لله
زوجي ترسم في المنصب تاعو
ياخي شففتو التعليم حتان تشيبو وبعد خمس سنين ولا ستة باش طيرلك بلاسة و فيه
والحمد لله فرحنا كامل
و وتهنا من الكونطرات و التمرميد من مكان لمكان
ربي يفرحو ويزيدو نجاح على نجاح
لانو تعب باش نال
ربي يكملو حبيبي الغالي
ويخليه ليا و يكون معاه في كل خطوة
وبهاذي المناسبة
حبيت ندير عرضة لدار شيخي و دارنا
ولانها اول فرحة بعد وفات جداتهم الله يرحمها حبيت نفرحهم شوية و نلمهم عندي عايلة كاملة ونعقبو نهار مليح
معليش علابالي يتعب بصح نهار ويفوت
دبرو عليا واش ندير لانو عندي مشكلة
حنا في عاداتنا في مناسبة ولا كما الترسام نديرو قصعة كبيرة شخشوخة فطير يعني مسمن
باللحم و البيض و الفلفل والحمص و الزبيب كما تاع العروس

هاذو امثلة فقط كفاش نخدموها

http://www.3rbz.com/uploads/e5b247266c811.jpg (http://www.3rbz.com/)مركز تحميل الصور (http://www.3rbz.com/)

http://www.3rbz.com/uploads/8568b84a7e162.jpg (http://www.3rbz.com/)مركز تحميل الصور (http://www.3rbz.com/)

بصح مشكلتي في العجين ما نعرفش نخدمو ومانيش شاتية نبهدل روحي قدام العباد خاصة /دار شيخي/ خخخخ
عجوزتي وسلفتي وزوج طفلاتي يعني اعضاء لجنة تحكيم ولا اروع
وانا عندي غير 9 اشهر زواج وراني بالحمل
هنااااااااااااااااااااااا حبيت دبرو عليا واش ندير
خممت في تليلتي بالدجاج محمر و الفلفل و البيض

ومعاه مرقة بيضا بما انو وقت الجلبانة

http://www.3rbz.com/uploads/b9a566c5f3f91.jpg (http://www.3rbz.com/)مركز تحميل الصور (http://www.3rbz.com/)



http://www.3rbz.com/uploads/7431984be8242.jpg (http://www.3rbz.com/)مركز تحميل الصور (http://www.3rbz.com/)

ولا بربوشة يعني كسكسي
http://www.3rbz.com/uploads/b950665162421.jpg (http://www.3rbz.com/)مركز تحميل الصور (http://www.3rbz.com/)

وواش يجي معاها طبق جانبي
انا راح نعرضهم للغدا واكيد يبقاو للقهوة

http://www.3rbz.com/uploads/c5c6eb0693411.jpg (http://www.3rbz.com/)مركز تحميل الصور (http://www.3rbz.com/)

واش ندير للغدا حاجة تقليدية وتحمر الوجه و اش نزيد طبق جانبي وسلايط وديسار

قولولي كل شي بالتفصيل
و القهوة راح تخدملي اختي نوع صابلي وانا راح نخدم قريوش
عجبني هذا الشكل

http://www.3rbz.com/uploads/2ddadbb7e9ef1.jpg (http://www.3rbz.com/)مركز تحميل الصور (http://www.3rbz.com/)

واش رايكم
ماذا بيكم تعاونوني بوصفة قريوش مليحة تحمر الوجه
انا حبيت حاجة باهية و سهلة عليها حبيتكم تعاونوني


و بارك الله فيكم

http://www.3rbz.com/uploads/920ceca00d5e1.gif (http://www.3rbz.com/)مركز تحميل الصور (http://www.3rbz.com/)

[ام كادي]

السلام عليكم اول شي مبروك عليكم

ثانيا ديري حاجة تعرفيها ملييييييييييييييح مثلا طعام ببربوشة كيما قلتي بالزبيب و مرقة حمرا بالطبع مع اللحم و زيدي رايب او لبن للي ما يحبش يسقي بالمرقا و زفيطي يعني سلطة الفلفل و الطماطم و البصل الي تمشي مع الكسكس و حابة ننبهك في مجتمعنا يفرحو بلاكونتيتي ماشي بلاكاليتي يعني ويلا حابة تحمري مجهك كبري لطرا ف توع اللحم فهمتيني و ديري معاها فواكه و ليموناد و هكا حاجة ساهلة و ما تعبش بالزاف مثلا بنان و برتقال و تفاح الخ و كوكا كولا و جي ...

