اعداء في العمل صدقو او لا تصدقو

[nadine0159]

سلام حكايتي ربما ستجدونها عادية لكنها علمتني درسا كبيرا يوم الاربعاء ذهبت لاتقاضى المردودية وجدتها ناقصة 400 المهم انا استاذة و حامل ف الشهر الرابع و من ولاية ام البواقي تزوجت في معسكر اعمل في ثانوية و الحمد لله كل الناس يحبونني و احبهم باستثناء هاد الحكاية اللي صراتلي بدات حكايتي عندما دخلت لمكتب نائب المقتصد انا و زميلة لي حامل ايضا في الشهر 8 قصدناه في خدمة في شان عدم ادراج ايام الغيابات في شهادة العمل للاستفادة من مستحقات الامومة قالتلنا اللي تخدم معاه ف البيىو مستحيل هذا غش قلنالها بصح رانا عوضنا ناضت تاكل في روحها. و تخبط عليا ف البيرو و تقول انت بالذات ما نخدمكش و لوكان تجي وتطلبي مني اي ورقة مانخدمهالكشةالمهم حقد و كره و غيرة ووووو يا الاهي لا يصدق المنظر حتى الحاضرين ماصدقوش و انا لا علم لي بذلك منذ 3 سنوات و هي تكرهني وانا لا اعلم يا الاهي سقسيتها ما هو السبب قالتلي انا جيت و قصدتك على تلميذ و ما عاونتيهش ما صدقتش تكذب في وجهي واجهتها و كي شفتها تكرهني بزاف ماكثرتش معاها الهدرة و جذور الحكاية تعود لمناوشة بيني وبين وحدة تخدم معانا صديقتها انا بلعتها و زيد دارلي نائب المقتصد اشارة يعني ما تكثريش معاها الهدرة سكتت انا الشيئ اللي خلاني نكتب حكايتي مع انو فيها تفاصيل اكثر غريبة بلي الناس اللي يتمشاو و يتعاملو معانا مافيهمش الامان كره وحقد على امور تافهة و الحقيقة راني غريبة بغاو يحقروني بويسك هي ما تزوجتش و ليس لها اطفال ايضا بلاك هادو هوما الاسباب راني شفت كره و حقد كبيرين و راني خايفة برك من السحر

[kacimo.samy]

تشوف العجب العجيب
وتبقا حاير

[nadine0159]

في الحقيقة تمنيت يكون تفاعل معايا انا قبل كان بيني وبين نائب الناظر مشكلة بسيطة لكنهغ هي كبرتها لدرجة لحقتني برا و كانت حابة تضربني و كل ما نفوت عليها ترميلي الهدرة انا كنت حسبتهم كيما حنا ف العقلية مي فرق كبير ماعلاباليش علاش يكرهو البراني مي هادي ما رديتلهاش الهدرة و تخيلو راحت تهدر مع زوجي حكيتلو التفاصيل قالي بعدي عليها و ماتهدريش معاها حتى اذا دارتلك حاجة تما نتدخل هههه انا في الحقيقة درت قيمة لروحي و ماحبيتش نكبرها معاها مي هي اي صاحبتها تهدر و تعاود وصلت انهم اتفقوا عليا و تاني اثرو على المدير وواش من مدير يا الاهي لا يشبه مدير يخاف منهم و نهار كامل و هوما مجمعين معاه حتى انه خصملي و حنا تفاهمنا كي نولد و يخصملي دار في كلامو للاسف ماعدتش نحترمو و المشكلة دركا انا راني موسسوسة منهم خايفة منهم قادر كاش ما يديرو لمزية هاد العام نشارك ف الحركة نخرج من هاداك الليسي ادعولي خاوتي خواتاتي يمدو لراجلي سكنة و نروح معاه راني مغبونة وحدي مع عايلتو و الله العظيم انا انسانة مسالمة و نخاف و مانحبش المشاكل و الناس يقولو عليا ديما ف المناوشات صدقوني شفت كره لا تتصورونه بلاك لوكان يصيبو يقتلوني و راني خايفة على خبزتي و داري ماتتصوروش و مازالت لحكاية فيها تفاصيل بزاف اطلب الدعاء و التفاعل طاب نهاركم

[أم عاكف ( الأم المعلمة )]

السلام عليكم ورحمة الله
والله تأثرت لحكايتك حبيبتي
فعلا قد نجد من يكرهنا بدون سبب وأنا واحدة منهم
عانيت ومازلت أعني ليومنا هذا تقريبا كل عام تجي وحدة تكرهني ولا تسبب لي مشكل بلا سبب
وتعود ماتتكلمش معايا هكذا ....وكي تجي تدخل تسلم على كل الحاظرين معدى أنا
ربما لأننا لا نحب المشاكل أو لأننا مسالمين يحدث معنا هكذا
لا حول ولا قوة الا بالله راني حسيت بيك أختي لأن حالتك مشابهة لحالتي
كنت سأطلب منك تغيير المؤسسة والحمد لله راكي قلت شاركتي فالحركة
ان شاء الله ربي يوفقك في تغيير مكان العمل هذا وتتهناي يارب
اللهم أهدي كل من أراد بنا سوءا

[ridha34]

الله يهدينا.

[سَامِيَة]

ربي يكون في عونك أختي...هو هكذا نجاح بعض الأشخاص يشكل مصدر قلق لأناس آخرين...هذا لي قالك الواحد هارب والمشاكل تجري موراه...أنصحك بأن تداومي على تحصين نفسك وتحاولي قدر الإمكان أن تتقي شر من يسيئ إليك....ناس بكري يقولو:

اذا حلف فيك راجل بات راقد وإذا حلفت فيك إمرأة بات قاعد.

ماتخافي ما والو هي عندها المدير وجماعتو.....ونتي ختي عندك رب العالمين...ديري ربي في قلبك....وكي تجي خارجة الصباح قولي :

حسبي الله لا إله إلا هو عليه توكلت وهو رب العرش العظيم.

[nadine0159]

بارك الله فيكم