للقهوة اعملي من نفس العجينة تاع الصابلي صابلي عادي تاع 2 حبات لاصقين بالمعجون و حبات مغلفين بالشوكولا و حبات مرمدين في الكوكاو هكا يبان منوعة و يبان شكلهم شباب مع انهم من نفس العجينة يعني قيس 2 طباسا فقط و زيدي ديري اتاي مع كوكاو او اي مكسرات و قريوش ولا بسبوسة مثلا لانو القريوش يشد اليد و يتعب مراكي بالحمل و ركزي على النضافة و تحضر الاواني الي تسربي فيهم ووو من قبل و راحا تجوز بسهووووولة اي استفسار انا في الخدمة

[شمس بريكة]

السلام عليكم اول شي مبروك عليكم

ثانيا ديري حاجة تعرفيها ملييييييييييييييح مثلا طعام ببربوشة كيما قلتي بالزبيب و مرقة حمرا بالطبع مع اللحم و زيدي رايب او لبن للي ما يحبش يسقي بالمرقا و زفيطي يعني سلطة الفلفل و الطماطم و البصل الي تمشي مع الكسكس و حابة ننبهك في مجتمعنا يفرحو بلاكونتيتي ماشي بلاكاليتي يعني ويلا حابة تحمري مجهك كبري لطرا ف توع اللحم فهمتيني و ديري معاها فواكه و ليموناد و هكا حاجة ساهلة و ما تعبش بالزاف مثلا بنان و برتقال و تفاح الخ و كوكا كولا و جي ...

للقهوة اعملي من نفس العجينة تاع الصابلي صابلي عادي تاع 2 حبات لاصقين بالمعجون و حبات مغلفين بالشوكولا و حبات مرمدين في الكوكاو هكا يبان منوعة و يبان شكلهم شباب مع انهم من نفس العجينة يعني قيس 2 طباسا فقط و زيدي ديري اتاي مع كوكاو او اي مكسرات و قريوش ولا بسبوسة مثلا لانو القريوش يشد اليد و يتعب مراكي بالحمل و ركزي على النضافة و تحضر الاواني الي تسربي فيهم ووو من قبل و راحا تجوز بسهووووولة اي استفسار انا في الخدمة
شكرا بارك الله فيك

[محتاجة لعفو الله]

و عليكم السلام و رحمة الله و بركاته
أولا مبارك عليكم العاقبة لأفراح أخرى ان شاء الله
شوفي كيما قالتك الأخت تقدري اديري طعام (الكسكس) ما يشدش اليد و ما يتعبش بزاف و حاجة تقليدية و يحمر الوجه المهم في طريقة التقديم و تزيين الصحون تلعب دور كبير كيما يقلك العين تاكل فبل الفم
و الحلوى قولي لأختك تنوعلك في تزييين الصابلي كيما نعرفو عجينة الصابلي الله يبارك تقدر تخرجلك عدة انواع المهم في طريقة التزيين بطريقة عصرية و شابة
و القريوش أنا مجربة وصفة أم أماني تخرج بنينة بصح فيها التعب لأنك رايحة تورقي العجينة ديالك بالمايزينة مع انت راكي بالحمل تتعبي معاها شوية ويلا حبتي حاجة اخرى تقدري اديري البسبوسة التركية لأم اماني صدقيني روووووعة بمعنى الكلمة خاصة لادرتيها في لي مول صغار كيما عملتها أم أماني و تزينيها بكرام شونتيي و الله بزاف بخيزونتابل و ما فيهاش كامل التعب و من الأحسن تعمليها ليلة من قبل باه تتشرب مليح و تزينيها غدوة من داك يعني نهار القعدة
و اعملي لاتاي مع القهوة
نتمنى نكون افدتك و ربي يوفقك و يسرلك ان شاء الله

[شمس بريكة]

و عليكم السلام و رحمة الله و بركاته
أولا مبارك عليكم العاقبة لأفراح أخرى ان شاء الله
شوفي كيما قالتك الأخت تقدري اديري طعام (الكسكس) ما يشدش اليد و ما يتعبش بزاف و حاجة تقليدية و يحمر الوجه المهم في طريقة التقديم و تزيين الصحون تلعب دور كبير كيما يقلك العين تاكل فبل الفم
و الحلوى قولي لأختك تنوعلك في تزييين الصابلي كيما نعرفو عجينة الصابلي الله يبارك تقدر تخرجلك عدة انواع المهم في طريقة التزيين بطريقة عصرية و شابة
و القريوش أنا مجربة وصفة أم أماني تخرج بنينة بصح فيها التعب لأنك رايحة تورقي العجينة ديالك بالمايزينة مع انت راكي بالحمل تتعبي معاها شوية ويلا حبتي حاجة اخرى تقدري اديري البسبوسة التركية لأم اماني صدقيني روووووعة بمعنى الكلمة خاصة لادرتيها في لي مول صغار كيما عملتها أم أماني و تزينيها بكرام شونتيي و الله بزاف بخيزونتابل و ما فيهاش كامل التعب و من الأحسن تعمليها ليلة من قبل باه تتشرب مليح و تزينيها غدوة من داك يعني نهار القعدة
و اعملي لاتاي مع القهوة
نتمنى نكون افدتك و ربي يوفقك و يسرلك ان شاء الله
تعيشي حنونة ربي يخليك

[أم نهال]

أنا نقترح عليك ديري حاجة جديدة مادام أنك عروسة جديدة ممكن ديري شربة أو سوب نتاع الشامبنيون وديري صدر الدجاج مرحي رولي محشي بازرودية و الجلبانة مفورين في الفور و توجدي صوس بيضا بازيتون وتشبحي البلا عند التقديم بالبطاطا مقطعة دوائر مقلية وزدي طيبي لوبيا ماشطو سوتي باطراف الدجاج المحمرة والحميس توجديه مليلة من قبل و الحلوة ديري لصابلي كيما قالو الأخوات نص ديريه هادي و النصف الآخر ديريلو الكاكو و تقطعيه دواائر و زينيه باشكولا ديري الصابلي وديري قريوش نتاع أم أماني رائع وديري عصير الفرولة بالقارس فهو رائع و السلاطة نتاع ماسيدوان

[لينة71]

الف مبروك كيتي وربي يتمم حملك على خير
البحث عجبني اقتراحك مليح والطرق الرئيسي الطعام احسن واعرفي كيفاه ن تزيني

[سحابة باردة]

بالبراكة عليكم اختي
ونا نشوف الطعام هو الاختيار الصحيح بويسك لكبار يحبوه وزاكي ويكفي العيال زيدي معاه سلاطة خضراء بزيتون والماييز
وجي الطبيعي

[جنة الفردوسْ]

الف مبروك ولعقوبة لافراح اخرى.صراحة كلش تاعك هايل الله يبارك واقتراحاتك كلها رائعة درك حنا منك انتي اللي نتعلمو.....بارك الله فيك

[شمس 15]

اذا عندك خياتك يقدرو يوجدولك شخشوخة لفطير كما قلتي انتي و لا انت حضري بشوية و ديري في المجمد حتى تلحقي لكمية المطلوبة .
و طيبي طعام بالمرقة حمرا بالحم الله الله و زيدي اطراف دجاج لي حب ياكل الكسكس ولا لي يحب الشخشوخة ماعليك غير تزودي المرقة و ركزيلي ختي على البنة...
ولا رشتة ....
القهوة ديري كيك الشكولاطة و التاي بسبوسة ....
موفقة ختي.